اسراء محمود ٥

صبا بنوم ايوه مين
صفا انا يا مرت اخوي انتى لسه نايمه
صبا وهي تعتدل في رقدتها ادخلي يا حبيبتي. دخل صفا وهي تحمل صينيه عليها بعض انواع الطعام.
صفا كل ده نوم قومي علشان تاكلي انت ما تغديتيش معانا وعيسى قال و هو خارج لو ما نزلتيش لحالك تبقي لسه نايمه ونسيبك نايمه شويه ومرتاحه. بس انت عوقتي وانا قلت لامي لازم انا تاكلي علشان العلاج بتاعك قالت خذ الصينيه واطلعي صحيها
صبا بابتسامه وتعبتى روحك بس ليه يا حبيبتي انا كنت هصحى وهنزل اكل.
صفا مفيش تعب ولا حاجه انت خيتي وتعبك الراحه.
صبا طيب بصي انا هستنى عيسى هو لسه ما جاش
صفا لا يا حبيبتي لسه ما جاش وشكله كده هيعوج بره يبقى انت لازما تاكلي علشان خاطر تاخديه دواكي اللي ميعاده دلوق
صبا بس انا حاسه اني مش جعانه دلوقتي
صفا وبعدها لك يا حبيبتي كل لقمه صغيره عشان العلاج لو عيسى كان اهنه وعرف انك لسه لحد دلوقت ما اكلتيش عشان العلاج كان خرب الدنيا وهيجي يولع فيها نار
صبا بابتسامه طيب خلاص هاتي علشان اكل عشان ما يولعش فيها نار ثم ضحكت.
صفا بضحك ماشي يا خيتي. اكلت صبا اكل خفيف من الطعام التي جلبته لها صفا.
صبا الحمد لله شبعت
صفا شبعت كيف يعني . ده انا ولدي بياكل اكثر من أكده
صبا بالهناء والشفاء يا حبيبتي. ما شاء الله بس بجد مش قادره دلوقتي انا اكلت حاجه بسيطه علشان العلاج ولما هجوع هاكل ثاني عادي.
صفا ماشي يا حبيبتي طب خلاص انا هنزل دلوقتي وانتى ابقى تعالى
صبا حاضر هقوم اخذ شاور واغير هدومي وهنزل وراكي على طول
صفا ماشي يا حبيبتي حمام العافيه. وبعد ان نزلت صفا سمعت صبا هاتفها يرن وكان رقم عيسى
صبا الو سلام عليكم
عيسى وعليكم السلام ورحمه الله وبركاته كيفك دلوقتي
صبا كويسه كنت نايمه ولسه صاحيه حالا
عيسى يعني ما اكلتيش ولا اخذتى العلاج
صبا لا صفا ربنا يباركلها طلعت جابتلي الاكل لحد هنا وكمان لسه واخده العلاج حالا
عيسى طيب بالشفاء ان شاء الله انا في المكتب بخلص شويه شغل متاخر وهاجي ان شاء الله مش هاخر
صبا تيجي بالسلامه
عيسى الله يسلمك طيب هتقعدي لحالك في الاوضه ولا هتعملي ايه
(زواج تحت التهديد بقلمي اسراء محمود لا حول ولا قوه الا بالله العلي العظيم لا اله الا انت سبحانك اني كنت من الظالمين)
صبا لا هقوم اخد شاور وهصلي وانزل اقعد مع ماما والبنات تحت
عيسى تمام بس خلي بالك على حالك.
صبا حاضر وانت كمان. واغلقوا الخط. عند عيسى
محمد بتكلم مين
عيسى كنت بطمن على صبا
محمد يا سيدي اوعدنا يا رب
عيسى اهو قرك ده اللي هيجيبنا ورا. مش انا خلاص قلت لك هخلص موضوعك وابقى حب براحتك يا اخويا بعد ما تتجوز
محمد اه امتى بقى تيجي اللحظه دي
عيسى قريب ان شاء الله يلا نكمل شغل
محمد يلا بينا. نسيبهم ونروح لصبا
قامت صبا اخذت شاور وبدلت ملابسها وصلت فرضها ونزلت الى الاسفل وجلست مع حماتها وجميله وورد وصفا يتحدثون معا باريحيه وحب.
نسيبهم بقى ونروح عند عيسى ومحمد اللي لسه متابعين شغلهم
. وبعد فتره طويله نظر عيسى الى ساعه يده
عيسى يا ابوي انا لازم اقوم اروح دلوقتي وانت كمان قوم علشان تروح نرتاح وانا كمان لازم اروح اطمن على مراتي سايبها كل ده وهي لسه تعبانه
محمد يلا بينا واوعى تنسى تكلم عمى
عيسى خلاص يا اخويا مش هننسى اكلم عمك ويلا بينا بقى.
ماشي يا عيسى ومحمد وراحوا البيت واول ما دخلوا كانت صبا وورد وكلهم متجمعين
عيسى السلام عليكم ورحمه الله وبركاته
الجميع وعليكم السلام ورحمه الله وبركاته
وهيبه حمد لله على السلامه يا ولدي
عيسى الله يسلمك يا امي عامله ايه. اقترب منها وقبل يدها وراسها
وهيبه زينه طول ما انت بخير يا ولدي انت واخواتك
عيسى ربنا يبارك لنا فيك يا امي انت وابويا. ثم نظر الى صفا وورد عاملين ايه يا هوانم
صفا وورد في صوت واحد بخير طول ما انت بخير يا اخويا
عيسى وانت يا مرت اخوي كيفك وكيف العيال
جميله بخير والحمد لله والعيال كويسين الحمد لله
عيسى اقترب من صبا عامله ايه دلوقتي
صبا بخير والحمد لله .حمد لله على السلامه
عيسى بابتسامه الله يسلمك. ثم حدث امه
عيسى امال ابوي فين يا امي
وهيبه ابوك جوه في المكتب يا ولدي
عيسى تمام هدخل اكده عايزه في موضوع لحد ما تحضروا العشا
وهيبه ماشي يا حبيبي ادخل وانت يا محمد اطلع يا ولدي غير خلجاتك عقبال ما نخلص العشا
محمد ماشي يا مرات عمي
صعد محمد إلى اعلى. ودخل عيسى الى مكتب والده بعد ان خبط على الباب وسمح له مهران بالدخول.
مهران كيفك يا ولدي
عيسى بخير يا ابوي كنت عاوزك في موضوع اكده
مهران خير يا ولدي في حاجه في الشغل
عيسى لا اطمن يا ابوي كل شيء تمام والحمد لله اه انا كنت غايب عنه ليا فتره طويله لكن محمد ربنا يبارك فيه سادد
مهران ربنا يبارك فيكم يا ولدي. امال في ايه
عيسى بصي يا بوي محمد ولد عمي طالب يد ورد هو كان كلمني في الموضوع من زمان بس يعني انا بعد اذن حضرتك كنت عايز اعرف راي ورد في الموضوع الاول وخليت مرتي جثت نبضها يعني وعرفنا ان في قبول فايه رايك يا ابوي في الموضوع ده .
مهران بفرحه ودى فيها رأى طبعا موافق ده ولد عمها. ومحمد راجل زين ويعرف ربنا وسبع واقدر اطمن على بنتي وهي وياها
عيسى يبقى على خيره الله بس هو عايز يكتب ويدخل بعد اسبوعين
مهران تمام شوفوا محتاجين ايه ونفذ على طول يا ولدي وربنا يتمم على خير وزي ما بيقولوا خير البر عاجله
عيسى تمام يا ابوي بس قوم معايا دلوقت علشان تقول لامي ولورد كمان عشان يجهزوا نفسهم.
مهران ماشي يا ولدي. وخرجوا الى الخارج وجدوا ان النساء قد اعدت سفره الطعام
وهيبه طلعتوا في وقتكم يلا بينا علشان السفره جاهزه. وفي الوقت ده كمان محمد نزل من فوق
مهران تمام يلا بينا. وفعلا قعدوا على مائده الطعام وابتدوا يتعشوا وهم يتناولون اطراف الحديث وفي وسط حديثهم.
مهران بقول ايه يا حجه
وهيبه خير يا حاج
مهران في عريس متقدم لورد بنتك
وهيبه و مين ده يا اخوى حد نعرفه
مهران عز المعرفه محمد ولد اخويا
وهيبه وهي دي فيها قولي اخويا ربنا يتمم على خير
مهران وانت رايك ايه يا ورد
ورد بكسوف القول قولك يا ابوي
مهران يبقى على خيره الله ان شاء الله كتب الكتاب والدخله هيبقوا يوم الخميس الجاي غير الجاي
وهيبه بس بدري اكده يا اخوي مش هنعرف نجهزوا حاجه
مهران لا يا حاجه هنقدر ان شاء الله من بكره ان شاء الله العروسه تخرج ويا اخوها عيسى وتشوف هي محتاجه ايه وتجيبه. كمان هكلم الراجل بتاع العفش واخليه يجيب عفش لجناح محمد جديد
ويشوف لو في حاجه عايزين يغيروها يقولوا ونعملها
محمد كل ده انا مظبطه يا عمي وكنت مستني امرك . وهي تؤمر على اللي هي عاوزه.
مهران نفذ يا ولدي ربنا يتمم لك على خير.
محمد الله يبارك فيك يا عمي.
مهران يبقى على خيره الله نفذ يا عيسى انت ويونس ومحمد عايز كل حاجه تبقى على اكمل وجه
يونس اطمن يا ابوي كل حاجه هتبقى تمام الف مبروك يا خيتي الف مبروك يا اخويا
محمد الله يبارك فيك يا دكتور عقبال اولادك
صبا مبروك يا حبيبتي
ورد بكسوف الله يبارك فيك يا خيتي
صفا الف مبروك يا ورد الجوري
ورد ربنا يبارك فيك يا حبيبتي وعقبال ولادك
جميله الف مبروك يا خيتي ربنا يتمم على خير

ورد بكسوف الله يبارك فيك يا حبيبتي. ثم قام كلا من عيسى ويونس باحتضان وردزوتقبيلها والمباركه لها. ثم بعد ذلك قامت كلا من صفا وجميله الزغاريط كما فعلت الخادمات التي علمنا بالامر. ثم بعد ذلك مر يومين والجميع يعمل على قدم الوساق حتى يقوم بتجهيزات الفرح. وكان عيسى محمد ويونس كلا منهم مكلف بامر يقوم به وكان عيسى ياخذ ورد ومعها صبا لكي تتسوق كل ما يلزمها وهو من طلب من صبا ان تاتي معها وكانت رغبه ورد ايضا فصبا لديها ذوق رفيع. وفي يوم طلب محمد من عيسى قبل ان يخرج مع صبا وورد ان ينتظره في الخارج فهو يريده في امر عاجل.
عيسى خير يا ابني في ايه
محمد وحياه الغاليين عندك عاوز اقابل ورد واتكلم وياها
عيسى واه شايفني بقرون اياك
محمد بيزعل كيف تقول اكده وبعدين احمى ورد برموش عيني اكيد يعني مش هاذيها ولا انت رايك
عيسى ما قلتش حاجه بس يعني
محمد ما بسش انا عايز بس اقعد وياها وفي مكان مفتوح قدام الناس وانت هتبقى موجود انت ومرتك بس احنا نقعد على ترابيزه وانتم على ترابيزه. قلت ايه
عيسى ماشي. واتفق هو ومحمد على المكان اللي هيتقابله فيه و كالعاده اخذ ورد وصبا وخرجوا اروح بيهم المكان اللي بيشتروا منه كل حاجه وبعد فتره
عيسى تعالوا بقى ندخل المطعم ده علشان نرتاح وتاكلوا حاجه لانكم بره من بدري وبتلفه واكيد تعبتوا
صبا اه فعلا انا رجلي وجعتني جدا محتاجه ارتاح شويه.
ورد ايوه فعلا لفينا كتير معلش يا مرت اخوي تعبتك معايا
صبا اوعي تقولي كده تاني لاحسن بجد هزعل منك انت اختي انا اطول اتعب لاختي وهي بتتجوز.
ورد حبيبتي يا مرت اخويا ربنا يخليكي لينا انت واخويا يا رب وعقبال ما نفرح بعوضكم قريب.
صبا بكسوف ان شاء الله.
عيسى طيب يلا ندخل بقى لاني جعان. وفعلا دخلوا وقعدوا شويه وعيسى ما رضيش يطلب حاجه ودقايق وجاي محمد ايه اللي سلم عليهم اتكسفت ورد جدا من وجود محمد وكان باين عليها جدا عيسى بصي يا ورد محمد حابب يتكلم معاكي شويه انا هقعد هناك على الترابيزه اللي قدامك دي تمام اتكلموا مع بعض وان شاء الله هنتغدى سوا
محمد ماشي يا سيدي والعزومه عليا انا
عيسى لا خليها عليا انا انت عريس ولسه بتجهز نفسك
ضحك محمد ماشي يا عم نردهلك في الافراح. وفعلا عيسى اخذ صبا وقعدوا على ترابيزه قريبه من ورد ومحمد.
عيسى والله قعده محمد مع ورد اختي جت في صالحي انا
صبا باستغراب في صالحك ازاي بقى
عيسى لاني لاول مره هقعد مع مراتي حبيبتي لوحدنا في مكان عام
صبا بكسوف يا سلام
عيسى بجد والله انا عايزه اسالك سؤال
صبا اتفضل
عيسى انت لسه متردده في ان احنا نتمم جوازنا
اتوترت صبا جدا ما كانتش عارفه ترد تقول ايه.
عيسى للدرجه دي سؤالي صعب
صبا بهدوء مش صعب ولا حاجه بس انت فاجئتني. بس انا على فكره ما كنتش معارضه اتمام جوازنا اصلا. بس انت اللي طلبت اننا ناخد فتره نتعرف على بعض فيها
عيسى صبا انا عايزك انتى. عايزك تكوني معايا بكل كيانك مش عايزك تكوني معايا لانك مجبره انك تكوني معايا. صبا انا بحبك ومحتاجك قوي معايا بس عاوز ده يكون برغبتك وارادتك مش غصب عنك. على فكره انا هفضل مستني وهديك وقتك علشان تجهزي براحتك بس يا ريت ما تطوليش عليا.
صبا حاضر
عيسى صبا وعديني انك تفكري فيا كزوج بيحب مراته ونفسه توافق بيه مش كزوج انت اجبرتي على الزواج منه تمام
صبا تمام اوعدك. اما بقى عند محمد وورد
محمد كيفك يا ورد
ورد زينه الحمد لله يا واد عمي
محمد مبروك عليا انت يا ورد
ورد بكسوف الله يبارك فيك يا واد عمي
محمد انت موافقه عليا يا ورد يعني عاوزاني ابقى جوزك
ورد واه ما انا قلت لابوي واخويا راي ي واديني اهو بنجهز للجواز.
محمد عارف بس انا عايز اعرف رايك فيا
ورد انت زين الرجال وتشرف اي واحده انك تكون راجلها
محمد يا ابويا على الكلام لا انا كده ما بقتش امتى بقى اليومين دول يعدوا بسرعه. ضحكت ورد بخفه على كلامه