حكايه ارمله داليا علي

رواية حكاية أرمله:
الفصل التاني:
تأليف داليا علي:

خبط ع الباب مكة اتخضت ماما مين

أميره.. متخافيش يامكة تعالي نشوف مين

لقيت الحاج ابراهيم

أميره.. خير يا حج

الحاج ابراهيم… لو سمحت يابنتي انا جيت ابلغك محتاجين الشقة بكره

أميره… هو مش حضرتك قولت أول الشهر

الحاج إبراهيم… المشتري محتاجها بكره

أميره بكسره وقلة حيله… حاضر هلم حجتي انهارده وهمشي بالليل مش هبقي موجوده

الحاج إبراهيم… بحزن حقك عليا يابنتي بس غصب عني

أميره.. ولا يهمك ياحج.. مش زعلانه دموعها في عنيها بس ابتسمت ابتسامة رضا،، أميره لمت حجتها وجبت عربية نقلت كل شئ في شقة أمها

أمها فرحت إنهم هيعيشوا معاها.. بس حزنت على حال بنتها،، فجاءة بعد ماكانت عايشة مرتاحه ماديا…. وفي شقة كبيرة ومعاها سند دلوقتي بدأت من الصفر

أميره رتبت شقة أمها،، ورتبت هدومهم… واستقرت مع أمها،، ورضيت بالأمر الواقع لأنى أي صراع بينها وبين أهل محمد هتخرج خسرانه،، هما مال وجه وهي ولا حاجه ابتديت تهدي نفسها،،، وتدعي ربنا يجيب حقها وحق بنتها عدي اسبوع ومبقاش معها فلوس وولداتها ملهاش أي دخل الا معاش صغير ميكفيش حتي اكلهم طب مدرسه مكه دي خاصه كجي 2

أميره قررت تدور على شغل

في بيت محمود:

منال… خرجت من الشقة

محمود… طبعا ورجعت لأصلها المعفن تاني

هبه… في ستين داهيه

منال… هو انت مضيت محمد ع بيع الشقه ازاي

محمود…  مش بس الشقة ده حسابه في البنك….وكل حاجه عشان وقف قدامي.. وانا محدش يقف قدامي،،، وانا اللي خسرته كل الفلوس اللي خدها مننا