صحبتى ولعت فى نفسها
صاحبتي ولعت في نفسها قدامي انا وجوزها لما لقيتني لابسه هدومها
وقبل ما نبدا الحكايه اعرفكم بنفسي انا سلمي
عندي 30 سنه بشتغل في مصنع وفي يوم دخلت وصاحبتي هاجر قالت
هاجر
يا بنتي كنت فين كل ده المدير قالب عليكي الدنيا اتاخرتي ليه كده
سلمي
اعمل ايه كان عندي جلسه في المحكمه النهارده وبصراحه معرفتش اتصرف واجي بدري
هاجر
طب حاولي بقى تطلعي وتهديه بكلمتين كده لاحسن هو شويه من ناحيتك قوي عملت ايه مع طلايقك
سلمي
اي حاجه يا هاجر ما انتي عارفه المحاكم احبلها طويله جدا ومش هعرف اخد معايا حق ولا باطل دلوقتي
هاجر
طيب اطلعي بس تشوفي المدير وبعد كده نبقى نتكلم في الحوار ده
وبعدها طلعت وتلفونها رن
سامح
بقولك ايه فلوس النور فين الراجل واقف على الباب وعمال يزعق معايا هو ازاي علينا شهرين
هاجر
صحيح نسيت اخدها اسيبها للبقاله اللي تحت قبل ما انزل معلش الفلوس على التلفزيون اديها له
سامح
هي الفلوس دي ما كانتش ليا انا انا صرفتها كلها نزلت جبت لي سيجارتين كده وعاوزه اشربهم بالليل بمزاج يا رب الليل يجي بقى
هاجر
بالله عليك قولي ان انت بتهزر معايا انت بتتكلم بجد ده انا عامله سلفه علشان خاطر اقدر ادفع الكهرباء
سامح
وانا فاضل امك علشان اهزر معاكي على الصبح جرى ايه يا وليه ما تتعدلي كده في ايه خساره فيا يعني
هاجر
بقولك ايه الراجل عندك اتصرف معايا يا رب يقطع النور
سامح
هو هيقطع النور فعلا بيقولي لو ما دفعتش الفلوس دي دلوقتي هيشيل العداد ويركب عداد بكارت وريني انتي بقى تقدري على عداد بكارت ده ازاي
هاجر
حرام عليك والله يا سامح هتصرف انا ازاي دلوقتي ولا اجيب الفلوس دي منين
سامح
راجل عمال يرغي كثير بقولك ايه انا هبعته ليكي على الشغل وانت تصرفي معاه بقى
وبعدها قفل السكه
هاجر
انك لله سامح كان يوم اسود يوم ما اتجوزتك وبعدها انا نزلت وقولتها
سلمي
بجد المدير بتاعنا ده رخم رخامه بقى له ساعه عمال يرغي ايه ده في ايه مالك يا هاجر بتعيطي ليه
هاجر
مش عارفه اتصرف ازاي مع البني ادم اللي انا متجوزاه ده تصدقي خد فلوس النور وراح صلاه على مزاجه انا مش عارفه اعمل ايه
سلمي
والله يا هاجر انتي اللي عامله في نفسك كده انا عماله اقولك البني ادم ده ما ينفعش انك تعيشي معايا انتي مش راضيه تسمعي الكلام
