فريده احمد ٤

مسح علي وشه بغضب وقرب ليها بعد ما حاول يسيطر علي غضبه منها.. قال… انتي مش هتخرجي من هنا.
اتنهد وقال…. مش هقربلك… بس مش معني كده انك هتعيشي مع امك.. انتي هتفضلي هنا.. ادخلي يلا اتخمدي جوا
كمل بتحذير وقال….. لو عرفت انك خرجتي بدون اذني هزعلك
وسابها وخرج بغضب وهو مستغرب نفسه ازاي مش قادر ياخدها غصب وايه اللي مصبره عليها كل ده
……..

تاني يوم
نزلت مرام من اوضتها اتقابلت ب مامتها اللي بصتلها باستغراب وقالت… انتي خارجة
ردت مرام وقالت وهي بتتجه للباب… اه يامامي
لكن وقفها صوت مامتها اللي قالت… استني
وقامت قربت عليها وقالت بتساؤول… علي فين
قالت مرام… مشوار ياماما.
وهي جواها كمية غل فظيعة من زين كملت وقالت.. فكرة لازم انفذها
وبدون ما تدي ل مامتها فرصة خرجت وهي بتقول…باي يامامي
…….
بعد وقت كانت وصلت لمكتب محامي ومش اي محامي. دا صاحب زين المقرب،
وهي قاعدة قصاده علي الكرسي وحاطة رجل علي رجل، قالت…. انا جيالك في قضية
وقبل ما يتكلم قالت…. عاوزاك ترفعلي خلع علي جوزي
اتصدم وقال.. لحظة بس.. خلع علي مين!!!
قالت مرة تانية.. علي جوزي اللي هو صاحبك
وكملت بسخرية…. جيالك في قضية خلع. اكيد هخلع جوزي مش هخلع ضرسي

اتغاظ منها لكن قال باستغراب وزهول…. يعني انتي عاوزة تخلعي زين!!
هزت راسها بتاكيد وقالت… اه
فقال بتعجب… ليه
ردت وقالت ببساطه…… صاحبك متجوزني من اكتر من شهر ولحد دلوقتي مدخلش عليا..
ليقول بزهول وهو مش قادر يصدق اللي بيسمعه…. انتي بتقولي ايه
قالت مرام بجحود… بقول اللي سمعته.. انا هخلعه
ثم اكملت بجراءة… انا من حقي اطلق واتجوز را**جل
كان مندهش من كلامها، في حالة زهول حرفيا

وهي كملت وقالت…. هترفعلي الدعوة ولا اشوف محامي تاني
هي كانت متأكدة انه هيرفض بس غلها من زين خلاها عاوزة تفضحه قدام اي حد وبرغم انها كانت متأكدة من رده راحتله بس عشان تفضحه قدام صاحبه
وكالمتوقع رد عليها وقال… اسف. اكيد مش هعمل كده في صاحبي
قامت وهي بتاخد شنطها وقالت…تمام
بس هو حاول يوقفها وقال… استني بس..
وقف قصادها وقال… نصيحة متعمليش كده يامرام.. انتي مش قد زين.
بصتله بسخرية وهي مش هاممها وقالت… يوريني هيعمل ايه
ولبست نضارتها وخرجت

مرجعتش مرام البيت وبالفعل نفذت اللي في دماغها فهي طلعت علي محامي تاني.
…..

بعد اسبوع كان زين في القسم بعد مارجع من المأمورية
دخل صاحبه اللي حاول كتير يكلمه عشان يعرفه باللي مرام ناوية تعمله لعله يوقفها بس زين كان تليفونه مقفول وبمجرد ما عرف انه رجع راحله القسم فورا

دخل قعد وهو مش عارف يقوله ايه
فقال زين بشك…. في ايه ياعماد
وقبل ما عماد يتكلم دخل العسكري وقال… زين باشا.. في واحد بره معاه جواب من المحكمة
يتبع……..

زين ماسك دعوة الخلع بهدوء بالغ لدرجة ان صاحبه كان بيبصله بقلق من هدوءه ، مصدرش منه اي رد فعل حتي تعابير وشه
: هتتصرف ازاي يازين
قالها صاحبه بقلق فهو كان عارف ان هدوءه ده مش استسلام ، كان عارف ان زين رد فعله هيبقي قوي

فكمل علطول وقال بتفكير…. انا شايف تكلم سيادة اللوا باباها و
بس قاطعه زين لما بصله وسأله بشك … انت كنت عارف
ليقول صاحبه بحذر…. هي جات توكلني ارفعلها الدعوة ولما رفضت راحت لـ محامي تاني ونفذت اللي في دماغها

كان بيسمع للكلام بهدوء عكس العاصفة اللي في داخله ، كان متفاجأ من جرأتها، مكانش متخيل ان جاتلها الجراءة تعمل كده
بص لصاحبه وقال ….هي قصدها معرفتش ادخل عليها. اني مش راجل يعني!!
كان بيقولها وهو مش مصدق ان توصل بيها البجاحة للدرجة دي
ليقول صاحبه بسرعة…. انت اكيد عارف هي ليه عملت كده.. هي اكيد عملت كده بس بتردلك اللي عملته فيها وشويه و هتهدي وهترجع عن اللي في دماغها.. وانا ايا كان هخليها تسحب الدعوة قبل ما الصحافة تاخد خبر.. بس ممكن تهدي

بصله و قال وهو بيتوعد لها بداخله علي عملتها….. انا هادي خالص اهو
وقام وهو بياخد تليفونه ومفاتيحه
قام عماد وهو بيبصله بقلق وقال… هتعمل ايه
بس زين مردش عليه، فقط اتجه للخارج، ليحاول عماد يوقفه
ولكن بدون فايدة
…………
في شركة مراد
فتح مراد مكتبه ليتفاجأ ب ليالي واقفة مع موظف في الشركة بيهزرو وبتضحك بطريقة ملفتة

قرب مراد عليهم بهدوء وقال… تحبو اطلب اتنين لمون
سكتو الاتنين بتوتر لما اتفاجأو بيه وليالي حرفيا بقت مرعوبة وبقت متأكدة ان مراد مش هيعدي ليلتها علي خير،

فاقت علي صوته وهو بيقول بحدة…. سايبين شغلكو وواقفين تتمسخرو هنا.. شركة دي ولا كباريه

الشاب قال بحرج وخوف .. اسف يامراد بيه.
مراد بحدة… اتفضل علي شغلك
: عن اذنك
قالها الشاب ومشي بسرعة

ومراد بص لليالي بطريقة تخوف وقال… علي البيت.. استنيني لما اجيلك
قالت برعب…. انت فاهم غلط احنا كنا و
بس قاطعها لما قال بحدة…. سمعتي.. علي الشقة
وبتحذير … لو روحتي عند امك هاجي اخدك من شعرك.. ترجعي علي الشقة
بلعت ريقها برعب وقالت… ح حاضر

…………..
عند مرام

: انتي ازاي عملتي كده.. انتي مش خايفة؟!!
قالتها اخت مرام الكبيرة اللي كانت قاعدة قصادها مش مصدقة اللي اختها عملته
لترد عليها وتقول ببرود….. لا مش خايفة
لتقول اختها .. ما هو لو مش خايفة تبقي مش مدركة حجم اللي عملتيه.. انتي عارفة انتي عملتي ايه.. طب عارفة زين ممكن يعمل فيكي ايه نتيجة اللي عملتيه ده
ثم اكملت بسخريه….. دا لو قـ تلـك علطول من غير ما يعذ، بك يبقي كويس

لترد عليها بلامبالاه وتقول… و لا هيقدر يعمل حاجه..
بعدين بصتلها وقالت بتعالي…. انتي ناسية انا بنت مين.. ناسية ابوكي يبقي ايه
لتقول اختها بسخرية…. ابوكي اللي روحتي عملتي كده من وراه عشان كنتي متاكدة انه هيمنعك.. ومع ذالك عملتي اللي فدماغك
كملت وقالت….وبعدين ابوكي بنفوذه وسلطلته مش هيقدر يقف قدامه..انتي باللي عملتيه محدش هيعرف يخلصك من ايد زين
لتكمل وتقول لها بترجي… اسحبي الدعوة يا مرام عشان خاطري.. انتي كده بتلعبي بالنا،، ر ومش هتحر،،ق غيرك صدقيني

لترد عليها بقوة وتقول… متخافيش..انا عارفة بعمل ايه كويس