جوزى
جوزي بعت صور ليا وانا بهدوم البيت ل اخو
وقبل ما نبدا الحكايه اعرفكم بنفسي انا
هناء عندي 30 سنه وفي يوم كنت. واقفه في المطبخ ولقيت جوزي داخل بيقولي
اسامه
جرا اي يا ست هانم في اي هتقعدي اليوم
كله كده في المطبخ. ولا اي انا جعان وعايز اكل
هناء
مامتك جايه في الطريق وهنتغدى سوا هي اتصلت بيها وقالت لي ما ناكلش الا ما هي ما تيجي وانت عارف مامتك عامله ازاي
اسامه
مالك يا حبيبتي هو انت متضرره ولا ايه ان ماما جايه عندنا هنا بقول لك ايه يا هناء انا ما بحبش اسلوبك ده
هناء
هو انا اتكلمت يا اسامه علشان خاطر تقول لي الكلام ده حرام عليك هو انت ليه بتعاملني بالطريقه اللي انت بتعاملني بيها دي انا حاسه كده ان انت مغصوب عليا في الجوازه دي هو انت اتجوزتني ليه
وبعدها الجرس رن وهو قال
اسامه
الباب بيخبط لما اروح افتحه خلصي بقى وحطي اكله يا ماما جت
وفي الوقت ده راح اسامه يفتح الباب
الحما
الله يخرب بيت السلم وسنين وانا مش عارفه انت ليه قاعد في اخر الدنيا كده
اسامه
تعالي يا ماما ادخلي ايه عامله ايه
الحما
ايه ده مالك يا ولد شكلك عامل ليه كده هو انت اتخنقت انت ومراتك ولا ايه
اسامه
بطلي تقولي كلمه مراتي الكلمه دي بتضايقني جدا وانا ما بحبهاش الله يسامحك انا مش عارفه ازاي سمعت كلامك
الحما
تاني هنتكلم في الحوار ده يا ابني هو انت كان معاك فلوس تجيب شقه ولا تجيب عفش ما انت متجوزها يا حبيبي ببلاش وحتى ولا كتبنا قايمه ولا عملنا حاجه
اسامه
تغور الجوازه دي يا ماما وانا عايش مع واحده ما بحبهاش بجد انا مبطقش اجي جنبها
الحما
بكره يا حبيبي لما الفلوس تبقى بتجري في ايديها زي الرز هتحبها وتحب فلوسها هو انت ناسي ان عمها كاتب لها وصيه ولا ايه
وبعدها بدأ يفتكر اللي حصل
فلاش باك
اسامه كان راجع من من شغله قبل ما يتجوز وبعدها شاف امه قاعده وقال لها
اسامه
ايه ده مالك يا ماما قاعده كده ليه هو في حاجه حصلت ولا ايه
الام
اسكت يا واد ده انا من الصبح والضغط عالي عليا وحاسه ان انا هيجرى ليا حاجه تصدق البنت المعفنه اللي ساكنه قصاد مننا دي عمها كاتبلها كام
اسامه
هو مش عمها ده اللي مسافر امريكا انا مش فاهم اي حاجه
الام
انا كنت لسه قاعده معاه من شويه وجاء لها محامي وبيقولها ان عمها كاتب لها وصيه بس بعد ما يمو.ت بقى ما انت عارف ان عمها ده ولا اتجوز ولا خلف
اسامه
هو في حد بيعمل كده يعني ما لو كان عايز يديها فلوس ما كان اديهالها وخلصنا
الام
بقول لك ايه يا واد انت ايه رايك لما تعرض عليها الجواز وتتجوزها
اسامه
هو انت بتقولي ايه لا طبعا مش موافق على الكلام ده ده انا ما بطيقش اشوفها خمس دقائق على بعض اروح اتجوزها
الام
اه يا حبيبي تتجوزها لان هي عندها شقه وعندها عفش وهيبقى معاها فلوس وبكره الدنيا هتضحك لك مش احسن ما انت عايش كده مش عارف تجيب شقه تتجوز فيها
اسامه
مش عارف والله يا ماما بس بجد انا ما بحبهاش
الام
يا حبيبي متجوز واحده وبيحبها المهم المصلحه يا واد انت ما تبقاش عبيط بقى واسمع كلامي
وفعلا بعدها جيت تقدمني وانا وافقت ان احنا نتجوز
باك
وبعدين التلفون رن بفتح كان المحامي عمي وبعدها قولت ليه
هناء
الو سلام عليكم مين معايا
وفي الوقت لقيته رد عليا وقالي
المحامي
الو عليكم السلام استاذه هناء انا المحامي تبع عمك انا كنت معاكي اخر مره واخدت الرقم مني انتي مسجلتش ليه الرقم
هناء
اهلا بحضرتك انا اسفه معلش نسيت اسجله
خير في حاجة
المحامي
انا كنت بكلمك علشان اقولك بس البقاء لله عمك في ذمه الله
هناء عياط وانهيار
عمي انا معرفش حتي هو كمان مات ده هو ال كان فاضل ليا من اهلي الله يرحمك يا عمي ويسامحك يارب
المحامي
شد حيلك يافندم دلوقتي حضرتك انا معايا الوصيه ولازم حضرتك تستلمي وتمضي انا في انتظارك بكره الصبح لاني مسافر امريكا تاني
هناء
خلاص ماشي حاضر الصبح اكون عند حضرتك ابعت لي الابلكيش علي الوتس لو سمحت
وبعدها قفلت معه وانا حزينه علي عمي دخلت حماتي واسامه
حماتي
في ايه يابنتي بتعيط لي مالك خير ومين كان بيكلمك في الفون
هناء
عمي اتوفي وانا ماشفتوش كان نفسي اشوفه مبقاش ليه حد بقيت لوحدي اهلي كلهم ماتوا
وفي الوقت ده حماتي فرحت بس كانت بتحاول
تداري وقالت
الحمااا
خلاص بطلي عياط احنا اهلك اهو مش هنسيبك يعني جوزك جنبك وانا معاكي ولا ايه يااسامه ماتنطق
اسامه بقرف
هاااا اااه إن شاء الله يلا يلا قومي هاتي الاكل انا جعان انا في الاوضه لما تجهزي الاكل نادي عليا
وبعدها دخل اسامه الاوضه ورن علي نيفين
اسامه
ايه ياحبيبتي عامله ايه وحشتني قوي انا قولت لازم اسمع صوتك دلوقتي علي الصبح كدا علشان اليوم يبقي حلو زيك كدا ياقمر
نيفين
يااااه ده ايه الروقان ده شكلك رايق النهارده يعني انت رايق وانا مش طايقه نفسي
اسامه
وانتي مش طايقه نفسك ليه ياقمر بس روقي كدا
نيفين
طول ما انت مع البت دي انا مش طايقه نفسي ولا طايقه حد مش هرتاح غير لما تبقي ليا انا لوحدي
اسامه
الله علي الكلام الجميل طيب ابشري بقي انا عندي خبر حلو عمها مات وخلاص هناخد
الفلوس واطلقها وابقي ليكي لوحدك
نيفين
بجد طيب الحمد لله اخيرا هنرتاج من الكابوس ده اخيرا متعرفش انا فرحت قد ايه بس المهم انت تنجز وتخلصني
وبعدها دخلت عليه الاوضه
هناء
انت نايم وبتتكلم في التلفون وسايبني بره في الوضع ده
اسامه
ايوه مش فاهم انتي يعني عايزاني افضل اعيط جنبك ولا ايه مش فاهم يلا انا هطلع اكل
وطلع بره وحمااتي قالت
الحماا
انت يابني ايه ال بتعمله ده مش تتكلم معها كويس وطيب خاطرها انت عارف انه عمها ميت ويتعيط هو انت يعني متعرفش تضحك عليها بالكلام لحد ما تاخد الفلوس
اسامه
مش قادر بقولك شكلها بيخنقني مش عايز اشوف وشها بقي خلاص
الحماا
طيب اسكت اصل تسمعك هي جات اهي بتجيب الاكل
وبعدين جابت الاكل واحنا بناكل حماتي قالت
الحماا
تعالي يابنتي كلي معانا الاكل مالوش دعوه بالحزن وروقي بقي
اسامه
تعالي تعالي الاكل طعمه حلو وسيبك من الكلام ده كلنا هنمو.ت
هناء
انا مش جعانه انا هدخل انام شويه انا تعبانه ومش قادرة اقف
وتاني يوم جيه اشرف ومها اخو اسامه ومراته
ودخلوا كانوا قاعدين في الصاله مع حماتي
اشرف
عاملين ايه يا ماما وانت يا اسامه عامل ايه
الحماا
احنا كويسين ياابني انتم عاملين ايه وانتي يامها عامله ايه
مها
احنا كويسين ياحماا تي احنا جايين علشان نعزي هناء
هي فين لان احنا مستعجلين
اسامه
نزلت السوق وبعدين ماتشغلش بالك كدا كدا انا هطلقها بس مستني اخد الفلوس وبعدين اخلص منها بقي انا قرفت
وفي الوقت ده اشرف أنصدم اول لما عرف وبعدها قال
اشرف
ايه الكلام الفارغ ده انت هطلق مراتك وبعدين ورث ايه ال بتتكلم فيه
مها
يعني انت متجوزها علشان الفلوس وبعد كدا تطلقها
اسامه
ايوه متجوزها علشان كده وهاخد الفلوس واطلقها
اي مالكم مستغربين ليه مانتو عارفين لو الظروف
كانت كويسه معايا عمري ما كنت اتجوزت
واحده مش بحبها
اشرف
حرام عليك يا اخي هو انت ايه انا مش هسمح لك انت تعمل كدا فيها انت مجنون و
كنت خليك راجل واتجوزت علي قد ظروفك
مها
انت مالك زعلان اوي كدا ليه وانت مالك اصلا يااشرف تسمح ولا ماتسمحش بدافع عنها ليه اووي كدا ليه
اشرف
ازاي يامها انا مينفعش اسكت اشوف غلط قدامي واسكت حرام وهي بت غلبانه متستهلش كل ده دي بنت ناس بردو وبعدين انتي ياماما اصلا مواقفه علي الكلام ده يعني ازاي
الحماا
انا هعمل ايه ياابني هو حر بقي في حياته انا مالي مدخلنيش في الموضوع ده ياابني
اشرف
طيب انت لو عملت كدا انا مش هسكت وهعرفها كل حاجه تفوق لنفسها
وفجاه الباب خبط وكانت هناء
الحماا
اسكتوا بقي اقفلوا علي السيره دي بقي هي جات اهي
دخلت هناء
السلام عليكم ورحمه الله اهلا يا اشرف اهلا يامها
مها
اهلا ياهناء البقاء لله شدي حيلك كدا ياحبيبتي
اشرف
البقاء لله هناء احنا معاكي اهو كلنا اهلك لو احتجت حاجه احنا جنبك
هناء
الدوام لله وحده شكرا ليكم اكيد انتم اهلي طبعا هو انا ليا حد غيركم ربنا يديم المحبه بينا
الحماا
قومي ياهناء معلش اعملي الغدا علشان اشرف ومها يتغدوا معانا
اشرف
معلش بقي ياماما مش هينفع انا مستعجل
وبعدين خلي هناء تدخل تستريح بقي هي اكيد نفسيتها تعبانه الفتره دي ربنا يصبر قلبها
مها بغل
يلا يا حنين انا ماشيه ياحماااتي علشان خلاص كدا ضغطي هيعلي
وبعدها مشي اشرف ومها واسامه قالي
اسامه
ايه الاخبار انتي هاتخدي الفلوس امتي بتاعت الورث
انا عايز اكون معاكي لانك انتي مش هتعرفي تتصرفي لوحدك لازم حد يكون معاكي
هناء
المحامي عايز اروح له بس انا مش رايقه الفتره دي وياريت عمي عاش وفضل حسه في الدنيا
ده لوحده يساوي ملايين
اسامه
ياستي خلاص بقي بطلي ندب في الشقه
انا مش بحب الاسلوب ده بزهق انا ماشي رايح الشغل
وبعدها اسامه قابل نيفين في الشركه وقالت له
نيفين
اهلا يا اسامه هو في ايه بقي انت مش قولت كلها يومين وتطلق البت دي ونتجوز انت مطول ولا ايه
اسامه
انا لا مطول. ولا نيله انا عايز اخلص النهارده قبل بكره بس المشكله بتتعقد مش عارف اخلص منها ازاي وكمان اخويا واقف في الدور
وبيقولي لو عملت كدا مش هيسكت
نيفين
طيب هقولك حاجه احنا نض.رب عصفورين بحجر واحد نعمل حاجه ونطيرها هي واخوك ايه رايك
اسامه
مش فاهم حاجه ازاي بقي يانصحه
نيفين
انت هتاخد تلفونها وتبعت منه صور لاخوك صور لها وهي عريانه من تلفونها واي كلمتين في محادثة وكدا
وبعدها
اعمل نفسك بتفتح تلفونها علشان اي حاجه وقتها بقي اكشف الموضوع وزعق بقي وهلل انها كدا بتخونك وكدا
اسامه
ايه التفكير الشيطاني ده دانتي فظيعه يخربيت كدا ايه الدماغ دي
نيفين
اومال انت مفكر ايه دماغ شغاله مابتنامش
يلا بقي خلينا نتجوز ونخلص
وبعدها رجع البيت اسامه وكنت انا في الاوضه بكلم ندي صاحبتي في التلفون وكنت بقولها
هناء
والله ماانا عارفه ياندي بصراحه حسه إنه مش بيحبنى معامله كدا جافه وبالذق وحسه إن حماتي هي بتصلح ورا
ندي
انتي ال حساسه شويه بس الخوف بقي انه يكون متجوزك علشان الفلوس اصلا
هناء
انا حسيت كدا انتي طبعا بتعرفي ال بيحبك من ال بيتعامل كدا عادي من غير احساس فاهمه
ندي
فاهمه خلي بالك من نفسك انا كنتي نفسي تتجوزي علي اخويا وهو بيحبك بس للاسف مانطقش غير متاخر
هناء
ما انتي عارفه اني كنت بحبه بس هو ماكنش في دماغه خالص وكنت لوحدي واول ماجالي اسامه وفقت علي طول ضل راجل ولا ضل حيطه
ندي
خلاص النصيب بقي وعلي فكره هو جاي بكره ومش يسافر تاني خالص بس ربنا يعوضه واحده كويسه زيك
وبعدين دخل اسامه وقال
اسامه
انتي بتعملي ايه هو كل ما ادخل الاقيكي تتكلمي في التلفون قومي شوفي شغلك اخلصي
هناء
هو انا عايزه افهم حاجه هو انت ليه بتعملني وحش كده
اسامه
هو اي الجديد يعني اي طريقه كلامك
دي
هناء
بقولك اي بجد لو مش عارف تحبني طلقني وكل واحد يروح ل حاله انا مش هقدر اعيش معاك كده
وفي الوقت ده مسكها من شعرها وقال
اسامه
انتي اتجننتي علشان خاطر تقولي ليا الكلام ده
انا هوريكي وبعدها دخلت الام
الام
اي اللي ده ازاي تعمل كده اوعي ايدك من عليها
هناء
أنا مش عايزه اعيش معاك لو عندك دم طلقني
الام
ايه الجنان ده انتي كمان طلاق اي تفي من بوقك
مافيش الكلام ده اخرجي برا دلوقتي
وبعدها خرجت
الام
انت شكلك كده اتجننت ازاي تعمل فيها كده انت عايزه
تطلق وتخسر كل حاجه
اسامه
مافيش خساره خالص انا عرفت هعمل اي اوعي كده من وشي وبعدها خرج
وفي بيت اشرف مراته كانت قاعده وبعدين هو دخل
وقال
اشرف
انت مالك يامها حسيت انك زعلتي اني بدافع عن هناء ليه زعلتي انا بتكلم في الحق
مها
حق ولا مش حق انت ماشفتش نفسك كنت بتتكلم ازاي وكان في حاجة بينكم انا مش بحب الطريقة دي اصلا
وفجاه في رسايل جات علي تلفون اشرف وقال ل مها
اشرف
طيب قومي مفيش الكلام ده دي مجرد دفاع عن الحق واحده غلبانه مالهاش حد مينفعش نستغلها هات التلفون من علي الطربيزه ايه كميه الرسائل دي
مها
هقوم اجيبه اهو ا. بعدها راحت وبصت في التلفون وقالت اي ده يانهار مش معدي ايه ده وعمال تقولي مفيش حاجه هي حصلت كمان الكلام ده اخص علي
اشرف
ايه ده وريني كدا ايه ده صور دي ازاي تجي هنا هي اتجننت ولا ايه انا مش فاهم حاجه ازاي الكلام ده والله مافي حاجه بينا انا مش مصدق الي انا شايفه
مها
انت واحد كداب وانا كان قلبي حاسس اصلا إن في حاجة بينكم طلعت واطي وندل وهي طلعت وسخه وشمال
انا هروح افرج عليها الناس
اشرف
والله انا مصدو م مش عارف في ايه اكيد في حاجة غلط بجد
وبعدها جريت مها وجات خبطت فتحت
هناء
اهلا يامها اتفضلي ياحبيبتي
مها
حبيبتك اي زفت ايه حبك بورص وعشره خورص ياخطافه الرجاله انتي وقعتك سوده طلعتي مش سهله ووسخه
وبعدها خرج اسامه من جوا وقال
اسامه
في اي يامها عيب كدا مينفعش هو علشان انا ساكت هتسوقي فيها ماتغلطيش في مراتي خالص
مها
انت عارف هي عملت ايه انت لما تعرف هطلقها وترمها الشارع كمان تعالي
هناء
في ايه عملت ايه عيب كدا انا مش راضيه اتكلم معاكي وسايباك تغلطي انا مش فاهمه حاجه انا عملت ايه ما تقولي
مها
لا ياحبيبتي انا مش هقول انا هفرج جوزك علي صورك وانتي في الفيديو الي بعته لجوزك اتفضل اتفرج شوف
اسامه
يانهار اسود ايه ده يابنت الكلب ازاي تعملي كدا وبعته لاخويا كمان ده همو.تك
هناء
والله مابعت حاجه ولا عملت حاجه انا مش فاهمه ايه ده والله ما حصل ولا في حاجة بينا اااه سيبني شعري سيب والله ماحصل
ودخلت حماتي قالت
الحماا
سيبها يااسامه انت بتعمل ايه ليه كدا
اسامه
هو انت تعرف عملت ايه دي واحدة وسخه خاينه بتبعت صور عريانه لابنك
الحمااا
يامصيبتي ايه الكلام الفارغ ده اسكت اخرس مستحيل سيبها هتمو.تها في ايدك
اسامه
اقعدي هنا وامضي ليا علي كل حاجه بيع وشراء لاحسن والله متعرفيش هعمل فيكي اي
هناء
حاضر حاضر ومن كتر الخوف مضيت
وبعدها اسامه جرجرها علي السلم من شعرها علشان يرمها في الشارع وفي نفس الوقت داخل علي وندي جري علي عليها لأنها كانو جيران وشافو اللي حصل
علي
ايه الي بتهببه ده انت مجنون اوع كدا سيبها هتمو.ت ولا اي
اسامه
انت مالك انت اصلا ابعد كدا ده مراتي وبربيها انت مالك
ندي
تربيها ايه انت بتمو.تها سببها انت مفكر مالهاش اهل
اسامه
طيب يا اهلها طالق بالتلاته
وبعدها روحت الشقه مع علي وندي واسامه طلقني
وتاني
يوم اشرف رن عليا
اشرف
انتي ايه ال بعته ده انتي مجنونه ازاي تبعتي الصور دي خربتي بيتي وبيتك
هناء
والله ما بعت حاجه ابعت ليه لحد دلوقتي مش عارفه السبب اصلا ومين بعتلك الصور دي
انا كمان اخوك طلقني اعمل ايه يعني انا مظلومه
والله اكيد حد هكر الاكونت بتاعي وهو اللي عمل كده انا لا يمكن اعمل حركه زي دي وانت المفروض
اشرف فكر شويه وبعدين قال
اشرف
بقولك اي انا اتصرف اقفلي انتي
بعدها قفل معايا وراح الشركه لاسامه وقبل ما يدخل سمع اسامه وهو بيقول
اسامه
انتي ماشفتيش انا جرجرتها من شعرها في الشارع
نيفين
البركه فيا انا الخطط لكل ده بردو وض.ربت عصفور بحجر اخوك ومراتك بس فكرت الصور دي انك تبعتها تحفه ومحدش يخطر علي باله
اسامه
لا وال يضحكك مها مراته جات وتصوت وتشتم اكيد هو كمان طلقها
دخل اشرف بعصبية
اااه ياشويه رمم يانصابه شويه زباله انا مبلغ عنكم اكن انتم ال عملتوا كل ده انت اخويا يخربيتك اناني ونصاب ضحكت علي مراتك اخدت فلوسها وفضحتها وكمان انا اخوك
معملتش حساب دي
اسامه
انت عايز ايه مش كنت عمال تدافع عنها اشرب بقي وبعدين انت ولا تقدر تثبت حاجه اصلا
اشرف
لا هقدر انا عملت نفس اسلوبك صورتك انت وهي فيديو صوت وصوره هبلغ
عنكم واسلمه
اسامه
انت شكلك مجنون ازاي عايز تحبس اخوك ليك عليا
اروح ل مراتك بس الموضوع ده يخلص
اشرف
هو انت فاكر ان انا زيك انا لا يمكن اتصرف كده
وبعدها اشرف مشي
اسامه
هنعمل اي دلوقتي انا عارف اخويا كويس اوي
ممكن يوديني في ستين داهيه
انجي
بقولك اي انا مش عايزه اعرفك تاني انتو شكلكم
عيله مجانين
اسامه
معقول بعد اللي عملتي معايا تقولي كده شكلك
عايزني اشوف شغلي معاكي
انجي
وريني يا حبيبي اخرك اي وبعدها مشيت
وبعدها اشرف جيه البيت عند ندي ودخل وكانت هناء وندي وعلي
اشرف
انا اسف ليكي يا هناء علي كل حاجه من تجاااه اخويا وانا لما رنيت عليكي وال مها عملته فيكي
علي
انا عرفت الحكايه كلها بس مش داخلها دماغي في شي مفقود في الموضوع
اشرف
اسامه طلع هو اللي عمل كده انا مش قادر
اصدق الفلوس ممكن تعمل كده
علي
مش عارف انا هعمل فيه ايه ده انا هشرب من دمه على الحركه اللي هو عملها دي
اشرف
خلاص انا طالع علي النيابة دلوقتي ومعايا الفيديو صوت وصوره اهو اخويا وزميلته في الشركه هي ال عملت كدا وكمان في الفيديو اعتراف إنه اخد فلوسك كمان وهترحعلك
هناء
طيب ليه. هو عمل كدا انا عملت ايه فيه انا منه لله
بس الغلطه غلطتي انا علشان خاطر كنت عارفه ان هو بيكرهني ورغم ذلك برده كملت حياتي معاه
ربنا يعلم انا ما كنت مستعده ايه اعمل ايه عشانه انا كنت هديله كل الفلوس اللي عايزها ويعمل بيها المشروع اللي عايزه
ندي
خلاص ياهناء انسي بقي وابداي حياه جديده من الاول هو خسرك ومش عارف قيمتك مش العيب يا حبيبتي ان انت تكوني طيبه بس برده كان لازم تعرفي ان في حدود معاكي ما كانش ينفع يتكلم معاكي بالطريقه اللي كان بيتكلم بيها بس مش عايزين نندم على اللي فات خلاص
علي
انتي زعلانة ليه احنا معاكي مش هنسيبك وبعدين انا هيبقي جوزك خلاص ولا انتي ايه رايك
هناء
جواز تاني بعد اللي حصل فيا ده انا مش هقدر
بصراحه اتجوز تاني
ندي
والله تبقى غلطانه يا هناء انت لازم تشوفي نفسك
مع واحد بيقدرك وبيحافظ عليكي
اشرف
انا همشي علشان اروح النيابه سلام عليكم
وبعد كدا المباحث اخدت اسامه و نيفين للسجن وكان واقف معهم اشرف وامه
الام
انت بلغت عن اخوك يااشرف ليه كدا هتسجن اخوك اخص عليك ياخساره تربيتي فيكم
اشرف
معلش ياامي كان لازم يتعاقب وياخذ جزاءه ويعرف الصح من الغلط يعني انتي عجبك ال عمله خرب بيته وبيتي وسرق فلوس مراته وامشي مع واحده شمال هي ال بتخطط للشر
مينفعش اسكت بقي خلاص سامحيني بكره لما يخرج ويعقل هتعرفي اني كنت صح
وفي الاخر علي اتجوزني والفلوس بتاعتي رجعت
وكمان اشرف رجع مها مراته وانصالحوا
ومها كلمتي
مها
الو ازيك ياهناء حقك عليا انا اسفه غصب عني انتي عارفه ال غيره عمتني
هناء
خلاص يامها احنا اخوات وانا مقدره موقفك مفيش حاجه ولو في اي حاجه انا معاكي انا علي فكرة اتجوزت علي اخو ندي زميلتي
والحمد لله ربنا عوضني خير
مها
انتي تستهلي كل خير انتي طيبه وفرحت اوي لما عرفت ان فلوسك رجعت لك
وفي النهاية
عشت مع علي وكان بيعملني احسن معامله
وبجد حسيت ان ده العوض بجد وحمد ربنا علي اللي حصل معايا
وبكده تكون خلصت قصتنا
