سيف ١

الفصل ١
بمكان ما في مستشفي الأمل
علي ينثني على ركبتيه : أنا بحبك تقبلي تتجوزيني
ملك تهز دماغها بنعم: أيوا موافقة ، وأنا كمان بحبك يا علي ولسه هيحـ,ـضنها
استيقظ علي على ضـ,ـربه خفيفة على
رأسه أعادته للواقع
: ايه يا بني رحت فين مش بكلمك
علي بغيظ : منك لله يا حياه صحتيني من أحلى حلم دا أنا كنت لسه ها…
حياه بمرح : ها ايه..يا دكتور
علي : امشي يا بت من هنا مش كفاية هي عليا
حياه : نفسي أفهم دكتور عجوز زيك داخل علي أربعين ، ولسه مش عارف يعترف لواحده ويروح يخطبها ، يا بني أنا لو مكانك كان زماني اتجوزت وخلفت واحده قدي
علي بغيظ : انا عجوز يا متخلفة طب والله لوريكي واوري المستشفى كلها الدكتوره حياه المحترمه علي أصلها .. وايه يا بني دي كنت بلعب معاكي أنا ، دا أكبر منك ب١٠ سنين
حياه ضحكت عليه وقالت لتغيظه : ٩سنين لو سمحت ، طب حيث كدا بقي أروح أقول لملك اني رجعت في كلامي وأنا اللي هبات هنا النهارده وهي خليها تروّح، شوف كنت ناويه أساعدك واخليها هيا في الشيفت معاك واخد مكانها بكره
علي بمرح وقد تبدل حاله من كلامها : وحياه ابوكي يا شيخة خلاص أنا أسف علشان خاطر اخوكي الكبير واللي قرب يعجز علي رأيك ساعديه وأنا ان شاء هعترف ليها النهارده
حياء : ماشي بس اللي أوله شرط آخره نور
علي يغيظ : طلباتك يا دكتوره حياه
حياه : أولا تدخل البيت من بابه يعني تقولها وتروح تخطبها علي طول بنات الناس مش لعبه
علي : انتي هبله يا بت يعني لو هلعب بيها هستني دا كله علشان اعترفلها بس
حياه : ابتدينا نغلط
علي : انا اسف يا ريسه اؤمروني
حياه : ريسه !! الأمر لله بس تاني طلب
علي : يارب صبرني
حياه :هتبقي صباره ان شاء الله المهم عايزه شكولاته كتير اوي
علي : حاضر يا مفلساني
حياه :يلا سلام انا دلوقت
،
ومشت عند ملك

في مكتب ملك دق الباب

ملك اتفضل
حياه بابتسامة :ملوكه عامله ايه يا قلبي
ملك :الحمد لله بخير يا حياتي هتروحي انتي دلوقت
حياه بمرح :أيوا أنا همشي أهو مش عايزه حاجة اطلبي بس وانا والله مش هجيب حاجه
ملك : امشي يا بت من هنا
حياه ضحكت : بكره يجي وتقولي فين ايامك وأيام الضحك معاكي يا حياه
ملك : سلميلي علي ماما اما تسافري دا احنا بقالنا ٥ شهور مسفرناش ومتخليهاش تتعب نفسها زي كل مره وتعملي حاجات معاكي
حياه : ليه أن شاء الله دا هي اصلا بتزعل مني لما تلاقيني مروحه لوحدي وبتقعد تقولي فين اختك وبابا بيفضل يديني نصايح ويقولي خدي بالك من اختك ميعرفوش انك الله اكبر عليك
ملك والدموع في عينها : ربنا يخليكم ليا مش عارفه انا مش غير طنط ثناء وعمو محمد كنت هعمل ايه عمرهم ما حسسوني اني يتيمه او مليش اهل

حياه بانزعاج : قسما بالله لو قلتي أنك يتيمه تاني لهولع فيكي و قالت بمرح كي تضحكها وبعدين انتي بتحسي اصلا
ضحكت
ملك وأردفت: قومي يا بت من هنا
حياه : لا أنا كدا كرامتي اتهانت خالص مالص واحد يقولي يا بت والتانيه برضو وكله الا كرامتي
ملك :واحد مين
حياه بغمزه : علوش يا روحي
ملك باحراج : انتي يا بت متدلعهوش وقالت بخجل هو علي هيسهر ولا يروح

حياه بغمزة : عليا الكسوف دا يا اختي ما عارفه اللي فيها مش عارفه بتصديه ليه وانتي بتحبيه
ملك : علشان مينفعش يا حياه
حياه : دا انتي ست البنات يا ملوكه هو يطول اصلا واحده زيك في جمالك في حلوتك
ملك ضحك : انتي هتغني يا حضره الدكتوره
حياه : يا دي حضره الدكتوره اللي مسكنهالي هو علشان دكتوره مغنيش وبعدين انا كل قـ,ـاذوراتي معاكم انتو بس
ملك : طبعا ومحدش يعرف انك فرفوشه كدا مش عارفه الدكاتره بيترعـ,ـبوا منك علي ايه بس
حياه : معاكو انتي ولولو وعلي بس يا ملوكه اللي بكون علي طبيعتي وبعدين هو لازم الواحد يتكلم كدا علشان الاحترام يا اختي سلام بقي علشان الحق الموصلات مش هركب العربيه صدعتوا دماغي وضيعتوا الهيبه
ملك ضحكت عليها ودعت ربنا يحميها وهي في الطريق وقعدت شارده بتفكر ان علي مستحيل يقبل بيها لأنها عايشه في ملجأ وقامت تروح للمرضي بتوعها

في الطريق
حياه بتركب الاتوبيس لأنها من منطقة بعيدة، ولكن
ساكنه
في القاهره مع ملك علشان شغلها
حياء :أيوا يا ماما أنا يا حبيبتي ركبت الاتوبيس
ثناء مامتها: توصلي بالسلامه يا حبيبتي خلي بالك من نفسك ومن حاجتك واقرأي قرأن أو اسمعيه في الطريق يا حياه يحفظك ويحميكي
حياه : حاضر يا ماما يلا مع السلامة
قفلت الموبايل وفتحت المصحف بتاعها بتقرأ وبعد حوالي ٣ ساعات قفلت المصحف وفتحت كتاب عن زوجات الرسول وبدأت تقرأ فيه
الاتوبيس وقف ونزلوا واخدت تاكسي ووصلت البيت بتاعها لكن وجدت العساكر والظباط واقفين أمام البيت وواحد ماسك باباها وفجأه زقه

يا تري ايه اللي حصل؟

وايه الظباط دول وبيعملوا في قصرها ايه؟

الفصل ٢
حياه مسكت باباها :انت ازاي يا استاذ تسمح لنفسك انك تمد ايدك علي بابا
محمد باباها : اهدي يا بنتي وروحي شوفي مامتك
الظابط :امشي يا انسه من هنا بالذوق بدل ما امشيكي بالعافيه
حياه : نعم حضرتك بتكلمني انا انت اصلا ازاي تتكلم كدا وكمان في بيتي
الظابط : ما اهو حضرتك البيت دا هيتهد فورا وجي قرارا الازاله خلاص
حياه اتصدمت يعني ايه يتهد !!!.. وبصت لباباها هو فيه ايه !!
محمد : اهدي يا بنتي وتعالي معايا افهمك
حياه : في ايه يا بابا
محمد : علشان احنا بنينا علي ارض زراعيه فلازم يا ندفع كل شهر ٥٠٠٠٠ او يتهد
حياه: اللي اهو ازاي يعني يابابا ويعني ايه كل شهر ٥٠٠٠٠ ومين معاه يدفع كل شهر ٥٠٠٠٠ وازاي يابابا متقوليش علي الحكايه دي
محمد : يا بنتي هما اصلا كانو هيجوا اخر الشهر بس مش عارف جم النهارده ليه
حياه كمان يا بابا مكنتش هتقولي وراحت لمامتها
ثناء لحياه : حببتي وحـ,ـضنتها جامد
حياه : متعيطيش يا ماما ربنا مش هيسيبنا وانا مستحيل اخليهم يهدوه وهعمل كل اللي اقدر عليه
ثناء: يا بنتي متتعبيش نفسك خليهم يعملوا اللي هما عايزنه واحنا هناخد شقه إيجار وخلاص بمعاش ابوكي
حياء: انتي بتقولي ايه يا ماما ازاي هتتخلي عن بيتك بالطريقه دي دا البيت يا ماما اللي بابا فضل يبني فيه طول حياته ودفع فيه دم قلبه علشان يكون كدا وانا عيشت فيه عمري البيت دا بالنسبه ليا قصر .. زي الجنه بالظبط بنسي همومي لما بقعد في الجنيه هنا ازاي اتخلي عنه بالسهوله دي
وخرجت مسرعه ومنفعله للظابط
حياه : بص يا حضره البيت دا مستحيل يتهد الا علي جـ,ـثتي
الظابط باستفزاز : يبقي مـ,ـوتي ياحلوه ما احنا نستورد محاصيل من بره علشان حضرتكم تبنوا فلل وبيوت بالمنظر الكبير دا علي الأراضي الزراعيه
حياه بغيظ : اولا حضرتك صوتك يوطي وانت بتتكلم لأنك مش عارف بتتكلم مع مين وانا صدعت بصراحه ثانيا يعني مشاكل الدينا كلها واقفه علي هدم قصري واصلا الارض كانت مش مزروعه وكانت صحرا وبعدين ما انتو سايبن البلد بتولع وبتجروة ورا الغلابه
الظابط بصوت اعلي :انتي مين يعني وتتكلمي معايا عدل بدل ما اعدلك واه كل حاجه واقفه علي هـ,ـدم بيتك
حياه بنفاذ صبر : انا الدكتوره حياه محمد البحيري اللي لا انت ولا عشره زيك ينفع يتكلموا معايا بالطريقه دي
الظابط : وايه يعني .. وقسما بالله لو ما اتعتدلتي لاخدك القسم حالا بتهمه التعدي علي ظابط وشوفي مين هيطلعك و هيتهـ,ـدم دلوقت وقصاد عينك يا حلوه … وانا لحد الان ماسك نفسي
حياه بغيظ : لا يا بابا فكها احسن تتخنق
اتي محمد وعلامات الزعر عليه : حياه يا بنتي تعالي شوفي مامتك مالها وانا اسف يا حضره الظابط لو حياه قالت حاجه
حياه : انت بتعتذر لمين يا بابا دا واحد ولا يستاهل
الظابط بغيظ من كلامها وقال بهمس لها : طب والله يا حيوانه يا زباله لهندمك علي الكلام دا وغادر
محمد : يا بنتي مينفعش كدا اللي قولتيه دا وتعالي بسرعه شوفي مامتك
حياة جرت بسرعه علي ماماتها : ماما ماما قولي يا حببتي بابا هات الشنطه بتاعتي بسرعه طلعته وقاست الضغط لقيته عالي هات يا بابا بسرعه دوا الضغط بتاعها واعطيتها الدوا
تنهدت حياه وقد بدأت تفكر : بابا هو المفروض هيهدموا أمتي
محمد : المفروض بعد ما احنا نطلع ونطلع كل حاجتنا واحنا طلعنا كل حاجه في العربيات ونروح الشقه القديمه نقعد فيها
حياه : اوعدك يا بابا هعمل كل حاجه علشان قصرنا ميتهدش وخد ماما وروحوا الشقه القديمه بس متطلعوش الحاجات من العربيات غير لما اقولك
محمد اخد ثناء ومشيوا تبقت حياه في القصر قعدت تتمشي فيها وتتذكر طفولتها فيها وكل حته فيه ودخلت اوضتها وظلت تتمشي فيها والدموع في عينها مش مصدقه ان ممكن القصر دا يتهد هي قضت كل طفولتها فيها هي واختها وطلعت تليفونها ورنت علي علي
علي : ايوا يا حياه
حياه ببكاء وصوت مهزوز :علي القصر هيتهد يا علي .. اعمل اي حاجه ارجوك بس متخلهوش يتهد
علي : اهدي بس وفهميني ايه اللي هيتهد
حياه : وقصت عليه ما حدث
علي : ماشي متقلقيش هعمل اللي هقدر عليه طب اسم الظابط ايه
حياه : مش عارفه لما يجي هسأل هما مشيوا لحد ما نخلي القصر
وقفلت معاه قعدت تفكر في ذكرياتها هي وملك قي القصر
وبتفكر ذكري من الطفوله
فلاش باك
محمد : حبيبه بابا نفسها في ايه
حياه : نفسي يكون عندي قصر كبير وفيه اوضه ليا لوحدي كبيره وحديقه وفيها مرجيحة وبسين
محمد بضحك :قصر مره واحده يا مفتريه وانا اللي جيبلي شيكولاتة وقولت هتقولي شيكولاتة ما دام عايزه قصر يبقي مفيش شيكولاته تاني بقي
حياه بمرح : لا لا دا بهزر يا حمو
محمد باندهاش : حمو !!دا ايه دا
حياه : بهزر معاك يا بابتي
محمدضحك : هزري براحتك با روح بابتك
حياه : ما تجيب الشيكولاته بقي
محمد ضحك من قلبه: ما بتسبيش حقك ابدا
ضحكت
محمد ضحك عليها وعلي شكلها فهي ايه في الجمال بالشعر البني الناعم الطويل والعيون الخضراء ، والرموش الكثيفه والبشره البيضاء الصافيه والخدود الحمرا من الاخر كدا جميله
باك
عادت للواقع وذكري كل مكان في القصر يمر بعقلها فأبيها حقق لها ما تمنت والان يهدم فاخدت تبكي وهي جالسه علي الارض
حتي جاء الظابط علشان يتأكد ان مفيش حد
الظابط بتهكم : انتي لسه هنا
حياه بدموع : مش هخرج ولو عايز تهده فوق دماغي هده
الظابط : اهو تريحينا من لسانك الطويل يلا يا بني اؤمر الكراكات تهد
العسكري : بس يا باشا لو حد عرف ان كان فيها حد هتاخد جزا
الظابط قدامك ربع ساعه بالكتير لو ما خرجتيش هيتهد فوقك
حياه : وربع ساعه كافيه معايا
الظابط :هتعملي ايه يعني
حياه باحتقار : ملكش فيه
الظابط باحتقار : يارب صبرني علي العموم معاكي ربع ساعه
وخرج
حياه : واحد متخلف
وبصت للعسكري هو اسمه ايه الظابط دا
العسكري : اسمه سيف بيه الهلالي
رنت علي علي واخبرته الاسم
يا تري ايه اللي هيحصل??????
والبيت هيتهد ولا لا ؟

الفصل ٣

حياه بتصلي وتدعي ربنا : بارب واثقه فيك وفي حكمتك يارب انك هتساعدني وقعدت تدعي وهي بتعيط لربها وتشكو اليه وخلصت صلاه وطلعت تشوف فيه ايه لقت
مفيش حد غير عسكري واحد
بتسأل العسكري اللي كان واقف قالها القرار اتلغي
سجدت لربها شكر اني دعواتها استجابت واقعدت تستغفر وتشكر وتحمد ربنا علي كرمه
التليفون رن
علي : حياه انا كلمت واحد كان مريض عندي وهو كان حاجه كبيره في الداخليه ووقف القرار
حياه : الف شكر ليك يا علي علي وقفتك جنبي وعلي تعبك اللي انا بسببه
علي بمرح خلاص يبقي تظبطيني مع ملك بقي
حياه ضحكت والله ما عارفه اشكرك بجد ازاي
علي يا حياه انا قولتك قبل كدا انتي اختي الصغيره ومفيش بينا الهبل بتاعك دا
وقعدت تشكر فيه وقفلت معاه
اتصلت علي باباها وقصت عليه
محمد : ازاي يتراجع في ربع ساعه انا هتصل علي المحامي اشوف ايه اللي حصل واتأكد منه
حياه : ماشي يا بابا ابقي تعالي بقي انت وماما
محمد : ماشي يا حببتي وقفل
محمد بيكلم المحامي
المحامي : ايوا فعلا يا استاذ محمد القرار جي من فوق

وقعد يكلمه ثم قفل معاه
ثناء : فيه ايه يا محمد
محمد : يلا عشان هنرجع القصر
ثناء : ازاي ؟؟ ايه اللي حصل !!
محمد : مش عارف بس تقربيا حياه كلمت حد هاروح افهم منها
وبالفعل رجعوا والعمال رجعت كل حاجه في القصر زي ما كانت

وحياه فهمت باباها ان علي هو اللي ساعدها