روايه منى ٢
البارت التاسع عشر …….
وقفنا البارت ال فات لما ليلي كانت بتحاول تعرف من اسراء لية مش عايزة ترتبط
ليلي … يا بنتي اتكلمي بقا تعبتيني ف ايه؟
اسراء لسه هتتكلم قاطعهم صوت سليم
سليم ببتسامة … صباح الخير
اسراء وليلي … صباح النور
سليم … يضايقكم لو شربت قهوتي معاكم ؟
اسراء .. لا طبعا يا دكتور اتفضل
سليم باصص ل ليلي كانة مستني منها هي أنه يقعد
ليلي بتوتر .. احم اتفضل اكيد
سليم … شكرا ايه اخبار ليث دلوقتي يا اسراء؟
اسراء … تمام بيتهيلي حضرتك تعدي عليه انهاردة مرة اخيرة ويقدر يخرج بكرة
سليم كشر … بكرة بسرعه كدة
اسراء باستغراب … بسرعه ؟ دا بقالو اسبوع يا دكتور والحمد لله الجـ,ـرح بتاعه لم بسرعه واعتقد ليلي هتخلي بالها كويس منه ف البيت
ليلي … اكيد طبعا وياريت يخرج بكرة فعلا ياااريت
سليم … للدرجة دي زهقتي مننا
ليلي … لا ابدا بس للدرجة دي مالك وحشني اول مرة ابقي بعيدة عنة المدة دي كلها كمان لازم نزور جدة لانه تعب ف نفس الوقت اللي ليث تعب فيه
سليم … هتروحي لوحدك؟
ليلي … اكيد بس يارب ليث يوافق اصلا
سليم … لا طبعا مينفعش انتي ناسية اخو استاذ يونس اخر مرة شوفتيه كانت طريقتة معاكي ازاي ؟
ليلي … مش ناسية يا سليم بس
سليم … مبسش يا ليلي مينفعش تروحي البيت دا تاني لوحدك قوليلهم ظروفك وهما مفروض يقدرو ولما ليث يتحسن يروح معاكي
ليلي … حاضر
سليم … مش عجبك كلامي صح
ليلي … ابدا هو انا نطقت ؟
اسراء قاعدة بتتفرج عليهم وكاتمة الضحك بالعافيه
سليم … اضحكي يا اسراء متكتميهاش كدة غلط ع صحتك
ليلي كشرت … تضحك علي ايه أن شاء الله
اسراء … علي تعابير وشك همـ,ـوت مش قادرة سوري يا دكتور
ليلي … والله ماشي يا سو وعقابا ليكي هتباتي هنا معايا انهاردة
اسراء كشرت … ايه رخامة دي انا معنديش شيفت بالليل يا ليلي
ليلي … عارفة بس هتباتي معايا ودا اخر كلام
اسراء … عجبك كدة يا دكتور
سليم … معلش حكم القوي بقا
ليلي … وحضرتك كمان هتبات هنا ف المستشفي انهاردة
سليم … نعم ؟
ليلي … نعمين هتبات هنا انهاردة يا سليم انا بقولك اهو عشان تعمل حسابك بس هه عن ازنكم بقا
ليلي سابتهم ومشيت وهما بصو لبعض وابتسمو وكل واحد قام يكمل شغله
عند ليث ليلي دخلت لاقيتة قاعد متغاظ و وشة احمر
ليلي … يا ساتر يا رب ايه المنظر دا ؟مالك؟
ليث بغيظ … انتي يا باردة يا تلاجة بتسالي كمان بقا تاخدي البت و تطلعي كل دا برة وانا هنا عمال اهري ف نفسي
ليلي ضحكت … كل دا عشان رحت اشرب القهوة معاها لوحدنا ف ايه يا وحش ما تتقل كدة
ليث … ليلي اخلصي عرفتي منها حاجة بجد انا عايز قبل ما اخرج من هنا اكون عارف هي مرتبطة ولا لا
ليلي … اولا غالبا كدة هتخرج بكرة ثانيا انا رخمت عليها وخليتها هتبات هنا انهاردة عشان تتكلمو اكتر وقت سوا ثالثا مرتبطة أو لا دي انا مش فاهماها اوي بصراحة
ليث … يعني ايه ؟
ليلي … يعني هي مش مرتبطة بس واضح أن في حاجة كبيرة حصلتلها ف حياتها مخلياها تلغي فكرة الحب والارتباط من حياتها نهائي ايه هي معرفتش انا رأي لو انت واثق ف أن في مشاعر جواك ليها يبقي انتهز فرصه انهاردة واتكلم معاها بصراحة مفيش احسن من الصراحة يا ليث
ليث بتريقة … شوفو ياناس مين ال بيدي حكم مواعظ عن الصراحة
ليلي … نعم قصدك ايه أن شاء الله
ليث … لما نروح بيتنا هبقي اقولك قصدي يا ليلي مش هنا
ليلي بتهرب … احسن بردو المهم ف سؤال مترددة اساله ليك من يوم الحـ,ـادثة
ليث … عايزة تساليني مين ال عمل فيا كدة صح
ليلي … اه صح انا مرضتش اسالك ف الاول قلت لما تتحسن خالص نتكلم قلقي عليك كان أكبر من أي حاجة
ليث … ممكن ماتشغليش بالك انتي ومتقلقيش
ليلي … ازاي يعني ليث انت عارف مين عمل فيك كدة؟؟
ليث … لا معرفش بس قريب اوي هعرف
ليلي … انت كان ليك عداوات برة تبع شغلك ؟
ليث … خلاص بقا يا ليلي قلتلك معرفش وقريب هعرف وعد ياستي اول ما اعرف مين هقولك ع طول اتفقنا
ليلي … ماشي اتفقنا ع فكرة كنت عايزة ازور عمي نعمان انا بتصل بس ب نونا ف تلفون لكن مفروض اني اروح ازورة
ليث .. لما اقدر اقف ع رجلي هاخدك ونروح ونعمل الواجب مرواح لوحدك هناك لا
ليلي بعفوية … يووووو بقا حتي انت كمان هتقولي كدة دا انتم رجاله رخمة صحيح
ليث بخبث … انا كمان ؟ ورجاله رخمة؟ قصدك مين ؟
ليلي بتوتر … احم لا م مش قصدي حاجة
ليث. .. دا راي دكتور سليم مش كدة ؟
ليلي … اه راي سليم ارتحت كدة
ليث .. والله أنا مرتاح الدور والباقي ع اللي تعبين نفسهم
ليلي اتحرجت و ليث لسه هيكمل كلامة الباب خبط ودخلت أمنة معاها مالك
___________#رمضان_كرييييم___________
نروح عند يونس كان قاعد ديما ف بيت ابوة منتظر اي فرصه يظهر فيها يحيي تلفونة رن برقم ناريمان خد نفس طويل ورد وهو متوقع موال كل يوم
يونس … الو
ناريمان … وبعدين يا يونس هتفضل كدة لحد أمتي ؟
يونس .. انتي اللي هتفضلي تقولي نفس الكلمتين دول لحد امتي؟
ناريمان … لحد ما تفوق ل نفسك حرام عليك كدة انت سايب بيتك و مراتك و بناتك و شغلك بقالك اسبوع اخرتها ايه هه هي قعدتك كدة هترجع عمي يمشي ع رجليه تاني اكيد لا حرام بقا ميبقاش خسارة من كل ناحيه
يونس … يا ناري ارحميني سيبيني شوية احاول اصلح ال اخويا هببه ما انا طول عمري معاكي وجمبك وبعمل ل مستقبلي اية اللي جري لما ادي من عمري شوية لاهلي ايييه الدنيا هتخرب يعني حسي بيا بقا حرام عليكي انا تعبت وزهقت
ناريمان بضيق … تعبت وزهقت!!! مني يا يونس مش كدة قولها قول انك مبقتش طايقني خلاص قول
يونس … بقولك اييية انا ع اخري واللي فيا مكفيني لما اهدي نتكلم سلام
وقفل قبل ما ترد بأي كلمة وتحرق دمة زيادة دخلت عليه امه
يونس … ماما اتفضلي تعالي
ناهد … بردو بتتخانق مع مراتك
يونس … عادي يا ماما انا اتعودت ع كدة ماتشغليش بالك انتي
ناهد … ولو مشغلتش بالي بيكم هشغله ب مين بس انا نفسي افهم كان عقلك فين لما اتهببت اتجوزتها دا انت طول عمرك عاقل و بتفكر كويس قبل اي خطوة والأهم انك عمرك ما كنت غدار يا يونس هتجنن ااازاي ازاي عملت ف نفسك كدة
يونس بحزن … مش قادر اتكلم يا ماما صدقيني هي غلطة وهفضل عمري كلو ادفع تمنها عقاب اني ضعيت ليلي ومالك من ايدي أني افضل مع ناريمان العمر كلو دا انسب عقاب ليا وانا راضي بيه
ناهد … ربنا يصلح حالكم يا ولادي ويريح قلبوكم قادر يا كريم يارب
يونس … اللهم امين يا ست الكل ويخليكي لينا يارب يلا بينا نقعد مع بابا شوية
_______________#بقلم_مني_____________
نرجع للمستشفي ليث كان قاعد لوحدة بعد ما أمنة خدت ليلي معاها يتغدو برة مع مالك وترجع تاني ع مستشفي الباب خبط ودخلت اسراء
ليث ببتسامة… اهلا يا اسراء تعالي
اسراء … اخبارك ايه انهاردة ؟؟
ليث … الحمد لله كويس جدا
اسراء بصت ف تقرير بتاعه وقربت منة تقيس الضغط وهو متابعها بعنينه بنظرة كلها حب وترتها جدا واول ما لمست أيدية وشها احمر جدا و هو اترسمت علي وشة احلي ابتسامة خلصت ولسه هتتحرك من جمبة مسك ايديها
ليث بهدوء … ممكن اتكلم معاكي شوية ؟
اسراء بتوتر … استاذ ليث مينفعش كدة سيب ايدي لو سمحت
ليث … اسف سبتها اهو بس بلاش استاذ دي قلتلك مليون مرة ممكن تقعدي بقا نتكلم شوية مع بعض
اسراء … نتكلم ف ايه ؟؟
ليث … اسراء بصراحة كدة أنا معجب بيكي اوي و لو الشعور ال عندي متبادل اول ما اخرج من هنا هتقدملك ونتجوز ع طول
اسراء تعابير وشها كانت غريبة فرحة ع خوف ع فزع ع حزن معرفش ليث يحدد هي حسة بأية بالظبط فضلو ساكتين شوية لحد ماقطع السكوت دا صوت اسراء
اسراء بجمود…احم انا اسف جدا يا ليث بس انا مبفكرش غير في شغلي وبس
ليث .. شغلك وبس ؟ اسراء ف ايه انا واثق أن في مشاعر جواكي ليا زي بالظبط انا مش عيل صغير واقدر افهم ال قدامي كويس ايه ال يخليكي تنكري المشاعر دي مش واثقة فيا ولا م
قاطعتة اسراء و دموع في عينيها … ارجوك يا ليث اقفل الموضوع دا نهائي عن ازنك
طلعت تجري من الاوضه وهو هيتجنن ويفهم في ايه هو واثق أنها معجبة بيه أن مكنتش بتحبه كمان اومال ليه رد فعلها دا
_____________بقلم_مني_________
ليث اتصل ب ليلي ترجع بسرعه ع المستشفي عشان ورجعت حكلها ال حصل مع اسراء وطلب منها انها تخليها تيجي الاوضه باي حجة عشان يعرف يتكلم معاها لان لو خرج من غير ما يتكلم معاها حاسس انه ممكن يخسرها
ليلي رنت علي اسراء و طلبت منها تيجي بسرعه أوضة ليث من غير ما توضح أي حاجة واسراء خافت ليكون ليث تعب تاني او حصلو حاجة راحت جري وفتحت الباب ع طول من غير حتي ما تخبط
اسراء بخضة … ف ايه ليث كويس ؟؟؟
ليلي وليث ابتسمو
ليلي… اهدي يا سو هو كويس تعالي بس
اسراء كشرت … انتي بتهزري يا ليلي
ليلي … والله ما بهزر كل الحكاية انو
قاطعها ليث … لو سمحتي يا اسراء خمس دقايق بس من وقتك ممكن ؟؟؟
اسراء اتوترت اكتر و كانت عايزة تجري وتهرب من نظرات عينيه اللي محاوطها وبتخليها مش عارفه تنطق كلمتين ع بعض قدامة وقفت ساكتة
ليلي اتحركت ف هدوء وخرجت من الاوضه
ليث. .. ممكن تقعدي نتكلم شوية سوا ارجوكي
اسراء اتحركت و قعدت ع الكرسي اللي قدام السرير بتاعه
ليث… ممكن تسمعني للآخر من غير ما تقاطعيني؟؟
اسراء هزت دماغها ب اه
ليث … انا طول حياتي مركز ف هدف واحد وبس وهو شغلي اللي بعشقة و بعده تيجي عيلتي ابويا وامي و عمي ابو ليلي و ماماتها وليلي مكنش ف حياتي اي حاجة تانيه ولما كانت أمي تكلمني ف موضوع الجواز كنت أتوه واهزر لأن كنت عارف قلبي هيدق مرة واحدة بس هيحب مرة واحدة بس و قررت اسمع لقلبي واستناة لما يدق حتي لو هقعد العمر كلو من غير جواز لحد ما شفتك قلبي دق جامد و كانو بيقولي هي دي يا ليث اللي انا كنت مستنياها من زمان هي دي اللي مش هدق تاني لغيرها ابدا انتي كمان (اسراء بصتله ) متبصليش كدة عينيكي ولمسه ايديك توترك ف وجودي خجلك قدامي كل دي حاجات ملهاش اللي معني واحد اني اللي حاسس بيه متبادل بينا اسراء يمكن متعرفنيش كويس بس انا مبقلش كلمة انا مش قدها صدقيني انا عايز اكمل حياتي معاكي انتي اقنعني لا لية طالما مشاعرنا واحدة ؟؟؟
اسراء بصوت مخنوق ودموع … عشان انا اتكتب عليا اعيش لوحدي يا ليث وهفضل لوحدي لحد ما امـ,ـوت
ليث .. بعد الشر عليكي ارجوكي فهميني ف ايه ؟ حرام عليكي تسيبيني اتعذب كدة
اسراء مسحت دموعها … من خمس سنين والدي و والدتي اتوفو ف حـ,ـادثة عربية و تاني يوم الدفـ,ـنة اتفاجات ب عمي بيقولي أنه عايزني ف موضوع ضروري ف بيت اللي ف العزبة بتاعه حاولت افهم منة رفض وقالي أنه لازم اروح فورا بيت العزبة موضوع حياة أو مـ,ـوت سافرت (بدأت تعيط ) و و
ليث وهو ماسك ايديها بيضغط عليها … اهدي يا حبيبتي اهدي انا جمبك
اسراء … اتفاجات لما سافرت ان البيت فاضي مكنش فيه غير انا وهو و فريد ابن عمي وبس وملحقتش اسال اتفاجات ب أن البارت خلص
البارت العشرون ………..
وقفنا لما اسراء قررت تحكي ل ليث كل حاجة
اسراء مسحت دموعها … من خمس سنين والدي و والدتي اتـ,ـوفو ف حـ,ـادثة عربية و تاني يوم الدفـ,ـنة اتفاجات ب عمي بيقولي أنه عايزني ف موضوع ضروري ف بيت اللي ف العزبة بتاعه حاولت افهم منة رفض وقالي أنه لازم اروح فورا بيت العزبة موضوع حياة أو مـ,ـوت سافرت (بدأت تعيط ) و و
ليث وهو ماسك ايديها بيضغط عليها … اهدي يا حبيبتي اهدي انا جمبك
اسراء … اتفاجات لما سافرت ان البيت فاضي مكنش فيه غير انا وهو و فريد سالتة بهدوء
فلااااااااش بااااااااك
اسراء … خير يا عمي في ايه؟
عماد عمها … بصي يا بنت اخويا يا تمضي علي الورق دا بالزوق و بهدوء يا اما متلوميش الا نفسك
اسراء بخوف حاولت تدارية … و ورق ايه؟
عماد … ورق تنازل عن كل املاكك ال هي اصلا حقي انا وابوكي مكنش عارف يحافظ عليه
اسراء بصوت عالي … حقك منين دا ورث ابويا في أملاك جدي و ورثي من بعدة انا جايبني هنا بعد ابويا وامي ما ماتو بيوم واحد تقولي اتنازلك عن حقي و ورثي انت ازاي كدة
فريد بهدوء ونظرات مخيفة … صوتك ميعلاش وانتي بتتكلمي انتي فاهمه ولا لا ؟ و بعدين احنا مش هنقعد نتكلم و ندادي فيكي ف طرق تانيه كتير تخليكي تمضي غصب عنك يا حلوة
اسراء بغضب … انا اتكلم زي ما انا عايزة انتم انتم مش لاقيه كلام اقولو فيكم حسبي الله ونعم الوكيل انا ماشية و مش عايزة اشوف حد منكم تاني
اسراء لسه هتتحرك فريد مسكها من دراعها بعـ,ـنف
فريد … علي فين يا حلوة هو دخول الحمام زي خروجة (بص لابوة) اطلع انت يا بابا ريح شوية و ف خلال ساعتين هطلع اطمنك ان كلو تمام
عماد هز راسة و طلع و اسراء بتحاول تفك ايديها من فريد بس مش عارفه اول ما عمها طلع فريد جرها من شعرها للبدروم تحت وهي عماله تصرخ و تحاول تستنجد باي حد مفيش فايدة نزل البدروم و دخلها اوضه و ربطها في كرسي
وبعدها نزل فيها ضـ,ـرب بالاقلام ورفع وشها كان بوقها بينزف دم
فريد بغضب .. بقولك ايه يا روح امك شايفه ال هناك دا (شاور ع تربيزة عليها حاجات هي مش قادرة تشوفها كويس من كتر الدموع اللي ف عينيها)
فريد …. دي مية ناااار هرش منها ع الجسم الجميل دا لحد ما تقولي حقي برقبتي يا حلوة
اسراء ببكاء … حرام عليك فريد انا اسراء بنت عمك بابا طول عمرة بيعتبرك ابنة ليه بتعمل كدة
فريد بغضب … احنا لسه هنتكلم
راح جاب مية النار و شد بلوزتها قطعها نصين و رش بسيط ع بطنها اسراء فضلت تصرخ من آلالم وحست أن روحها بتروح منها
فريد حس أنه هيغمي عليها جاب مية ساقعة ودلاقها عليها صوتت اكتررر
رش تأني مية نار تحت رقبتها بشوية و علي ذراعها وهي عملاه تصوت وتترجاة يوقف
فريد … هاااااا اكمل ولا ايه انا كل دا لسه مجتش جمب وشك الحلو دا
اسراء بضعف … خلاص خلاص همضي والله همضي بس كفاية ارجوك بالله عليك كفايه همـ,ـوت
فريد بسخرية … ماكان من الاول
فكها و جاب الورق و خلاها تمضي بعد ما مضت
اسراء … ممكن امشي بقا
فريد بخبث … لسه اخر خطوة يا قمر لضمان انك تخرسي خالص و مش اول ما تخرجي من هنا عقلك يوزك انك تبلغي عننا ولا حاجة
اسراء بخوف … والله ما هبلغ ولا هنطق حتي سبني والنبي
فريد و هو بيقلع هدومة وبيقرب عليها … معلش انا راجل دقيق شوية مبحبش اسيب حاجة للظروف
اسراء برعب وهي بتزحف للخلف … ا اانت ب بتعمل ايييه؟؟
فريد … هنلعب عريس وعروسة ياقمر عشان لو فكرتي تبلغي هنقول انك غلطتي مع رجاله و الاثار دي كنا بنربيكي عشان جبتلنا العـ,ـار و نفضحك وسيرة ابوكي اللي فرحانة اوي بيها تبقي علي كل لسان واهو ميمنعش اني أتمتع بيكي شوية
اسراء لسه هتتكلم كان فريد خبطها جامد علي دماغها فقدت الوعي عشان متقاوش وميبنش أنه اغتص** وكأنها علاقة بين راجل وست بالتراضي و فعلا اغتص**ولما فاقت لاقت نفسها في شقتها ف القاهرة وعلي سريرها كمان
بااااااااك
اسراء بدموع .. من وقتها وانا لوحدي سبتلهم كل حاجة وبشتغل وبصرف علي نفسي ومش عايزة حاجة غير اني اعيش ف هدوء وبس انا مش بحكيلك عشان اصعب عليك أو تكمل معايا انا بحكيلك لان مش كل حكاية المهم فيها يكون المشاعر في ظروف بتكون اقوي من الواحد وانا ظروفي اقوي مني ومنك بكتير مش هينفع نتخطاها أو نقول انها محصلتش أو اني هنسي أو حتي انت تنسي كل ما تشوف التشوهات ال ف جسمي هتفتكر كل ما تقرب مني هتفتكر مش هينفع يا ليث انا لا انفعك ولا أنفع اي حد ولا انا قادرة احب و اتحب زي كل البنات ظروفي اقوي مني عن ازنك
سابتة تايهه موجوع علي كل دمعة نازلة منها و يادوب هستوعب أنها هتمشي كانت خرجت وقفلت الباب وراها ودخلت ليلي لاقيته سرحان
ليلي … ليث مالك ؟ حصل ايه ؟
ليث بتعب … تعبان يا ليلي تعبان اوي ومش عارف اعمل اي
ليلي بحيرة… ليه يا حبيبي بس ليث انا حسة بحب اسراء ليك و
قاطعها ليث بضحكة وجع … ياريت كانت المشكلة انها مبتحبنيش يا ليلي
ليلي … اومال فين المشكلة بس
ليث … المشكلة أني هتعب اوي ف مشواري مع اسراء عشان تقتنع بوجودي في حياتها اسراء ظروفها مكتفاها و مش هتخليها معايا بسهوله وانا موجوع علي وجعها
ليلي … طيب اهدي بس كل حاجة وليها حل انا هطلع شوية الكافيتريا واجيلك عايز حاجة
ليث. .. لا يا حبيبتي شكرا
ليلي كانت عارفة أنها مهما سالت ليث مكنش هيحكي اسراء قالت ايه بس هي حبت اسراء بجد ولازم تكون صديقة بجد ليها مش بس كلام قررت تتكلم معاها وتفهم منها ايه حكايتها دورت عليها كتير ملقتهاش ف الآخر اتصلت بيها مرة واتنين وثلاثه وف الاخر اسراء ردت
ليلي بقلق … انتي فين يا بنتي مش بتردي ليه؟
اسراء بصوت مخنوق … انا ف حمام ودخت شوية
ليلي … طيب انا هيجيلك الحمام اللي في انهي دور؟
اسراء قالت ل ليلي مكانها وليلي راحت ليها بسرعه اتفاجات بيها منهارة من العياط حضـ,ـنتها جامد و اتصلت ب سليم استأذنت منه يستخدمو اوضتة عشان الدسراء دايخة شوية وهي ملهاش أوضة خاصه بيها لوحدها و سليم طبعا وافق خدتها و هدتها شوية وبعدين بدأت تتكلم
ليلي… بصي يا اسراء كلامي معاكي دلوقتي ملوش اي علاقه بللي بينك و بين ليث انتي صحبتي انا وانا عايزة اعرف ظروف ايه ال ف حياتك مخلايكي ضعيفة كدة؟ انا من اول ما ارتحتلك حكتلك كل حكايتي اظن لو الصداقة دي متبادلة أقل حقوقي اني افهم صحبتي مالها فيها اية مخليها ف الحاله دي
اسراء حكت ل ليلي كل حاجة حكتها ل ليث وبعدها سكتت
ليلي بحب … وانتي بقا السوبر وومن اللي خدت القرار في قصة حبكم لوحدها ومش محتاجة راي ليث ف الموضوع مش كدة
اسراء … انا مش هقبل اكون معاة عشان صعبت عليه
ليلي … انتي هبله يا بت ولا متخلفة. ولا ايه هنا ف مخك دا
اسراء بضيق … ليلي مش بهزر
ليلي كشرت … ولا انا بهزر انتي بجد متخلفة لو انتي صعبتي عليه هيكون ف حياتك ك اخ صديق سند وقت الشدة مش اكتر عمرة ما هيكون عايز يربط اسمه ب اسمك العمر كلو شفقة
اسراء … هو مقالش
ليلي … انتي اديتلو فرصه انتي نزلتي ف دماغه طاخ طوخ علي طول ايه البت دي
اسراء … يعني اعمل ايه دلوقتي خلاص ال حصل حصل الموضوع صعب يا ليلي
ليلي … عارفه أنه صعب بس مع بعض هتتخطوة يا حبيبتي صدقيني ليث بيحبك أمتي وأزاي معرفش بس اعرف اخويا اول مرة قلبة يدق ل حد كان الحد دا انتي يمكن يكون عوض ربنا ليكي بعد كل اللي شوفتيه ف حياتك
اسراء بتفكر في كلام ليلي قاطعهم صوت تلفون ليلي ب رقم ليث ردت بسرعه وفتحت الاسبيكر
ليلي .. أيوة يا ليثو
ليث … انتي فين كل دا وسيباني لوحدي
ليلي… جايه اهو ال قولي يا ليث انا هتعمل ايه مع اسراء خلاص كدة هتسبها؟؟
ليث بضيق … لا طبعا أنا ماصدقت لاقيتها اسيبها ايه بس انا بتصل بيكي اصلا تيجي تسنديني اخرج اروحلها حاولت أقف لوحدي مقدرتش الجـ,ـرح تعبني ومش قادر افضل كدة عايز اتكلم معاها
ليلي بصت ل اسراء اللي ابتسمت بحب
ليلي … حاضر يا ليثو جايه حالا
ليلي … ها سمعتي حرام عليكي الواد قام ع حيلة و الجـ,ـرح تعبة بسببك بقولك ايه أمتي صحبتي اه لكن أنا بردو ف مقام حماتك اه بعرفك اهو
اسراء ضحكت
ليلي … يلا قومي بقا روحيلو
اسراء بسرعه … لا لا لا اروحلو ايه لا مش هقدر
ليلي … بت انتي هضـ,ـربك واخلص عشان متغاظة منك قومي روحيلو قوليلو ليلي بتقولي انك عايزني شوفيه هيقولك ايه انا لودخلتله هيصر يقوم يدور عليكي بزمتك مش خايفة عليه عشان جـ,ـرحة؟؟؟
اسراء بخجل … خايفة عليه طبعا بس
ليلي … مبسش يلا قوليلو زي ما قلتلك واسمعيه كويس وبعدها فكري زي ما انتي عايزة
اسراء خرجت تروح ل ليث و ليلي معاها قالتلها هتستناها قدام الباب اسراء دخلت وبعدها بشوية ليلي لاقت شاب وسيم لابس ماسك بوكية ورد و بيقرب ناحيتها جة ادام الأوضه و وقف
ادم … مساء الخير
ليلي … مساء النور
ادم … مش دي أوضة ليث لو سمحتي
ليلي . .. اه هي انا اختة مين حضرتك
ادم … اهلا وسهلا بيكي انا آدم صديقة صاحب شركة الامن ال حرس بتوعها ف فيلا حضرتك
ليلي ابتسمت و سلمت ليه ويادوب هتنطق لاقت سليم فوق دماغها
سليم بضيق … واقفة كدة ليه ؟
ليلي .. اسراء بتغير ل ليث ع الجـ,ـرح مستنياها تخلص وهدخل
سليم … والاستاذ؟
ليلي … سوري نسيت اعرفكم دا استاذ ادم صديق ليث و دا دكتور سليم المسؤل عن حالة ليث
ادم .. تشرفنا
سليم أكتفي ببتسامة صفرا وهز دماغه
ادم ببتسامة اعجاب … انا مكنتش اعرف الا امبارح بالليل لما هو كلمني عشان كدة جيت انهاردة علي طول انتي متعرفيش ليث بالنسبالي ايه
ليلي … هو حكالي عنك كتير ربنا يديم صداقتكم ديما
ادم … امين يارب واخبار الحرس ال عندك ايه كويسين مفيش اي شكوي منهم قوليلي بس وانا اغيرهم ف ثانيه
ليلي. .. لا ابدا كويسين جدا ومحترمين بصراحة مشفتش منهم حاجة وحشه شكرا ل تعبك
ادم … تعبك راحة متقوليش كدة
سليم الهادي البارد ال اعصابة تلاجة ال يوم ما شاف مراتة ف حـ,ـضن راجل تاني سيطر ع مشاعره لحد ما صور الفيديو واقف دلوقتي لمجرد أن واحد بيبتسم ف وشها و نظرات اعجاب طالعه من عينيه هو شايفاها كويس اتحول ل شعلة نااااار ضم ايديه بغضب وحاول يسيطر ع نفسه مقدرش
سليم بحدة. .. ليلي لو سمحتي ادخلي شوفي اسراء اتاخرت ليه الوقفه كدة مش كويسة يلا
ليلي حست أن سليم هيولع فيها ل لحظة خافت منة لأنها اول مرة تشوفه كدة هزت راسها و خبطت ودخلت
_________________________
قبلها بشوية اسراء خبطت ودخلت وهي خائفة ع مكسوفة علي متوترة مشاعر كتير جواها ليث رفع وشه اتفاجا بيها ابتسم تلقائي
ليث. .. بنت حلال انا كنت لسه هقوم ادور عليكي دلوقتي
اسراء … احم ليلي قالتلي أن انت عاوزني خير؟
ليث … طيب ممكن تقعدي وتسمعني زي انا سمعتك ؟؟
اسراء قعدت و وشها ف الأرض
ليث … ممكن ترفعي وشك وتبصيلي
اسراء رفعت وشها براحة و بصتله حاولت تشوف نظرة عطف أو شفقه منه ملقتش غير نظرة كلها حب حب وبس
ليث … اسراء انا سمعتك للآخر و اتوجعت بسبب كل دمعة نزلت منك ارجوكي اديني فرصة واحدة اكون ف حياتك وانا هعوضك عن كل حاجة واه يا اسراء انا هقدر انسيكي كل لحظة وحشه مريتي بيها جربي وهتشوفي انا بحبك ومش هكمل حياتي مع حد غيرك ارجوكي ادينا فرصه فرصه واحدة بس وانا اوعدك اني هكون قدها صدقيني
اسراء ابتسمت وهزت رأسها بموافقه
ليث … معلش انا غبي شوية افهم ايه من هزة الدماغ دي ؟؟
اسراء بخجل … موافقة
ليث بخبث … يعني انا احساسي صح وفي مشاعر جواكي ليا ؟
اسراء هزت دماغها تاني
ليث … قلتلك انا غبي مش بفهم لغة الإشارة دي ردي عليا
اسراء … اه انا احم انا كمان يعني
ليث شدها من ع الكرسي ال جمبة قعدها قصادة ع السرير وايدية بتضغط علي ايديها
ليث بحب … انتي كمان ايه ؟ قوليها ؟
اسراء نبرة صوتة وقربة وتروها زيادة و وشها احمر من الكسوف
اسراء … انا اا اصل انا
ليث قرب اكتر عليها وهمس … انتي ايه قولي
اسراء لسه هتنطق لاقت الباب خبط وليلي دخلت قامت وقفت ع طول وكانت مرتبكة و مكسوفة و وشها ف الأرض وليث عمال يشتم ليلي ف سرة وبصصلها بغييييظ اوي
ليلي بحرج … احم انا اسفة بس ف واحد صحبك برة و واقف بقاله شوية وسليم قالي أنه الوقفه كدة شكلها مش حلو ادخل استعجل اسراء لاني قلتله أنها بتشوفلك الجـ,ـرح ف يعني كان لازم ادخل سوري
ليث بهدوء … مممم سليم ال قالك قولتلي طيب يا ليلي دخلي الاتنين لو سمحتي صحبي و سليم ممكن ؟
ليلي اتوترت … و وانت عايز سليم ليه ؟
ليث … لما ادم يمشي واتكلم مع سليم راجل ل راجل هقولك عايزة ليه انا فضتلك خلاص (بص لاسراء) حبيبتي بقت جمبي دلوقتي دوري بقا افهم ال بيحصل حواليا
اسراء اتكسفت اكتر لما قال حبيبتي و اتحركت عشان تخرج ليث وقفها
ليث… استني خدي الاخت دي معاكي علي ما ال عندي يمشو وبعدين تعالو عشان عايزاكم اوكي
الاتنين هزو رأسهم وخرجوا ليلي كانت متنحة ومش فاهمه ليث قصدة ايه بالظبط واسراء كانت فرحانة ع مكسوفة
ليلي … احم ليث منتظروكم جوة
ادم دخل وسليم كان هيمشي ليلي وقفتة
ليلي… سليم ليث عايزك تدخله دلوقتي
سليم باستغراب … انا ؟ ليه؟
ليلي بتوتر … مش عارفه مقاليش
سليم … طيب تمام عن ازنكم هدخله
سليم دخل وقفل الباب وراه وليلي هتمـ,ـوت وتفهم في ايه واسراء ملاحظة قلقاها دا ومش فاهمة سببة ايه
________________#بقلم_مني___________
يحيي اخيرا رجع المعرض تاني و دخل يباشر شغله ب نفسه جتلة رسالة علي الواتس بص فيها وابتسم اوي
يحيي لنفسه … يااااه اخيرا يارب بس تفلح يا زفت المرة دي والله لو فلت تاني لقتـ,ـلك انا بايدي
فاق من افكارة ع صوت دوشة برة خرج لاقي يونس عايز يدخله و رجاله يحيي مسكينة منعينه أنه يقرب من الباب والاتنين بصو ل بعض بصه طويييييلة اوي
يحيي … جاي هنا ليه ؟
يونس بغضب … انت اتجـ,ـننت اية اللي انت بتعملو دا خلي رجالتك يسبوني وكلمني كدة راجل ل راجل
يحيي شاور ل رجلتة يسيبو يونس و شاور ل يونس بايدية ع مكتبة ويونس دخل من غير ولا كلمة و يحيي وراه وقفل الباب
يحيي … خير ؟
يونس بضيق … انت ازاي بقيت كدة بتسرق ابوووك بتاخد منه شقاة وتعبه قصاد عينيه و تخليه يتشل من حسرتة علي نفسه ايه بقيت شيطان خلااااص ومحدش همك رد انطق
يحيي ببرود … أيوة انا بقيت شيطان والبركة فيك انت وابوك انتم اللي خلتوني كدة بانانيتكم ايه اللي انا عملتة غريب هه عملت زي ابوك ما عمل ف عمك وعملت زيك وفكرت ف نفسي وبس مش انتم الاتنين كدة بتلوموني ليه دلوقتي
يونس … ايه تخاريف اللي انت بتقولها دي هو دا بقا الكلام ال بتضحك بيه ع نفسك ؟
يحيي … تخاريف؟ دي حقائق يا يونس ابوك زمان سـ,ـرق عمك وقال دا تعبي انا و شقايا انا وانا كمان بقولك زي ما قال زمان دا تعبي ودا شقايا انا مكنتش بنام من سفر ل سفر من صفقة ل صفقة عشان اكبر المعرض و فروعه ف أيوة يا يونس دا تعبي ودا شقايا وابوك اناني زمان لما جدك فرق بينه وبين اخوة ف المعامله و وافق أن عمك يدخل طب عشان دا حلم عمرة و خلي ابوك هنا ف المعرض ابوك شاف أن مش من حق عمك يورث زية ومش من حقه يورث اصلا وعاقب ابوة علي أنه فضل اخوة عليه وخلاه يحدد مصيرة ومستقبلة وهو لا انا انا كمان عملت زية لما سابك انت تختار سكة تانيه و تسافر و تشوف حياتك بعيد عن المعرض نفس ال عمله مع ابوة انا كمان عملتة معاه نفس عقابة ل ابوة انا عاقبتة بيه غلطت ف ايه بقا هه وانت انت اكتر واحد بكرهه ف حياتي يا يونس
يونس بصلة بحزن وحيرة
يحيي بوجع … متستغربش اه بكرهك عارف من أمتي من يوم ما فرحت أن ابوك وافق تشوف حياتك بعيد عن المعرض رغم انك عارف من صغرنا أن حلمي اكون مهندس كنت بقعد معاك بالساعات احكيلك عن احلامي و طموحي وانت اول ما ابوك وافق وعرفت أنه حكم عليا اكمل انا معاه ف المعرض عملت نفسك عبيط ومش شايف ولا سامع حاجة فكرت ف نفسك وبس ورجعت حاولت اتاقلم و حاولت محطش ال حصل حاجز أو عقبة بينا وشفت ليلي
يونس بصلة اوي وهو كمل
يحيي … حبيتها من أول نظرة و جيت وحكيت ل اخويا اني وقعت و حبيت بس هي مكنتش حسه بيا وبعدها سوري يا يحيي انا مش عارف قربتلها ازاي بس هي كمان بتحبني زي ما بحبها واكيد انت مشاعرك كانت إعجاب بس وهوب اتجوزتها علي طول و خليتها هنا قصاد عيني كانك قاصد تعذبني يا اخي قاصد تدبحني ايه انت للدرجة دي اناني ومتملك ؟ للدرجة دي مش بتشوف غير نفسك وبس ؟ للدرجة دي اناني ؟
يونس ساكت تماما و باصص للأرض مش قادر يتكلم ولا يواجه يحيي معندوش كلام يقوله
يحيي … ياريت بقا تتفضل و تطلع من حياتي نهائي ياريت مشفش وشك تاني ابدا ابدا يلا برة
يونس بصلة بوجع و صدمة
يحيي بغضب … اطلع بررررررررة امشي من وشي بقاااا
_______________#بقلم_مني____________
نرجع للمستشفي
ليلي وقفة ادام الاوضه هتتجنن عايزة تعرف ايه بيحصل جوة قاطع أفكارها خروج سليم من الاوضة جريت عليه بسرعه
ليلي بقلق … ليث كان عايزك ليه ؟؟
البارت الحادي والعشرون ………..
وقفنا لما ليلي كانت واقفه قدام الاوضه متوترة و لاقت سليم خارج جريت عليه
ليلي … ليث كان عايزك ف ايه ؟
سليم رفع حاجبة وابتسم وسابها ومشي ليلي كانت متغاظة ع فضولية دخلت بسرعه أوضة ليث ونسيت تماما أن آدم لسه جوة
ليلي بغضب … ممكن افهم ف ايه
قطعت كلامها لما شافت ادم وليث بيبصولها باستغراب اوي خرجت تاني بسرعه وقفلت الباب وراها وليث وآدم فضلو يضحكو عليها
اسراء كانت لسه واقفة قدام الباب
اسراء … ف ايه يا ليلي
ليلي وشها احمر من الاحراج … حتة كسفة يا اسراء مش قادرة اقولك شكلي زبالة ازاي
اسراء فضلت تضحك كتير عليها وليلي متغاظة من ليث و سليم وهتمـ,ـوت وتعرف ف ايه حصل
_______________________________
بعد نص ساعه تقريبا خرج ادم من عند ليث و دخلت ليلي بسرعه
ليث … ينفع اللي انتي عملتية دا ؟؟
ليلي بغيظ … بقولك ايه فهمني ف ايه الاول تطلب سليم وبعدين اجتماع مغلق مع صحبك فوق نص ساعه ف ايه اسرار حربيه دي ولا ايه ؟
ليث ببرود … اه اسرار حربية عندك مانع ؟
ليلي … ليث متعصبنيش وفهميني ف ايه
ليث … وطي صوتك دا اولا ثانيا اتصلي ع صحبتك دي خليها تجبلي مالك عايز اشوفو ثالثا اللي اتكلمنا فيه هتعرفيه في الوقت المناسب ها ف أسئلة تانيه
ليلي بصتلة بغيظ وخرجت من غير ولا كلمة اتصلت ع أمنة وطلبت منها تعدي عليها مالك و لاقت رجليها واخدها قدام اوضه سليم خبطت وانتظرت لما سمحلها بالدخول ودخلت سليم رفع عينة من الورق اللي قصادة يشوف مين دخل ابتسم تلقائي
سليم ببتسامة… كنت متأكد أن انتي
ليلي … ياسلام وايه خلاك متاكد بقا ؟
سليم … عارف ان فضولك مش هيهدي الا لما تعرفي ليث كان عايزني ف ايه صح ؟
ليلي … اه صح ويلا قول بسرعه قبل ما أمنة توصل انا كلمتها وهي قريبة من المستشفي
سليم … مممم ولو قولتلك دي حاجة خاصة بشغل بيني وبين ليث وآدم صحبه مهم بردو تعرفيها؟
ليلي بخيبة أمل … شغل ! لا مش مهم اعرفها اعرفها ليه انا هعمل ايه انا بشغلكم دا ها مليش دعوة انا ماشية
سليم ببتسامة… طيب مضايقة ليه دلوقتي؟
ليلي بغيظ … انا ابدا وهضايييق ليه انا هروح اشوف مالك وصل وولا لا باي
سليم بهدوء … باي
أمنة جابت مالك ومشيت و الليل دخل و اسراء و ليلي بيدردشو سوا ف اوضه سليم وسليم سهران مع ليث ف اوضتة ومعاهم مالك
ليث … كان شكلها تحفة وهي داخلة متغاظة وهتمـ,ـوت وتعرف ف ايه
سليم ببتسامة… اومال لو شفتها لما قلتلها أنه موضوع شغل بينا كنت عملت ايه
ليث … انت ليه مصر متقولهاش دلوقتي؟
سليم … عشان انا في دماغي تظبيط تاني خالص مكنتش متوقع انك هتكشفني بسرعه كدة و تبوظلي كل حساباتي
ليث لسه هيرد حسو بحركة مش طبيعيه قصاد الاوضة شاور ل سليم بدماغة وسليم فهم وقام بهدوء يشوف في اية
_________________________________
يونس كان مهموم بسبب الحوار الي دار بينه وبين يحيي مخنوق وتايهه حس انها مشـ,ـتاق ل ليلي هي الوحيدة ال كانت هتحس بيه وهتقولو يعمل ايه ويتصرف ازاي وسأل نفسه السؤال ال ديما بيهرب منة انا أمتي بطلت احبها لا لا انا بحبها لسه ليها مكان كبير اوي ف قلبي طيب ليه اتجوزت ناريمان ليه عملت ف حياتي كدة ليه ضيعتها من ايدي للابد ؟ طب هي فعلا ضاعت للابد؟ اتنهد تنهيدة طويلة و فاق ع صوت موبايلة ال مش مبطل رن كان عميل عندة بياكد عليه معاد العشا ال متفقين عليه و بياكد عليه يجيب المدام معاه لانه هو كمان جايب مراتة يونس قفل و روح بيتة بهدوء بلغ ناريمان وهي قامت بسرعه تستعد وهو فضل مكانة غارق في افكارة
_________________________________
نرجع ل سليم ال قام بهدوء يشوف ف ايه اول ماقرب من الباب حس بخطوات كتير قدامة بص ل ليث و شاور بدماغة ع مالك و راح ناحيه مالك ال كان نايم شالة ودخله حمام ال ف الاوضه ولما مالك صحي و لسه هيتكلم قاطعة سليم
سليم بهمس … شششش متتكلمش خالص وخليك هنا ايا كان ال هتسمعه اوعي تخرج واوعي تطلع صوت فاهم ؟ انت راجل وكبير وهتكون مسؤل قدامي عن كلمتك دلوقتي
مالك بهمس … فاهم يا عمو متقلقش مش هتحرك ولا هعمل صوت
قاطعهم فتحت باب اوضه ليث دخل راجل طويل عريض لابس لبس الممرضين ف المستشفي
ليث بهدوء … انت مين وعايز ايه
الراجل … مش مهم انا مين المهم عايز ايه انا جاي اخد روحك يا حلو اتشاهد بقا
الراجل طلع مسدس كاتم للصوت و لسه بيوجهه ناحيه ليث خد ضـ,ـربة ع راسة من ورا بالكرسي وقعتة ع الأرض ف لحظة الباب اتفتح ودخل اتنين كمان شاف زميلهم مرمي ع الأرض وبيحاول يقوم و سليم ماسك المسـ,ـدس ف ايدية وليث شال الكنولا و واقف قدامهم
لسه واحد فيهم بيرفع السـ,ـلاح قاطعة التاني
… استني بلاش شوشورة
سليم لسة هيرفع السـ,ـلاح
الراجل … احنا هنمشي ف هدوء والا زملينا الرابع لو سمع اي حس هيقضي ع الأمورة اخت البية اللي في أوضة حضرتك تمام ؟
ليث … مين بعتكم؟
الراجل وهو بيساعد زميلة يقوم … من غير كلام هننسحب افضل لينا وليكم ولينا لقاء تاني قريب نقول فيه كل حاجة سلام
سليم لسه هيقرب مسكة ليث
ليث… سيبهم ليكون كلامهم صح وف واحد قدام اوضتك بلاش نخاطر بسلامتهم
اول ما خرجو وقفلو الباب سليم خرج بسرعه يطمن ع ليلي واسراء ملقاش حد ولاقيهم نايمين ف هدوء اخد نفس عميييق وهدي ورجع تاني ل ليث
_______________________________
يونس وصل للمكان ال هيقابل فيه العميل بس قبل ما يدخل ناريمان قالتله هتروح الحمام وتحصلة وصل وقابلة
يونس … مازن بيه اسف جدا ع تأخير
مازن وهو بيسلم عليه … اهلا اهلا يونس بيه لا ولا تأخير ولا حاجة احنا لسه واصلين اعرفك ماهيتاب النجار مراتي
يونس وهو بيسلم عليها … اهلا يا هانم تشرفنا
ماهيتاب بنعومة … ميرسي اومال فين حرم حضرتك ؟ هي مجتش
يونس لسه هيرد كانت ناريمان جمبة
ناريمان … سوري انا ج
قطعت جملتها لما اتفاجات بللي واقف قصادها ونظرتها بقت كلها زهول ورعـ,ـب وخوف
ياتري شافت مين ؟
وأية ال حصل بين ليث وآدم و سليم ؟
وياتري يحيي هيستسلم ولا هيحاول تاني يقـ,ـتل ليث ؟
البارت الثاني والعشرين…………
يونس وصل للمكان ال هيقابل فيه العميل بس قبل ما يدخل ناريمان قالتله هتروح الحمام وتحصلة وصل وقابلة
يونس … مازن بيه اسف جدا ع تأخير
مازن وهو بيسلم عليه … اهلا اهلا يونس بيه لا ولا تأخير ولا حاجة احنا لسه واصلين اعرفك ماهيتاب النجار مراتي
يونس وهو بيسلم عليها … اهلا يا هانم تشرفنا
ماهيتاب بنعومة … ميرسي اومال فين حرم حضرتك ؟ هي مجتش
يونس لسه هيرد كانت ناريمان جمبة
ناريمان … سوري انا ج
قطعت جملتها لما اتفاجات بللي واقف قصادها ونظرتها بقت كلها زهول ورعـ,ـب وخوف
يونس … مالك يا ناري
ناريمان بهدوء … احم مفيش
مازن بخبث … مش هتعرفنا يا يونس لية
يونس … اه اكيد ناريمان مراتي دا مازن بيه و حرمة مدام ماهيتاب
مازن وهو بيمد ايدية يسلم ع ناريمان ضغط اوي ع ايديها … تشرفنا يا مدام
ماهيتاب … اهلا مدام ناريمان فرصة سعيدة
ناريمان بتوتر .. احم اهلا بحضرتك
يونس .. يلا نقعد بقا كفاية سلامات كدة
السهرة كلها كان يونس بيتكلم مع مازن ف الشغل و ماهيتاب بتفتح كلام عن النوادي والفاشون والسفر مع ناريمان ال بتحاول ع قد ما تقدر ترد عليها وتجاريها ف الكلام وسط نظرات مازن اللي محواطها طول القاعدة
ناريمان من كتر توتر مبقتش مستحملة استأذنت تدخل الحمام … دخلت وحاولت تاخد نفس تهدي نفسها
ناريمان ل نفسها قدام المرايا … مش معقول بعد كل السنين دي اقابلة دلوقتي؟ طب نظراتة دي معناها ايه ؟ انا لازم اهدي نفسي مازن كان ماضي قذر واتنهي ورميتة ورا ضهري وكملت حياتي و رسمتها زي ما انا عايزة ومش هسمح لحد يهدها ابدا ابدا
خدت نفس طووويل و خرجت من الحمام اتفاجات ب مازن قدامها من خضـ,ـتها رجعت خطوتين لورا
مازن وهو بيقرب منها … اية مالك شوفتي عفريت !
ناريمان بخوف بتحاول تدارية… مازن انت اتجننت اية ال جابك ورايا هنا افرض حد شفنا
مازن … ميهمنيش يا قطتي الشرسة فاكرة اللقب دا ؟ وحشتني يا قطة
ناريمان … مازن لو سمحت مينفعش كده دا كان ماضي وخلص انا ست متجوزة وانت راجل متجوز ال بيحصل دا غلط
مازن بغضب … غلط! واللي عملتية فيا زمان كان أي. يا ست المؤدبة
ناريمان … ارجوك انا لازم ارجع يونس لو اتاخرت عن كدة هيجي ورايا
مازن… موافق بس بشرط
ناريمان … اية هو
مازن … نتقابل بكرة ف شقتي القديمة الساعه سبعه ولو مجتيش يا ناري متلوميش الا نفسك باي ياجميل
مازن حتي مستناش يسمع منها رد ع شرطه كأنه كان واثق أنها معندهاش اي اختيار تاني سبها ل خوفها ومشي رجع مكانة ولا كان حاجة حصلت وهي حاولت تهدي ورجعت تكمل السهرة معاهم وبتدعي من جواها اليوم دا يعدي علي خير
_________________________________
في المستشفي بعد ما سليم اطمن علي ليلي و اسراء رجع تاني ل ليث
سليم … مين دول وعايزين منك اية دي تاني محاولة قـ,ـتل ليك
ليث… هنعرف متقلقش واضح ان اللي عايز يقـ,ـتلني مصمم اوي و لأن ل تاني مرة فشل دا هيخليه غضبان والغضب هيخليه يغلط وساعتها مش هرحمه
سليم بقلق … انا خايف عليك يا ليث
ليث ببتسامة… متقلقش انا كدة كدة مروح بكرة وهيكون ف حراسة مشددة ع الفيلا و زي ما اتفقنا فيلتك انت كمان هيكون عليها حراسة حماية ليا وليك انت كمان وياريت لو تخلي كريم الايام الجايه مع مالك ادية بقالو كام يوم مع جدة و جدتة
سليم … تمام مفيش مشكلة بس بردو خلي بالك وبلاش الثقة الزايدة دي هه
ليث. .. ياعم سيبها ع الله المهم انت هتنفذ ال ف دماغك أمتي
سليم … لما انت تخرج بكرة أن شاء الله هبدء انفذ وانت هتبدء أمتي ف موضوعك
ليث … بدء وحياتك انا خليت ادم يسيب كل شغلة ويتفرغ من وقت ما خرج من عندي هنا للموضوع دا وبس
( دا موضوع ودا موضوع واحنا مش فاهمين حاجة كدة معلش اصبروا معايا )
سليم … طيب تمام انا هقوم اطمن ع البنات و الف لفة كدة وارجعلك حاول تريح شوية
ليث … تمام هستناك
_______________________________
أمنة قاعدة سهرانة بتخلص شغل علي اللاب بتاعها تلفونها رن برقم مراد اترددت ترد ولا لا هي لسه متلخبطة وحسة أن الوضع مش صح بس بتحبه و من قلبها سامحتها ع تسرعه ع ما فاقت كانت الرنة خلصت بس مراد رن تاني ف ردت
أمنة … الو
مراد … مش بتردي ع طول ليه ؟
أمنة … كنت ببعت ميل مهم مركزة فيه واديني رديت اهو
مراد … أمنة احنا محتاجين نتكلم ضروري
أمنة … نتكلم ف ايه يا مراد تقي لسه متوفيه مفيش اي كلام منطقي ينفع دلوقتي
مراد … انا عارف ان صعب ناخد خطوة رسمي في موضوعنا ف الوقت الحالي بس انا حكيت ل خالتو كل حاجة و هي تفهمت و وافقت أن نصبر علي حوار أن الموضوع يكون رسمي دا انا عايز اتكلم ع الحاجز اللي بقي بينا يا أمنة انا مش عارف اعيش كدة ونظرة عينيكي كلها عتاب ليا ارجوكي وافقي نتقابل ونتكلم
أمنة … انا مرهقه جدا من شغل وسفر و تعب ليث وكان قبلهم وفاة تقي بجد مش قادرة انزل ولا اتحرك من مكاني
مراد … خلاص يا ستي انا هعزم نفسي علي الفطار عندكم بكرة ونتكلم براحتنا ها ف اعتراض تاني؟
أمنة كشرت … انا مقلتش اني معترضة قلت اني مرهقه انزل
مراد … وانا حليتهالك وهتصل استأذن من خالتو دلوقتي اشوفك الصبح يا حبيبتي تصبحي على خير
أمنة … وانت من أهله باي
قفلت معاه وانهدت ورجعت كملت شغل وكأنها بتهرب من التفكير مش عايزة تفكر في أي حاجة و الشغل والنوم هما الوسيلة ال قدامها للهروب
عند مراد قفل معاها وكلم خالتو بلغها ورجع شغل الأغنية اللي بقالها كام يوم مش مفرقة دماغة وقعد يغني معاها من قلبة
حياتي في بعدي عنك مش حياة
انا بعد منك قلت ااااه
مشتاق لحـ,ـضنك واعمل ايه
صعب علي الكل حالي
واشتكت مني الليالي
كل يوم بسال سؤالي
هو انا مبجيش ع بالك
ولا عذابي بيحلالك
طمني بكلمة حبيبي ريح قلبي ال ندالك
يحيي كان قاعد علي نار مستني تليفون يطمن قلبه ويريحه وفعلا خلال ثواني كان تلفونة رن بس مش بالخبر ال يريح قلبة بالعكس
يحيي … يعني اية انتم شوية اغبية اقسم بالله مشغل عندي اغبية …. اسكت يا حيوان مسمعش حسك انا هتصرف في الموضوع ده بنفسي اقفل غوووور
قفل وهو غضبان لا غضبان دي قليلة علي كمية النار اللي جواة قام من مكانة وفضل يكسر في كل حاجة حواليه
يحيي بغضب …. انت مبتمتش ليييييه اعملك ايه تاني مـ,ـوووووت بقا مش بعد ما عملت كل دا عشان تكون ف حضـ,ـني هتبظلي انت كل حاجة لاااا هقـ,ـتلك بأيدي مش هستني تاني هقـ,ـتلك هقـ,ـتلك يا لييييث
_______________________________
تاني يوم الصبح أمنة صحيت علي صوت جرس الباب عرفت أن مراد جه بصت ف الساعه لاقيتها سبعه الصبح استغربت
أمنة لنفسها… دا مجنون دا ولا ايه !
قامت غسلت وشها و غيرت هدومها وطلعت كان هو ف أوضة السفرة بيرص الفطار ال جيبة
أمنة … صباح الخير
مراد ببتسامة… صباح النور كل دا نوم
أمنة … نوم اية يا مراد الساعه سبعة لسة
مراد كشر … قصدك اية اني جيت قلقت نومكم؟
أمنة … يا ابني هو انا اتكلمت خالص
مراد … ولا تقدري اصلا (وعلي صوتا) يلا ياخالتوووو الطعمية هتبرد
أمنة بصلتة وابتسمت وقعدت مكانها من غير كلام خلصو فطار و نهال دخلت تعملهم الشاي وهو شدها ع البلكونة عشان يتكلمو
مراد … ها يا ستي ادينا بقينا لوحدنا اهو ممكن تطلعي ال جواكي بقا
أمنة … مفيش حاجة يا مراد ما انا قلتلك قبل كدة وخلاص
مراد … بصي يا حبيبتي انا منكرش اني في وقت غضبي وزعلي منك اتسرعت شوية واني غلطت كمان بس انا متقبل اي عقاب منك الا انك تبعدي عني دي مقدرش عليها يا أمنة كفاية كدة عليا والله تعبت من البعد دا انا بحبك من وانتي عيلة صغيرة كبرتي قدامي عيني عمرها ماشافت غيرك انتي حبيبه قلبي حاولي حبي ليكي يشفعلي عندك اي غلطة مني وسامحي بقا ولو علي الخطوة الرسمي مش مهم نستني يا ستي بس استني وانتي جمبي يا أمنة وانا مش محروم من شوفتك أو سمعان صوتك ها قلتي ايه؟
أمنة كانت بتسمعه واتاثرت بكل كلمة قالها هو كمان حبيبها اللي ملحقتش تتهني بقربة ابدا دموعها لمعت في عينيها بتهدد بالنزول سمعته لحد ما خلص كلامة وردت عليه
أمنة …. انا بحبك يا مراد منكرش اني اتوجعت منك لكن بحبك ومقدرش ابعد عنك وانا كمان تعبت اوي من كل اللي بيحصل دا ومش قادرة ولا عارفة افكر ف اي حاجة
مراد مسك ايديها وضغط عليهم … حبيبه قلبي متفكريش ف اي حاجة غير فيا انا وبس ممكن انا أن شاء الله هحل كل حاجة و الوقت كفيل اصلا أنه يظبط الأمور المعقدة دي حبيبتي مش عايز اشوف دموعك عشان خاطري نفسي اتنفس بقا واحس اني عايش لما اشوف ضحكتك اللي بتنور الدنيا حواليا
أمنة ضحكت وهو رفع ايديها باسها كل دا ونهال واقفة برة ماسكة صينيه الشاي كانت هتدخل بيها بس وقفت القلق ال جوه قلبها راح واتبخر لما سمعت كلام مراد ل بنتها وحست اد ايه هو فعلا بيحبها محبتش تدخل و انسحبت في هدوء وعلي وشها ابتسامة جميلة وهي مطمنة علي بنتها الوحيدة وكل ما ليها ف الدنيا
__________________________________
ليث روح بيتة و ليلي واسراء مش بيسبوة ابدا اسراء كانت مبسوطة أنها معاه بس كانت حياة متحفظ ف كلام معاها من بعد آخر مرة اتكلمو فيها محبتش تضغط عليه وقالت كفايه عليا اكون جمبة
ليلي كل يوم قبل ما تنام عقلها يسألها سؤال وهي تهرب منه و تنام لحد ما مبقتش قادرة تهرب و عقلها قالها لازم إجابة ليه الشوق اللي جواكي دا كله ل سليم هل سليم بدء يخرج من خانة الصديق ل حاجة تانيه ؟ هل انتي اصلا حمل تجربة تانيه ؟ ومالك ابنك اللي محروم من باباه هيتقبل وجود راجل تاني غيرة ؟ لا يا ليلي انتي مش حمل وجع تاني فوقي بقا ورجعي كل حاجة زي ما كانت انتي مش قد تجربة تانيه خالص
ناريمان مرحتش ل مازن شقتة اه كانت خايفة من جواها ومرعـ,ـوبة بس قررت متكررش غلط زمان تاني تحت اي ظرف ويونس حاسس ان مراتة متغيرة بس اخر همة دلوقتي ناري مالها أو فيها ايه لأن يونس غارقان ف الندم وحاسس أنه السبب في كل العذاب والحزن اللي هو عايش فيه
يحيي طول الوقت عصبي ليشرب سجائر بشراهه بيحاول يشوف طريقة يخلص منها من ليث بعد ما بقا ف بيتة وسط حراستة و حاسس انه صبرة خلص خلاص عايز ليلي جمبة باي شكل واسرع وقت
سليم و ادم وليث ديما سوا ف اجتماعات مغلقة محدش يعرف اي بيدور فيها مهما ليلي تحاول الرد الوحيد عليها دا شغل وبس
مراد وآمنة أحوالهم استقرت وبدوء قصة حبهم اللي اتاخرت كتير
البارت الثالث و العشرين ……………
صباح يوم جديد ليلي صحيت. وجهزت الفطار نزلو كريم و مالك عشان يفطرو
ليلي … صباح الخير يا حلوين
كريم و مالك … صباح النور
ليلي … اقعدو افطرو ع ما اطلع اصحي ليث وانزل
قاطعها صوت ليث وهو نازل غ السلم … صباح الفل يا لولا
ليلي ببتسامة … صباح النور ياعيون لولا يلا حبيبي نفطر سوا
داخل سليم من الباب … ياسيدي ع الدلع دا كلو ع الصبح يا بختك يا عم ليث .. صباح الفل
كلهم ردو عليه الصباح وليلي اتكسفت من نظرتة ليها
ليث … ايه يا عم جاي تنق عليا ولا ايه
سليم … اكيد المهم ليا مكان اقعد أفطر يا ليلي ولا اطلع ع شغلي من غير فطار
ليلي … يا خبر لا طبعا اقعد أفطر معانا
ليث بصلة وسليم غمزلة واتكلم
سليم … احم ها يا ليث هتيجي معايا المستشفي نعيد ليك التحاليل تاني عشان نطمن
ليث بخبث … لا لا مستشفي تاني مش هروح انا تعبت واصلا قايم مدروخ وتعبان
سليم … طب وبعدين انا لولا عندي عمليات مينفعش تتاجل كنت خدت منك العينة عملتلك تحاليل ورجعت بالنتيجة عشان الأدوية لو هتتغير ولا حاجة
ليث … مفيش مشكلة اسحب مني العينة وليلي تروح معاك اعمل تحاليل و شوف الأدوية و فهمها كل حاجة وترجع هي بالعربيه مع الحرس سهله اهي ولا تودوني ولا تجاوبني
ليلي بدهشه … وليه كل دا ما نكلم معمل تحاليل موثوق فيه يبعت مندوب وخلاص
سليم … مينفعش طبعا أنا ضروري اشوف النتيجة فورا عشان احدد ايه يتغير ف الأدوية وايه لا والمعمل هيقولك ع الاقل يومين
ليث … ايه يا ليلي المشكلة انك تروحي ساعه زمن وترجعي انا مش قادر بجد
ليلي بحب … مفيش مشكلة يا حبيبي طبعا حاضر انت تأمر ع ما تخلصو فطار هكون جهزت ونمشي ع طول يا سليم
سليم هز رأسها وابتسامة بلهاء اترسمت ع وشة و ليث بصلة اوي وكتم الضحكة وكريم ومالك ف دنيا تانيه بيفكرو ازاي يقنعوهم أنهم لازم يرجعو النادي من تاني عشان الملل ال بقو فيه
__________________________________
ناريمان كانت قاعدة ف اوضتها معظم اليوم لا بتتكلم مع حد ولا بتخرج بس قاعدة وخائفة من رد فعل مازن ال متأكدة أنه مش هيكون. سهل ابدا تلفونها رن برساله فتحتها بترردد
والله والقطة بقت تعرف تتمرد وتقول لا كمان ناريمان لو انهاردة مشفتكيش ف نفس المكان ونفس المعاد والله كل الورق والسيدهيات ال معايا هتكون عند جوزك وابوكي انهاردة انتي عارفه مازن الوكيل مبيهددش بينفذ ع طول
قفلت الرساله و دموعها نزلو مش عارفه تعمل ايه خصوصا أنه متوقعه وشبة متأكدة هو عايز منها ايه فضلت تعيط وهي محتارة تتفضح ولا ترجع ل ماضي هربت منة بأعجوبة
_____________________________
نرجع ل ليلي خرجت مع سليم و اتحركو بالعربيه بتاعتو و وراهم عربية الحرس
سليم … بقالنا كتير متكلمناش لوحدنا
ليلي بتوتر … ا ا ه
سليم ببتسامة… تعرفي أن توترك وكسوفك دا اكتر حاجة وحشتني فيكي
ليلي اتكسفت اكتر و معرفتش ترد بس لاحظت انهم مش ف طريق المستشفي
ليلي … هو انت رايح فين دا مش طريق المستشفي
سليم … حالا هتعرفي
العربيه وقفت ف مكان علي الكورنيش و ليلي بصتلة باستغراب وهو نزل من العربيه وراح ناحية الباب بتاعها فتحة و قالها انزلي ليلي نزلت وهي مش مجمعه ف ايه
ليلي … سليم هو ف ايه احنا فين ؟ وجبتني هنا ليه
سليم … ممكن تيجي معايا وهفهمك كل حاجة متقلقيش يلا
خدها ناحيه ياخت كبير متزين بطريقة جميلة اوي مد ايدية وهي بصتلة وبصت لايدية ومشاعر كتير جواها توتر كسوف حب متداري بس الاكيد أن في احساس بالأمان وهي معاه حطت ايديها ف ايدية و طلعت اليخت وبتتفرج ع المكان لاقت ورد في كل مكان لونة ابيض اللون المفضل ليها و لسه هتتكلم اتفاجات باليخت بيمشي
ليلي بخضة … ايه دا هو اتحرك ! الحق يا سليم اليخت اتحرك
سليم مسك ايديها و شدها ع تربيزة صغيرة ف وسط المكان عليها شمع و ورد احمر منثور بطريقة جميلة و سحب ليها الكرسي وقعدها
ليلي … سليم ف ايه انا مش فاهمه بجد
سليم ببتسامة.. عايز احكيلك ع حاجة ممكن
ليلي هزت راسها وهو كمل
سليم … انا ولد وحيد مليش اخوات ابويا رباني بصرامة شوية عشان اكون راجل قد اي مسؤلية تتحط عليا كان حلمي اكون جراح مشهور في العالم كلة اجتهدت وتعبت اوي لا يوم خرجت من بنت ولا جربت الحب والشوق والحاجات دي كنت ديما شايفاها حاجات تافهه للناس اللي معندهاش لا هدف ولا طموح ولما بابا وماما اصرو اني خلاص لازم اتجوز
قولتلهم خلاص دورو انتم وشوفوا بنت مناسبة وانا اقعد معاها ونشوف ماما عرفت سلمي عن طريق اصدقاء مشتركين من النادي اتجوزنا جواز تقليدي بصراحة ولا انا ولاىهي حاولنا ننجح الجواز دا انا بالنسبالي كان أمر لابد منه وهي الله يرحمها ما علينا بنيتها ناحيتي المهم سافرت لندن و كنت من اشطر الجراحين هناك كنت بطلب بالاسم حققت نجاح كبير ومكنتش مبسوط للاسف الغربة خلتني انسان بارد جدا فاضي من جوة مفيش حاجة بتفرحني غير صوت كريم ف تليفون أو صورة ليه وهو بيكبر يوم بعد يوم وانا مش جمبة
لحد ما وقعت تقريبا قلبي مستحملش الصحراء اللي كنت معيشة فيها و انهار تماما و وقعت وانا لوحدي كان بيني وبين المـ,ـوت ثواني ثواني بس يا ليلي وكنت همـ,ـوت ف بلد غريبة لوحدي بين أربع حيطان
ولما فوقت خدت قراري اني لازم ارجع لازم حتي لو همـ,ـوت امـ,ـوت وسط أهلي رجعت و مريت بالاحداث اللي حكتلك عليها قبل كدة عارفه متوجعتش اوي عشان اكون صادق معاكي ومع نفسي انا رجولتي ال اتهانت لكن قلبي لا كنت بتعامل ببرود مع الموضوع وكل ال حواليا شايفاني بمثل اني بارد لكن أنا حقيقي كنت بارد مكنتش حاسس بوجع ف قلبي ولا غيرة هي كرامتي كرامتي بس ال تعبتني وقتها
لحد ما شوفتك حصلي ايه مش عارف بعدما كنت سليم ال كانو مسمينة كتلة تلج متحركة ع ايديك دأبت بقيت شخص معرفوش وانا معاكي قلبي دا دق ليكي انتي بغير عليكي بجنون من اي حد عينيكي بتخليني أغرق يا ليلي أغرق لدنيا مكنتش اعرف ولا احلم أنها موجودة أصلا معرفش ازاي وامتي حصل دا كل ال اعرفه اني بعشقك لان اكيد ال جوة قلبي ليكي دا عدا الحب من زمان
ليث كشفني بسهولة بيقولي نظرة عينيك فضحاك و طلبت منى ايديك واستاذنتة اني اقولك ال ف قلبي كلة انهاردة وهو وافق
… كان بيتكلم وعينية بتلمع وابتسامة صافية ع وشة مفارقتوش طول الوقت كان حاسس انه طاير وهو شايف تعبيرات وشها ع كلامة من حزن الاول ع حاله قبل ما يعرفها ل توتر وكسوف من بعد كلمة لما شوفتك تتنهد بارتياح لانة مشفش منها أي نظرة رفض له كل الى كان شايفة توتر و كسوف وبس دا ال كان مشجعه ومخليه مكمل كلام بدون توقف ولما خلص هي فضلت ساكتة ومنزلة رأسها لتحت مش قادرة تبص ف وشو بعد تصريحة يالعشق اللي قالة
سليم … ايه هتفضلي ساكتة كتير ليلي عايزك تتكلمي معايا بصراحة زي ما عملت معاكي بليز انتي مشاعرك ايه ناحيتي ؟
__________________________________
اسراء كانت ف شقتها صحيت وعملت فنجان القهوة بتاع كل يوم مع سندوتش صغير و قعدت ع السفرة لوحدها تفطر وتشرب قهوتها قبل نزولها ع شغلها كانت سرحانة ف معامله ليث المتغيرة معاها واللي مش لاقيا ليها اي تفسير غير أنه فكر تاني مع نفسه وعاد حساباته و عرف أنها مش مناسبة ليه بس محرج يقولها كدة صراحة ف غير طريقة معاملتة معاها
فاقت من تفكيرها ع صوت جرس الباب استغربت لأن هي لا حد بيجلها ولا بتروح لحد قربت من الباب وبصت من العين السحرية ملقتش حد فتحت الباب وبصت يمين وشمال مفيش حد لسه هتقفل لمحت ظرف صغير قدام باب الشقة خدته و دخلت وقفلت ورجعت مكانها وفتحتة
الظرف كان فيه كارت مكتوب فيه الآتي
حبيبتي الي اكيد قاعدة بتفكر انا متغير معاها ليه لو عايزة تعرفي السبب اللي بعدني عنك الأيام ال فاتت تعالي ع العنوان ال ف اخر الكارت وانا هقولك ع كل حاجة مستنيكي متتاخريش حبيبك ليث
وكتبلها عنوان فيلا ف طريق مصر اسكندريه الصحراوي ف اخر الكارت
اسراء قامت بسرعه لبست و اتصلت عملت اجازة من شغلها واتحركت للعنوان ال مكتوب ف الكارت وهي مش قادرة تحدد ايه اللي ممكن يكون مستنيها هناك
____________________________
ناريمان حسمت قرارها فإنها هتروح ل مازن وتعرفه أنها مبقتش ناريمان بتاعت زمان وان هو ميقدرش يهددها أقنعت نفسها أن لو فكر يتكلم هتتكلم هي كمان وبكدة هو كمان هيخسر مكانتة الاجتماعيه و مراتة واهلها ال ديما مقوينة رجعت بذاكرتها لورا ل قبل ما تسافر مع ابوها وامها دبي لما كانت بتدرس ف القاهرة وقاعدة عند جدتها واتعرفت وقتها ع مازن ف سهرة من سهرتها ف الديسكو
ناريمان ف الفترة دي كانت طلباتها كتير جدا ديما عاوزة فلوس عايزة تسافر زي فلانة عايزة تعمل شوبينج زي علانة عايزة وعايزة وعايزة وأبوها مهما بعت وعمل الا أنه مش ملاحق ع طلبتها نهائي وبدأت هي تضايق وحسه ديما أنها أقل من صحبتها
مازن أعجب بيها من اول نظرة وبدء يرمي شباكة عليها وفهم نقطة ضعفها وبدء يغرقها ف هدايا وفسح و شوبينج لحد ما اتعلقت بيه وبقا كل حياتها بس حياتها كلها اتغيرت لما عرض عليها عرض مغري يحقق ليها كل اللي بتتمناه و من غير ما تخسر اي حاجة
دموعها نزلت بندم وقت ما افتكرت ازاي وقتها هي وافقت بكل سهولة ع عرضة ال يبان أنه عرض ذهبي لا يقاوم لكنة ف الحقيقه دمرها وخلاها تهرب وتسيب البلد كلها وتختفي
______________________بقلم_مني
البارت الرابع والعشرين ……….
سليم … ايه هتفضلي ساكتة كتير ليلي عايزك تتكلمي معايا بصراحة زي ما عملت معاكي بليز انتي مشاعرك ايه ناحيتي ؟
ليلي اتوترت اكتر وفضلت تفرك ف ايديها ومش قادرة تفكر ف رد ولا عارفه تنطق
سليم ببتسامة … ليلي انا مستني رد ع فكرة مع اني بشوف لمعة عينيكي ليا انا لوحدي و حاسس انك بتبادلني نفس المشاعر بس حابب اسمع منك ها
ليلي خدت نفس عميق و رفعت عينيها وبصتلة و حاولت تطلع صوتها طبيعي … س سليم انت انا مش عارفه اقول اية
سليم … حبيبتي متوترة كدة ليه اهدي وقولي كل ال جواكي وانا هسمعك
ليلي … انا مش عارفة اتكلم تصدق انا كمان دا غريب عليا يعني انا مش بتوتر اوي كدة الا معاك انت وبس
سليم ابتسم و هي كملت … منكرش يا سليم اني في مشاعر جوايا ناحيتك لكن
سليم قاطعها … متقوليش مالك لأنك عارفة كويس اوي اني بحبة جدا وبعتبرة زي كريم وعلاقتي بيه احسن بكتير من علاقتة ب ابوة ذات نفسه و كريم ومالك روحهم ف بعض متتحجيش بالولد لو سمحتي
ليلي … انا مش بتحجج والله بس الولد مر بظروف صعبة ورا بعض اجي دلوقتي اقولو ايه
سليم … قوليلو عايزة اخد رايك في موضوع هيقولك اية هو يا ماما قوليلو اية رايك نعيش ع طول مع عمو سليم وكريم هتلاقي الواد اتنطط من الفرحة واداكي بوـ,ـسة و طلع جري يقول ل كريم
ليلي ضحكت .. دا بجد ! انت عملت سيناريو وحوار وانت قاعد كمان
سليم … تراهني أن دا بالحرف ال هيحصل
ليلي… اراهن يا سليم
سليم … قلب سليم والله
ليلي برقت و احمرت ونزلت عينيها بسرعة .. سليم اي ال بتقولو دا انا اصلا مش عارفه اتكلم لوحدي مش ناقصاك بجد
سليم . … هي طلعت من قلبي لوحدها اعمل ايه طيب عموما انا هسكت اهو وانتي كملي بس شوفي موضوع غير مالك دا لان بجد مالك دا الاحسن له أن شاء الله هكون له أب كويس ونحققلة هو وكريم الاستقرار الأسري ال اتحرمو منو
ليلي بتردد… طب و انت قولت ل كريم حاجة ؟
سليم … اها قلتله و طار من الفرحة وكان عايز يجري ع مالك يقولو بس طلبت منة يستني لما انتي الى تبلغية بنفسك
ليلي ببتسامة… بجد فرح
سليم … كريم بيحبك بجد انتي ومالك يا ليلي عوضتوة عن كل حاجة اتحرم منها
ليلي … طيب انا لسة عندي مشاكل مع يو
سليم بحدة … أسمة طلقيك مش لازم تقولي أسمة بنعومة كدة
ليلي … نعم
سليم … يابنت الناس انتي ليه مش مصدقاني والله ما بتحكم ف نفسي معاكي اعمل ايه طيب بصي متنطقيش أسمة وخلاص دا اولا
ليلي … وثانيا
سليم … ثانيا ملكيش دعوة باي مشاكل انتي انا وليث هنحل كل حاجة
وبمجرد ما سليم نطق اسم ليث ليلي عينيها لمعت بنظرة كلها مكر
ليلي … طب انا عندي شرط واحد بس
سليم بحب … اامري حبيبي
ليلي دارت كسوفها وكملت … اعرف لما كنتم بتتجمعو بتتكلمو ع ايه؟
سليم … دا الشرط !
ليلي … أيوة انا فضولي هيمـ,ـوتني يا سليم حس بيا
سليم … شرطك صعب يا ليلي لانة ميخصنيش لوحدي هقولك ع يخصني وبس من ضمن الوقت ال كنت بنقعد فيه مع بعض كنت بقول ل ليث ع مفاجأة ال محضرهالك دي ومفاجآت تانيه كتير لو بس حنيتي عليا و وافقتي نتجوز الباقي ميخصنيش ف مينفعش اقولو
ليلي …. اومال يخص مين ؟ متقولش ليث بيحضر مفاجاه هو كمان ل اسراء صح صح صح
سليم ضحك جامد …. مش قادر بجد بصي لما تروحي هتفهمي كل حاجة ليث هيقولك تمام
ليلي بغيظ … تمام
سليم بهيام … طب ايه بقا
ليلي … ايه ؟
سليم … مفيش كلمة حلوة كدة ل سليم حبيبك ؟
ليلي بخجل … سليم
سليم ببتسامة … عيونه
ليلي … بطل بقا
سليم … ابطل ايه بس ليلي انا بعشقك والله ما قادر اوصف ال جوايا ليكي مفيش اصلا كلام يوصف ال حاسس بيه ناحيتك انتي ايه يعني بتحبني ولا انتي لسة يادوب مرتحالي ولا مرحلة إعجاب ولا ايه بالظبط
ليلي وهي منزلة عينيها ف الارض … انا من اول ما شوفتك ارتحتلك و لما اتكررت مقابلاتنا ف نادي كنت حسه اني معجبة بيك بس الاكيد دلوقتي اني احم يعني اني بحبك
سليم بفرحة … الله اكبر اخيرا نطقتي وانا بمـ,ـوت فيكي يلا نتعشي بقا ونتفق ع تفاصيل جوازنا
_________________________#بقلم_مني
نروح ل اسراء ال كانت ف طريق للعنوان ال ليث قالها عليه وصلت و اتصلت بيه قالها تدخل دخلت لاقيتة قاعد مستنيها
اسراء … ايه يا ليث شغل للمخابرات دا وجايبني هنا ليه؟
ليث … انا بحب شغل للمخابرات وانا صغير كان نفسي اكون جاسوس
اسراء بغيظ … ليث مبهزرش
ليث … ولا انا المهم جيبك هنا ياستي عشان اعرفك انا ليه كنت متغير معاكي الأيام ال فاتت اظن انك عايزة تعرفي السبب مش كدة
اسراء بحزن … اه طبعا يهمني اعرف وياريت تكون صريح معايا لو سمحت
ليث بحب … طول عمري صريح معاكي يا اسو انا متغيرتش عشان عايز أبعد زي ما تفكيرك المتخلف دا صورلك
اسراء … اومال اتغيرت ليه
ليث … عشان مكنتش عارف ابص ف عيونك قبل ما اجبلك حقك من ال اذوكي مكنتش هعرف اقولك بحبك وانا مش عارف اثبتلك اني اقدر احميكي وارجعلك حقوقك انتي من يوم ما دخلتي قلبي وحبيتك وانتي ملزمة مني واول الالتزامات دي هي اني احسسك بالأمان
اسراء … انا بحبك من غير ما تثبتلي اي حاجة أنا مش عايزة من دنيا حاجة غيرك انت وبس
ليث … لا بقولك اي أجلي الكلمتين الحلوين دول لما نخرج من هنا و نكون لوحدنا عشان اعرف ارد عليهم كويس ( وعينيه كانت علي شافيفيها)
اسراء وشها احمر و سكتت
ليث … ههههههههههه طب خلاص خلاص خلينا ف المهم يا سيف اطلع بالأمانة ال معاك
اسراء بصت مكان ما ليث باصص لاقت سيف صحبة خارج من اوضه و وراه رجاله ماسكين فريد ابن عمها اللي عرفتة بالعافيه بسبب الضـ,ـرب ال واخدة والدم ال ف وشه من كل حتة و الرجاله مسنداة و رموة تحت رجلها
اسراء اتخضت ورجعت خطوتين ل وراء مسكها ليث
ليث بهدوء وهو محاوطها … اهدي يا حبيبتي دا الحيوان ال ازاكي ادامك اهو خدي حقك منه زي ما انتي عايزة طلعي كل ال جواكي كنت عايز اجبهولك هو و أبوة بس للاسف ابوة ف عناية المركزة جتلة جلطة دماغية وحالتة متأخرة يلا ربنا ينتقم منة بمعرفتة اهو. البية بقا من اول ما ابوة دخل العناية وهو حول كل فلوس ابوة باسمة عشان يحرم مرات ابوة واخواته الصغيرين من الميراث شوفتي حقارتة وصلت ل فين
اسراء ببكاء … ا انا مش عايزة حاجة مشيني من هنا لو سمحت بسرعه
ليث … اهدي طيب ولا مش هنمشي الا لما تاخدي حقك منو ريحيني بقا ممكن
اسراء … عايز تجيلي حقي باي طريقة
ليث… اكيد
اسراء … يرجع فلوس كلها باسم أبوة ولو ابوة جرالة حاجة تتأكد أن اخواتة خدو حقهم وهو مش عايزة اكتر من أن يرجعلي بيت بابا ال خلوني مضيت تنازل عنه ومشفوش تاني ابدا ابدا
ليث ببتسامة… بس كدة اامرك يا روحي سيف لو سمحت جهز كل الورق المطلوب عشان فريد بيه يمضي عليه بس استني كدة لما نعرف راية الاول اه انا محبش اغصب حد ع حاجة
ليث وطي و رفع راس فريد و كلمة بهدوء
ليث … ها يا فريد بية حضرتك موافق ولا ليك راي تاني نحب نسمعه
فريد بصوت ضعيف متألم … م مواافق ا ااي ح ا جة انتم ع عايزانه هعملها ف فورا بس اخرج من هنا
ليث … لا اطمن انت مش بس هتخرج من هنا لا دا انت هتسيب البلد خالص مجهزلك برجرام انما ايه تحفة هتشكرني اوي عليه
اسراء كانت بتبص ل ليث بكل الحب ال جواها واللي كبر وتحول ل عشق وهي شيفاه بيجيب لها حقها ومصمم يحسسها بأمان عمرها ماحست بيه من بعد مـ,ـوت ابوها
ليث ساب سيف ورجاله وخد اسراء و خرج بيها و طلع بيها ع فيلا بتاعتو عشان يحددو معاد فرحهم وال هو مصر يكون نفس يوم ليلي وسليم
_______________________#بقلم_مني
وقفنا لما ناريمان كانت بتفتكر حكايتها مع مازن اللي عرض عليها وقتها عرض هي شفته فرصه عمرها
مازن … ناري انتي اكيد حسة ب مشاعري ناحيتك صح
ناريمان .. اه وانا كمان ف مشاعر جوايا ليك يا مازن
مازن … انا بحبك يا ناري بس انا انسان طموح عايز اكبر وابقي من اغني رجال الأعمال والمستثمرين في مصر كلها و اوصل العالمية كمان وعشان دا يحصل مش هقدر ارتبط بيكي رسمي دلوقتي لازم احط الأسس ال همشي عليها واول ما ابدء شركتي الخاصة بعيدا عن فلوس بابا هيجيلك و نتجوز اية رايك
ناريمان بسعادة … موافقة طبعا ومن هنا لحد ما دا يحصل انا جمبك ومعاك ديما اتفقنا
مازن … اتفقنا حبيبتي
عدي شهرين و الحياة فيهم كانت وردي هو رغم أنه عايز يكون نفسة إلا أنه عمرة ما بخل عليها ي حاجة ولا عمرة لمحلها أنه عايز منها أي حاجة. ولا حتي تجاوز معاها ف اي شيء
و ف مرة قاعدين ف كافيه ك عادتهم
مازن … بقولك يا ناري لو عرضت عليكي شغل هتكسبي فيه ف كل مرة مش اقل من 50 الف ويمكن اكتر تقولي ايه
ناريمان … اقولك شبيك لبيك ناريمان بين ايديك
مازن … بس شغلانة خطر شوية ومحتاجة قلب جامد
ناريمان … هو اية طبيعية الشغل بالظبط بدأت اقلق منك
مازن … شوفي يا قلبي انا طبعا بحكم شغل بابا اعرف رجال أعمال و دكاترة ومهندسين بصي صفوة الصفوة أنا عارفهم وعارف نقط ضعفهم كمان احنا بقا من بعيد ل بعيد هنلعب ع نقط الضعف دي و نكسب منهم قرشين حلوين
ناريمان … مش فاهمة يا مازن ياريت توضح وبعدين هي ايه اصلا طبيعية شغل باباك انا عمري ما سالتك ولا انت عمرك قلت
مازن … بابا اكبر دكتور نفسي ف مصر كلها وليه محاضرات ف علم النفس برة كمان ف بلاد كتير وانا وقع تحت ايدي بالصدفة تسجيلات المرضي عندة وهو كان مسافر خدت منهم نسخة ورجعتهم تاني
ناريمان بصدمة … ااية دا سرقتهم كدة غلط دي أمانة عند باباك ازاي انت تخونها
مازن … انا مش هخون حاجة أنا لا هفضحهم ولا هطلع سرهم انا بس هستفاد بحاجة بسيطة من ال عند كل واحد فيهم مفيهاش حاجة مش هيضرو لما كل واحد علي قلبة ملايين يدفع خمسين أو مئة ألف عشان انا اسكت ودا هيكون تهديد بس انا استحاله اعرض بابا ل اي خطر
ناريمان … طب وانت عايز مني ايه بالظبط
مازن. .. ما انا عشان معرضش بابا لأي خطر مش هينفع انا ال أظهر ف انتي ال هتتعاملي معاهم ومتخافيش انا هامنك كويس اوي
ناريمان … انت اتجننت عايز تخليني ف وش المدفع وانا ال اهدد الناس عشان ياذوني ولا يقـ,ـتلوني حتي نو واااي
مازن … اسمعيني بس هفهمك هنعمل ايه بالتفصيل وانا واثق انك هتوافقي وف ظرف كام شهر هنكون ف بيت واحد ياقلبي
فاقت ناريمان من شرودها ع صوت تلفونها برقم يونس
ناريمان بصوت باكي… الو
يونس… مالك يا ناري انتي كنتي يتعيطي ولا ايه
ناريمان… مفيش حاجة أنا بس مخنوقة شوية خير متصل ليه
يونس… متصل اقولك أن بابا تعبان شوية حالته ساءت عن الاول للاسف و يحيي لسه مختفي وماما مش هتقدر تراعي بابا لوحدها
ناريمان … عايز تفضل هناك كام يوم يعني اوكي مفيش مشكلة دول اهلك بردو ليهم حق عليك
يونس … انا كنت حابب نكون كلنا سوا يعني
ناريمان… كلنا سوا ال هما مين مش فاهمه
يونس … بصراحة يا ناري كنت عايزك تجيبي البنات وتيجي نقعد ف شقتي ال هنا منها اراعي بابا كويس ومنها البنات هيحسنو نفسيتة شوية واهو أنا كمان اكون معاكم منبعدش عن بعض
ناريمان بحدة … انت اكيد مش ف وعيك انت عااايزني انا انا ناريمان اقعد ف شقة البتاعه بتاعتك ال اسمها ليلي واسيب فيلا بابي يونس انا مش هرد ع تخريف دا حابب تكون جمب اهلك اوكي حقهم لكن أنا وبناتي نووووو انسي اوكي
يونس بعصبية …. ايه كل دا المفروض يا هانم تكوني جمبي ف ظروفي دي من غير ما اطلب منك وايه البتاعه بتاعتك دي اية الاسلوب دا دي ام ابني مش هسمحلك تغلطي فيها فاهمة وخليكي يا هانم ف فيلا بابي بس اقسم بالله يا ناري افوق بس واطمن ع ابويا وهدفعك تمن كل كلمة كويس اوي سلام
ناريمان .. اوف بقا هو كل شوية حد يهددني ايه عيشه دي ياريتني ما رجعت ياريت
حسمت أمرها وقامت لبست عشان تروح شقة مازن وتخلص من حوار دا
__________________________#بقلم_مني
ليث روح الفيلا لاقي سليم و ليلي ف انتظارة و اتفقوا كلهم ان افرح يكون بعد شهر عشان التوضيبات ال العرائس هتحتاجها ف الفيلا وليلي واسراء كانو طايرين من الفرحة خصوصا انهم هيكونو جمب بعض ومع بعض ديما
ليلي كانت فرحتها مضاعفه أنها مش هتبعد عن اخوها وأنها هتكون مع صحبتها غير أن ليث فجاها أنه خلص ورق الشركة ال هيفتحها ف مصر و سليم وافق انها تنزل تشتغل مع ليث فيها خصوصا أن طبيعه شغلها ممكن تخليها تعمل معظمة من البيت ف بكدة هتكون مش مقصرة مع الولاد ف اي حاجة
ليلي بتوتر … احم طب طالما اتفقنا ع كل حاجة وبما انك بقيت كويس يا ليث ممكن بقا ناخد مالك ونروح ل عمي نعمان نزورة كمان انا نونا وحشتني اوي محتاجة أشوفها وبالمرة نبلغهم بخبر جوازي مش حلوة ولا من الأصول يعرفو من برة ممكن ؟
رغم أن سليم عارف ان ال هي بتقولو دا الصح ومفهوش اي شيء غلط لكنة مقدرش يسيطر ع الضيق ال حسه بس ف كشر وسكت ليث بصلة وحس بيه واتكلم هو
ليث…. تمام يا ليلي معاكي حق بكرة الصبح نروح انا وانتي ومالك نزورهم ونبلغهم
سليم باندفاع … انا هاجي معاكم
كلهم بصولو
سليم . ف ايه مش قادر اسيبك تروحي هناك لوحدك افترضي حد ضايقك
ليث … ع اساس اني شفاف يا سليم ولا ايه ايه هتروح لوحدها دي وخدة سوسن معاها مثلا مش راجل انا واقدر احمي اختي
سليم بغيظ. . . بقولك ايه انت عارف ان مش قصدي انا بس خايف حد يصلها بصة متعجبهاش أو ( اتنفس بصوت عالي) أو أن طلقيها يكون هناك بص مش عارف انا مش عايزاه تروح ااساسا بس عارف ان الصح انها تروح يوووة انا قايم ماشي سلام
دا كان راكشنهم كلهم
ليث … سليم سليم استني … قومي وراه يا ليلي دا مجنون والله
ليلي جريت وراة وهي بتندة عليه لحد ما وقف
سليم بعصبية لف ليها … نعم يا ليلي
ليلي بهدوء … سليم ممكن تحاول تسيطر ع غيرتك دي شوية انت وعدتني أن مالك هيعيش حياة مستقرة و من أساسيات الحياة دي وجود ولادة و جدة وجدتة ف حياتة عشان خاطري حبيبي بلاش نبداءها بمشاكل
سليم .. انتي قولتي ايه؟
ليلي … انت سرحان وانا بكلمك لسه هعيد دا كلو تاني
سليم … ليلي بلاش غباء انتي قولتي يا حبيبي صح؟ قوليها تاني كدة
ليلي… والله مجنون انت امشي يا سليم شوف رايح فين يلا
سليم … مش همشي الا لما اسمعها تاني يلا قولي
ليلي … سليم وبعدين معاك هي هتطلع لوحدها ممكن
سليم اتنهد… ماشي يا وجعه قلبي ممكن اعملي حسابك أن انهاردة بالليل بابا و ماما هيجو معايا ل ليث نتقدم رسمي ويتعرفو عليكم ونقري الفاتحة
ليلي … اوكي ف انتظاركم يلا روح شغلك بقا وخلي بالك من نفسك
سليم. .. اوكي حبيبتي سلام هتوحشني
ليلي ابتسمت و مشي سليم و دخلت هي كملت القاعدة مع اخوها واسراء
و بالليل جم أهل سليم وحبو ليلي وليث جدا وحسو اد ايه ليلي حنينة ع كريم و ال بسطهم اكتر أن أول مرة يشوفو ابنهم مبسوط كدة
________________________#بقلم_مني
ناريمان وصلت ف المعاد مظبوط خبطت وفتحلها مازن دخلت وهي متوترة بس بتحاول تبان قوية
ناريمان … اديني جيت خير بقا عايز ايه
مازن … طب خدي نفسك الاول ف ايه انا مش هاكلك يعني
ناريمان … مازن اخلص عايز مني ايه
مازن وهو بيقرب منها …. وحشتيني يا قطتي
ناريمان بعدت … مش خلصنا من حوار دا وانا بعدت وسيتلك البلد كلها واتجوزت وانت كمان ف اي بقا
مازن … ال بينا كان أكبر من شغل وبس انتي هربتي مني قبل ما اتقدملك رسمي بيومين ليه ؟ انا حبيتك بجد و كل طلباتك كانت أوامر حتي لما الفلوس لعبت معانا كنت بردو بنفذلك كل طلباتك من فلوسي انا هربتي وسبتيني ليه ؟ من حقي اعرف
ناريمان … بجد مش عارف ( ضحكت بصوت عالي). عشان مكنتش راجل ف نظري ال يعرض حبيبتة ل خطر عشان الفلوس وتوصل بيه ف آخر مرة أنة يطلب منها تلاغي راجل تاني نقطة ضعفه كانت الستات حتي لو وصلت ل بـ,ـوسة وحـ,ـضن مش مشكلة يبقي مش راجل يا مازن انا فوقت متأخر اوي بس الحمد لله لحقت نفسي و هربت
مازن بغضب … مين دا ال مش راجل يا روح امك ( ومسكها من شعرها ) كلة كان برضاكي ومزاجك و لا هو كان حلو وقت ما كنتي بتلهفي ع قلبك اد كدة ولما قلتلك أنها اخر مصلحة خدتي ال يخصك وهربتي مش كدة
ناريمان بصوت عالي… لا مش كدة اه استفدت منك بس كنت بخسر نفسي ف كل مرة بسمع كلامك ولما طلبت مني آخر مرة اكون عشيقة غيرك قرفت منك يا اخي مبقتش طايقة اشوف وشك كرهتك وكرهت نفسي
مازن … وانا بقا عمري ما حطيت حاجة ف دماغي الا وخدتها وانتي من زمان عجباني و بتاعتي يا ناري سامعه انتي كلك ع بعضك بتاعتي انا وبسسسسي
لسه هيهجم عليها ناريمان طلعت مسدس من شنطتها بسرعه
البارت الخامس والعشرين والاخير …….
مازن … وانا بقا عمري ما حطيت حاجة ف دماغي الا وخدتها وانتي من زمان عجباني و بتاعتي يا ناري سامعه انتي كلك ع بعضك بتاعتي انا وبسسسسي
لسه هيهجم عليها ناريمان طلعت مسـ,ـدس من شنطتها بسرعه بس هو كان اسرع مسك ايديها ودار بينهم شد وجذب انتهي برصاصة خرجت من المسـ,ـدس عارفه مكانها فين
ووقعت ناريمان علي الارض مازن كان في حاله صدمة كل حاجة جت بسرعه ملحقش يتصرف كان بينقذ نفسه بس يثبت دا ازاي قرب من ناريمان بحذر و جس نبضها ورجع لورا بخوف ورعب لما اتاكد أنها ….ماتت….
___________________________________
الليل عدي وجه صباح يوم جديد ابو ناريمان لما اتاكد أنها باتت برة البيت وتلفونها مقفول مخلاش حد من صحابها الا وكلمة حتي يونس اتصل بيه وقاله ميعرفش عنها حاجة ولما عرف أنها مختفيه لبس ونزل جري ع فيلا حماه يشوف هيعملو ايه هو عارف انها مستهترة بس المرة دي قلبة وجعه من غير سبب
يونس وابو ناريمان مسبوش مكان مدوروش فيه الوقت دا كانت ملك و مليكة نايمين صحيو ونزلو كان ابوهم و جدهم بيتكلم
والد ناري … والعمل يا يونس احنا مسبناش مكان مدروناش فيه هتكون راحت فين ؟ قلبي وجعني عليها و امها قال بتعمل شوبنج ف دبي وشايفه أننا مكبرين الموضوع اعمل ايه يا بني شور عليا
يونس بحيرة…. والله ما عارف يا عمي ناريمان ممكن تسهر لمتاخر برة اه لكن تبات ولحد دلوقتي متظهرش وتلفونها مغلق حاجة تقلق فعلا
قاطعهم صوت مليكة
مليكة … صباح الخير يا بابي صباح الخير يا جدو
يونس و صلاح … صباح النور
مليكة … انتم بتدورو ع مامي صح
يونس بارتباك … هه لا اصل هي اتاخرت شوية برة بس زمانها راجعه
مليكة … بس هي امبارح قالتلي انها هتخرج و لما الاقيكو بتدورو عليها اديكو حاجة عشان تروحولها عشان هي ممكن تتوه متعرفش ترجع
الاتنين اتتفضو من مكانهم
يونس … حاجة ايه دي يا حبيبتي ؟
مليكة … مش عارفه يا بابي هو بوكس مقفول ومامي خدت مني برومس اني مش افتحة ثواني اجيبه من اوضتي
يونس وصلاح مستنوش اكتر من كدة وطلعو جري ع اوضه البنات لاقو بوكس صغير ع مكتب مليكة يونس فتحة لاقي جواة سي دي بس ل صلاح ال بداله النظرة بحيرة شديدة وطلعو هما الاتنين ع اوضه المكتب و حطو ال سي دي ف اللاب و فتحوة ظهرت ناريمان قاعدة وكان باين عليها التوتر
ناريمان بتوتر … قبل ما احكي أي حاجة أنا حبة اعتذر الاول اعتذر ليك يا بابي انت احسن اب ف الدنيا اكتر حد حبني ف حياتي اكتر من مامي حتي ال اهم حاجة عندها المظاهر وبس انا اسفة لاني مقدرتش الحب دا اسفة اني محسستكش انا بحبك قد ايه اسفة للي هتسمعه دلوقتي مني
يونس انا اسفة ع أي حاجة عملتها زعلتك مني انا حبيتك بجد انت حب حياتي كلها ربي البنات ع الحنية ومتخلهموش طماعين خلي عندهم قناعه وأنهم يحمدو ربنا ع اللي هما فيه وبليز سامحني رغم أن ال هقولو حصل قبل ما اعرفك بس بردو انا اسفة الموضوع بدء
وحكت ناريمان كل حاجة عملتها مع مازن وصولا ل أنها شافته تاني وتهديده ليها و أنها خدت مسدس باباها وراحتله وقالت العنوان كمان
صلاح و يونس كان مصدومين من ال بيسمعوة بس الصدمة الاكبر كانت من نصيب صلاح اللي عمرة ما تخيل أن بنوتة الحلوة ال بيعشقها تكون نصابة ف يوم من الايام عشان خاطر الفلوس الفلوس ال هو عمرة ما منعها عنها وكان بيشتغل ليل نهار بس عشانها هي
الفيديو خلص يونس ال فاق من الصدمة الأول هز صلاح من كتفة عشان يسمعه لما حس أنه ف دنيا تانيه وتايهه ومش مركز
يونس … عمي ارجوك احنا لازم نتحرك دلوقتي حالا لازم نطلع ع شقة ومعانا البوليس تحسبا لأي موقف هناك يلا ارجوك مفيش وقت
صلاح اتحرك معاه عشان يبلغوا ويطلعو ع الشقة
___________________________#بقلم_مني
سليم كان صاحي ماريف ومش مبسوط بسبب أن ليلي رايحة عند حماها وحماتها انهاردة هو عارف ان لازم العلاقات تكون مستقرة بين جميع الأطراف عشان خاطر مالك ونفسيتة بس مش قادر يسيطر ع الضيقة ال جواة ومجرد ما يفكر أن ممكن يونس يكون هناك نار جواة بتولع حاول يهدي نفسه مش عايز العلاقه بينهم بدل ما تقوي تتوتر بس يعمل ايه غصب عنه هو نفسه مستغرب هو أمتي وأزاي بقا كدة
ليلي كمان كانت صاحيه متوترة وخائفة من المرواح هناك هي مش خايفة تشوف يونس يونس بالنسبالها بقا ابو مالك و بس كل ذرة حب كانت جواها ليه اتبخرت وكان لم تكن من الأساس هي خايفة من مقابلة نعمان خايفة اكتر من مقابلة يحيي مجرد ما قالت أسمة بينها وبين نفسها اتوترت زيادة ودعت ربنا أنه ميكنش هناك ولا.تشوفو بس ف نفس الوقت يطمن نفسها انها المرة دي مش لوحدها المرة دي اخوها ال ديما بيحميها معاها خدت نفس طووويل وقامت حضرت نفسها ونزلت وزي ما توقعت كان سليم موجود وقاعد مع ليث
ليلي ببتسامة … صباح الخير
ليث و سليم … صباح النور
ليث … انتي جاهزة من دلوقتي ليه ؟
ليلي … مالك مصر يفطر مع نونا وأنا مش حبة ازعلة ممكن ؟
سليم كشر و برطم مع نفسه بكلام وليث كتم الضحك
ليث … احم اه اه ممكن طب هما عارفين اننا هنروح بدري كدة
ليلي … اه كلمت نونا وهي مستنيانا هي وعمي نعمان
سليم بسخرية … مممم هما الاتنين بس
ليلي … اه يا سليم هما الاتنين بس هي قالتلي أن محدش موجود غيرهم
سليم حس انها اضايقت بص ليث ال فهم
ليث … طب انا هطلع اجهز وانزلك انا ومالك ونتحرك ع طول عن ازنكم
ليث طلع وهي قاعدة مكشرة ومربعه ايديها سليم اتحرك وقعد جنبها
سليم … ليلي بصيلي
ليلي دورت وشها بعيد وهو مسك وشها بايديه ناحيتة
سليم … ليلي عشان خاطري استحمليني شوية والله كل دا غصب عني وجديد عليا مش عارف اتعامل معاه حبيبه قلبي حقك عليا لو ضايقتك متزعليش مني ممكن
ليلي ابتسمت و مسكت ايدية … حبيبي انا مش زعلانة منك انا بس عايزاك تحاول تسيطر ع غيرتك شوية عشان خاطر مالك بليز وبعدين انت عارف ان سبق وقابلت يونس لا هو لتخطيخ حدودة معايا ولا انا حسيت باي حاجة ناحيتة
سليم كشر . . قلتلك قولي طلقي متقوليش اسمة
ليلي هزت دماغها بقلة حيلة منة نزل ليث ومالك واتحركو الثلاثة ناحيه بيت نعمان وصلو وطلعو ف الوقت دا ال مراقبهم اتصل ب ريسه وبلغه ب مكانهم ويحيي مجرد ما عرف أنهم عندة ف البيت اتندر من مكانة و طلب رجاله كتير يحصلوا ع هناك انهاردة فرصتة انهاردة هتكون. ليلتة بين ايديه لو الفرصة دي ضاعت هيندم العمر كلة لازم يتصرف بسرعه
قفل السكة و قام يجهز وخد سـ,ـلاحة معاه …ليلي وليث وصلو و اول ما ناهد فتحتلهم ليلي جريت ع حـ,ـضنها و ناهد كانت بتحـ,ـضنها وبتعيط وبتطبط عليها
مالك … اوعي بقا يا ماما عايزة احـ,ـضن انا كمان نونا.وحشتني
ناهد ببكاء وهي بتحـ,ـضنه. .. وانت كمان وحشتني اوي اوي ياقلب نونا من جوة
خدت بالها من ليث
ناهد بحرج … لامؤاخدة يا بني مخدتش بالي كانو وحشني اوي حمدللله ع سلامتك اتفضل نورت يا حبيبي
ليث بحب … الله يسلمك يا نونا تسمحلي اقولك يا نونا زيهم ولا ايه
ناهد … انت تقول ال انت عايزة يا بني يلا ادخلوا أدخلو انا مجهزة احلي فطار يلا تعالو
ليلي … طيب مش نسلم ع عمي الاول
ناهد ببتسامة … نعمان قاعد ف اوضه السفرة مستنيكم تعالو
ليلي اتوترت بس مسكت ايد ليث ليها وبصتة ال كأنها بتضمها خلتها هديت واطمنت و مشيت ف اتجاة اوضه السفرة كانت متوقعه نظرات كلها كره وغضب منه لكن ال شافتة عكس كل توقعتها شافت نعمان ع كرسى متحرك ضعيف مكسور نظراتة كلها شوق ولفهه عينيه منزلتش من ع مالك مش قادر حتي يتكلم نسيت كل مشاعر السلبيه ال كانت جواها صعب عليها جدا بعد ما كان حسه بيهز البيت يكون بالضعف والسكون دا عينيها دمعت ومالك كمان كانت دموعة نازله ع حاله جدة و واقف مش عارف يتحرك ولا لا لحد ما نعمان فضل يهز ف دماغة و الدموع ف عينيه
ناهد … حبيبي جدو عايزك تروحلو وتسلم عليه يلا
مالك جري ع جدة حضـ,ـنة جامد و جده ضمة بايدية الي بتتحرك . ناهد حبت تلطف الجو
ناهد … يلا بقا نفطر سوا كلنا
قعدو يفطرو تلفون ليث رن برقم الحارس الشخصي اا جاي معاهم
ليث … الو
الحارس … ليث باشا ف حاجة غريبة بتحصل
ليث … ف ايه
الحارس … انا كنت شاكك أن ف عربيه مرقبانا بس كانت اختفت بعد مدة دلوقتي انا شايفاها قريب مننا بصراحة مش مرتاح
ليث … تمام انا هتصرف
ليث قفل و بص ل ليلي
ليث… ليلي ف مشكلة ف الشركة لازم نروح هناك
نعمان بصلهم بحزن وناهد لسه هتتكلم قاطعها ليث
ليث … متقلقيش يا نونا هنسيب مالك معاكم و هنيجي بعد ما نخلص ناخدة ونقعد معاكم شوية تمام كدة
ناهد بحب … ماشي يا حبيبي متتاخروش ليلي وحشتني اوي ملحقتش اشبع منها
ليث … تمام يا ست الكل انتي تأمري
ناهد … ميامرش عليك ظالم يا حبيبي
ليث. .. يلا يا ليلي
ليلي … حاضر يلا
اول ما طلعوا من الشقة ليلي بصلتة بحيرة لانها مش مصدقة السبب ال قالو ليث فهمها ورد عليها من قبل ما تسال
ليث … هفهمك كل حاجة بس نمشي من هنا بسرعه ممكن
اتحركو وليلي اتفاجات ب ليث بيركبها هي عربيه وهو بيركب عربيه تانيه لسه هتسال اتفاجات بغربيات كتير داخله عليهم
ليث بصوت عالي للحارس … عدي خد ليلي للمكان ال قلتلك عليه بسرررررعه حياتها قصاد حياتك فاااهم
عدي …. حاضر يا باشا متقلقش
ليلي كانت مرعوبة عربيه اتحركت بيها دموعها نزلت من القلق ع اخوها ال مكملش كام يوم طالع من المستشفي ومش فاهمه مين دول لا عايزين ايه حاولت تسأل عدي مكنش بيرد باي كلمة العربيه وقفت قدام بيت أهل سليم نزلت ليلي لاقت سليم قدامها خدها بسرعه وطلعها عن أهله جة ينزل مسكت ايدية و وقفت
ليلي ببكاء…. سليم ف ايه فهمني الله يخليك
سليم بقلق … اهدي بس وسيبيني الحق ليث لازم اكون جمبة و نخلص بقا ونعرف مين ابن الكلب ال بيحاول ياذيكم
ليلي … مالك مالك عند جدة يا سليم أنا عايزة ابني هاتلي ابني بالله عليك
سليم … حاضر يا حبيبتي اهدي وكله هيبقي تمام
سبها مع أبوة وأمة ونزل ركب مع عدي واتحركو
_________________________#بقلم_مني
يونس وصلاح وصلو وكان معاهم ظابط واتنين عساكر صلاح استخدم نفوذة ف أنة ياخدهم معاه تحسبا لاي حاجة لاقو باب الشقة مفتوح الظابط ويدعي احمد
احمد … الباب مفتوح كدة فعلا ف حاجة مريبة لو سمحتو ارجعوا انتم ورا خلينا ندخل احنا الاول
الاتنين هزو دماغهم و اتحرك احمد و العساكر بالسـ,ـلاح ال معاهم بحذر ودخلوا الشقة و وراهم يونس و صلاح لكن كلهم اتجمدو مكانهم وهما شايفين جـ,ـثة ناريمان ع الأرض والدم مغرق المكان حواليها صلاح من الصدمة وقع اغم عليه ويونس كان مش عارف يتحرك ولا يعمل اي رد فعل احمد كان بيفتش الشقة ملقاش اثر لاي حد فيها رجع جري ع صلاح جس نبضة لاقاه ضعيف جدا وشاف حاله الجمود ال فيها يونس
احمد وهو بيهز يونس …. يونس بيه مش وقتة صدمة لازم تقوي ع كدة حماك حالتة خطيرة لازم يتنقل مستشفي حاااالا و لازم الجـ,ـثة تتنقل مشرحة ارجوك فوق
فعلا ف خلال مدة صغيرة كان صلاح ف العنايه المركزه اثر أزمة قلبية حادة و ناريمان ف المشرحة عشان تقرير ال هيروح للنيابة و الشرطة كانت بتدور ع مازن ال اختفي تمام ويونس ف مستشفي مستني قرار الإفراج عن الجـ,ـثة عشان يبدء اجراءات الدفـ,ـن خلص كل حاجة و اتصل ب أمة عشان يبلغها ويعرفها أنه لما يخلص هيجيبلها ملك و مليكة يقعدوا معاها لان جدتهم ف دبي و جدهم ف عنايه و ناهد عزتة وبلغتة أن مالك كمان موجود وأن ليلي وليث هيجو ياخدوا كمان شوية قفل معاها و كمل ال كان بيعملو
__________________________#بقلم_ مني
ليلي كانت قاعدة مرعوبة ف الوقت دا تلفونها رن برقم أمنة ردت بسرعه من غير ما تشوف مين بيتصل
ليلي بقلق وبكاء … سليم انتم فين
أمنة بحيرة … ليلي انا أمنة مش سليم ف ايه
ليلي ببكاء…. مش عارفه حااااجة محدش راضي يفهمني ف ايه يا أمنة انا عايزة مالك انا عايزة ابني
أمنة … اهدي طيب قوليلي انتي فين وانا مسافة السكة هكون عندك
ليلي ادتها العنوان واتحركت ع هناك هي و مراد ولما وصلو عز دخلهم ل ليلي ال حكتلهم كل حاجة
مراد … تمام يا ليلي انا هتصرف متقلقيش
ليلي …. اهم حاجة ترد عليا تطمني ممكن
مراد …. اكيد وقبل ما تتصلي كمان هكون انا مكلمك
اتحرك مراد وساب أمنة مع ليلي قدر يوصل ل ليث وسليم من خلال شغله ومنصبة و اتفاجا أنهم مخدوش اي رد فعل شخصي زي ما كان متوقع كل ال عملة أنهم خلو الشرطة قبضت ع ناس متلبسين ف محاولة قتـ,ـله هو والحرس إلى معاه وال ساعدو ع كدة شغلة ومنصبة ليث طمن ليلي أن مالك معاهم وأن كلهم بخير وان سليم هيروح يخدها دلوقتي ويرجعها بيتها وهو هناك مستنيها مع مالك
ليلي روحت وعرفت من ليث ان حد من رجاله تحت ضغط كبير من مراد ال أصر يحقق ف موضوع دا لوحدة أنه أعترف أن ال ورا كل دا هو يحيي و حاول ليث يعرف السبب لكن الراجل أكد أنه محدش فيهم يعرف هو بيعمل كدة ليه هما بينفذو وبس
عدي شهر كامل ع أبطالنا ليث وسليم عملين مراقبه مكثفة ع الفيلا ليلي ومالك مستحيل يخرجة و ف نفس الوقت بيجهزو ل فرحهم ال بعد شهر زي ما حددو أنهم يعملون سوا من بعض
اسراء كانت بتتردد ع الفيلا كتير وبتختار مع ليلي ال محتاجينه من ع النت عشان الحصار ال محطوط عليها وكانت بتنضم ليهم أمنة ال اتقرت فتحتها ل مراد واكتفت ب كدة ف الوقت الحالي احتراما ل مشاعر خالتها و جوزها بس كانت جمب ليلي ديما و اتصاحبت جدا ع اسراء
الشهر مر ف هدوء يحيي مختفي ملك وملبكة قاعدين عند ناهد يونس ال تايه مش فاهم اي بيحصل حوالية أو ليه مراد ال حاسس انه ع بعد خطوة من تحقيق حلمة أما العشاق ليث و سليم كان وضعهم مختلف
ليث حاسس انة بقا اد المسؤلية ال اسراء ادتهالو حاسس انه مالك الدنيا بحالها ضحكتها بالنسباله حياة حياة عمرة ما تقول إن هتقزعا
وسليم العاشق الغيور كان بيعامل ليلي علي انها ملكة ماستة ال حصل عليها بعد سنين من التعب و الحرمان والوحدة
واخيرا جة اليوم الموعود ياتري القلوب المحبه هترتاح ولا يحيي هادم اللذات ومفرق الجماعات ليه راي تاني
الخاتمة
رواية / احببت اناني – احببت خائنة
بقلم/ مني
الخاتمة …….
انهاردة يوم الحنة البنات متجمعين من الصبح بدري وليث كان نايم ف امان الله لقي الباب اتفتح فتحة مخبرين مع صوت صوات لدرجة أنه قام مخضوض
ليث … ف ايه !!!!
ليلي …. يلا قوم يا عريس اطلع برة الفيلا كلها يلاااا
ليلي بتكلمة وهو بتشيل الغطاء من عليه و بتشدة من ايدية
ليث. .. في ايه يا مجنونة انتي ع الصبح حد يصحي حد كدة ؟
ليلي … اه في يلا بقا روح اقعد مع الرجاله ف الفيلا التانيه هنا ستات بس يلا قوم خلينا نبدء يومنا
ليث … هتعملو ايه يعني وبعدين يا ستي هفضل ف اوضتي مش هخرج منها
ليلي … اولا ملكش دعوه هنعمل ايه دي حاجات بنات ثانيا مينفعش لازم ناخد راحتنا احنا متفقين نعمل حنة بنات بس عشان نلبس براحتنا ونقعد براحتنا تقولي هقعد ف اوضتي قوم ياعم يلا بقا
ليث … هقوم بس بشرط
ليلي بزهق … ها اخلص
ليث …. تعرفيني هتعملو ايه بالظبط انهاردة
ليلي … اية شرط الرخم دا
ليث … والله براحتك بقا ولو ع رخامة انا استاذ فيها وانتي عارفه ف انتي حرة
ليلي … لا وع ايه احنا ف الاول هنقضيها مساكات و سونا وكدة وبعدين نرسم الحنة وبعدين هنعمل الحفلة هنلبس كزا توب هندي بقا ونوبي وبلدي ورقص و هيصة
ليث ….
ليلي … مالك متنح كدة ليه
ليث …. انا عايز اتفرج والنبي
ليلي … ههههههههههه لا طبعا مينفعش بس وعد هنتصور انا واسراء وكلها بكرة وتبقي مراتك وف بيتك ابقي خليها تفرجك زي ما انت عاوز
ليث … موافق بس مع الصور انا عايز فيديو كمان ديل
ليلي … يالله من رخامتك اوك ديل
ليث ……. اتفقنا الحق اروح اقول ل سليم بقا عشان يتصل يرخم عليكي هو كمان
ليلي … يا بارد يا رخم
ليث مردش عليها و قام دخل خد شور ونزل راح فيلا سليم لاقي مراد هناك و كريم و مالك و والد سليم عز وكان بسبب ضغط شغل عند سليم كان فاضل كزا حاجة ف الفيلا محتاجة لسه تظبيط عشان كدة مراد و عز راحو ليه بدري ليث سلم ع الكل وبدء يساعدهم
عند البنات كانو فرحانين اتجمو كلهم ليلي واسراء وآمنة و والدتها و كمان كام واحدة من ال ليلي اتصحبت عليهم من النادي و معاهم والدة سليم ال كانت طايرة ب ليلي بعد ما شافت لمعه عيون ابنها ونظراتة ال كلها عشق ليها غير أنها حبت ليلي ل طبيبتها و عفويتها
الحفلة بدأت والبنات كانو قمرات
سليم و ليث الشوق كان بياكل فيهم نفسهم حالا يشوفو ال خطفو قلوبهم شكلهم اية وبيعملو ايه اتفاجاو ب مراد داخل ومعاه ادم صاحب ليث وعدي رئيس الحرس و مالك و كريم و والد سليم ومعاهم مزمار بلدي و مراد ماسك عصايةوبيرقص زي الصعايدة الجو عندهم هما كمان اختلف وكله فضل يرقص و ليث غنا صعيدي مع الناس ال مراد جابهم
_________________________#بقلم_مني
و ف عز الاندماج والفرحة عدي تلفونة رن و انسحب عنهم بعيد شوية دقيقة ورجع و وشوش ليث بحاجة خلتة اتنفض من مكانة وجري معاه ع البوابة طبعا كلهم شافو كدة جريو وراة
وصل ليث عند الملحق ال جمب البوابة ال معمول للحرس عشان يبدلو ويريحو فيه ف اوقات الراحة بتاعتهم دخل لاقي يحيي مربوط ف كرسي وفاقد الوعي وجمبة مسـ,ـدس سليم كمان وال معاه دخلو وشافو المنظر
سليم باستغراب … مش دا يحيي اخو يونس
ليث بهدوء… اه هو
سليم .. طب ف ايه فهمني
مراد … وليه ربطينو كدة يا ليث ؟
ليث … ف ايه معرفش لما يفوق هيتكلم ونفهم كلنا ربطو ليه لان البية كان داخل بالمسدس الفيلا ال فيها البنات لولا اني موصي ادم أنه يكثف الحراسة الله اعلم كان حصل ايه ف لازم اربطو طبعا لحد ما افهم ف ايه خصوصا اني شاكك أنه هو ال ورا محاولة قـ,ـتلي
سليم … يحيي يقتـ,ـلك ليه ؟ طب يونس معقولة عندة دافع وهو انك كنت من وجهه نظرة سبب ف طلاق ليلي وقوتها لكن يحيي ليه ؟
ليث … هنعرف دلوقتي اهو البيه بدء يفوق
يحيي ابتدي يفوق وفتح عينيه بص حوالية لاقي ناس كتير ميز منهم ليث وسليم بث عليهم بغل و كرة وعينيه احمرت من كتر الغضب ال ماليها
يحيي بغضب … فكني بقولك اييييه خايف مني ولا ايه ؟
ليث … وانا هخاف من حتة عيل زيك لا راح ولا جة ليه انت ناسي اني معلم عليك قبل كدة ياض انت
يحيي … وحياة امي ما هسيبك هقـ,ـتلك يا ليث سااااامع مش هسيبك
ليث …. هنبقي نشوف موضوع مش هتسبني دا بعدين انا هسألك سؤال واحد والاحسن تجاوب غ طول من غير لف ولا دوران تمام
يحيي …. عايز تعرف انا هقـ,ـتلك ليه مش كدة (ضحك بعلو صوووتة) معقول مخمنتش السبب لوحدك تؤ تؤ يظهر اني كنت فاكرك ذكي بس طلعت اي كلام
ليث …. من أمتي وانت بتحبها بعد ما اتجوزت يونس ولا من قبل كدة ؟ ومين يعرف؟
كلهم وقع عليهم كلام ليث بصدمة والصدمة الأكبر كانت من نصيب سليم ال ضم ايدية بغضب وكان رايح ناحية يحيي لكن ايد ليث منعتة وبنظرة منه رجع مكانة و الغضب بياكل فيه
يحيي … برافو طلعت ذكي فعلا وبالنسبة ل إجابة سؤالك ف انا حبيتها قبل يونس لكن لانة اناني طول عمرة وطماع سبقني واتفاجات أنهم اتخطبو بس القدر لعب لعبتة و طمعة وقعه ف شر أعماله وخلاة اتجوز عليها بقا يبقا معاه ليلي ملكة الستات كلهم ويتجوز عليها و يخلف كمان هه المهم دي كانت فرصتي اني ارجع حب عمري ليا تاني (بصلة بغضب) بس ال مكنتش عامل حسابة ظهورك انا طول فترة جوازهم وانا كنت عارف انا بعامل ليلي ازاي كنت بهييء نفسها وبهيئها هي كمان للحظة ال هجبرها فيها توافق عليا خلتها ديما خايفة مني دائما نظراتي تربكها وتوترها ال مكنش معموووول حسابة رجوعك انت انك تقويها و تقف جنبها ف وشنا كلنا انت كنت العقبة ال باقيه عشان تبقي هي ملكي كان لازم اخلص منك لكن انت (صوتة علي) انت زي القطط بسبع ارواح مش رااااااضي تمـ,ـوووووت ليييييه هه انا كنت ناقصك بقا اصبر واستحمل السنين دي كلها عشان انت ف الآخر تبوظلي كل دا و كمااااااان تجوزها لواحد غيييييري ع جـ,ـثتي مش هيحصل ساااااامع مش هيحصل ليلي ملكي ليلي لعبتي انا لعبتي الحلوة ال بحركها زي ما انا عاوز اه فشلت في قتـ,ـلك المرة الأولى لكن المرة دي مش هفشل هقـ,ـتلك يا ليث ولو حصلت هقـ,ـتل عريس الغفلة ال جمبك دا اقـ,ـتل اي حد يقف بيني وبين ليلي اااااي حد
سليم مقدرش يسيطر ع نفسه اكتر من كدة هجم عليه وفضل يضـ,ـرب فيه و ليث ومراد بيخاولو يشدوة ومش قادرين عليه وبعد مدة بعد ما تدخل ادم وعدي كمان قدرة يشيلو يحيي من ايدية و ليث كان مسجل كل الكلام ال حصل بحكم الكاميرات ال زارعها ف كل مكان مراد اقترح أنه ياخد يحيي ومعاه ادم ف هدوء للقسم عشان البنات متحسش بحاجة وفرحتهم تتأثر خصوصا ليلي وليث وافق
أما سليم ف في دنيا تانيه نظراتة متوجهه ناحية يحيي بكرة وغضب وكلام بيرن ف ودانة مش عايز يروح من بالة
بعد مدة كان مراد وآدم سلمو يحيي للقسم فعلا ومعاه تسجيل صوت وصورة لكل ال حصل
اليوم خلص بهدوء وليلي والبنات فعلا محسوش بحاجة وليث نبه ع سليم أن ليلي متعرفش حاجة ع الاقل دلوقتي هي من حقها تفرح مش لازم اي حاجة تعكر صفو فرحتها دا وسليم كتم غضبة جواة عشان ليلتة
_____________________________#بقلم_مني
صباح يوم الفرح
أمنة صحيت بدري عشان تروح ل ليلي من الصبح خرجت من اوضتها لسه هتندة ع امها اتفاجات ب خالتها وامها قاعدين
أمنة … صباح الخير يا ماما صباح الخير يا خالتو
امها وخالتها ردو عليها الصباح
نهال خالتها … تعالي يا أمنة احنا عايزين نتكلم معاكي شوية
أمنة قربت منهم بتوتر وقعدت … خير ف ايه قلقتوني ع الصبح كدة
سهير … مفيش قلق ولا حاجة كل الموضوع أن انهاردة فرحك مع ليلي و اسراء بس كدة
أمنة … فرح مين ؟
نهال وهي بتكتم ضحكتها … فرحك يا حبيبتي الف مبروك يلا نقوم نجهز بقا
أمنة .. مين يجهز ؟
سهير ونهال مقدروش يكتمو ضحكهم اكتر من كدة وضحكو وهي متنحة مش فاهمه حاجة
سهير من بين ضحكها…. حبيتي مراد كان حابب يفاجاك واحنا وافقنا وليلي مجهزة كل حاجة وهو متفق مع سليم و ليث كمان حتي فستانك ليلي اختارت الفستان ال عينيك لمعت لما شوفتيه ف كالتوج وانتي معاها ومراد مجهز الشقة من كلة و الدعاوي كمان متوزعه كله كله جاهز مفضلش غير ست البنات تجهز بس
أمنة … ماما مش وقت هزار ع الصبح انا هقوم البس عشان الحق اروح للعروستين ال مستنيني دول وانتي وخالتو شوفو حد تاني حفلو عليه ماشي
نهال …. سهير قومي انتي حضري الفطار للعروسة وسيبهالي انا يلا
سهير هزت دماغها وقامت ونهال قربت من أمنة و مسكت ايديها
نهال بحب … حبيتي انهاردة فعلا فرحك وبصراحة اكتر دي كانت فكرتي انا
ٱمنة بصتلها باستغراب وهي كملت
نهال … متستغربيش كدة أنا غلطت لما فكرت بانانيه ف تقي كلام مراد وقت ما واجهني ع قد ما هو وجعني علي قد ما بينلي اد ايه أنا غلطت تقي راحت للي خلقها الله يرحمها ويغفر لها بقا دلوقتي انا ولادي الاتنين ال فضلنلي متعذبين اقف اتفرج تاني ؟ لا والله مقدرتش اول ما وقفت ع رجلي بعد مـ,ـوت تقي رحت ل مراد و قلتله ع فكرة أننا نفجاك يوم فرح ليلي انا هكون اسعد ام ف الدنيا وانا شايفكم مبسوطين و مجمعين مع بعض بعد كل ال شوفتو سوا حبيبتي سامحني وسامحي تقي عشان خاطري انا ممكن
نهال كانت بتتكلم ودموعها نازلة وآمنة كمان كانت بتعيط وهي يتسمعها
أمنة … طب انتي يتعيطي ليه دلوقتي ف ام تعيط يوم فرح بنتها وابنها كمان
نهال ببتسامة… مسمحاني يا أمنة
أمنة … عمري ما زعلت منك يا خالتو أمتي امي التانيه انا وعيت ف دنيا دي ع امي وانتي و تقي الله يرحمها مسمحاها ومش زعلانة منها (خدت نفس طووويل) انتي عندك حق كفاية حزن كدة وانا مراد انتي بالنسبالنا أمنا مش خالتنا لا نقدر نزعل منك ولا نقدر نرفضلك طلب
نهال … طب يلا يا عروسة ورانا حاجات كتير اوي نعم
قطع كلامها جرس الباب ال رن
نهال … دا اكيد العريس مش قادر يستني ل بالليل
أمنة اتكسفت وجريت ع اوضتها قفلت ع نفسها قبل ما نهال تفتح الباب وفعلا مراد ال كان ع الباب
مراد ببتسامة… صباح الفل يا نونو
نهال … صباح الورد يا روح نونو تعالي يا عريس
مراد … ها عرفت ؟
نهال … اه وكان شكلها مسخرة يا واد يا مراد فاتتك دي
مراد … بجد طب احكيلي (بيدور عليها بعينية) بس الاول هي فين مش شايفاها يعني
نهال … اتكسفت يا اخويا وجريت ع اوضتها تعالي اما احكيلك تكون خالتك حضرت الفطار الجملي ال بقالها ساعه فيه دا وعروستك خلصت كسوفها
خرجت سهير من المطبخ … ومالك ب خالتو بقا وبعدين الحق عليا اتلكعت ف الفطار اديكو فرصة تخلصو كلامكو انا غلطانة يعني
نهال … سوسو حبيبتي طول عمرك بطيئة وانتي عارفه دا كويس متجبيهاش فيا وبعدين انتي ام العروسة انهاردة تعملي ال انتي عايزاة
مراد ضحك و حـ,ـضنهم هما الاتنين واستاذنهم يجيب أمنة ويجي يفطرو عشان يلحق يوصلها ل فيلا عند ليلي
راح ع اوضتها وخبط
أمنة … حاضر خالتو أما جايه أهو
وبتفتح الباب اتفاجات ب مراد واقف قدامها و مبتسم اوي
مراد ببتسامة وحب … صباح الفل يا عروستي
ٱمنة … مراد
مراد … حظابط العريس مراد لو سمحتي
أمنة ضحكت … ماشي يا حظابط العريس مراد كدة تخبي عليا حاجة زي كدة ومتخدش راي
مراد بحب … حبيت افاجاك بس ايه رايك حلوة المفاجآة صح ؟
أمنة وشها احمر و طلعت تجري ع السفرة
مراد بصوت عالي ونسي وجود خلاته … اجري براحتك يا جميل كلها كام ساعه و حظابط يكلبشك للابد ياقلبي
نهال بصوت عالي … طب تعالي أفطر يا حظابط بدل ما انا وامها نقوم عليك بالشبشب دلوقتي يا مهزء
كلهم ضحكو وخلصو فطار ف جو كله فرح و مراد وصل أمنة ل ليلي و قالها اي حاجة نقصها ليلي كانت نسيتها تطلبها منة أو اون لاين وف ثانيه تكون عندها
__________________________#بقلم_مني
أمنة كانت طايرة من الفرحة وليلي فرحتها كانت مضاعفة لفرحة اخوها و صحبه عمرها وعدي النهار بتجهيزاتة و فرحة المحبين وشوقهم لبعض كان كل دقيقه بيزيد جواهم و بدء الفرح ال كان أقل ما يقال عنه أنه اسطوري
مش علشان ف اغلي وافخم مكان أو عشان كمية المطربين ال جم فيه و المستوي ال عالي ال كان فيه تؤ كان اسطوري بكمية الحب والفرحة ال كانت ماليه المكان العيون كانت بتلمع وتتكلم عن العشق ال جواها عشق اتولد وكبر واتحدي اي ظروف عشق اتوج لزواج اقوي رابط ف الوجود كل واحد فيهم كان بيبص ل حبيبتة و بيوعدها بوعد وعد هيلتزم بيه عمرة كله
سليم … بوعدك افضل اعشقك لحد ما امـ,ـوت بوعدك ابنك هو ابني عمري ما هفرق بينهم ابدا زي ما انا واثق انك هتكوني احن ام ل كريم اوعدك يا حبيبتي اني ف كل لحظة اخليكي سعيدة وان الضحكة متفارقش وشك تاني ابدا ولا انك تخافي من أي حاجة تاني ابدا اوعدك اني مش بس افضل احب لا احبك واعشقك و اعرفك ف كل لحظة اد ايه انتي ماسة جميلة وعاليه و غالية اوي اوي اوي بحبك يا ليلتي
ليث … بوعدك اني افضل سندك و امانك العمر كله اوعدك اني اعشقك في كل لحظة وكل ثانيه اوعدك اني انسيكي اي لحظة حزن مرت عليكي اي دمعة نزلت من عينيكي ال اسرتني اول ما شوفتها اوعدك اني اكون اب واخ وصديق ليكي قبل ما اكون زوج أو عـ,ـاشق اودعك انك عمرك ما هيجي عليكي يوم وتقولي ياريتني ما حبيته بالعكس اوعدك حبي ف قلبك هيكبر كل يوم عن اليوم ال قبلة بحبك يا اميرتي
مراد … حبيبتي بوعدك اني اعوضك عن كل ال فاتنا اوعدك اني مكنش غبي مرة تانيه اني اتعلمت من غلطي زمان واستحاله اكرره اوعدك انك هتكوني بنتي الصغيرة ال هخاف عليها واحميها وادلعها طول الوقت اوعدك أن اعوضك عن كل لحظة مرت وانا مش جمبك وان كل حياتنا هتكون حب حتي وقت الخناق والزعل هحبك و هعشقك و هكتفي بضمة منك لقلبي هدوب وقتها بين ايديكي وانسي اي زعل اوعدك اني قبل اي قرار هشاركك فيه اوعدك ف وقت غضبي اتحكم فيه اوعدك أن حـ,ـضني هيكون ليكي لوحدك كول العمر انتي حب حياتي حب الطفولة والمراهقه والشباب لحد الشيخوخه لحن المـ,ـوت كمان اوعدك اني كل لحظة هكون متيم بيكي بعشقك ياصغيرتي
وتوتة توتة خلصت الحدوتة ياريت بكل صراحة اعرف حلوة ولا ملتوتة ؟!
النهاية
