غنوه الحب ندى زايد

.. ممكن تهدي ومتبقيش مندفعة كدا دا كان مجرد سؤال أنا منكرش ان طريقة جوازك كانت غلط بس برده متاكده ان بابا مش هيعمل كدا الا لو فيه سبب قوي ومقنع كمان

عند السيرة دي افتكرت بابا وقعدت علي

—

الفراش بحزن

.. هو لسه مش عاوز يكلمني برده

قربت مني نغم وطبطبت عليا

.. متزعليش يا غنوة بابا بيحبك واكيد هيكلمك تاني بس طريقتك كانت وحشة اوي معاه وحقه يزعل

.. أنا عارفة اني غلطت بس بجد كنت متفاجاة أنا لحد دلوقتي مش مصدقة كل دا وبتمني انه يبقي مجرد كابــ . ــوس هصحي منه قريب انا زعلانه منه اوي انه حطني فالموقف دا بس برده زعلانه انه مبيكلمنيش ده عمره ما عملها حتي اما صممت اني اسافر معملش كدا انا مرهقة اوي يا نغم مش فاهمة حاجة ومش عارفة اعمل ايه

.مع اخر كلمة سمحت لدموعي تنزل بهدوء لاني بجد تعبت احتواءتني نغم وفضلت تهديني لحد ما حاولت تخرجني من كل دا

.. بس شفتي حمـ,,ــاتك يا بت صحيح شكلها حرباية

.. يا اختي بس متقوليش حمـ,,ــاتك

ضحكت نغم وكملت

… ماشي يا اختي مرات عمك شكلها مش طيقانا كلنا كدا علي بعض

مسحت دموعي وقمت للتسريحة تاني وانا بفكر في كلامها

.. بصراحة مرتاحتلهاش ابدا .. انا قلت مش طيقاني عشان مش حابة الجوازة دي بس لاحظت انها مش حبانا كلنا وكلامها كله قصداه وعاوزة تضايقنا تفتكري تبقي هي الكارت اللي هيساعدني امشي من هنا

.قربت نغم وقفت ورايا وبصتلي في المرايا

.. بصي يا غنوة احنا لسه مش عارفين حاجة ولا عارفين الايام مخبية لينا ايه بلاش توتري علاقتك ببابا اكتر من كدا حاولي تعدي اليومين دول علي خير لحد متتصالحو وبعدين هنشوف هنعمل ايه متفكريش كتير كله هيتحل صدقيني

صحيت من النوم علي صوت خبط علي الباب بس مش خبط عادي ده حد هيك*سر الباب قمت مخضۏضة فتحت الباب بعصبية

.. ايه ايه في ايه حد يخبط بالطريقة دي

لاقتها مرات عمي بصالي بعصبية

.. ايه يا اختي نموسيتك كحلي كل دا نوم

حاولت اهدي نفسي علي قد ما اقدر

.. في حاجة حضرتك محتاجة حاجة

.. حضرتي محتاجاكي تصحي وتقومي تساعديني

.. اساعدك في ايه

.. في تنضيف البيت وعمايل الوكل وشغل البيت ولا فكرانا الخدامين اللي جيبنهملك ابوكي

بصتلها بعصبية وانا مش مستوعبة كلمة من اللي بتقوله

.. بيت ايه وشغل ايه وانا مالي بكل دا اصلا

.. لا يا حبيبتي فوجي لنفسك كدة انتي مرت ولدي يعني بجيتي من حريم البيت دي ومعندناش حريم تتدلع