بقلم ايمان
فتحلي الباب وركبت وبعدها ركب هو وقاسم اللي كان واقف ساكت وبيبصلي بنظرات غريبه لاول مره ..وصلنا الحفله وفي الحقيقه كان احتفال عظيم بشكل يليق بيا..وقفت علي المنصه عشان اتكلم وعيني بتبص علي كل الوشوش وجواها حزن دفين..كان قدامي عدد كبير جدا من الناس اصحابي اهلي ناس تانيه المدير عازمهم قاسم وعماد..معظمهم كان باين عليهم الانبهار والفرحه والفخر أن بالرغم من صغر سني قدرت احقق مكاسب كتير جدا للشركه اللي شغاله فيها..وقتها اتنهدت بحزن
وبدأت اتكلم واشكر الناس اللي حضروا واعبر عن مدي فرحتي بوجودهم الخ لكن في النهايه انا مكنتش مبسوطه كنت حاسه ان في جبل واقف علي قلبي
..وفجأة في
—
وسط الاحتفال الانوار اتطفت ودخل ناس مسلحين جعلوا القاعه كلها تضطرب وانا من ضمنهم فضلنا نصوت ونجري يمين وشمال والمسلحين بيضربوا ڼار عشوائي علي اي حد..وفجأة لقيت نفسي بتسحب..كنت لسه هصوت بس اللي بيسحبني حط ايده علي بوقي وهمس في ودني
هششش مټخافيش ده انا
لفيت ببطئ وانا دقات قلبي هتوصل للسما من الړعب في محاوله مني لاكتشاف ماهيه الشخص اللي ورايا
ق قاسم
همس في ودني بهدوء
مټخافيش
ا انت ا انت بتعمل ايه مع الناس دي و وليه بتعمل كده ا انت انت عايز ټمـ,ـوتني ا انا معملتش حاجه والله الله يخليك ياقاسم الله يخليك متأذنيش انا معملتش حاجه وحشه انا عمري ما أذيت حد
بص في عيوني بشفقه من ورا الماسك اللي كان علي وشه
هشششش اهدي مټخافيش مش هأذيكي بس انا مضطر اخطفك
برقت پصـ,ـدمه
ت تخطفني
صدقيني ده لمصلحتك والله مش هأذيكي انا مش قتال قټله انا الرائد نادر السيوفي
ا انت بتقول ايه نادر مين ا اومال مين قاسم و.
ممكن تهدي وتسمعيني
اسمع ايه ا انت مچنون و.
جنا هانم صدقيني انا لو مخطفتكيش دلوقتي والخبر وصل للكل حياتك هتبقي في خطړ ومش بعيد نسمع خبر مـ,ـوتك علي بكره بالكتير ارجوكي اسمعي الكلام وتعالي معايا من غير شوشره انا بعمل كده لمصلحتك
ا انت ا انت مش هتأذيني مش كده
صدقيني لا خليكي واثقه فيا وتعالي معايا
هزيت راسي ودموعي علي خدي
م ماشي م ماشي ياقاسم ا اقصد ياسياده الرائد نادر
ممكن افهم انت خاطفني ليه
قولتها لنادر وانا منفعله وقلبي بيدق بړعب حقيقي وخاصه بعد ما اكتشفت أنه نادر مش قاسم
عن كميه الخۏف والړعب والتشتت اللي كانت جوايا وكأني في فيلم اكشن !
اتنهد وهو بيركن عربيته علي جنب وبيبصلي بجمود
