صديقى المفضل
_يلا
=هلبس اهو
_لا يلا اح\ضنينى
ضحكت وقربت منه
_لا هو ح\ضن بس على فكرة
=بطل رخامة يبنى
ح\ضنته_بس احنا صحاب على فكرة
=ايوة طبعا
_وعمرنا منحب بعض حاجة تانيه
=اومال
_هخلص لبس في خمس دقايق يبقلوظى
=وانا هكمل لبس
دخلت ووشي كان احمر خالص، انا مش زعلانة لى ان محمود وأمل جم هنا، لى مش بفكر غير ف احمد وكلام احمد وحلاوة احمد، تعالى اح\ضنك تانى يبنى
لبست دريل وطرحة وطلعت
_حلوة؟
=اه جامد
_وانت بردو يسطا، يلا بينا
=يلا
نزلنا الشارع واتمشينا على البحر
_تعالى ناكل بقي
ضحكت=تعرف اخوك كان بيأكنى اى
_ها اى؟
=والله يبنى لغايه دلوقت معرف، كان بيخدنى أماكن كده فيها المينيو كله بالانجليزي، كنت بقوله على طول اختارلى على زوقك، منا لو عارفه حاجة كنت هطلبها والله يا احمد
_هه، طب ومعايا؟
=لا معاك انت بقي، كريب شاورما الاكل الحلو دا، والله محد فاهمنى قدك
_كنت عارف، انا يبنتى اصلا اكتر واحد بتحبيه في حياتك
=انا؟ لا ابدا
كلنا شاورما واتمشينا شويه وأكلنا آيس كريم وروحنا
_كان احلى يوم النهاردة
=هتتكرر ان شاء الله
_ان شاء الله، هدخل اغير وخش غير عشان عوزاك في موضوع مهم جامد
=حاضر
دخلت غيرت ولبست بجامة وطلعت
_أحمد
=ها
_ممكن اطلب منك طلب
=ممكن، أنتى بتقولى ممكن
_فيه بيجامة جامدة جوا بالله إلبسها انا الى كنت جيباها
=بيجامة اى دى؟
_استنى هخش أجيبها
خشيت جبتها
_اهى حلوة صح؟
=انتى عاوزة تلبسينى بيجامة أرنوب؟
_منتا ارنوبي يا احمد
=لا مش أرنوب انا، ومش هلبسها
_هتلبسها
=لا
_أحمد
=يعيون احمد
_إلبسها
=يوووه طيب
دخل ولبسها
_اى دا
=لبست زيك عشان متحسش انى جيت عليك
_يااه طول عمرك عادلة تصدقي
=تعالى اقعد بقي
_عاوزة اى تانى؟
=زهقانة
_نعم يختى، امال كنا فين من شويه
=تعالى نتكلم شويه سوا
_إرغي
=بكرة اى
_الخميس
=قصدي كام في الشهر
_9/1
=ايوة يعنى هو اى؟
_اى يمريم يوم زى اى يوم
=والله بجد
_بجد
=طيب، انا هنام
_تصبحي على خير
=وانتى من أهله
دخلت وانا بنفخ، والله انت خسارة فيك الأرنوب، معقولة نسي عيد ميلادى، !!
نمت وانا مضايقه وصحيت على خبطة الباب
_عاوز اى
=افتحى
_ايوة معرفش عاوز اى
=منا قولت افتحى يبنتى!
_لاء
=هتتبسطى لو فتحتى
_منتا نكدت عليا امبارح ربنا يح\\\رقك
=يبنتى افتحى
فتحت_ اي دا!!!
#صديقي المفضل
#مريم سمير #البارت الرابع
_اي دا!!!
=كل سنة وانتى في حياتى
ضحكت زى الطفلة الهبلة إلى لقت مصاصه، كان مزين البيت وفي الطربيزة تورتة، وبلالين اللون إلى بحبه “ازرق” الصالة كانت عاملة زى البحر
بصتله، انت حقيقي بجد، مالجواز حلو اهو ياجماعة امال في اى، استنوا كده، لا مش عارفه الجواز حلو ولا أحمد هو الى حلو والله
_هتفضلى واقفه كده؟
مسك ايدى وطفي النور ووقفنا سوا جمب بعض
_كان يوم مش كويس يوم ما جيتي ماما وبابا سابوا البيت
=يوم مش كويس! انت عسل اوى بجد اى الدم الظريف دا
_بحبك
مش عارفه لى حسيت بدقه في قلبي، مع انه بيقلهالى على طول، بيقلهالى كل يوم وكل متحصل مناسبه، يمكن عشان كان نازل لمستوى طولى ومقرب عيونه من عنيا ومايل عليا، عيونه كانت حلوة اوى على لون الشمع استنى كده انت حلو كده من امتى معلش!! انت مين يبنى مش شيفاك لى زى منا شيفاك طول عمرى، لى شيفاك دلوقت حاجة تانيه!
_مش هتردى؟
=وانا كمان بحبك اوى والله
_كنت عارفه تعالى تطفي الشمع، يلا قولى هوف
=اقول اى؟
_هوف يمريم هوف
=يحلاوتك، هوف!
_خلاص اقول انا
نفخ الشمعة وهو بيضحك وفتح النور
_وبعدين مين قالك انى بقيت 26 سنة!! انا فين و ال 18 فين يبنى؟
=يست اهو ولا تزعلى، شيلنا الستة تميتى سنتين يبطة
_إلى فهمنااااااي
قط\\عنا حتة تورتة وقعدنا قدام بعض وانا بصاله هو بياكل، هو انت لي يبنى مش بتحاول تخدش حيائي، انت مصدق اننا صحاب ولا اى، ثوانى انت مش هدلعنى يا احمد، والله افضحكوا هنا انا عاوزة ادلع
_دلعنى يا احمد
=اي؟
_التورتة جميلة، منت\حرمش منك ابدا
=ولا منك يمريوم
كملت اكل، ايوة بردو هدلع امتى معرفتش!
خلصنا أكل ودخلت الحاجة المطبخ
_وقت الهديه
=شويه وهب\\وسك على فكرة
_مريم!!
=الاه منتا جميل يا احمد ومحدش بيعمل كده مع مراته
_مش احنا صحاب
=لا مش زفت
_امال اي بق
بصتله= معرفش
دخلت الاوضه، ايوة ياجماعة وقعت فيه مش هخبي اكتر من كده، الاقي بس فين زيه، حد لطيف وطيب، وحنين والله ياجماعة اهم حاجة الحنيه الحنيه سابقه خطوة، الحنية سابقه كل خطوة والله ، الاقي فين حد يعمل كده في عيد ميلادى، الاقي فين بس حد يقول بحبك كده، دا عليه واحدة بحبك بتخلى قلبي يرقص يجماعة، هلاقي فين هلاقي فين واحد غبي كده يربي، يعنى اقولك نبقي صحاب تسمع الكلام!! انت مطيع لي يبنى لى كده
خبطت_مريم
=عاوز اى
_مش عاوزة هديتك
=مش عاوزة حاجة
_مريم
=يعيون مريم
_افتحى
=بس كده حاضر
استنوا كده، مهزءة؟ طلعت مهزءة ولما اتكلم بسهوكة سمعت الكلام، صبارة وادف\نونى لو قولت عليه صاحبي تانى
_اتفضلى
=هات
خدت البوكس وقعدت في الصالة على الأرض
جيت افتحه حط ايده على ايدى
_افتكرى انى فعلا جيبلك أغلى حاجة عندى، افتحى
فتحت لقيت كل صورنا من ساعة مشوفنا بعض، وتغفيلاته ليا وانا نايمة، واحنا في السهر، كان بيصور كل لحظة بينا، يبنى بقي يبنى اعمل اى يبنى اح\ضنك انا هتستريح!
_حلوة جامد
=عجبتك
_مش انت فيها لازم تعجبنى
=اي دا في اى
_انت حلو كده ازاى يبنى
=انتى سخنة؟ او تعبانة أيهما أقرب
_تعبانة بيك اه
=مريم مالك كده
_ما احنا فل اهو يسطا
مسكت ايده _انت متأكد انك بتحبنى صحاب بس؟
ضحك= لا طبعا
_امال بق
=صحاب واخوات
فلتت ايده_وحيات امك هو فيه اخوات بيتجوزه! احمد اخفي من وشي السعادى كمحاولة لإنقاذ شبابك والله
=الاه، مش انتى الى بتقولى على طول كده
_لا انا غلطانة
=غلطانة في اى
_انى مش بحبك صحاب بس
=امال اى
_بحبك إلى هو بحبك
=حاجة تانيه
_جدع فهمتنى، وانت؟
=بحبك حاجة تانيه بردة
_والله احنا مفيش اهبل مننا، هو اى حاجة تانيه، كل الناس بتقول بحبك يفهمه انه الحب لكن احنا بحبك صحاب وبحبك حاجة تانيه
قرب_طب اى
=انت بتغمز لى عينك وج\\عاك ولا اى
_هو البيت كام اوضه؟
=3
_قسميهم بقي
=اوضه ليا واوضه ليك واوضه للضيوف
_ميمشيش معاكى اوضه أطفال مثلا
=تؤتؤ ضيوف
_خلاص انا قايم انام
=تصبح على خير يحبي
ايوة هيخدس حيائي امتى بردو!!
دخلت نمت وانا فرحانة اوى دا اسعد يوم في حياتى دا
الساعة 3 قلقت وقومت اشرب سمعت احمد بيضحك وبيقول
_منا خلاص كده كسبت الرهان
#مريم سمير
#صديقي المفضل#البارت الخامس
_منا خلاص كده كسبت الرهان
معرفش لى قلبي خاف، مش متعودة انى اتصنت على حد بس وقفت اسمع عشان افهم، الفون بتاع أحمد السماعة بتاعته بايظة فكان فاتح الاسبيكر
_اشكر ربنا، انا السبب انك هتتجوز انت وأمل
=طب مريم؟
_يبنى خلاص حبتنى بقولك
=مبروك عليك الرهان يعم، طول عمرك كده ناصح
_كنت عارف، يلا هقفل بقي دلوقت عشان هنام
=تصبح على خير يحبيب اخوك
_وانت من اهله
كنت لسه واقفه مش مصدقه إلى بسمعه، هو الصوت صوت احمد بس هو مين دا إلى بيقول الكلام اكيد مش احمد، عيطت غصب عنى ولسه مش عارفه اتحرك من مكانى
لقيت الباب بتفتح
_مريم!!
=رهان، كل دا رهان؟
_مريم انتى فاهمة حاجة، اسمعينى، انا من حقي..
ض*ربته بالقلم ب ايدى إلى كانت بتترعش
_حقك! انت مش من حقك اى حاجة، لي!! عملت اى عشان يحصلي كل دا، محمود لما سبنى قولت خلاص هحافظ إلى إلى فاضل من قلبي، لى جيت بقصدك تك\\سر الشوية إلى فاضلين منه، دة انت اكتر واحد عارف قد اى الوج\\ع إلى جوايا، لى كل إلى بحبهم بيجرونى ويخنونى، انا الى غبيه وقلبي اغبي انه حبك، عمرى محبيت قدك يا احمد، انا كنت مستعدة امو*ت عشانك! ، دا انت صاحبي قبل كل حاجة، يجى كل دا ويبقي رهان! ياااه انا رخيصه عندك كده، لا بس برافو عليك عرفت تمثل حلو، حلو اوى وصدقتك، ونجحت على فكرة، نجحت انك خلتنى فعلا مثقش في حد تانى، دا انا قولت انك عوضي من ربنا بعد كل إلى حصل، انت الوحيد إلى شوفت ضعفي ودموعى، انت الوحيد إلى كنت مبسوطة معاه، انت الوحيد في اى حاجة، كل حاجة يا احمد كل حاجة، لى تيجى وتعمل كده،يرتنى معرفتك ولا شوفتك، انا بكره قلبي بسببك، ط طلقنى يا احمد
سبته وجريت على الاوضه قفلت الباب عليا كان بيخبط وانا قاعدة على الأرض وحاسه ان قلبي هيقف من الوج\\ع والحزن،حزن على الثقه والسنين إلى ضاعت في حب ناس غلط، لي نحب ناس وفي الاخر يوج\\عنا، مع انهم لو لفوا العالم مش هيلاقوا ربع حبنا والله، احنا لما نحب بنعطى كل المجهود عشان تسعدهم، وتبقي اسعد لحظة بالنسبالنا يوم منشوف الضحكة على وشهم، هو دا جزاتنا؟ معقولة!!
استنيت لغايه ما الساعة جت خمسه وإتأكد انه في الاوضه التانيه ولبست عبايه وطرحة ومشيت، كنت ماشيه في الشارع والدنيا كلها منورة، وقلبي مطفي وشي مليان عياط، قلبي بينبض جامد اوى، كأنى هم\\وت من حسرتى
روحت بيتنا إلى معايا مفتاحه، دخلت اوضتى على طول ومصحتش ماما ولا بابا، مش عوزاهم يشفونى بالمنظر دا
دخلت اوضتى وقفلت عليا، بعد شويه روحت الحمام اغسل وشي، بصيت على مرايا الحمام، عينى كان حمرا خالص، ووشي احمر كله، مفيش فيه غير احمرار وبس، طب انا استاهل كل دا؟ استاهل يبقي منظرى عامل كده، استاهل الوج\\ع دا والصدمة في كل إلى حواليا والله مستاهل كل دا
محستش بنفسي غير وانا في الأرض
فوقت لقيته جمبي وماسك ايدى وبيعيط
شديت ايدى وانا مش فايقة لسه
_ب برا، امشي اطلع برا
=اهدي يمريم ممتكلميش
_مش عاوزة اشوف وشك اطلع برا
=حاضر، بس اهدى
_انا فين
=في اوضتك، مامتك وباباكى طلبوا الدكتور واتصلوا بيا، كنت خايف يجرالك حاجة
ضحكت_ وانا كده مجراليش حاجة!
=يمريم انتى لى رافضه تسمعينى انا بس كنت..
_اطلع برا، ووقتى توصلي فل؟ ممكن بقي تسبنى لوحدى
دورت وشي الناحيه التانيه ودمعة نزلت مسحتها، مش عاوزة إبان ضعيفه من غيره، انا مش ضعيفه من غير حد، انا بس محتاجة نفسي وكله هيبقي تمم صح يمريم؟
حسيت بنفسي بترد عليا=بس انتى بتحبيه
_زى محبيته، كل الحب دا هيبقي كره، زى مشاف حبي هيشوف كرهي عامل ازاى، هيشوف إلى يجي عليا بيحصله اى
ماما دخلت وحكتلى انها لقتنى مغمى عليا واتصلت بالدكتور هى وبابا وضغطى كان واطى
