فريده احمد ٢

في اللحظة دي دخل مراد، اللي قرب عليه بتردد

وقال .. انا عارف انه مكانش ينفع اخبي عليك. بس صدقني يا بن عمي لو الموضوع كان يستاهل كنت عرفتك .. بس هو انا وهي محصلش بينا حاجة و
قاطعه زين لما بصله باهتمام وقال… انت ومين
مراد… انا و مرام يعني

طبعا مراد كان متيقن ان كل اللي زين عملو في مرام بسبب انه عرف بعلاقتهم القديمة، وده بعد ما صاحبتها شيري كلمته وقالتله ان في حد بلغ زين بكل حاجة كانت بينه وبين مرام

ولإن شيري هي اللي بعتت ل زين الفيديو ف كانت كمان حابه يخلص علي مرام بالمرة. وبكذا ضربة في نفس الوقت
لتشفي غليلها منها

بص زين ل مراد باهتمام اكتر وقال.. انت ومرام ازاي؟!

مراد مش ملاحظ ان زين مش عارف اصلا، قال بسرعة… والله يازين ما حصل حاجة اساسا بينا. كل الحكاية اني اتعرفت عليها في الجامعة، كنت معجب بيها، احم. اتصاحبنا فترة وبعدها سيبنا بعض.. الكلام ده من 3 سنين، كنت انت لسه معرفتهاش اساسا

كمل وقال… زين اللي وصلك الكلام ده قاصد يوقع بينا. بس صدقني ما في بيني وبينها حاجة. اساسا قبل كده مكانش فيه بردو. يعني مش اللي في دماغك. والله ما لمستها

كان زين بيسمعو وهو من جواه بيبتسم علي نفسه بسخرية، علي غباءه بإنه كل شويه بيتفاجأ ويتكتشف حاجة جديدة عن ماضيها

فاق علي صوت مراد وهو بيقول… احنا اخوات يازين. اكيد مش هنخسر بعض
وهو بيبصله بترقب، خايف، ف زين بالنسباله اخوه وصاحبه
مش بسهوله يخسره

طبطب زين علي كتفه وابتسم بالعافية وقال… انا عارف كل حاجه يا حمار انت .، وعارف ان الكلام ده من زمان..مرام حكتلي.
كمل وقال… انت اكيد مش هتخون اخوك يعني
مراد بسرعة… اكيد يازين. هو انا خسيس
اتنهد وقال وهو عشان يريح ضميره… مرام كمان محترمة وبمية راجل

ابتسم زين من جواه بسخرية،لكن قال… انا عارف. وإلا مكنتش اتجوزتها

وسابه ومشي، خد عربيته وطلع بيها

اما مراد اتنهد براحة لكن قال في نفسه باستغراب… امال اللي حصل ليله امبارح ده كان ليه. مادام مش بسبب الموضوع ده
ورجع تاني قال… انا مال اهلي

ودخل جوا اتقابل ب عمه اللي خرج من اوضة المكتب وبمجرد ما شافه قال بسرعة… زين فين يا مراد
قال مراد بلامبالاه.. مشي

مسح الحاج همام علي وشه بغضب وبصله وقال بأمر… اطلبه خليه يرجع حالا
مراد باستفهام… هو ايه اللي حصل يا عمي
الحاج همام بعصبية… ما تخلص يا زفت وبعدين ابقي استفسر
طلع مراد تليفونه من جيبه وطلب زين
لكن زين مردش
ف بص ل عمه وقال… مش بيرد

الحاج همام بعصبية… اطلبه تاني يازفت
بصله مراد بغيظ وقال… وانا ذنب امي ايه.
عمه بصله بغضب ف بلع ريقه
وبقي يطلب زين علي الموبايل لحد ما رد

: في ايه يامراد، نازل زن ليه
قالها زين بضيق ليقول مراد.. ياعم انا هعمل بيك ايه. ابوك اللي عايز..
وقبل ما يكمل كان الحاج همام اخد منه الفون وقال بغضب..
اللوا عرف باللي عملته في بنته ومش هيسكت. وطبعا حقه

ماهو مفيش واحد يعمل في عروسته كده ليله دخلته

كمل بأمر وحدة…. انت حالا ترجع دلوقتي تفهمني اللي عملته ده بسبب ايه. سامع
اتنهد زين وبعدين قال بهدوء… يابوي.. متشغلش دماغك بحاجة. ممكن

كمل وقال وهو بيهرب منه…انا دلوقتي لازم اكون في القسم في قضية مهمة ومش فاضي. هجيلك بعدين. سلام ياحاج..

قفل معاه وطلب راجل من رجالته واللي رد عليه وقال
..اؤمرني يازين باشا
ليقول زين….واحد اسمه ايهاب الخطيب وواحد اسمه حسام المهدي.. في ظرف ساعة يكونو في المخزن مربوطين و متكتفين

…….
في اوضة سميحة
دخلت سهي اللي سمعت الحاج همام وهو بيكلم زين
قربت علي خالتها بحماس وهي بتقعد قدامها علي السرير وبتشيل طرحتها… هو ايه اللي حصل يا خالتي.
وبفرحة… صحيح اللي عرفته ده.. زين ضر، بها في ليلة دخلتهم
وبفضول… ليه وايه اللي حصل. لقي الطبق مكسور، صح

بصتلها سميحة شوية وبعدين قالت… لا ياقلب خالتك هو قال ان الطبق سليم
وفي نفسها بشك.. اقطع دراعي ان مكان اكتشف انها مش بت بنوت
انتبهت لـ سهي اللي قالت … امال يعني ضر، بها ليه
كملت وقالت بتساؤول… طب هو هيطلقها؟
قالت سميحة بعصبية… وانا ايش عرفني ياختي
كملت وقالت… بس اتطمني كده كده مش هيكملو بعد اللي حصل
لتبتسم سهي بداخلها باطمئنان وهي بتتخيل فعلا ان زين ومرام هيتفرقو
…
في مكتب زين
كان قاعد مرجع ظهره علي الكرسي بهدوء وهو بيفكر هيتصرف ازاي معاها، قاطعه دخول ابوها اللي اقتحم مكتبه وقال بغضب… بنتي فين يلاا. عملت فيها ايه

فتح زين عينه وقال ببرود… اهلا بسيادة اللوا
قالها وهو قاعد مكانه بدون ما يقوم يقف كعادته

لكن اللوا قرب عليه بغضب مسكه من هدومه وقفه وقال بزعيق ..
: بنتي فيين انتطق
ثم اكمل بتهديد … لو طلعت عملت فيها حاجة هاوديك ورا الشمس
بعدو زين عنه بهدوء وقال… بنتك في الحفظ والصون
و اتحرك خطوات ناحية الشباك

قال اللوا بغضب وشر… انت مدرك انا ممكن اعمل فيك ايه

لف زين بصله وهو حاطط ايده في جيوبه وقال ببرود…. للأسف يا سيادة اللوا. احب اقولك انك مش هتقدر تعمل حاجه

: عملت في بنتي اييه يلاا
كررها تاني اللوا بغضب شديد ليقول زين ببرود… متقلقش بنتك لسه فيها الروح

قال اللوا بغل… عملت فيها ايه
ليقول زين… ابدا. كنت بربيها. عشان ساعدتك واضح انك معرفتش تربيها. او مكنتش فاضي تربيها انت والست الوالدة

…
اما عند مرام
بقت بتتحرك في الشقة بحيرة وهي بتفكر ازاي تهرب
دخلت المطبخ اخدت سكـ، ينة وجريت علي الباب وبقت تحاول تفتحه لحد ما الباب اتفتح اتنفست براحة و
يتبع…

ط

ده مفتاح الشقه اللي فيها بنتك.. تقدر تطمن عليها..
كمل وقال.. بس ما انصحكش تحاول انك تاخدها معاك لاني هقدر ارجعها وبالقانون.. اللي انا وانت اكثر ناس نفهم فيه

بصله ابوها وقال بوعيد.. اللي عملته في بنتي مش هعديه بالساهل. تبقي غلطان لو دماغك صورتلك انك تلمس منها شعره واسيبك من غير ما اندمك

…
اما في السرايا
حلا واقفة في الجنينة مغمضة عيونها وسرحانه، قاطع سرحانها عاصي اللي دخل شافها كده ف قرب عليها وهو بيولع سيجارة،، قال وهو باصص قدامه… مالك

فتحت عيونها وبصتله ورجعت بصت قدامها وقالت.. مفيش

بصلها لاحظ عليها الحزن والضيق

لف وشها ليه وقال… في حد زعلك هنا.. مراد ضايقك يعني

هزت راسها وقالت.. لا
بعدين بصتله وقالت بضيق… هو ايه اللي ابن عمك عمله في مراته ده.
قال بسخرية… وهو ابن عمي لوحدي ماهو قريبك انتي كمان

بصتله بغيظ وقالت بضيق… دا حيوان مش بني ادم. ازاي يعمل فيها كده ويضر، بها بالشكل ده

رد عاصي بهدوء وقال… احنا منعرفش اي اللي حصل بينهم وصلهم لكده

قالت باندفاع وغضب.. ايا كان ملوش حق يضر، بها.. ازاي تسمحوله يعمل كده وكمان سايبنو ومحدش وقفه. الله اعلم قـ تلها ولا عمل فيها ايه
قال عاصي… احنا ملناش دعوة بيهم ولا لينا نتدخل.
قالت بسخرية… انا بكلمك ليه اصلا علي اساس هتحس يعني

اتنهد وقال… افهمي. دا واحد ومراته. يعني مينفعش اسالو ايه اللي حصل اساسا

قالت بسرعة… بس ممكن تمنعه انو يإذيها.. تقفو له..هو ايه محدش قادر عليه
لكن رجعت كملت وقالت بسخرية… هو انا بقول ايه. علي اساس تفرقو عنه. كلكو زي بعض
ثم اضافت وهي تقصد مراد…ولا الحيوان التاني
وبصتلو…انتو ازاي كده
رفع حاجبه باندهاش وبعدين قال بتعجب ..طب هما وعرفنا. انا نيلت ايه
بصتله شوية وبعدين قالت …متفرقش كتير