صحبتى ولعت فى نفسها

سلمي
حاضر يا عم محروس اديني بلبس عشان اروح الزفت اهو عايز مني حاجة تاني

محروس
لا يا ختي مش عايز منك حاجة وياريت تشوفي لأمك شغلانة معاكي كده عشان تشتغل هي كمان وتجيب فلوس بدال ما هي بتاكل في اتة محلوله كده

سلمي
ولما انا اشتغل وماما كمان تشتغل انت بقا لازمتك ايه في البيت ده ولا انت ملكش لازم ولا ايه

محروس
اخرسي واحفظي لسانك ده لوما انا عليكي انتي وامك كانت الكلاب كالتكم ياختي انتي نسيتي ان انا راجل البيت واللي حاميكم ولا ايه

سلمي
لا والله كتر خيرك يا عم محروس ممكن بقا تروح عايزة اكمل لبسي والبس ولادي عشان الحضانة

ومشي محروس من قدامي وماما قالت له
الام
جرا ايه يامحروس انت عمال تزعق ليه كده هدي نفسك ياخويا اومال

محروس
البت بنتك دي مفورة دمى يا فايزة خليها تلم نفسها عني بدال ما اوريها الوش التاني

فايزة
حاضر ياخويا من عنيا المهم انت بس متحــ,,ـرقش في دمك كده انا هتكلميني معاها واخليها مطولش لسانها ده تاني ابدا

محروس
بقولك ايه يا فايزة ادخلي لها كده خليها تشوف لي قرشين معاها عشان انا عايز اجيب حاجات ياريت تكلميها قبل ما تنزل يلا

فايزة
حاضر ياخويا انا داخله لها اهو ودخلت لي ماما وقالت لي
فايزة
بقولك ايه يا سلمى ملقيش معاكي قرشين كده يعني اااا اصلي كنت مستلفه من خالتك ام علي جارتنا والست طلبت مني الفلوس وكده

سلمي
بقا بزمتك برضو يا ماما انتي مستلفه الفلوس دي برضو ولا عايزاهم لمحروس هو طبعا اللي قالك تقولي لي كده اصلك انتي مبتعرفيش تكدبي خودي يا ماما بس والله ما معايا الا دول على بال ما القــ,,ـبض ينزل

فايزة
ياخد عدوك ياقلب امك ابقي خلي بالك من نفسك يا حبيبتي ومن العيال مع السلامة

ومشيت دخلت ولادي الحضانة وبعدها وانا ماشية رايحة الشغل وفي الشارع قابلت وفــ,,ـاء مرات احمد ولما شافتني قالت
وفــ,,ـاء
ايه ده هو انتي تصدقي معرفتكيش ايه ده يا سلمى انتي شكلك كبرتي كده ليه يكونش من الهم اللي وراكي ولا من الشحططة في المحاكم

سلمي
اهلا يا وفــ,,ـاء والله يا حبيبتي الحمد لله على كل حال ده اللي انا فيه ده نعمة من ربنا

وفــ,,ـاء
والله طيب ياختي ربنا يكون في عونك بس بقولك ايه ياريت ياختي تغيري رقم تليفونك عشان بس ميصحش راجل غريب ومتجوز كل شوية يرن عليكي كده