سر حماتى ل منال على ٣
أول ما الباب اتفتح…
لفّينا كلنا نبص.
واقف على الباب كان خالي حسام.
أخو أمي.
راجل هادي، لكن كل اللي يعرفه يقول إن مفيش حد يقدر يضحك عليه.
أول ما شافني شايلة ابني ووشي كله خوف، حس إن في حاجة غلط.
قال وهو داخل: بقلـم حكايات منـال علي
“خير؟ هو في إيه؟”
حماتي حاولت تبتسم وقالت بسرعة:
“ولا حاجة يا أستاذ حسام… شوية ورق عادي.”
لكن خالي لمح الراجل اللي لابس بدلة، والملف اللي في إيده.
بص له وقال:
“حضرتك مين؟”
الراجل رد بثقة:
بقلـم حكايات منـال علي
“محامي الأسرة.”
خالي عقد حواجبه.
“أسرة مين؟”
قبل ما المحامي يرد، قلت بصوت عالي لأول مرة من يوم ما ولدت:
“خالو… محدش يمضي أي حاجة. أنا مش فاهمة الورق ده.”
سكت المكان كله.
حماتي قربت مني وقالت من بين أسنانها:بقلـم حكايات منـال علي
“هبة… ادخلي أوضتك.”
لكن المرة دي…
ما خفتش.
قلت قدام الكل:
“لا… أنا عايزة أعرف الورق ده فيه إيه.”
خالي مد إيده للمحامي.بقلـم حكايات منـال علي
“هات الملف.”
المحامي بص ناحية حماتي.
واضح إنه مستني منها إشارة.
قالت بسرعة:بقلـم حكايات منـال علي
“دي أوراق خاصة بينا.”
رد خالي بحزم:
“طالما فيها توقيع بنت أختي… يبقى من حقي أشوفها.”
بدأ التوتر يظهر على وش حماتي.بقلـم حكايات منـال علي
أما أحمد…
فكان واقف في مكانه، ساكت، وعينه في الأرض.
خالي فتح الملف.
قلب أول ورقتين.
وبعدين وقف عند الورقة التالتة.بقلـم حكايات منـال علي
ملامحه اتغيرت فجأة.
رفع عينه وبص لأحمد.
وقال بصدمة:
“إنت كنت موافق على ده؟”بقلـم حكايات منـال علي
أحمد ما ردش.
حماتي اتدخلت بسرعة.
“سيبك من الورقة دي… دي مجرد إجراء.”
لكن خالي ضرب الملف على الترابيزة وقال:
“إجراء؟!”
بصيت له وأنا قلبي هيقف.
بقلـم حكايات منـال علي
“فيها إيه يا خالو؟”
بصلي بحزن.
وقال:
“دي مش مجرد ورقة… دي إقرار إن الجدة هي اللي تكون المسؤولة عن رعاية الطفل، وإن الأم وافقت بإرادتها.”
