سهيله سعيد ٢
فيسبوك X لينكدإن بينتيريست طباعة
موقع أيام نيوز
دخليه بسرعة
هند نعم !!!!!
الام اسمعي الكلاااام
هند طيب .. اتفضل
يدخل هيثم
الحلقة الرابعة عشر ١٤
الام وهي خرجاله منور ي حبيبي
هيثم بنورك يما انا قلت اجي اشوف فاطمة هي حصلها ايه
الام عين ولاد الحړام ي بني
هيثم لا ان شاء الله تكون بخير
الام ان شاء الله
هيثم وكنت كمان عاوز اتأسفلها ع حاجة كدة ينفع ادخلها
الام اه وماله مهي تكية ابوك ي روح امك
تقلع الشبشب وتلقطه ف ايدها
هيثم ب خضة في ايه
الام ب انفعال في ايييه بقا انا تتهجم ع بنتي ي بن ستين جزمة دي ستك ي ولا وضوفرها برقبة المنطقة دي كلها وكمان جاي لحد البيت ي بن البجحة
ټضرب فيه بالشبشب ع وشه وع جسمه وهو مش لاحق حتى يتكلم او يجري
هند ايوة كدة تستاهل ي بن الجزمة
هيثم باااااس الله يخربيتك
يفلت هيثم من تحت ايدها
هيثم ب زعيق وحيات امي م انا سايبكم
الام وهي بتحدفه بالشبشب غور كاك داهية ف شكلك غوووور
هيثم ماااااشي
يمشي هيثم
هند انا استغربتك اما دخلتيه !!!
الام كنت بصتاده ي بنت الهبلة
هند ههههه لا انا امي مش هبلة ابدا
فاطمة وهي خارجة من اوضتها ووشها كله نوم هو ايه الدوشة دي
ييجي الليل سو نايمة ف حضن شهاب
سو شهاب
شهاب نعم
سو هو انت ليه محبتنيش !
شهاب وهو بيبصلها ايه السؤال الغريب دة
سو بتكلم جد
شهاب م انا عارف انك بتتكلمي جد
سو طب رد ع السؤال
شهاب هو ايه السؤال
سو ليه محبتنيش
شهاب ومين قالك اني مبحبكيش انا لو مبحبكيش مستحيل اكون معاكي انا معرفش اكون مع حد عشان حاجة او غرض انا معاكي عشان حبيتك
سو بس انت لو بتحبني كنت ارتبط بيا
شهاب في فرق بين بحب واحدة ف متخيلها مراتي هتجوزها غير لما احب واحدة عشان ارتحتلها وعشان هي انسانة كويسة ومينفعش متتحبش
سو يعني انت بتحبني عشان انا مينفعش متحبش !
شهاب وهو بيقوم لا انا عاوز افهمك ومش عارف .. انتي عاوزة توصليلي ايه بالظبط
سو انا مش عاوزة اوصلك حاجة انا عوزاك انت توصلي ازاي انا اديتك كل حاجة وانت مش عاوز تديني وجودك الدايم جنبي ب ارتباطك بيا !!!!
شهاب اه هو انتي فاكرة لما تسلميلي نفسك انا كدة هقول حبيتها خلاص ولازم اتجوزها
سو كان في ايه اكتر من كدة المفروض اعمله ومعملتوش
شهاب لا يبقا فعلا بعد اهلك عنك اثر فيكي ي سو وامك مفهمتكيش الجزء دة .. بس انا هفهمك
يقعد قصادها
شهاب ممكن تستغربي ان انا الي بقولك الكلام دة لاني معاكي بس انا مفيش اي حاجة غصبتك عليها ف سيبنا م الكلام دة .. انك تسلمي نفسك لحد حتى لو بتعشقيه دة مش حب .. دة معلش هبل .. هبل وحقارة ف نفس الوقت ان مش هقولك خونتي اهلك والجو دة بس هقولك خونتي نفسك وخونتي جسمك الي كان ليه الحق عليكي انك تحفظيه للي هيكونلك ف الحلال وبس .. ف انسي ان ف وضع زي دة المفروض اني اقول اتجوزك بقا م انتي كلك بقيتي ملكي .. طب مسألتيش نفسك اتجوزك ليه وانتي كأنك مراتي ولو عوزتك ف اي وقت هلاقيكي .. مسألتيش نفسك ليه دايما الي بيغلطوا بيتهرب ومبيرضاش يتجوزها .. مش ندالة بس عشان خلاص معادتش محفوظة ليه وقلت من نظره ف ازاي دي تبقا ام ل عياله وازاي يبص ف وشها بعد الجواز ويأمنها ع بيته ف غيابه .. وبتقولي في ايه اكتر من كدة لا في .. في مشاعر ف اول لمسة ايد .. مشاعر ف اول بوسة خطڤ دة لو عرفت اخدها .. مشاعر اول حضن .. فرحة ان اشوف حبيبتي بالفستان الابيض .. فرحة ان اشوف الكسوف الي ف عيونها مني اول م تدخل بيتي .. الحلال ليه طعم تاني خالص انتي للاسف مش هتحسيه عشان سلمتي من زمان ي سو
تنزل دموعها
سو ب حزن يعني انا مش هتجوز
شهاب وهو بيمسح دموعها لا ي قلبي هتتجوزي طبعا بس كل الفكرة ان مش انا الي هتتجوزيه بس هتتجوزي هو في بنت مبتتجوزش
سو بس انا مش متخيلة ان ممكن اكون مع حد غيرك
شهاب لا طلاما وصلتي للمرحلة دي يبقا هطر انسحب من حياتك عشان متتأذيش بسببي
سو ب انفعال لا اوعاااا ي شهاب اوعا تبعد عني انت اه كل فين وفين لما بشوفك بس عارفة انك موجود ف حياتي اوعا تبعد
شهاب يبقا نعقل بقا
سو حاضر
شهاب قومي خدي دش كدة وروقي
سو حاضر
يعدي الوقت يرجع شهاب الشارع يرن فون فاطمة
فاطمة الو
شهاب الحلو خف ولا لسة
فاطمة ب ابتسامة لا الحمدلله احسن بكتير
شهاب الحمدلله انا قلت اطمن عليكي قبل م اطلع عشان لو في اي حاجة
فاطمة لا انا كويسة .. انتاااا كنت فين للسعادي مش قلت انك اجازة !!!
شهاب كنت بصيع ف الشوارع
فاطمة ههههه انت متعرفش تقعد ف البيت ابدا
شهاب لا طبعا وانا بردوا بتاع بيت
فاطمة ماشي
شهاب مش عاوزة اي حاجة من برة انا تحت البيت اناولك الي انتي عوزاه
فاطمة وهي بتقوم من ع السرير لا عاوزة سلامتك
شهاب قولي بس هدفعك حق الحاجة متقلقيش
فاطمة وهي بتفتح البلكونة ههههه لا
يسمع شهاب صوت البلكونة يبص يشوفها لانهم ف اول دور
فاطمة يلا اطلع
شهاب وهو باصصلها اطلع .. اطلع فين !
فاطمة اطلع بيتكوا
شهاب هو انتي احلويتي ولا انا الي جرا ل عيني حاجة
فاطمة ههههه لا جرا ل عينك حاجة
شهاب طب ايه بقا
فاطمة ايه
شهاب ايه الي طلعك م انا كنت داخل بيتنا ب سلام
فاطمة معلش هدخل اهو
شهاب لا استنى .. ولا لا ادخلي عشان متتعبيش
فاطمة ب حيرة ادخل ولا استنى
شهاب انا عاوزك تستنى بس مش عاوز اتعبك
فاطمة بس انا مش تعبانة
شهاب عشان شوفتيني صح
فاطمة ههههههه
شهاب قولي وربنا م هقول لحد
فاطمة ب ضحك بطل بقا
شهاب ماشي ي عم يلا ادخلي
فاطمة تصبح ع خير
شهاب وانتي بخير
يقفل شهاب ويبصلها من تحت تبتسمله وتدخل وتقفل البلكونة
هند بتعملي ايه !!
فاطمة يخربيتك خضتيني
هند سلامتك م الخضة
فاطمة دة طلعت اتكلم ف التليفون عشان مصحكيش
هند ومن امتى الحنية دي !!!
فاطمة ي ستي انا غلطانة بعد كدة هتكلم فوق دماغك
هند كنتي بتكلمي مين
فاطمة وانتي مالك
تسيبها فاطمة وتروح ع سريرها تنام تعدي الأيام وشهاب وفاطمة بيتكلموا فون وع الفيس شهاب ف اوضته نايم وفجأة …………
الصوت يلهويييييييي الحقونيييييي اااااااه
يقوم شهاب م النوم مڤزوع ع صوت الصړيخ وصوت تكسير حجات يقوم يطلع البلكونة يشوف صالة بيت فاطمة في ناس وكركبة وصړيخ يدخل ويجري ع تحت
عند فاطمة هند حابسة فاطمة ف الاوضة وبرة ستات واقفين ل هند وضاربينها
هند ااااه
ام هيثم ب زعيق انا ابني يضرب بالشبشب دة انا هخلي ليلتكم سودة
اخت هيثم افتحي ي بت ام الباب دااااا
هند لااااا
فاطمة ي هند افتحي
هند ب صړيخ اسكتيييييي
ام هيثم هتفتحي ام الباب ولا ……….
يدخل شهاب
شهاب في ايه
هند الحقنا ي شهاب متهجمين علينا
شهاب ايه الي بتعمليه دة ي ام هيثم !!!!
ام هيثم باخد حق ابني ي شهاااب
شهاب ب انفعال حق ايه وزفت ايه دة هما الي ليهم حق عندكم
اخت هيثم دة ازاي دة ان شاء الله !!!
شهاب اسألي اخوكي وهو يقولك .. أسأليه عمل ايه عشان يضرب بالشبشب ع وشه من حريم
اخت شهاب بقولك ايه متدخلش انت حقنا وهناخده
هند لا يتدخل
شهاب لو ممشتوش دلوقتي انا هبيتلكوا ابنكوا ف المستشفى تااااني وابقوا وروني بقا هتاخدوا حقوا مني انا ازاي
يبصوا لبعض
ام هيثم امشي قدامي
اخت هيثم بس ………
ام هيثم غوري بقااااا
يمشوا تاخد هند نفسها وتروح تقعد الكنبة يقرب شهاب عليها
شهاب انتي كويسة
هند دماغي مش قادرة
فاطمة وهي بتهبد ع الباب ي هند افتحييي
هند وهي بتدي ل شهاب المفتاح افتحلها والنبي
شهاب حاضر
ياخد منها المفتاح ويقرب ع اوضة فاطمة يفتحلها تتخض فاطمة اما تشوفه لابسة بيجامة بادي وهوت شورت تقفل الباب تاني ف وشه يرجع شهاب ل هند
هند مطلعتش ليه !
شهاب اااا جاية اجبلك حاجة ولا اعملك حاجة ننزل مستشفى
هند لا انا كويسة مش مستاهلة
شهاب هو حصل ايه
هند الباب خبط رحت افتح لقيتهم هما زقوني ونزلوا فيا ضړب كانت فاطمة نايمة جريت من تحت ايدهم قفلت عليها عشان عارفة انهم جيينلها هي مش انا
تقرب فاطمة بعد م غيرت هدومها
فاطمة بتحبسيني لييييه !!!
هند عوزاني اسيبهم يدخلولك وانتي عيانة يجيبوا اجلك
فاطمة كنا هنصد سوا احسن م تكوني لوحدك
هند ربنا سترها خلاص
فاطمة انت كنت معاهم ولا ايه !!
شهاب لا انا كنت نايم قمت ع صوت صړيخ هند
فاطمة هو عاوز ايه مني دة مش عارفة انا !!!
هند انتي ولا الي قتلاله قتيل
فاطمة انا هروح اتكلم معاه
شهاب تكلمي مين انتى اتهبلتي
فاطمة اومال اسيبه يطيح فينا هو واهله !!
شهاب سبيلي انا الموضوع دة
فاطمة لا بلاش انت مبتتفاهمش وهيحصل مصېبة المرة الجاية
شهاب لا اوعدك اني هتكلم معاه بتافهم بس هتكون اخر مرة اتكلم معاه اصلا فيها
بعد يومين فاطمة قاعدة مع صحابها ف كافيه يرن فونها
فاطمة ايه فينك .. بجد جبته .. ف الكافيه الي بقعد فيه .. طب ماشي مستنياك .. باي
تقفل فاطمة
سلمى دة شهاب
فاطمة اه
علا هو ايه الحكاية دة كان بيكرهك ايه الي جراله بقا لازقلك كدة !!!!
فاطمة كااان بيكرهني
يفرمل شهاب قدامهم ب متوسيكل تشوفه فاطمة تقوم تقرب عليه
شهاب ايه رأيك
فاطمة حلو اوييي
شهاب بجد
فاطمة اه والله جميل بس خلي بالك وانت سايق ملهوش امان
شهاب طب يلا اركبي
فاطمة اركب ايه !!!!!
شهاب اركبي ي بنتي ورايا
فاطمة لا انا بخاف انا عمري م ركبته
شهاب مش پيخوف انا بعرف اسوق كويس اركبي يلا عشان تكوني اول بنت ركبته معايا
فاطمة وهي بتربع ايدها ايه اول بنت دي هو في غيري هيركبه
شهاب لا ي عم مفيش غيرك يلا اركبي هيعجبك
فاطمة ماشي بس سوق براحة والنبي
شهاب حاضر
تركب فاطمة ورا شهاب
شهاب امسكي كويس
فاطمة امسك فين
شهاب وهو بيلف ايدها حوالين وسطه فيا
تتحرج فاطمة
فاطمة مفيش حتة تانية
شهاب لأ
يطلع مرة واحدة يخضها تمسك فيه اكتر
فاطمة ب صړيخ براحاااااااا
شهاب هههههه اهدي
فاطمة براحة والنبي
شهاب مټخافيش والله
تمسك فيه اكتر وتبدأ تأمن
شهاب ايه
فاطمة حلو
شهاب قلتلك هيعجبك ومش پيخوف
فاطمة لا هو يرعب مش يخوف بس شكلك بتعرف تسوق
شهاب مطمنة يعني
فاطمة اه
يلف يمين مرة واحدة
فاطمة عاااا متفاجأنييييش
شهاب هههههه حاضر
فاطمة والله انط
شهاب تنطي ايه هو انا خاطڤك
فاطمة يبقا سوق براحة
شهاب حاضر
يفضلوا ماشيين والشوارع شبه فاضية ف واخدين راحتهم ف السواقة يوصلوا قرب شارعهم
فاطمة نزلني هنا بقا عشان لو دخلنا كدة هتنزف جوة
شهاب اه والله
يقف شهاب وتنزل فاطمة
شهاب يلا ادخلي قدامي
فاطمة اوك
تاني يوم بالليل شهاب واقف مع عصام ف الشارع
عصام ب انفعال نعم يخويا حبيت مين
شهاب اهدى بس ووطي صوتك
عصام ي عم انت مش قلت هتعلمهم الأدب وهتعمل وتسوي وهتنتقم حب ايه بقا الي حبيتهولها
شهاب اڼتقام ايه ي عم وخرة ايه دي خناقات ستات وهي كان لسانها طويل معايا عشان كنت داخل فيهم شمال لكن لما انا اتعدلت معاهم هما اتعدلوا وكويسين مع اهلي كمان
عصام يعني الي بينك وبيها مش تسلية او لعب
شهاب لا انا بحبها وعاوزها .. عاوز اتجوزها
عصام ب ضحك احيه عليك دة انت ضايع ع الاخر
شهاب بصراحة اه .. مؤخرا يعني .. وبالذات لما فاطمة تعبت .. حسيت انها كانت من مسؤليتي يوميها وشايلها والف بيها زي العيلة الصغيرة
عصام خلاص ي عم دوس هما برضوا بنات محترمة محدش يقدر يقول ف حقهم حاجة وحشة .. اه لسانهم طويل حبتين بس انت بقا قصروا
شهاب وحياتك قصرتوا
عصام طب وهيثم هتعمل معاه ايه
شهاب ب استغراب ايه الي دخل هيثم ف الموضوع !!!!
عصام انت متعرفش انه من كام يوم اليوم الي فاطمة تعبت فيه كان عندهم
شهاب ايوة عارف ومستني اشوف خلقته من ساعتها
عصام عاملي فيها نحنوح وطالع يطمن عليها اهو خد ع دماغه
شهاب هو شكله مش عاوز يلمها
عصام فكك هو اتظبط بس بردوا حرص منه
شهاب لا مش هفكني بس اشوفه
تعدي الايام ف شركة كارمن كارمن ف مكتبها وشهاب برة ف مكتبه بيتكلم ف الفون يرن فون المكتب
شهاب ثواني .. ايوة
كارمن ايه ي بيبي تعلالي
شهاب ب استغراب بيبي !!!!
كارمن ي بابا تعالى
شهاب وهو بيبص للفون بابا مين
كارمن ب انفعال ي بني تعلالي اخلص
شهاب طيب ماشي
يقفل شهاب
شهاب بصي ورايا شغل هخلصه واكلمك .. باي
يقوم يدخلها
شهاب نعم
كارمن ساعة ي شهاب عشان تيجي
شهاب معلش
كارمن فاضي توصلني عشان السواق مشي
شهاب انا بس كان عندي شغل و ………..
كارمن وهي بتقوم مش مهم ي شهاب كمله لما ترجع يلا
شهاب طيب
تمشي كارمن ويروح شهاب وراها ينزله م الشركة
كارمن بتاع مين الريس دة
شهاب بتاعي
كارمن لا بجد جيبته امتى
شهاب من كام يوم كدة
كارمن مبرووك
شهاب الله يبارك فيكي
كارمن مش هتوصلني بيه بقا
شهاب ب ارتباك اااا ………
يفتكر شهاب انه قال ل فاطمة مفيش بنت غيرها هتركبه
كارمن مش حاببني اركب
شهاب بصراحة لأ انتي لابسة چيبة
وقصيرة ف مينفعش دة عاوز بنطلون
كارمن ايوة صح .. طب خلاص خليها مرة تانية
شهاب اوك
يركبوا العربية ويمشوا يقفوا ف اشارة تضغط كارمن ع زرار تفتح سقف العربية
كارمن الجو حر انهاردة
شهاب اه
عربية تانية تقف جنبهم فيها شابين مشغلين مهرجانات وف ايدهم سجاير وخربانين ع الاخر يلمحوا كارمن
……. ولا بص
……. تمام
تتفتح الاشارة يمشي شهاب والعربية التانية وراه يوصلوا قرب بيت كارمن تسرع العربية التانية وتفرمل قدام شهاب تخليه يقف
كارمن ايه دة !!!!
ينزلوا الشابين م العربية ويقربوا عليهم يفهم شهاب من دخلتهم انهم مش متظبطين ينزل م العربية
كارمن ب قلق شهاب رايح فين
الحلقة السادسة عشر ١٦
ميردش عليها
شهاب ايه الډخلة دي ي عم
…….. لامؤخذة بس المزة دي تلزمنا
تتخض كارمن
شهاب لا فعلا دخلاتك دخلات دماغ عالية اوي !!
……… ولسة هتعلى اكتر ب وجود المزة
يرعب كارمن اكتر وتقفل سقف العربية
شهاب وهو بيزق الشاب ف اكتافه طب اتكلوا ع الله بقا
…….. ب ضحك كدة ي بني خۏفت المزة اهي قفلتلك السقف
…….. دة عز الطلب
يقربوا ع العربية يصدهم شهاب
شهاب ب زعيق قلت اتكلوا ع الله انتوا مبتسمعوووش
………. وهو بيطبطب ع خد شهاب اتكل انت ع الله وعدي ليلتك
يزق شهاب ايده ويضربه بالبوكس يردهوله الشاب يقوم شهاب ضاړبه يستغل التاني ان شهاب ملهي ويقرب ع كارمن تصرخ كارمن وتتربس باب العربية بس متلحقش تقفل ازاز الشباب يدخلها منه تصرخ ينتبه شهاب يسيب الشاب ويجري ع التاني يشده يخرجه م العربية وينزل فيه ضړب يكون التانى جاب ازازة بيرة فاضية م العربية ويضرب بيها شهاب يكسرها ع دماغه يمسك شهاب دماغه ويقع ف الارض
كارمن ب صړيخ شهاااااب
…….. الله يخربيتك هببت ايه
يجروا يركبوا عربيتهم ويمشوا تنزل كارمن تجري ع شهاب
كارمن شهاب انت كويس
شهاب انا كويس
كارمن وهي بتسنده قوم معايا
يقوم تسنده تركبه العربية وتسوق هي
كارمن هوديك مستشفى
شهاب لا لا مفيش داعي
كارمن مفيش داعي ايه دماغك پتنزف
شهاب هيبقا فيها سين وجيم ومحضر والموضوع مش مستاهل خلينا نروح بس
كارمن طيب خلاص
يوصلوا عند بيتها تنزل كارمن وتلف ناحية شهاب
كارمن انزل معايا
شهاب طلعيني برة بس اخد تاكسي
كارمن تاكسي ايه انت هتدخل البيت وهجيبلك دكتور هنا
شهاب مش مستاهلة والله
كارمن ب انفعال اسمع كلامي بالله عليك انا اعصابي باظت
شهاب طيب اهدي طيب خلاص
تسنده تدخله البيت يقربوا ع السلم
شهاب خليني هنا
كارمن عشان الدكتور اما يبجي هيكشف عليك ع الكنبة ازاي !!
يسكت شهاب تسنده تطلعه اوضتها تنيمه ع السرير
كارمن هروح اتصل بالدكتور واجيلك متتحركش اوك
شهاب اوك
تروح كارمن تتصل ب دكتور وبعدها ترجع ل شهاب تقعد جنبه
كارمن اتصلت بالدكتور جاي
شهاب ب تعب وهو مغمض عيونه اوك
كارمن وهي بتحط ايدها ع خده معلش كل دة بسببي
شهاب انتي ملكيش زنب
كارمن ياريتني روحت لوحدي
شهاب دة كويس اني كنت معاكي
كارمن وهي بتملس ع شعره هتكون كويس دلوقتي
شهاب مش مرتاح ل لمساتها نهائي وف نفس الوقت تعبان جدا بعد ربع ساعة يوصل الدكتور ويخيط الچرح ل شهاب ينام شهاب م التعب ييجي الليل يرن الفون بتاعه تقرب كارمن تمسكه تلاقي مكتوب فاطمة تاخد الفون وتطلع م الاوضة
كارمن الو
تستغرب فاطمة
فاطمة مين معايا !!!
كارمن انتي الي مين
فاطمة فين شهاب !
كارمن نايم
فاطمة نايم فين هو مش ف الشغل !!!!
كارمن لا مش ف الشغل
فاطمة ممكن تديله الموبايل
كارمن لا مينفعش قلتلك نايم
فاطمة طيب ياريت لما يصحى قوليله يكلمني
كارمن ان شاء الله
تقفل كارمن فاطمة ع اخرها وھتموت وتعرف مين دي
فاطمة مقضيها الباشا .. ماشي ي شهاب
شهاب ف الاوضة يبدأ يصحى يفتكر الي حصل يحط ايده ع دماغه
شهاب ب تعب ااااه
يقوم يقعد تدخل كارمن
كارمن صحيت
شهاب اه
كارمن وهي بتقرب عليه ايه الي قومك الچرح لسة جديد ارتاح
شهاب هي الساعة كام
كارمن ١٠ ونص
شهاب احيه انا نمت كل دة !!!!
كارمن انا لقيتك تعبان ف سيبتك
شهاب وهو بيقوم لازم اروح
كارمن بات انهاردة
شهاب لا طبعا مينفعش ابات فين !!!!
كارمن وهي بتصده ب ايدها قلت هتبات انت لسة تعبان
شهاب كارمن بالله عليكي مش قادر اناهد سبيني اروح
كارمن عشان خاطري ي شهاب خليك متحسسنيش بالزنب
شهاب مفيش زنب ولا حاجة انا عاوز اروح اغير هدومي واخد دش م الډم دة عاوز ارتاح مش اكتر
كارمن انا هخليهم يجهزولك الحمام وفي هدوم هنا بتاعة زوهير وهريحك والله
تحط ايدها ع كتافه
كارمن وكمان زوهير مسافر وهتكون براحتك
تحط ايدها ع خده
كارمن خليك بقا
يشيل ايدها من ع خده
شهاب مينفعش قلتلك
يسيبها ويمشي
كارمن المرة الجاية اجيب اجلك عشان تفضل معايا
يمشي شهاب وهو تعبان يركب مواصلات ويروح يوصل الشارع فاطمة واقفة ف البلكونة تشوف شهاب مقرب ع عمارته دماغه عليها شاش ولزق وماشي مش مظبوط تتخض وتنزل تجري ع تحت يكون شهاب دخل العمارة تدخل وراه
فاطمة شهاااب
يقف ويلفلها
فاطمة مالك انت كويس
شهاب حاډثة كدة
فاطمة حصلك ايه !!!!
يحكيلها قاعدين ع السلم
فاطمة يبقا هي الي ردت عليا
شهاب انتي اتصلتي !
فاطمة ايوة وقالتلي انك نايم حتى استغربت نايم فين وانت ف الشغل المفروض !!!!
شهاب اه مهي جابتلي دكتور ف البيت عشان لو رحت مستشفى هيعمله محضر
فاطمة اااه .. وانت بقا كل دة كنت نايم عندها
شهاب اه والله نايم اول م صحيت او ب معنى اصح فوقت مشيت
فاطمة ولسة تعبان
شهاب بقيت كويس اما شوفتك
تبتسم فاطمة
فاطمة سلامتك
شهاب الله يسلمك .. انا عاوز اتكلم معاكي ف موضوع
فاطمة موضوع ايه
شهاب انتي عرفاني .. وعارفة بيتنا وظروفنا ووضعنا كله .. وانا بردوا عارف كل حاجة عنك .. حصل بينا مشاكل كتير وخناقات كتير وقلينا ادبنا ع بعض كتير ومكنتش بكره حد ادك انتى واخواتك .. بس مكرهتش امك صراحة لانها دايما كانت بتغلطكم ف كنت بفرح فيكم
فاطمة ههههه
شهاب ف انا بصراحة حاليا ظروفي المادية اتحسنت ولمېت ايدي شوية وبقا معايا مبلغ كويس اني اقدر ابدأ بيه حياتي وطبعا شغلي مازال موجود .. ف قررت اتجوز
تفرح فاطمة من جواها
فاطمة لا بجد مبروك
شهاب الله يبارك فيكي .. ف بصراحة نفسي تكون البني ادمة الي هكمل حياتي معاها من بيتكوا
فاطمة ب استهبال بيتنا احنا
شهاب اه
فاطمة مين من بيتنا
شهاب اختك هند
تتصدم فاطمة وبطنها توجعها ف ساعتها
فاطمة هند
شهاب اه .. انا بحبها
فاطمة وهي بتقوم ب عصبية طب م تقولها هي بتكلمني انا ليييه
شهاب عادي يعني م
انتي اختها مرضتش ادخلها قفش كدة قلت أسألك انتي الاول
فاطمة وهي بتمشي اعمل الي انت عاوزه
شهاب استني رايحة فين
فاطمة عاوز ايه مروحة
شهاب هتفاتحي هند طب ف الموضوع
فاطمة ب انفعال وانا مالي انا متدخلنيش بينكم
شهاب اهدي طيب انتي متعصبة ليه كدة
فاطمة ولا متعصبة ولا حاجة هند عندك قلها بنفسك الي انت عاوزه
شهاب وليه متساعدنيش طيب
فاطمة هو انت عيل صغير مش هتعرف تقولها دة ايه الهم دة ياربي
تمشي يمسك ايدها
فاطمة وهي بتلف ب عصبية وقربت ټعيط سيبني بقا في ايه تانيييي
شهاب في اني بحبك انتي
فاطمة لا انت جايبني عشان تهزر بقا
شهاب والله م بهزر انا بحبك انتي مش هند
فاطمة ب ارتباك اومال .. اومال قلت هند ليه
شهاب عشان انا مش عارف رد فعلك انتي هيكون ايه .. خفت ترفضي او تكوني مش قبلاني عشان الي فات
فاطمة بس الي فات خلاص فات
شهاب افهم من كدة ايه
فاطمة وهي بتمشي ايا كان بقا
شهاب وهو بيمسك ايدها وبيشدها لا استني استني معلش
فاطمة ب احراج وهي بتشيل ايدها منه اييييه
شهاب يعني لو اتقدمتلك هتوافقي
فاطمة ب تكبر والله مش عارفة هفكر وقتها
شهاب يراااااجل
فاطمة ايوة طبعا
شهاب لا خلاص نرجع ل هند بقا
فاطمة انت رخم اوي ع فكرة
شهاب بس بحبك والله
تبتسم فاطمة ب كسوف
شهاب انا عاوز اتجوزك
فاطمة ايه الډخلة دي
شهاب مهو انا لفيت ودورت كتير ومش عاوز اكون كدة معاكي انا عاوز ادخل البيت من بابه ف ردي عليا بصراحة وبجد موافقة ولا لأ
تسكت فاطمة متوترة
فاطمة تعرف ان دة كان هيبقا اپشع يوم ف عمري لو كنت فعلا بتحب هند .. لان ازاي هيكون في مشاعر جوايا ل خطيب اختي او جوزها .. مكنتش عارفة هتصرف ازاي لو دة بجد
شهاب يعني انتي في جواكي مشاعر ليا
تتحرج ومتردش
شهاب لا م انتى تنطقي بقا عشان انا تعبت والله
فاطمة هههههه
شهاب ايييه
فاطمة ي سيدي ايوة
شهاب اخيرا ي ساتر عليكي وع بخلك
فاطمة يعني انت بجد مبتحبش هند
شهاب انتي هبلة ي بت هند دي زي اختي انا قلتلك كنت بختبرك بس عشات اطمن
فاطمة ب ارتياح الحمدلله
شهاب الحمدلله هااا
فاطمة خلااااص
شهاب عاوزك تفاتحي امك ف الموضوع وانا هفاتح ابويا وبعدين هقولك هنيجي امتى
فاطمة ب فرحة اوك
يرن فون شهاب يلاقيها كارمن يعمله صامت
فاطمة هروح انا عشان محدش يعرف اني نزلت وانت اطلع ريح بقا
شهاب طب مفيش حاجة قبل م تطلعي
فاطمة حاجة ايه اتلم
شهاب يما مش الي ف دماغك .. يعني كلمة حلوة تطمني
فاطمة وهي ماشية تصبح ع خير
شهاب ب صوت عالي مفيش احلى من كدة صراحة
فاطمة هههههه
تجري فاطمة ع عمارتهم وتطلع ويطلع شهاب البيت هند كانت واقفة ف البلكونة وشيفاهم تدخل جوة يدخل شهاب اوضته يدخل ياخد دش ويغير هدومه ويترمي ع سريره م التعب يخطر ع باله مشهد ليه وهو عند كارمن وقت م كان نايم تدخل كارمن الاوضة وتقرب عليه وهو مابين النوم والصحيان م التعب تقعد جنبه وتحط ايدها ع دماغه وتقرب تبوسه
شهاب هي الضړبة اثرت ع دماغي ولا ايه
ينام شهاب وف باله ان دة كان حلم او بيتهيأله م البنج الي اخده وموضوع فاطمة يغطي ع كل دة ويشغل تفكيره تنام فاطمة وهي ھتموت م الفرحة وحرفيا دة احلى يوم ب عمرها تاني يوم شهاب قاعد مع ابوه
الاب ابقا خلي بالك ولو توصيلك ليها هيجيبلك المشاكل ابقا اتحججلها ب اي حجة مش ناقصين يجيلك مصېبة امك تروح فيها
شهاب ماشي سيبنا م الموضوع دة انا عاوزك ف موضوع تاني اهم
الاب خييير
شهاب انا عاوز اخطب
الاب لا والله !!!!!
شهاب والله
الام وهي داخلة دة مين دي الي امها داعية عليها
شهاب فاطمة بنت ام هند
الاب الي كل شوية اخواتك مټخانقين معاها
شهاب ايوة بس كان الكلام دة لكن دلوقتي كلهم سمنة ع عسل ومفيش اي مشاكل
الام والله بنت جدعة مش هنسالها الي عملته معايا
الاب بس دة ايه الي خلاك تفكر ف دي بالذات !
شهاب ب توتر ااا عادي يعني انا قلت عارفينهم وهي بقت كويسة معانا هي واهلها وغلابة يعني ومننا
الاب والنبي انت الي غلبان دول ياكلوك وياكلوا ١٠ زيك
شهاب مهو دة الي عاجبني انا عاوز واحدة تاكل ١٠ زيي بس ف غيابي
الاب طيب يخويا وانت بقا حمل خطوبة وجواز وشقة وعفش وشبكة
شهاب هو حوار الشقة دة لسة شوية عليه انا داخله جمعية كبيرة لكن حاليا اقدر اجيب شبكة واعمل خطوبة
الاب وانا بردوا كنت شايلك مبلغ من مكافأة المعاش
شهاب ب فرحة وهو بيبوس ايد بباه حبيبي ي حج
الاب ع بركة الله
يعدي الوقت شهاب واقف مع صحابه ف الشارع يرن فونه يلاقيه كارمن يتنهد
شهاب الو
كارمن ايه ي شهاب من امبارح بتصل بيك انت كويس
شهاب كنت تعبان بس مش عارف اتكلم
كارمن طب لتكون محتاج دكتور
شهاب لا مش محتاج انا بقيت احسن دلوقتي
كارمن طب الحمدلله ريح انت بس
شهاب معلش مجتش الشغل انهاردة
كارمن لا ولا يهمك م انا عارفة انك تعبان عشان كدة كنت بتصل بيك اطمن عليك وخليك بكرة كمان ولو لقيت نفسك لسة تعبان خد باقي الاسبوع
شهاب شكرا ي كارمن
كارمن العفو ي حبيبي ع ايه
يتضايق شهاب من كلمة حبيبي مش حابب يكون في بينهم الاسلوب دة
كارمن المهم انك تبقا كويس وانا هبقا اتصل اطمن عليك بس ياريت ترد عشان متقلقنيش اوك
شهاب اوك حاضر .. سلام
يقفل شهاب ويبان ع وشه انه متضايق
عصام ايه مالك !
شهاب ماليش
ف بيت فاطمة قاعدة هي وامها واخواتها بيتغدوا فاطمة عاوزة تفاتحهم ف الموضوع بس مش عارفة تدخل ازاي
فاطمة ماما
الام نعم
فاطمة ب توتر ااا شهاب كلمني انه عاوز يتقدملي
تتصدم هند وتبص ل اسراء
الام ب استغراب شهاب ابن الجيران الي ف وشنا !!!
فاطمة اه
الام والله كنت حاسة
فاطمة هو لسة مكلمني امبارح
الام هتستهبلي ي بت م انتي بتكلميه من فترة
فاطمة والله لسة مكلمني ف موضوع الجواز دة امبارح
هند ب انفعال جواز ايه وخرة ايه الولا دة بيلعب بيكي
فاطمة ب استغراب ويلعب بيا ليه ي هند !!!
هند يعني مش عارفة ليه دة ياما مسكنا ف خناق امه واخواته وكان يشوفنا ف الشارع يبصلنا ب غل ويقعد يلقح بالكلام زي الستات انه هيعمل ويسوي فينا وتقوليلي عاوز يتقدملك
فاطمة كان الكلام دة ي هند وهو قالي الي فات خلاص فات
هند لا مكانش ي روح هند .. كل التغيير الي اتغيروا فجأة دة كنت حاسة
انه وراه غرض واهو الغرض بان اما قال عاوز يتجوزك
فاطمة مش فاهمة غرض ايه وبعدين التغيير دة محصلش فجأة ولا حاجة
هند فاكرة لما وقفك ف الشارع وقالك مش هترتاحوا الا اما واحدة فيكوا تتخطف وتتظبط ساعتها هتتلموا ومش فاكرة لما مسك ايدك ف المحل وانا عملت مش شايفة عشان ممسكش ف خڼاقه ف الشارع دة مش بعيد يكون هو الي مسلط عليكي هيثم عشان هو يعمل فيها المنقذ والبطل ويوقعك ف شباكه .. دة غير علاقاته الوسة مع البنات ومشاكله .. الي زي دة ملوش امان ولا ينفع يكون زوج وبالذات ليكي انتي هبلة وتبقي اغبى خلق الله لو وافقتي ع واحد زي دة .. دة المفروض تقطعي علاقتك بيه ومن دلوقتي كمان
تقوم هند تمشي وسايبة فاطمة دماغها عمالة تودي وتجيب ومش عارفة تعمل ايه تقوم تدخل اوضتها وتنزل دموعها
فاطمة ف سرها معقول يكون عاوز يرتبط بيا عشان ينتقم مننا .. طب احنا عملناله ايه لكل دة .. لا لا اكيد كلام هند غلط عشان هي مبتحبوش بس .. هو بيحبني زي م قال ومكدبش .. مكانش باين ف عنيه انه كداب .. هو بيحبني
هند ف المحل عمالة تنزل دموعها يعدي الوقت يرن فون فاطمة
فاطمة الو
شهاب ايه ي قلبي كلمتيهم
فاطمة اه
شهاب ايه مالك !
فاطمة ماليش
شهاب لا في حاجة حصل ايه
فاطمة هند عكت الدنيا
شهاب ليه كدة !!!
تحكيله
شهاب هي عندك
فاطمة لا نزلت المحل
الحلقة الثامنة عشر ١٨
شهاب طب انا هتصرف ف الموضوع دة
فاطمة هتعمل ايه
شهاب اقفلي وهكلمك كمان شوية طيب
فاطمة ماشي
يقفل شهاب ويقرب ع المحل هند قاعدة جوة تشوفه وهو داخل يقرب يشد كرسي ويقعد عليه بالمشقلب قصادها
شهاب ايه ي عم للدرجادي بتكرهيني !!!
متردش
شهاب ليه عقدتهالي ي هند
هند وهي باصة ف حتة تانية عشان الي قلته صح
شهاب عندك حق انا فعلا بتاع بنات بس عشان حر ومش مرتبط ولا عندي حبيبة اصونها وفعلا بتاع مشاكل بس مش مع كل الناس مع الي يجر شكلي بس واي بني ادم كدة بس الفرق اني بعرف اجيب حقي كويس .. لكن تخليني عاوز انتقم منكوا ب ارتباطي ب فاطمة تبقي معلش عيلة هبلة
تبصله
شهاب انا لو عاوز انتقم منكوا مش هحتاج ارتبط بحد فيكوا عشان اعمل كدة دة مفيش اسهل من اذية اي بنت او تخريب سمعتها ف اي مكان ف مش هتعب نفسي ب خطوبة بقا والجو دة .. ف شيلي الفكرة دي من بالك انا مش عاوز انتقم من حد ومحصلتش الکاړثة يعني الي تخليني اعمل كدة دي كانت خناقات ستات وانتوا لسانكوا طويل وكنتوا بتستفزوني عشان كدة كنت بطر ارد
هند عاوز تفهمني انك مش ھتأذيها
شهاب لا مش هأذيها عشان انا بحبها
هند ب ابتسامة ۏجع بتحبها
شهاب اه بحبها .. وانا لما بحب ع فكرة مبعرفش أأذي
هند محدش بيأذي غير الي بيحبوا .. ومحدش اتوجع اد الي حب
شهاب مش انا ي هند والايام هتثبتلك
هند انا مش عوزاك تثبتلي حاجة .. فاطمة اخر مرة رحنا بيها للدكتورة ف الاستشارة انت مكنتش معانا .. الدكتورة قالتلها لازم نفسيتها تكون كويسة لان المړض دة بيهاجمها لما نفسيتها تكون وحشة وانت بتاع مشاكل وبنات وهتمرمطها ي شهاب وهي مش حملك خلاص .. فاطمة بقت اضعف كتير من زمان ومش حمل اي صدمة او ۏجع هتقضي عليها
شهاب اقسملك انا مش هكون غير ليها لا ف يوم هخونها ولا هوجعها ولا عمري هتعبها والله ي هند انا بحبها ومش هأذيها والله عمر م هأذيها
تنزل دموع هند
شهاب بټعيطي ليه بس
تحط ايدها ع وشها
شهاب ي بنتي متوجعيش قلبي بتعملي كدة ليه !!!
متردش مش مبطلة عياط
شهاب وهو ويمسك ايدها من ع وشها طب اهدي طيب
يمسح دموعها تبصله ب قهرة ..
هند بص .. اعملوا الي انتوا عاوزينه
شهاب لا طبعا مش هعمل حاجة غير ب موافقتك
هند مش هتفرق بقا خلاص
شهاب لا هتفرق والله م هتقدملها الا لو انتي موافقة
هند خلاص ي شهاب
شهاب ي هند انتي بردوا حد مهم عندي ورأيك يهمني وجيت بنفسي عشان افهمك الفكرة الي انتي فهماها غلط عني مش عشان اضايقك وانا والله م وحش
هند انا بس خاېفة عليها
شهاب مټخافيش انا هكونلها امان مش حد تخاف منه
تشاورله ب اه
شهاب فرفش بقا ي قمر انت
هند خلاص مفيش حاجة
شهاب مينفعش العيون دي ټعيط والله
هند ولاااا الكلمتين دول تقولهم ل فاطمة مبياكلش معايا انا الكلام دة
شهاب وهو بيقوم ههههه ماشي ي عم الجاحد انا هروح اجيبلك شوكلاتة رشوة
هند لا مش عاوزة تعالى
شهاب استني بس انا عارف انكم بتوع بطنكم اول م تشوفيها هتحني ع طول
هند هههههه
يمشي شهاب تمسح هند دموعها وبعدين تقوم تدخل المحل من جوة في حنفية تغسل وشها وترجع يدخل شهاب
شهاب وهو بيديها شوكلاتة امسكي
هند وهي بتاخدها ميرسي ع الرشوة
شهاب ياريت بقا تكلمي امك ف الموضوع الي باظ دة
هند لا دي كدة طلعت رشوة بجد
شهاب ايوة اومال ايه
هند هكلمها اما اروح حاضر
شهاب تسلملي ي قمر
تبتسمله
شهاب عاوزة حاجة
هند لا سلامتك
شهاب سلام
يمشي شهاب
هند سلام
تروح هند وتتكلم مع مامتها ان شهاب كلمها وفهمها وخلاص كلوا تمام وتوافق امها انه ييجي يتقدم وتفرح فاطمة وتقول ل شهاب هند واقفة ف البلكونة تدخل اسراء تقف جنبها
اسراء هو فعلا شهاب كلمك
هند ب تنهيدة ايوة .. كلمني
اسراء وانتي صدقتيه
هند انا مكدبتوش م الاول عشان اصدقه .. هو اه بتاع بنات ومشاكل لكن حوار الاڼتقام دة كله مش صح
اسراء بس انتي عارفة معنى الكلام دة كدة انه هييجي يتقدم وهيتجوز فاطمة
هند عارفة
اسراء طب وانتي
هند انا ايه .. انا ولا حاجة بالنسباله
اسراء بس هو بالنسبالك كل حاجة .. انتي بتحبيه
هند كنت .. خلاص الكلام دة كان امبارح .. انهاردة الوضع اختلف .. اختلف اوي .. انهاردة هو زي اخويا وهيبقا خطيب اختي وبس ومستحيل يكون اكتر من كدة ولو ب درجة واحدة
اسراء هتقدري
هند زي م قدرت ابين قسۏتي معاه هقدر ابين انه ميفرقش معايا ف حاجة .. حتى لو بالكدب لحد م اتعود
اسراء انتي بتصعبيها ع نفسك اوى
هند الي انتى متعرفهوش ان شهاب مكانش هيسكت وطلاما عاوز فاطمة هيعمل اي حاجة عشان ياخدها وانا مش عاوزة الموضوع يكون ب أذية ف كدة احسن
تتنهد اسراء بعد يومين يروح شهاب واهله يتقدمه ل فاطمة ومامتها توافق ويقروا فاتحة والخطوبة بعد اسبوعين
تعدي الايام شهاب ف شغله يرن فونه يلاقيها سو ميردش يرن تاني
شهاب الو
سو عامل ايه
شهاب فل الحمدلله .. وانتي
سو مش كويسة
شهاب ليه كدة !
سو بتتهرب مني ليه ي شهاب
شهاب مين قال كدة
سو محدش قال بس افعالك باينة
شهاب انتي عارفة اني مبحبش حد يخمن افعالي عملت حاسبيني ع الي عملته معملتش يبقا متعمليش فيها ساحرة وتقولي حجات محصلتش
سو ماشي ي شهاب .. مبتجيش ليه
شهاب مش فاضي
سو انت كل مرة تقول الحجة دي
شهاب دي الحقيقة مش حجة
سو طب انت واحشني وعاوزة اشوفك
شهاب وانا كمان عاوز اشوفك
سو هتيجي امتى
شهاب لا انتي الي هتيجي
سو ب استغراب اجي فين !!!
