غنوه الحب ندى زايد

.. انتي بس زي ما جلتلك شيفاه عجبه في تحجيج حلمك مع انه يجدر يساعدك لكن الحجيجة انتي معجبه بيه ولو زين كان اتقدملك في ظروف تانيه انا متاكد انك كنتي وافجتي عليه

.. لا يا جدو انا عمري ما كنت هقبل بالوضع دا ليه اعيش في مكان مش عوزاه وسط ناس مش عوزاني واديك شايف مرات عمي واضح اوي انها مش عوزاني وليه اتجوز واحد جاهل اصلا

.. جاهل

.. سوري ياجدو مش قصدي بس مش دي الحقيقة انت مش شايف منظره عامل ازاي طول الوقت بجلبيه وعصاية انا اتجوز واحد بجلبيه

بصلي جدو كتير بصه مفهمتهاش بس يمكن بصته حسستني اني متوترة واني غلطت او يمكن حططتني قدام حقيقة اني كل اللي فارق معايا فعلا شويه مظاهر !!

بعدها ابتسم جدو ابتسامه مفهمتهاش

.. بصي ياغنوة مش هناجشك في الحكاية دي لان دا يخص زين ومسيرك تعرفيه زين وساعتها هتتشكريني انا وابوكي بس دلوجت يا غنوة عشان مصلحتك متجوليش لحد انك مش موافجة علي الجوازة دي الكل فاهم انك راضية وعتحبيه كمان

بصتله وانا فاتحة بوقي من دهشة اللي قاله يعني زين ضحك علي الكل عشان يتجوزني ڠصب ليه كل دا كنت لسه هعترض بس جدو مسمحليش قرب عليا وقفني ومسك ايدي وبصلي بهدوء وثقة

.. بصي يا بنتي كل حاجة هتفهميها في وجتها دلوج هتسمعي كلامي وتنفذيه هتجهزي نفسك ومروة هتنزل معاكي تجيبي كل اللي نفسك فيه الجوازة دي لازم تتم في اجرب وجت ودا لمصلحتنا كلنا وصدجيني مش هتندمي ثجي فيا انا وابوكي يا بنتي