ام صديقى

مصيبه تاخدها وهي فاكره ان هي تقدر تعمل معاك حاجه يا واد انت انت ما تعرفش امك انا اه كنت بحبها بس اللي يجي عليك ده انت متعرفش انا ممكن اعمل فيه اي

ابراهيم

لما نشوف بقى هتجهزلي مصيبه ايه عشان هي عارفه ان انت بتصدقيها في كل حاجه

الام

هو انا هستنى لحد ما تيجي وتقولي عليك حاجه ده انا هروح هناك وهفرج عليهم امك لا اله الا الله وبعدها بشويه احنا روحنا وحصل اللي حصل

#باك

وبعد ما روحنا لقيت يوسف بيقولي

يوسف

عجبك اللي حصل ده طلعت بنتك اللي كانت

عايزه تسـ,ـرق اختك شفتي اخر تربيتك فيها يا ست هانم

نورهان

ليه عملت كده مع ان خالتك بتحبك ومش مستخسره فينا حاجه هنصرف منين دلوقتي انت منك لله يا شيخه على اللي انت عملتيه ده

سما

هو انت بتتكلمي بجد انت بجد مصدقه عليا الحوار اللي اتقال ده والله العظيم ما حصل وابن اختك هو اللي حاول يعمل معايا حاجه

يوسف

ليه كندا علوش ما تروحي تبـ,ـوسي لنفسك المرايه يا حبيبتي بقولك ايه يا نورهان هتنزلي وتدوري على شغل انت سامعه ولا لا والله هرمي عليك مني طلاق وهرميكي في الشارع

سما

ترمي مين في الشارع وانت ناسي ان اصلا الشقه دي شقه ابويا ولا ايه وانت ملكش انك تتكلم معانا بالاسلوب ده خليه يغور في 60 داهيه يا ماما

الام

وانت كمان لك عين تتكلمي بعد اللي انت عملتيه ده الله يخرب بيت عقلك يا شيخه عليك وعلى سنينك سوداء امشي اتخفي وخشي جوه واعملي حسابك ما فيش مدرسه تاني انا مش معايا فلوس لكل ده

يوسف

ايوه كده يا حبيبتي عفارم عليكي الي انتي عملتيه ده اكسري البنت صلع يطلع ليها اربعه وعشرين

الام بضيق

بقولك اي يا يوسف سيبك من كلامك ده دلوقتي هو انت بقا ان شاء الله مش ناوي تشوف اي شغل تنزل فيه

ولا عاجبك قعدتك في البيت وانا الي اصرف عليك

يوسف بحده

بقولك اي يا نورهان انتي عارفه رايي في موضوع الشغل ده وانا قايل ليكي علي كل حاجه قبل ما نتجوز وان انا مش وش شغل

وانتي وافقتي راجعه بقا في كلامك ليه دلوقتي

انا واحد مش واخد علي الشغل عند الناس

نورهان بغيظ

خلاص خلاص انا عارفه ان انا مش هعرف اخد معاك حق ولا باطل علي العموم انا شوفت اعلان علي النت وفي شيف كبير طالب حد يشتغل معاه

يوسف

ايوه كده يا حبيبتي دي الاخبار الي تفرح ولا بلاش علي العموم انا عاوز اي فلوس تاخديها من الشغل تديهالي علي طول