فرح وزين
مريم قربت منه بكسوف من وجود زين وماجد: حمدلله ع سلامتك يا…يا استاذ عمرو
عمرو بابتسامه: الله يسلمك..والله الاستاذ عمرو بقي كويس جدا اول ماشافك
ماجد بعصبيه: ولاا ماتظبط كده انا واقف
عمرو بص ل زين يلحقه منه وزين ضحك وفهمه…
زين: اه تعالي معايا ياماجد هنزل اشوف الدكتور
ماجد بزهق: ماتنزل انت يازين…انا قاعد هنا
زين شده: لا مانا كنت عايزك ف موضوع تاني…تعالي..تعالي
_ اول مازين خد ماجد وخرجو
عمرو بسرعه: وحشتيني
مريم بصتله بعتاب واتكلمت بهدوء: حمدلله علي سلامتك مره تانيه
عمرو: خلاص يامريم عشان خاطري سامحيني..انا مكنتش هسامح نفسي لو كنت مت وانتي زعلانه مني
مريم بسرعه: بعد الشر عليك
عمرو بابتسامه: لأ مانا همـ,ـوت فعلاً لو فضلتي زعلانه كده
مريم قربت منه بابتسامه: متقولش كده ياعمرو…خلاص انا مش زعلانه منك ال فات مات زي مابيقولو…وانا مستعده اديك فرصه تاني.
عمرو بفرحه: يعني خلاص!!
مريم: بس دي اخر فرصه..صدقيني الخـ,ـيانه اكتر حاجه بتوجـ,ـعني ياعمرو
عمرو بابتسامه: خلاص ياقلب عمرو انا مش عايزه حد غيرك انتي..مش عايز غيرك يامريم
مريم بصتله بكسوف وهو بص ناحيه الباب..
عمرو بصوت واطي: بقولك اي ماتجيبي حضن كده
مريم بعصبيه: احترم نفسك!! وبعدين انت فيك حيل ده انت متكسـ,ـر خالص
عمرو: لاا متكـ,ـسر اي!! تعالي بس انا مش عارف اقوملك
مريم ضحكت: لا لما تقوملي بقي
عمرو ابتسم: اصبري عليا بس لما اقوملك
__________________________________
ماجد بعصبيه: ماشي يازين بقي تعمل فيا انا كده
زين ضحك: مايبقاش قلبك اسود..وبعدين مفهاش حاجه لو سبتهم لوحدهم شويه
ماجد كان ماشي بعصبيه بس استغرب لما لقي فرح..
ماجد: مش دي فرح ال هناك دي!!
زين بص بسرعه مكان ماشاور بخوف: بتعمل اي ف المستشفى!!
زين سابه وجري عليها بسرعه..
الممرضه كانت بتكلم فرح: اتفضلي…وان شاء الله هنعرف بكره
فرح بابتسامه: ماشي شكرا
زين قرب منها بسرعه: فرررح!!
فرح بصتله بصدمه:……
