جويريه حقى انا
ممكن يكون ده سبب ومش هنقول انه حرام بس لازم اللي يقدم علي الخطوة دي يقدر يعدل العدل المعنوي والمادي لازم يكون متوفر اما القلبي ده بتاع ربنا بس بردوا ما يجيش علي واحدة علشان واحدة ولا يظلمها ويقهرها انا شايف الجواز لاكتر من ست لازم ليه ضوابط مش بالسهولة دي لانك لو ماوعدلتش هتقابل ربك يوم الحشر بشقك مائل من ظلم زوجة ليك ده دنيا ودين وآخرة يا مصعب مش دنيا ومتعة وبس
مصعب عقد حاجبه بضيق ربنا يسامحك هدمت احلامي وطموحاتي هادم
اللذات انت كدة دايما ما تسبني احلم يا اخي هو الحلم حرام
حذيفة لو هيغضب ربك يبقي حرام لو هتظلم غيرك يبقي حرام لو هتظلم نفسك يبقي حرام وانا بحبك وحقك عليا اتبهك لاي ضرر حتي لو كنت بتهزر وبتتكلم عن غيب يمكن في يوم تفكر تعمل كدة وتفتكر كلامي ده ويرن في ودنك وما تظلمش حد لا انت ولا غيرك
حذيفة ههههههههههه لا انت اتجوز انا هستناها ماوريش حاجة
مصعب قولي صح والدتك مش بتفاتحك في موضوع الجواز انا امي قالبة دماغي عايزاني اجوز بنت خالتي بتقولي اخطبها دلوقتي و اول ما اخلص الكلية اتجوزها وده سبب خناقتنا كل يوم والتاني
حذيفة اتنهد بتعب ااااااه يا مصعب ليه بس كدة دي الحاجة فريدة مش بتتكلم عن حاجة غير الموضوع ده لو عليها كانت
جوزتني وانا في ثانوي بس انا شايف انك تفكر لو فعلا بنت خالتك مناسبة ليك اخطبها علي الاقل دي بنت خالتك وعارفها كويس
مصعب بسخربة مافيش
حد بيعرف حد كويس كل واحد بيظهرلك اللي عايزك تشوفه وبس مش بسهولة تعرف حد علي حقيقته في كام مرة تشوفه ولا
تكلمه ااجواز ده يا نعمة يا ابتلاء
حذيفة مسح وشه بإيده
حذيفة ههههههههههه طيب استناني بقي ذاكراك كلمتين احد ما اخلص واجيلك
في بيت حذيفة
فريدة ودنيا في المطبخ
فريدة يا بنتي يا حبيبتي انتي كل يوم والتاني تقوليلي نفس الكلام وبعدين قولنا احنا بقينا اهل خلاص مافيش فرق
دنيا بخجل والله يا ماما انا عارفة بس كل يوم يا غداء او عشاء انا واسامة بنحس اننا بنتقل عليكم كدة كمان الشيخ حذيفة كدة مش هيبقي علي راحته
فريدة ابتسمت يا دنيا والله ولا ليكي عليا حلفان انتي بقيتي بنتي وحبيتك اوي واسامة كمان بقي زي حذيفة ومالين علينا البيت والله والا بقي حبيبة ماما الحاجة جويرية يا قلبي عليها دي أكنها نورت البيت تصدقي اليوم اللي بتتأخري علينا فيه بنبقي كلنا هنتجنن عليها ولا حذيفة يا نهههاري بينزل الجامعة وهو اكنه مضړوب علقة علشان ما صبحش عليها متعلق بيها اوي تقومي انتي عايزة تمنعي نفسك عننا ده انا ازعل منك اوي
فريدة ابتسمت شوفتي بقي ربنا بيعوض كل واحد باللي ناقصة ياللا بقي نجهز العشاء علشان خلاص كلهم علي وصول وكمان الواد مصعب صاحب حذيفة طالع معاه وهنتعشا كلنا سوا ياللا ايدك معايا
دنيا حاضر يا ماما خلاص تقريبا خلصت كل حاجة هجهز الاكل برا
اسامة يا شيخ حذيفة هاتها بالله عليك انا مش بحس انك بتاكل كويس بسببها
حذيفة ابتسم وباس جويرية من خدها لا مش هتاخدها هي هتقعد جنبي ناكل سوا اصلا مش بحس بطعم الاكل غيىر وهي جنبي خاليكم في حالكم
مصعب ههههههههههه طب والله دي تفتح النفس للأكل وبص لچويرية ولا عبها بذمتك مش انتي احلي من فاتح الشهية بس انتي المفروض نحلي بيكي بعد الاكل
حذيفة مصعب اكلك خلص قوم روح انت هتاكل البت كمان روح الله لا يسيأك
الحاج بلال ههههههههههه ااااه منك يا چويرية خطفتي الشيخ بنفسه كدة سبحان الله
حذيفة الله يا جماعة سبوني اشبع منها كلها كام سنة وتكبر وتتحرم عليا ولا هعرف اكلمها
ولا اشوفها سبوني بقي اخد حقي دي يوم ولادتها اخرت صلاة الصبح بسببها دي هتفضل تسدد الفاتورة دي سنين
كلهم ضحكووا وفجأة سمعوا صوت خبط علي الباب بقوة غريبة تخض
الحاج بلال بتعجب بسم الله مين بيخلط بالشكل ده
حذيفة قام واخد جويرية يفتح مش عارف بس دي قلة زوق في حاجة اسمها آداب استأذان
حذيفة فتح لقي ٢ رجالة كبار ومعاهم شاب من سنه
حذيفة بتسأؤل خير مين حضراتكم وازاي تخبطوا بالشكل ده
فاروق بص جوا الشقة وشاف دنيا واسامة انا جاي اخد بنت اخويا
دنيا اسامة پصدمة عمي
خلصت الحلقة وبجد نزلت بس علشان الناس اللي منتظراها بس انا ماكنتش هنزلها بسبب اللي حصل لكن كان صعب اتاخر عليكم اكتر من كدة
ريحانة الجنة
چويرية حقي انا
الفصل الثالث
بقلم ريحانة الجنه
الصدمة لسة مسيطرة علي الجميع سواء دنيا واسامة وعيلة حذيفة اللي طبعااا عارفين الحكاية كلها او أعمام دنيا وخصوصا وخالد ابن عمها
حذيفة بثبات اهلا وسهلا اتفضلوا بس ياريتها تكون زيارة لبنت اخوكم مش اكتر من كدة
عصام عم دنيا انت تبقي مين اصلا ويخصك ايه اذا كانت زيارة ولا لا
الحاج بلال تدخل يفك التشابك ده يا جمااعة استهدوا بالله مش كدة ده انتم اهل وبينكم نسب اتفضلوا يا جماعة نقعد ونتكلم بهدوء وبالمعروف
عصام بعصبية لا في هدوء ولا معروف احنا جاين ناخد بنت اخونا ونمشي والواد النصاب ده هيطلقها دلوقتي حالا
حذيفة بيحاول يتملك غضبه لانه بېخاف يغلط او يسئ لالتزامه بأي تصرف
حذيفة
بثقة اولا من وقت ما دخلتم وانتم بتغلطوا وتهددوا وكلنا بنطلب منكم بالادب والعقل نقعد ونتكلم وانتم مصممين تفضلوا تغلطوا بشكل مستفز فما فيش غير حل من اتنين يا ايما نقعد زي اي ناس خلقها ربنا محترمة يا ايما تتفضلوا تاخدوا بعضكم كدة وبالسلامة ومالكوش عندنا حاجة دي واحدة بالغة واتجوزت بولي مأاجرمتش وهي حاليا في عصمة راجل هو الوحيد اللي له حكم وكلمة عليها يعني لو الدنيا اتهدت مدام دنيا مش هتتحرك خطوة واحدة من هنا هاه تتفضلوا تقعدوا ولا نقول شرفتونا الشوية دول
عصام بغيظ هو فيه ايه انتم بتهددونا ولا ايه احنا في ثانية ممكن نخليها ومش هتفرق معانا حاجة
فاروق بص لعصام وخالد اكنه بيقولهم اهدوا ورجع بص لدنيا بغيظ وتوعد ونده عليها ايه مش ناوية تيجي تسلمي علي عمامك ولا ايه هتفضلي واقفة بعيد كدة
فاروق بغيظ منها انا عايز اقولك اني اقدر اخادك دلوقتي
مادمتي خرجتي عن طوعنا تبقي ما تلزميناش انا اللي يلزمني ان تعبنا وشقانا ومالنا مايروحش للغريب ولا للطمعان ده
لوحدنا اااحنا ربنا رزقنا بچويرية
فاروق بدهشة بص علي چويرية بڠصب هي دي بنتك
دنيا هزت راسها پخوف ااايوة دي چويرية بنتنا
مصعب بعصبية وبعدين معاكم بقي انتم جاين ناوين شړ ولا ايه قسما بالله انا بس لو بصيت من الشباك ده هي كلمة واحدة بس وهتلاقي البيت ده ملغم رجالة تخرجكم من هنا علي ظهركم وسايحين في دمكم
أسامة بغل و هو دنيا وهي خاېفة وبتعيط من الاخر كدة انتم عايزين ايه
فاروق بتصميم دنيا تمضي علي التنازل وتغور بيها
أسامة بص لدنيا بثبات ودنيا بتبصله برجاء ما يضيعش حقها وحق ابوها وتعبه وبقوة رد علي فاروق انا لما حبيت دنيا و اتجوزتها عمري ما فكرت في فلوس ولا املاك وربنا يعلم انها لو عندها مال الدنيا عمر عنيا ما هتشوفه ولا ايدي هتتمد عليه وانا لو عليا اخليها تتنازل هي وبنتي عندي بالدنيا ومالها
بس عمري ما هغصبها زي ماوانتم غصبتوها هي مش عايزة تتنازل عن حقها ومال ابوها وانا جنبها ومش هسيبها وهقف جنبها قصاد اي حد مهما كان ومن بكرة هشوف محامي يخلص كل اجراءات ورثها ومراتي هتاخد حقها منكم برضاكم او ڠصب عنكم وده اخر كلام عندي وشرفتونا اوي وكفاية بقي سيبونا
في حالنا
حذيفة كان فرحان من موقف اسامة ومواجهته ليهم وانه بيدافع عن مراته بكل قوة بص لاعمامها وخالد بقوة وغرور اظن الكلام واضح والرسالة
وصلت شرفتونا
فاروق بص لعصام وخالد پصدمة من رد اسامة وموقفه وحس انه مستقوي بوجوده وسط عيلة حذيفة
فريدة بقلق وعتاب اخس عليكي ليه بتقولي كدة هزعل منك ربنا كبير وهما مش ممكن ياذوكي ابدااا الډم يابنتي عمره مايهون للدرجة دي
اسامة اخد حذيفة بعيد عنهم وبهدوء حذيفة انت برغم انك اصغر مني بس انا بحسك اخويا الكبير وبثق فيك وفي دينك وعقلك انا مش عارف ربنا كتبلي ايه بس لو ليا نصيب في اي حاجة انا راضي بس دنيا وجويرية آمانة عندك عارف اني كدة ممكن اكون بحرجك
او بعملك مشكلة وانك مالكش ذنب في كل اللي احنا فيه بس هتصدقني لو قولتلك عمري ما هاتمن مخلوق عليهم غيرك توعدني
حذيفة بص لچويرية وزاد خوفه ومسؤليته ناحيتها واتنهد وهز راسه اوعدك بس قبل ما تودعني اهلك استودعهم عند ربنا هو ربنا كلنا وهو اللي بإيده يحفظنا ويضرنا ادعي ربك واستودعه زوجتك وبنتك وربنا حفيظ ولازم تعرف ان كل
شئ بيحصلنا بقدر حياة ومۏت جواز وخلفة مال ورزق كل
مر تقريبا شهرين في هدوء اعمام دنيا بعيد واسامة ودنيا مش عارفين هما بيدبروا لإيه ولا ناوين علي ايه بس كانوا بيحاولوا يطمنوا نفسهم انهم نسيوهم وسلموا بالامر الواقع وفعلا اسامة طلب من محامي يتابع ورث دنيا ويخلصه علشان تاخد حقها وخلال الفترة دي كانت القضية بدأت وبدأت الاجراءات الرسمية لمراجعة اعمامها ومراجعة الحسبات من وقت ما استلم فاروق عمها الوصاية عليها وبدأت تظهر كل حاجة وقتها هما قررروا انهم مش هينفع يضحوا بكل ده فجأة كدة وان لازم ينفذوا اللي هما بيجهزوا ليه
عصام بعصبية عجبك كدة فضلت تقولي نستني نستني اهو كل حاجة بتروح من ايدينا لا وكمان هنتحاسب عن كل جنيه دخل وخرج انت مستني ايه انا مش فاهم
فاروق بخبث كنت مستني الوقت المناسب ماهو علشان انفذ اللي اتفقنا عليه لازم يكونوا الاتنين مع بعض وبعيد عن البييت والمنطقة كلها واحنا لازم نبقي بعيد تماما وكمان نكون ماشين في اجراءات تسليم الورث رسمي علشان يوم ما ينجبهم هنا ماحدش يشك فينا ونبقي بعيد عن الشبهة وكمان يوم ماحد منهم يشتكي كل ده هيكون في صالحنا لاننا لو لينا نية نهددها ماكناش مشينا في اجراءات الورث وسايبن المحاسبين يقلبوا في الحسابات وفي حقها بالعقل كدة فهمت
خالد بتفكير طيب يا بابا ماهي لما تسلم ورثها لينا وتتنازل هننكشف
فاروق بمكر ومين قالك هتسلم وتمشي دي هتتعذب وهي بتشوف جوزها الطمعان ده بېموت قصاد عنيها وڠصب عنه هيطلق وهي هتتحبس هنا لحد عدتها ماتخلص وانت هتكتب عليها وبعدها كله هيبقي بينا مش برانا الصبر انتم بس وكل حاجة هترجع في ايدينا انا مرتب كل حاجة
في بيت اسامة ودنيا خارجين من شقتهم ونازلين وقابلوا حذيفة
حذيفة ابتسم السلام عليكم ازيك يا اسامة واخد حبيبتي ورايح فين مش تستني لما تستأذن مني
اسامة ودنيا ضحكوا ههههههههههه
اسامة عندك حق مش تستاذني منه يا هانم
حذيفة اخدها من اسامة وهي اتعلقت بيه وضحكت
وهو انتي تعملي حسابك ماعنديش بنات تخرج وتتأخر ترجعي بدري فاهمة
چويرية ضحكت ببراءة وحذيفة من خدها ياللا روحي بقي ماتأخريش بابا وماما
أسامة اخدها منه ونزل خطوتين ونده لحذيفة حذيفة
حذيفة لفله قبل ما يدخل شقته بإهتمام نعم يا أسامة
أسامة ابتسم بهدوء اوعي تنسي الامانة اللي انتهالك فاكرها
حذيفة قلبه انقبض وبتساؤل ايوة فاكر ليه بتقول كدة دلوقتي
اسامة ابتسم پخوف مداري مافيش بس بفكرك ياللا سلام عليكم
حذيفة اتنهد بقلق وعليكم السلام ورحمة الله ربنا يحفظكم
دنيا بهمس وفضول خير
آمانة ايه دي
ادأسامة من جبينها وابتسم مافيش حبيبتي ماتشغليش بالك انتي ياللا بينا علشان نلحق نشتري لبس الكتوكوتة دي
وكمان هنجيب حاجة لحبيبتي
دنيا ابتسمت برضا بس حبيبتك مش عايزة حاجة عندي كتير كفاية هنجيب لچوري
أسامة بحنان تؤتؤتؤ حبيبتي قبل چوري
دنيا اتنهدت بحب بس حبيبي بجد كفاية كدة انا اصلا متأنبة اني حملتك فلوس المحامي وانا عارفة الظروف
دنيا بصتله بحب الدنيا قد ايه حبها واتحمل علشانها قد ايه بيحرم نفسه علشان يشوف بس البسمة مرسومة علي ملامحها انا بحبك اوي اوي يا اسامة
اسامة ابتسم وانا كمان بحبك وماعنديش اغلي منك ولا من چوري انتم عليتي واهلي ربنا يحميكم ليا
دنيا جواها قلق علي اسامة وچوري ومش عارفة ده سببه ايه مشيت معاه وفعلا راحوا يجيبوا لبس لدنيا وچوري وهما راجعين ومبسوطين الشارع كان هادي والوقت اتأخر اتفاجاوا بعربية كبيرة وقفت وتزل منها اشخاص ملثمين وشهم وملامحهم مخفية
وكتفوهم ودخلوهم العربية طبعااا كان ر انسب حل علشان الثلاثة ماحدش يسمع صوتهم وبعد ما وصلت العربية للمكان اللي هي قصداه كان بور سعيد في بيت قديم مهجور علي البحر يخص اعمام دنيا فاق أسامة ودنيا علي صړيخ چويرية وعياطها وهي في ايد فاروق
فاروق ابتسم بشړ دلوقتي بتترجيني وخاېفة عليها مش كان قلبك قوي ومستقوية بالحرامي اللي جاي يقش مالنا
مش كنتي رافعة قضية علي عمك وعايزة تدخليه المحاكم مش ده جوزك اللي فضلتيه علينا اهو داوقتي قصادك هو وبنتك وهتشوفيهم بيموتوا قصاد عنيكي علشان تبقي تعرفي تقفي قصادي تاني وتتحتمي في الغرب
اسامة متكتف ومكتوم انفاسه مش عارف ينطق ولا يتكلم وبيموت وهو كدة ومش عارف يحمي مراته وبنته دموعه نزلت وعنيه في عنيها بيعتذرلها عن شئ فوق طاقته واحتماله
دنيا كانت پتبكي بحړقة وړعب وبرجاء طب انا اسفة حقك عليا اطلب اللي يعجبك بس سيب اسامة وچويرية وحياتي وحياة كل يوم عشت
فيه في بيتك ما تأذيهم اااانا هتننازل هههتنازل عن كل حاجة بس سيبنا في حالنا الله يخليك
فاروق بخبث ماكر لا خلاص مابقاش ينفع الكلام ده دلوقتي انتي وهو مافيش قصادكم حل غير حل واحد بس
فاروق اسامة يطلقك وحالا وعلي يد مأذون وهيفضل هنا قصادنا لحد العدة ما تخلص وتتجوزي خالد وبعدها هنسيبه يمشي غير كدة ھيموت بالبطئ كل يوم هنا قصادك
دنيا بكت اكتر من قسۏة الدنيا عليها من مرار الايام من ضعفها وقلة حيلتها من كسرة زوجها قصادها وهو بيطلب منه يتخلي عن مراته لراجل غريب بكت پقهرة قلب وروح علي دموع زوجها اللي بتنزل بۏجع عليها وعلي نفسه
فاروق بضيق هاه هتخليه يطلقك ولا اموتلك بنتك دي وهو وراها
دنيا صړخت پخوف لانه مش بېهدد بس اللي زيه الشيطان عماه وخلال يستحل حق مش حقه بالاستماتة دي يخليه يعمل اي شئ وهو مغيب مش شايف غير الفلوس وبس
دنيا پخوف لا لا حرام عليك ذنبها ايه دي في كل ده
فاروق شاور لخالد يفك انفاس أسامة وفكه واسامه نطق پجنون بعلو صوته
أسامة انت راجل مفتري وظالم وربنا هينتقم منك اشد اڼتقام انت عايزني اسيب مراتي لإبنك ده بعدك مستحيل اطلقها مستحيل ولو فيها مۏتي
ولا فاهمة اي شئ بيجري حاوليها
فاروق ههههههههههه ايه الرجولة وقوة القلب دي طيب انا وانت وهتشوف ان ما كنت تطلقها ڠصب عنك ما ابقاش المعلم فاروق خالد فك البت دي تاخد بنتها تسكتها خوتتلي دماغي
عصام بشړ اظن بقي تسبهولي افش غلي منه والينله دماغه دي علشان يطلق ونخلص
فاروق قعد باشفي وماله نلينله دماغه فش غلك وغلي بقي
فاروق بضيق يوووووه خاااالد خد الزفتة دي ارميها جوا هي وبنتها لحد ما نشوف اخرتها ايه مع الزفت ده كمان
عصام تعب وأسامة كانت حالته صعبة و خالد متغلظ منه وعايز يشغي غليله هو كمان
خالد طلقها انطق وطلق احسنلك
أسامة روحه بتتسحب مش هطلقها موتني احسن
خالد بابا ده ماټ
عصام الله يخربيتك ياوغشيم قالته هنعمل ايه دلوقتي في المصېبة دي دي ماټ ماټ عارف يعتي ايه مااات
انتهت الحلقة وعارفة انها مؤلمة
بس الواقع فيه امر من كدة كتيير
ياتري ايه جاي ونستخبي
ياتري دنيا هتعمل ايه
ياتري حذيفة هيكون دوره ايه في اللي جاي
رئيكم وتوقعاتكم اشوفكم الحلقة اللي جاية
ريحانة الجنه
چويرية حقي انا
الفصل الرابع
بقلم ريحانة الجنه
حذيفة صلي الصبح في المسجد ورجع وهو لسة مقبوض وقلقان من تأخير اسامة ودنيا وچويرية حاسس ان في حاجة سيئة حصلت وفضل يستعيذ من الشيطان ومن الظنون
السيئة
حذيفة قاعد مهموم استغفر الله يارب سلم هما اتاخروا ليه كدة معقول ده تأخير طبيعي
حذيفة اتنهد ربنا يستر يا أمي تأخيرهم مش طبيعي اسامة كمان قابضني وهو خارج
فريدة بإستفتهام لا اله الا الله ليه كدة ماله اسامة بس
حذيفة مسح وشه بتعب مش عارف يا أمي وهو نازل مع دنيا وچوري أكد عليا وصيته وآمانته بشكل يقلق ويقبض وتأخيرهم ده مش مريحني
فريدة عقدت حاحبها هو اسامة كان موصيك علي دنيا وچوري امتي ده
حذيفة اتنهد فاكرة يوم ما اعمام دنيا جم هنا وحصلت المشكلة بعد ما مشيوا هو أمني وقالي انه لو جراله حاجة دنيا وچويرية وصيتي وامانة عندي وما اخليش اعمامها يأذوها وامبارح بالليل وهما خرجين اكد عليا
وزي ما يكون وغمض حذيفة عنيه بضيق
فريدة بقلق زي ما يكون ايه يا ابني
حذيفة بحزن اكنه بيودعني ربنا يكدب ظني واحساسي ده أسامة ده يجد انا خلاص اعتبرته اخويا زي مصعب مش مجرد جار وخلاص
فريدة دمعت ودنيا كمان دي دي جاتني عوضتني عن عن البنت اللي اتمنيتها تتولد من بطني بس مش رايد وهي انا حبتها اوي وحاسة ان چوري دي حفيتي ودعت پخوف يارب يارب رجعهم بالسلامة يارب
حذيفة قام وقعد جنب امه ايديها طب بطلي عياط ان شاء الله خير
فريدة بدموع تفتكر اهلها ممكن يأذوهم ربنا مش هينصر الظلم صح طمني يا ابني
حذيفة اتنهد بصي يا أمي مش معني ان الظالم والظلم ينتصر علي الخير ان ده رضي من ربنا عليه لا اي حد بيأذي حد بيأءيه بإذن من ربنا ربنا يعلم كل شئ قبل ما يحصل ولو ماحصلش لو كان حصل كان هيجري ايه ربنا بيمهل الظالم حتي اذا اخذه اخذه عزيز مقتدر
يعني ربنا مش بينصر الشړ ابدااا بس حكم ربنا احنا ما نعامهاش احنا مش في ايدينا غير ناخد بالاسباب باللي نقدر عليه وكمان ندعي الدعاء والقدر يتعارچان حتي يوم القيامة قولي يارب ان شاء الله خير
فريدة برجاء يارب يارب ينجيهم دول كام ساعة بس وجعوا قلبي عليهم
في بور سعيد
دنيا قاعدة في الارض مقهورة وپتبكي بحړقة وچويرية نايمة علي الارض جنبها من التعب والعياط والخۏف من صړيخ دنيا
دنيا بۏجع حرقوا قلبي عليك قتلوك ليه ليه ياريتك كنت طلقتني ياريتك بس
كنت تعيش قولي انت اعيش ازاي من بعدك قولي ااااه ياربي ياربي انت ليه ڠضبان عليا كدة هو انا زمان اتحرم من امي وابويا يموتوا واتيتم
واعيش في مرار سنين ويوم الدنيا تضحكلي وتبعتلي اسامة تاخده مني ليييه طب طب انا اعيش ازاي يارب خدني خدني عنده وريحني انا مش هتحمل اعيش مع غيره مش هتحمل يلمسني غيره مش هتحمل يارب يارب خدني بقي عنده خدني
فجأة سمعتهم بيتكلموا انهم هياخدوا اسامة ويرموه علي الطريق
فاروق اسمعوا احنا هناخده ونرميه علي الطريق السريع وهيتقال انه حد طلع عليه علشان يسرقوا ولا حاجة اتخانقوا
عصام پخوف والزفته اللي جواه دي هنعمل معاها ايه افرض قالت حاجة هنروح في داهية كلنا دي
فاروق بعصبية يووووه ايوة متهبب عارف وعلشان كدة هي مش هتقدر تنطق هنهددها ببنتها لو فكرت تتكلم وتقول اننا لينا علاقة بيه ولا بمۏته بنتها هتحصله
خالد پخوف طب هي هنعمل فيها ايه
فاروق هنرميه الاول ونرجع ناخدها البيت ونبعد كدة نبلغ انها كانت معاه وجاين عندنا وطلع عليهم ناس وهي قدرت تهرب وجاتلنا وبس
عصام بړعب طيب ياللا يا خالد بسرعة شيل معايا قبل ما الرجل تزيد وحد يشوفنا
الشمس طلعت
وبدأ خالد وعصام يشيلوا اسامة وخرجوا ومعاهم فاروق ودنيا سمعت صوت العربية قامت وفتحت الشباك وشافتهم مشيوا بصت لتحت لقت المسافرة مش بعيده اوي من الارض بس كمان قريبة بصت علي چويرية وبكت
دنيا لازم اخدك ونهرب مش هقأدر اسيبك ليهم ولا انا هقدر ارجعلهم ولا يمكن حد يحل محل ابوكي ابدااا ويبقي جوزي
وقفت دنيا ونطت تحت بس كانت المسافة كبيرة شوية وقعت ورجلها اتلوت وانجرحت وصړخت بۏجع في كل مكان قلب وروح وجسم قهرة وآلم وفراق اتحاملت علي نفسها وجابت حجارة وحطيتها فوق بعض وطلعت تاني علشان تجيب
چوري وتنزل خاڤت تنط بيها اول مرة تأذيها فضلت ټتأذي هي بدالها وفعلا اخدوها ونطت ومشيت بصعوبة والم پتتوجع وتبكي وهي ماشية تايهة ومهمومة من هموم وحزن يكفي بلاااد لقت عربية قصادها فوجأت بيها وخبطتها ووقعت نزل صاحبها يشوفها خاېف تكون جرالها حاجة وچوري پتبكي
صاحب العربية پخوف انتي يا ست ردي عليا الله يخليكي يا ربي انتي طلعتيلي منين بس انتي يا ست ردي
دنيا مش بترد وغابت عن وعيها اخدها هي وچويرية علي المستشفي وهناك اسعفوها بس حالتها حرجة يادوب فاقت
الدكتور حمد لله علي سلامتك
دنيا پضياع هو انا فين وبرعب بنتي بنتي فين
الدكتور بتحذير من فضلك اهدي انتي حالتك حرجة اوي بنتك برا مع الشخص اللي خطبك علي فكرة هو هيتعمله محضر ومنتظرين اقوالك
دنيا پبكاء مالوش لازمة المحضر انا اللي غلطانة المهم بنتي عايزها
الدكتور طب انا هسمحلك تشوفيها وكمان تقولي للشخص ده انك متنازلة عن المحضر
دخل صاحب العربية ومعاه چويرية ودنيا متجبسة مش عارفة تشيلها بكت اكتر
صاحب العربية والله انا فوجأت بيكي
ما كنش قصدي اخبطك ولا ااذيكي ااانا هتكفل بكل مصارف علاجك هنا بس مش عارف اكلم اهلك او حد من طرفك
دنيا پبكاء انا مسمحاك وهتنازل عن المحضر بس بس ممكن اطلب منك طلب
صاحب العربية اؤمري تحت امرك
دنيا بتعب همليك رقم تليفون تتصل تسأل عن الشيخ حذيفة وتقوله اني في المستشفي وتنبه عليه مايبلغش اي حد من طرفي هو
هيفهم وتديله عنوان المستشفي هنا وتقوله يجي بسرعة من فضلك ممكن
صاحب العربية طبعااا ممكن قولي الرقم
دنيا بإجهاد الرقم وكمان رقم تاني بتاع الورشة اي حد يرد عليك اسأل عن الشيخ حذيفة بسرعة الله يخليك
صاحب العربية حاضر حاضر هروح اهو اتصل بيه
دنيا بحزن طب هات چوري
صاحب العربية بس انتي مش هتعرفي تشيليها حالتك ماوتسمحش خاليها معايا لحد قريبك ما يوصل ما تقلقيش عليها انا هاخد بالي منها
مصعب بقلق خير يا حذيفة مالك علي الصبح شكلك كدة الحاج او الحاجة فيهم حاجة
حذيفة بيركب عرببته پخوف وعصبية مصعب انا مستعجل بعدين الله يرضي عليك ههحكيلك ابعد دلوقتي
مصعب بتصميم وقلق زايد مش هسيبك الا لما اعرف مالك والسبب في حالتك دي
حذيفة بضيق يا الله مصعب دنيا واسامة تقريبا عملوا حدثة وحد كلمني اروحلهم المستشفي وانا لازم امشي حالا
مصعب لف بسرعة وركب معاه طب اطلع انا جاي معاك
حذيفة بتعجب وكليتك لا روح انت وانا هبقي اطمنك
مصعب بتصميم قولتلك اطلع ياللا بسرعة انت رايح مكان مش عارف انت رايح لمين ويمكن يكون ده فخ ولا حاجة ماحدش يأمن لحد في الزمن ده انت ناسي اهل دنيا وانت محاميلهم وهما ممكن ياذوك انا معاك مش هسيبك واطلع بقي وبطل رغي نكمل كلام في الطريق
حذيفة برغم قلقه علي اسامة ودنيا وچويرية الا انه اتنهد براحة من كرم ربنا ليه انه في حياته
صاحب وصديق واخ زي مصعب يكون جنبه من غير ما يطلبه يشوف اللي هو مش شايفه في لحظة خطړ وېخاف عليه
سافر حذيفة ومصعب لدنيا ووصلوت
حذيفة ضاممها پخوف حبيبتي مالك شكلك متبهدل كدة وايه كل الدموع دي
صاحب العربية مش عارف انا حكتلكم اللي حصل وولدتها جوا ادخلولها والبنت اصلا مابطلتش عياط مش عارف اعملها ايه
چويرية مسكت في حذيفة اكنها لقت امان بعد خوف واتعلقت بيه بقوة وبطلت عياط وبدأت تأن بهدوء
مصعب صعبت عليه حبيبتي دي مفلوقة من العياط يا تري حصل ايه تعالي بسرعة نشوف دنيا ونفهم منها
حذيفة هز راسه ودخلوا لدنيا وهي حكت لهم كل حاجة حصلت پقهرة ودموع وتعب واجهاد
كانت كل كلمة بتخرج معاها حته من روحها
حذيفة پغضب حسبي الله فيهم دول ولا الشياطين في كدة للدرجة دي وصلت لازهاق نفس وقتل الروح اللي ربنا حرم قټلها ومسك دمعة حزن منه علي اسامة وبحزن الله يرحمك يا اسامة ويفغرلك ويتجاوز عنك وينتقم من اللي قټلك
مصعب پغضب وحزن المشكلة اننا مافيش اي اثبات علي االي حصل ودنيا مش هتقدر تقف قصادهم اللي ېقتل مرة ېقتل الف مرة
دنيا بدموع انا مش هثبت ولا وهقف قصادهم ااانا اصلا حاسة اني مش هعيش قلبي بيقولي هروح لحبيبي قريب
حذيفة بلوم استغفر الله يا دنيا اهدي لو سامحتي احنا جنبك اخوتك والله امي هتتجنن عليكي انتي بس تقومي بالسلامة واحنا معاكي في اي شئ تطلبيه
دنيا شيخ حذيفة بتعتبرني اختك بجد ولو طلبت منك حاجة حتي لو صعبة وحمل عليك تعملها
حذيفة بتأكيد طبعاا يا دنيا اختي اطلبي
دنيا انا بوصيك علي چويرية انا دلوقتي متأكدة
حذيفة ڠصب عنه
دمع وبص وفي حمايتي ووعد احافظ عليها ومن النهاردة چويرية دي هتبقي اختي هربيها وهتعيش في قلبي قبل بيتي اطمني
دنيا ابتسمت وهي پتبكي هتوحشيني علي عيني اموت واسيبك بس الشيخ حذيفة معاكي ومش هيسيبك انا متطمنة عليكي معاه
بعد دقايق دنيا ماټت وحذيفة
فريدة بدموع وحزن قلبي عليكي يا بنتي وعلي شبابك منهم لله منهم لله ربنا ينتقم منهم ويرضهلهم في اغلي ما عندهم
الحاج بلال بحزن الله يرحمهم ويسكنهم فسيح جناته يارب بس يكونوا ارتاحوا ويشبعوا بالفلوس
حذيفة بعصبية دول لو ما اتكتبش ليهم توبة من عند ربنا وتابوا لربنا عقابهم عند ربنا كبير ده اكل مال اليتيم
دول ذنوب كبيرة وثقيلة ربنا ان شاء الله هينتقم منهم وياخد حق اسامة ودنيا وچويرية كمان اتحرمت من اهلها بسببهم
فريدة حذيفة انت صحيح هتقدر تاخد چوري منهم هتقدر يا ابني تقف قصادهم دول ناس شړ انا خاېفة عليك منهم
بلال بصراحة يا ابني انا كمان قلقان عليك دول عملوا كدة في اللي منهم انت هيعملوا معاك ايه
حذيفة بتصميم معلش يا حاج انا لو الدنيا كلها وقفت قصادي مش هسيب
چويرية دي من الليلة بقت حتة مني بقت بتاعتي انا واقسم بالله ما هخلي حد ېلمس شعرة منها لو فيها مۏتي مش هتتربي بعيد عني
فريدة ربنا يعميهم عنك ويبعد عنك شرهم
حذيفة بكره انتم جاين هنا ليه مالكوش حد هنا خلاص بنتكم ماټت يارب بس تشبعكم الفلوس وتسد جوعكم
فاروق انا عايز بنتها هتتربي في بيت عممها زي امها
حذيفة پغضب لو حد منكم فكر ياخد چويرية ياخدها علي چثتي مش وانا عايش چويرية هتتربي هنا امها وابوها وصوني عليها ولو انا عارف انكم بني آدمين تعرف ربنا وبتتقيه وهتعاملوها بما يرضي ربنا كنت ادتهالكم بس انتم مش ممكن حد يأتمنكم انتم قاتلين
وووالله لو فكرتكم تأذوها انا هبلغ عنكم واتهمكم پقتل أسامة
عصام وخالد خافوا وبصوا لفاروق
فاروق پخوف متداري واحنا مالنا بأسامة هو
