المطلقه

مط-لقة ومعاها ولد وبتتجوز تاني ده احنا في زمن مهيب..

سمعت كلام جارتي وهي بتكلم مع جارتنا التانية وانا بجهز ديكور خطوبتي..مش اول حد يقول كلام زي ده بس أنا قررت اني هتجاهل أي كلام سلبي من أول يوم وقعت في حبه..

نفخت آخر بلونة بالمنفاخ وربطتها وعلقتها.

رجعت خطوتين لورا وبصيت على ديكور الخطوبه في رضا تام..

كان ديكور يجنن ورد ابيض والبلالين موڤ زي لون فستانها..

سمعت صوت زغاريط من ماما العروسة واصحابها لما العروسه خرجت من الاوضه كانت جميلة جدا ورقيقة الكل كان فرحان تقريبا اول فرحة في البيت..

صورت شغلي عشان انزله على صفحتي والعروسة شكرتني ومامتها أصرت اني لازم اشرب شربات وجاتو قبل ما امشي.

.

قعدت في البلكونة ومامتها جت بصينية عليها كاس شربات و جاتو كريمه لباني..

اشتغلت اغاني واشتغلت اكتر أغنية بكرهها في حياتي

يا دبلة الخطوبه عقبالنا كلنا

اتوترت وأيدي بدأت تترعش وانا ماسكه الكاس بس حاولت اتماسك..

رجعت لخمس سنين وراه لما اصريت أني اتجوز الراجل القاسې اللي حبيته واسيب تعليمي وارمي تحذيرات اهلي في عرض البحر غلطة عمري اللي هتفضل ملزماني

علاقة مؤذية لأبعد الحدود تحكمات ظهرت بعد الجواز خناقات بلا داعي

مسحت دمعه نزلت من عيني وافتكرت العلقة اللي اخدتها منه بسبب اني رفضت أسلوبه وطلبت الطلاق..

أنا لسه فاكره لما صحيت وانا في المستشفى واكتشفت اني حامل سبحان الله رغم الض*ړب

اللي اض*ربته بس الجنين محصلوش حاجة وكان ربنا حابب يعوضني..

أطل-قت مقابل اني أتنازل عن المحضر بس انا متنازلتش عن المحضر بس انا تنازلت عن جميع حقوقي انا وابنيسند اللي ربنا بعته ليا سند فعلا..

كان صعب أتجاوز بس بعد شهور تجاوزت الموقف و

صاحب الموقف!

مشيت من بيت أهلى بعد الولادة خصوصا لما امي قالتلي

اسمعي يا سيرا إنت كبرتي وبقى معاك عيل محتاج مصاريف ومبقاش ينفع تعيشي معايا انا وجوزي لانه بقي يضايق ف حاولي تدوري على شغلانه وشقه تلمك أنت وابنك افضل ..

مزعلتش منها خلاص اتعودت على شعور الخذلان..

سحبت فلوس ورثي من بابا اللي كنت شايلهم لوقت زنقه وقررت افتح مشروع صغير..

وعشان من صغري بحب

اوي مجال الديكور قررت اني اتعلم الديكور وكل حاجة تخص المجال من البداية كنت مبدعة شغلي مميز وعشان كده اتعرفت بسرعة.

خلصت اخر قطعه جاتو وشكرت العروسة ومامتها ولمېت حاجتي ومشيت..

كانت الحاجة تقيله جدا والاسانسير مشغول نزلت على السلم بس وانا نازله خبطت في واحد ريحه البرفيوم بتاعه تجنن

انا آسف بجد انا مخدتش بالي عشان شايل الكراسي..

ولا يهمك حصل خير..

انا هلملك اللي وقع..

بدأ يساعدني في اني الم الحاجة كانت ملامحه حلوة شبه أبطال الأفلام الاجنبية بس على احلى..

فوقت على صوته وبيقولي

أنا آسف مره تانيه

حركت رأسي بمعنى ولا يهمك ومشيت

مشيت ولسه ريحه البرفيوم معلقة

في مناخيري

مشيت

بسرعة وروحت الحضانه اجيبسند وروحت

شقه جدي وجدتي بيت العيله اللي كان مكتوب باسم بابا وبابا كتبوا باسمي رغم اني عيشت في بيتين قبل كده بس ده البيت الوحيد اللي بحس فيه بالدفء والأمان..

حضرت المكرونه بالصوص الاحمر وبانيه مشوي ودي تعتبر اكلتي المفضله انا وسند ..

بعد يوم طويل ونامسند قررت اخد وقت لنفسي..

طلعت بيجامه مريحه واخدت شاور وحطيت اسكين كير وجهزت الايس كوفي وشغلت الراديو على اغنية لام كلثوم خدت الشال من على كرسي ولفيته عليا يدفيني من نسمات هواء نوفمبر..

طول عمري بخاف من الحب وسيرة الحب..

حسيت بريحه البرفيوم موجودة حواليا بصيت حواليا بلهفه مش عارفه إيه سببها لقيته!

لقيته واقف في البلكونة اللي

قدامياستغربت الشقه دي مقفولة من ساعة ما جيت..

بصتله في نفس الوقت كان هو باصصلي اتكسفت وحسيت برعشة في جسمي وكاني رجعت احب تاني..

إيه ده أنت طلعتي ساكنه هنا

آه ساكنه هنا بقالي اربع سنين كده بس انا اول مره اشوفك..

آه مهو انا كنت مسافر بتعالج من الکانسر في إنجلترا ولما خفيت رجعت تاني..

آه فهمت العموم تشرفت بحضرتك وحمد الله على سلامتك..عن اذنك..

لقيت ضهري عشان ادخل لمن وقفت لما سمعت صوته الملهوف بيسالني

استني! هو أنت اسمك إيه

أم سند..

بصلي باستغراب خصوصا لما بص على أيدي وملقاش دبله دخلت بسرعة وقفلت البلكونة وسندت عليها مش عارفه مالي اتوترت وقلبي بيدق

بسرعة ليه وليه قولتله أم سند مش اسمي يمكن حاسه اني ډخله على مشاعر مش مفهومة.. مشاعر حب من أول نظرة! فوقي يا سيرا أنت عايشه عشان ابنك وبس..

كنت بحضر اللانش بوكس بتاعسند عشان الحضانه وهو واقف في البلكونه بيبص على العصافير سمعت صوت سند وهو بيتكلم مع حد طلعت لقيته منسجم معاه!

وعشان البلكونات قريبه من بعض جدا قدروا يتكلموا و هو أديسند شوكولاته..

سند حبيبي يلا..

صباح الخير

صباح النور

سند مسك ايدي عشان يلفت انتباهي وقالي

مامي بليل عندي مسابقة اوعي تنسي لازم تخلصي شغلك وتيجي بسرعة عشان تشجعيني..

إيه ده يا بطل مسابقه ايه

سباحه يامارو متيجي انت كمان اتفرج

عليا انت مش قولتي أننا صحاب..

واو انا كمان كنت بلعب سباحه بس بطلت بس وعد هاجي انهاردة خلي مامي تديني العنوان وانا هاجي..

كنت واقفه مستغربة مصډومة من الكلام هو سند من امتى بيتعرف على حد وبيتكلم معاه بعشم كده ومين ده اصلا!!!

اضطريت أني اديله عنوان النادي قدام سند عشان ميزعلش ومشينا..

كان يوم متعب جدا في الشغل رجعت بسرعة خدتسند من الحضانه وروحت النادي..

اول ما وصلنا كان قاعد واول ماسند شافه جري عليه وحضنه

انا مبسوط اوي انك جيت مبسوط اوي اوي انا بحبك عشان جيت عشاني..

مش عارفه ليه

سند صعب عليا يمكن عشان اول مرة حد يشجعه غيري كنت بشوف دائما نظرته ناحيه صحابه وهما

حواليهم اهلهم وقتها بس كنت بعيش اوحش

لحظات عشان معرفتش اختارله أب صح..

بدأت المسابقة وقعدت معاه على ترابيزه واحدة كان بيشجع سند وبيهتف باسمه بصوت عالي وسند الفرحة باينه على وشه جدا لدرجة اني كنت مبسوطه عشان فرحته دي..

سند كسب لأول مرة!

خرج من المياه وحضني وبعد كده جري عليه وبكل عفوية قاله

انا كسبت عشان سمعت كلام تعليماتك ليا انا بحبك اوي يا بابا!

اتهزيت اول ما سمعت بيقول كده مش عارفه ليه..

سند عيب كده مينفعش تقول لعمو بابا عشان هو مش بابا

سند بصلي بنظره حزن شبه نظرتي جدا

انا عارف أنه مش بابا بس انا حسيت اني عايز أقوله كده انا آسف..

نزل لمستوى طولسند وقاله بصوت دافئ

انت تقول اللي انت عايزه أنا مش هزعل أبدا..

بجد شكرا اوي يا بابا مراد شكرا..

كان منظر سند وهو في حضنه

جميل كان كل واحد بيعوض التاني بحاجة..بعد عنه وشوش سند في ودانه بحاجة انا مسعتهاش واول ما بعد عنهسند جري ناحيه صحابه.

ممكن نقعد أتكلم معاك في موضوع مهم..

اكيد اتفضل

قعدت على كرسي وبدأت اهز في رجلي من التوتر هو شد كرسي وقعد جمبي بصيت في فوني وقولتله

خير يا استاذ في حاجة

انا اسميمراد ده اولا

مجرد ما نطق الاسم افتكرت اول حب في حياتي كان اسمه مراد كان جاري بس عزل وسافر..بس انا لسه فاكره ذكرياتي معاه يمكن عشان اول حب في حياتنا مش بيتنسي!

وثانيا

انا مراد طاحون..

نعم

لأ سيرو فوقي كده نسيتي أيام زمان

فتحت عيني على وسعها من الصدمة ده مراد الحب الاول! هو كان قمور بس دلوقتي بقى واو..

مراد! انا إزاي معرفتكش

عشان انا شكلي اتغير

الکانسر غير فيا كتير من ملامحي وكمان انا كبرت..

ياه بجد بعد كل السنين دي نتقابل دي صدفة غريبه جدا..

بس دي مش صدفه

نعم يعني إيه

يعني انا لما رجعت وسالت عليك قالولي أنك عايشه لوحدك في بيت والدك الله يرحمه القديم فقررت اني ارجع اعيش في بيت اهلي ونرجع عودة العلاقات وكنت متاكد انك مش هيكون حد في حياتك..

مش فاهمه انت عايز إيه مني برضوا

سيرا انا لما سافرت كنت مفكر أن حبنا شغل عيال وهنسي بس انا منستش ولسه بحبك انا معرفش أنت اطل-قتي ولا ماټ بس المتاكد منه أنه مش موجود نهائي في حياه سند انا المړض عملي مشكله في الخلفه مش هعرف اخلف غير بعد مرحلة علاج طويلة شويه.. تعالى ندي نفسنا فرصة أننا نكمل سوى ونكون عيله وسند يعيش وسط اب وأم

مراد

أنا مش قادره أخوض تجربه تانية انا اولى طلعت منها خسرانه كل حاجة

مسك ايدي وقالي بترجي

صدقيني انا راجع وبتمني تكوني من نصيبي هنعمل خطوبه عشان نتعرف على بعض وعشان سند ياخد عليا عشان خاطري اديني فرصة

أنا هخليك تحبيني

وعد..

حط كارت بتاعه على ترابيزه وقال

انا مسافر اسكندرية ازور قرايبي هناك

ده رقمي فكري ومستنيك..

مشي وانا فضلت قاعدة مصډومة من لعبة القدرحرفيا.

روحت ومعرفتش انام كويس..

و لمدة أسبوع كنت بفكر وخدت القرار

طمنت نفسي اني خسړت كتير مش يمكن يكون ده المكسب الوحيد..

فتحت ابلكيشن الواتس آب وبعتله

موافقة

وفعلا كان قد وعوده اول ما لبست دبلته حسيت اني مطمنه وبدأت اتخيل حياتي الجايه هتكون عاملة إزايمهما كنت فرحانه انا

ومراد ف فرحة سند كانت أكبر مننا..

تمت انتهت الروايه

سيرا محمود