حبي الوحيد هاجر عفيفي

: يعني بعد كل الحب ده جاى بكل سهوله تقولى انك اتجوزت عليا ؟
قالتها مريم بصدمه ودموعها نازله
إياد : انا معملتش حاجه غلط ده شرع ربنا
مريم بدموع : انا عارفه بس كان ليا الحق انك تخيرني انا مش عايزه شريك فيك ليه بتحطني قدام الأمر الواقع
إياد : علشان عارف انك مش هتوافقي
مريم بدموع : مش هوافق علشان بحبك ومش عايزه أشوفك مع غيري
إياد بتنهيده : وانا اتجوزت حب حياتي يامريم
مريم كانت مصدومه وهي بتسمعه وقالت : انا بحبك
إياد : وانا مش بكرهك يامريم بس ده حقى
مريم مسحت دموعها وقالت : تمام يا إياد وايه المطلوب
_
إياد : انا كنت جاي اعرفك علشان انا مسافر معاها شهر العسل وقولتلك الحقيقه لأن مسيرها هتتعرف
مريم ضحكت بسخريه : كتر خيرك والله
إياد : مريم انا عايزك تفهميني انا بحبها
مريم بجمود : امشى يا اياد
إياد : مريم ا
قاطعته مريم وقالت : امشى روح ليها علشان هي محتجاك امششششي
قالت كلامها ودخلت الأوضه بتاعتها وقفلت الأوضه ونامت على
وسمعت باب الشقه بيتقفل عرفت إن هو خرج
دموعها نزلت تاني ولكن المره دي اقوى وقالت بقهر : ليييييه لييييه تعمل فيا كده لييييه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
_
إياد : عملتلك ال انتي عايزاه علشان تكوني براحتك
نيرمين : حبيبي ربنا يخليك ليا كنت عارفه انك مش هتخذلني
إياد بحزن : بس صعبت عليا اوى مريم متستاهلش كل ده مني
نيرمين بسخريه : لاء متزعلش اوي كده هتزعل شويه وهتنسي متنساش ال هي عملته
إياد باستغراب : عملت ايه
نيرمين بخبث : ايه ده انت متعرفش أنها اتجوزتك جواز مصلحه
إياد بصدمه : ايه ال بتقوليه ده
نيرمين : انا شكلى عكيت الدنيا بص مش مهم انا هقوم اعملك غدا علشان هنسافر بليل
قالت كلامها وقامت دخلت المطبخ
إياد بضيق : ايه ال بتقوله ده مريم مستحيل تعمل كده ابدا
_
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
مريم بدموع : مش قولتلك إياد مستحيل يحبني فضلتي تضغطي عليه وعليا واهو راح اتجوز
كريمه : والله يابنتي انا معرفش إياد ابني ده دماغه متركبه ازاى ومعرفش البنت دي ازاى رجعت تلف عليه تاني ورجعت من السفر امتي وازاى سامحها بالسهولة دي
مريم بو,جع : سامحها علشان بيحبها عارفه سامحها ليه لانها عرفت تكسب قلبه من الاول إنما أنا لاء
كريمه : متستسلميش يامريم وتسبيها تاخدو منك بالسهولة دي
مريم : اعمل ايه تاني ؟؟ اروح افرض نفسي عليه يعني أسيبه يعاملني معامله وحشه
كريمه : لاء بس هي هدفها تاخدو منك خالص مش بس تتجوزه
مريم بحزن : مش عارفه بقا
كريمه : بتحبي إياد ولا لاء ؟؟
مريم : بحبه جدا والله
_
كريمه : يبقا خلاص تسمعي كلامي
مريم : حاضر ياخالتو
فجأه جالها دوخه شديده ومسكت بطنها
كريمه بقلق : مالك يامريم
مريم بتعب : مش عارفه بقالي يومين مش تمام حاسه بدوخه وبطني وج,عاني
كريمه لسه هتتكلم كانت مريم وقعت من طولها
كريمه بخضه : مريم
جريت على تلفونها ومسكته وكلمت إياد
إياد : ايوه يا أمي
كريمه بخوف : الحق مريم يا إياد وقعت من طولها وانا مش عارفه اتصرف يابني
_
إياد بخضه : ايه !!!! انا جاي بسرعه مسافة الطريق حاولى تفوقيها على لما أوصل
قفل معاها ونزل يجرى ركب عربيته وطلع على بيت أمه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
رزق : مريم مكلمتناش بقالها يومين
أحلام : ياخويا ماهي كانت هنا الاسبوع ال فات هي شغلانه بقا هي مش اتجوزت وخلصنا
رزق : جرا ايه يا أحلام بتتكلمي على بنتي كده ليه
أحلام : مفيش بس مش كل شويه تدوشنا بيها بقا هي دلوقتي فى بيت جوزها
رزق : انتي معندكيش د”م بقولك بنتي وخايف عليها وبعدين هي علشان مش بنتك تعامليها كده اتقى الله
أحلام بزهق : يوووه بقا انا قايمه أنام مش عايزه محاضرات انا
سابته ودخلت الأوضه
_
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفر وا
إياد وصل البيت وشال مريم دخلها الأوضه وطلب الدكتوره وبعد وقت وصلت ودخلت تكشف عليها وكان هو حاسس بالذنب من ناحيتها
كريمه بتوتر : يارب خير يارب
إياد بتوتر : هي حصل ليها ايه
كريمه بضيق : كانت بتتكلم وفجأه وقعت معرفش الله يسامحه ال كان السبب
إياد إتضايق من كلام أمه وسكت
بعد وقت الدكتوره خرجت
إياد بقلق : خير يادكتوره طمنينى
الدكتوره : المدام حامل بس انا شاكه فى حاجه ولازم نتأكد منها ونعمل تحاليل
اياد بقلق : هو حضرتك شاكه فى ايه !!!!
_
الدكتور : تقريبا هي عندها سر”طان انا شاكه فى الأعراض لكن مش متأكده أن شاء الله خير
إياد بصدمه : سر”طان
يتبع
وحشتوووني كتير ❤️ ياترى اياد اتصدم ليه وإيهه رأيكم فى الاسكريبت
#حبى_الوحيد
#هاجر_العفيفى
دمتم بخيرشكرا على التفاعل يابنات ❤️ البارت الثاني
مريم بفرحه : بجد انا حامل
إياد بحزن : أيوه يامريم
مريم باستغراب : انت متضايق ليه ؟
_
إياد : لاء مش متضايق ولا حاجه
مريم بسخريه : اها علشان مكنتش عايز تجيب اطفال مني يعني متقلقش إن شاء الله لما البيبي يجي انا ال هشيل مسئوليته ومش هخليك تنشغل عن مراتك أبدا
إياد : ايه يامريم ده كله مين قال إن متضايق انا والله مبسوط جدا لان ده اول طفل ليا
مريم بزعل : بس اكيد كنت عايزه منها مش مني
إياد بتنهيده : مريم انتي مراتي زيك زيها يعني حقك تخلفى وتفرحي الموضوع كله بس إن عايزين نروح نعمل شوية تحاليل بكره بس ضرورى
مريم بعدم فهم : تحاليل ليه ؟؟
إياد بتردد : علشان بس نطمن على الحمل مش أكتر
مريم بشك : إياد إنت مخبي عليا حاجه ؟
إياد : لاء طبعا ده علشان صحتك انا همشي دلوقتي وهجيلك الصبح خليكي هنا عند ماما متطلعيش شقتنا علشان متكونيش لوحدك
مريم بو,جع : روح علشان متتأخرش عليها واه على فكره ممكن اروح اعمل التحاليل انا وخالتي متعطلش شهر العسل بتاعك بقا
_
إياد : بطلى هبل ونامي بقا علشان ترتاحي انا هجيلك الصبح بدرى
قال كلامه وخرج من الأوضه
مريم دموعها نزلت وقالت بحزن : كان نفسي تكون ملكي انا وبس ومتسبنيش فى أكتر وقت محتجاك فيه يارب صبر قلبي يارب
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
إياد : يا أمي بعد إذنك بلاش تخليها تحس بحاجه كفايه عياط بقا
كريمه بدموع : صعبانه عليا اوي البت دي حظها قليل يعني امها مي,ته من وهي صغيره ومرات ابوها طول عمرها قاسيه عليها ويوم ماتتجوز جوزها يتجوز عليها ويوم ماتكون حامل يجيلها سر”طان قلبي واجعني عليها اوي
إياد بحزن : صدقيني انا مش هسكت والله وهعمل كل ال اقدر اعمله علشان تخف وتكون كويسه وإن شاء الله مش هيكون عندها حاجه
كريمه : كفايه عليك مسئولية السنيوره التانيه أنا بنت اختي كفيله بيها وهفضل جميعا لأخر يوم فى عمرى
إياد إتضايق من كلام أمه وقال : انا همشي وهاجي الصبح بدرى سلام
خرج من البيت وكريمه قالت بحزن : ربنا يهديك يابني
_
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
نيرمين : نعممم يعني ايه هتأجل سفرنا علشان الست هانم تعبانه
إياد بضيق : وطي صوتك واتكلمي بأسلوب أحسن من كده بقولك مريم تعبانه ومش هينفع اسببها وبعدين هي حامل
نيرمين بصدمه : حامل !!!
إياد : أيوه حامل مالك مصدومه ليه
نيرمين بتوتر : لاء مش مصدومه ولا حاجه المهم هنسافر امتي ؟؟
إياد : أسبوع كده لما اطمن عليها
نيرمين بغيظ : هو أنا لسه هستنا أسبوع هي هتاكل دماغك بالطفل ال هتجيبه ولا ايه من دلوقتي
إياد بعصبيه : نيرمين انا مش ناقص وبعدين مريم مراتي زيك بالظبط وبنت خالتي ايه تاكل دماغي دي بقا هو أنا عيل صغير
نيرمين بهدوء مصطنع : ياحبيبي صدقني انا بغير عليك أعذرني
_
إياد : متتكلميش عليها تاني ممكن
نيرمين مكتوم : حاضر
إياد بصلها بضيق وسكت
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
تاني يوم
مريم : هو مش المفروض عندك سفر النهارده
إياد : أجلته
مريم بصتله وقالت : ليه !!!
إياد : اطمن عليكي الأول وبعدين اسافر
مريم بسخريه : للدرجه دي فارقه معاك
_
إياد : ايوه طبعا علشان انتي مراتي وبنت خالتي وقريب اوي هتكوني أم ابني ليه مخافش عليكي بقا
مريم سكتت وهي نفسها تسمع منه كلمة بحبك من وقت ماتجوزها وهو عمره ما قالها ابدا
إياد : يلا وصلنا
مريم نزلت معاه وهو مسك أيدها وهي معترضتش وكانت فرحانه بس موجوعه منه جدا
دخلوا المستشفى وسألوا على الدكتوره ال هتابع حالتها ووصلوا عندها
إياد : خليكي هنا ثواني هدخل اشوف الدكتوره
مريم : حاضر
دخل عند الدكتوره وقال بهدوء : مريم معايا بره ممكن بعد أذنك لو فى اي حاجه متعرفهاش وقوليلي انا
الدكتوره : بس المفروض تكون عندها علم بكل حاجه
إياد بحزن : اكيد هتعرف بس مش دلوقتي
_
الدكتوره : تمام خليها تدخل
خرج إياد ودخل مريم وبعدين خرج يستناها بره
والدكتوره عملت ليها التحليل ومريم خرجت بره تستني النتيجه
مريم : شكلك متضايق في حاجه مخبيها عليا غير المصيبه ال عملتها
إياد : مصيبة ايه ؟؟
مريم : جوازك هي فى مصيبه اكبر من دي
إياد ضحك عليها وقال : لاء متقلقيش
مريم : طيب ربنا يستر مبقتش ارتاحلك
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
نيرمين : شوفت المصيبه ال بقينا فيها
_