ست الحسن زهره الربيع

مجاهد اتنهد بيغيظ منه وقال….عمي خد ولدك وهملونا انا ومرتي لحالنا
عمه لسه هيتكلم
عرفان قال بغضب…. ما هيحصلش ما همشيش من هنه الا لما اطمن عليها واسألها
مجاهد وقف بغضب شديد وقال…. انا لحد دلوك مقدر اللي انت فيه وانك اتفاجئت باللي حصل …ولجل كده ساكت لك رغم ان اللي عملته ما يتسكتش عليه واصل لو اي حد غيرك ما كنتش عديت انه فتح اوضة مرتي ودخل بالشكل ده واتعدي على حرمتي من غير حتى ما يخبط
عرفان بصله بدهشه وقال…. انا غلطت لما دخلت من غير ما اخبط…. واللي انت عملته ما كانش غلط
مجاهد قال بغضب وسرعه…. لاه مكانش غلط انت ولا خطيبها ولا متجوزها واللي بينكم كان حايلا اتفاق وانا من الأول مكنتش معترف بيه ودلوك حسنه بقت مرتي قدام الكفر كلو خلصنا خلاص وانسى الموضوع
عرفان بص له بغيظ شديد ولسه هيتكلم ابوه قال بسرعه ….خلاص يا عرفان تعالى معاي يا ولدي… تعالى معاي ربنا يهديك كفياكم كده
بقلم …زهرة الربيع
واخده بالعافيه وخرج بيه ومجاهد اتنهد وقعد جنب حسنه وبقى يمشي ايده على شعرها بحنيه وقال….قومي بقى…كفياكي يا ست البنات قلعتي قلبي

وفضل قاعد جمبها بحزن
بعد دقائق فتحت عيونها بتوهان واول ما شافته جمبها رجعت لورا بخوف وقالت…. انت..انت ايه اللي مقعدك جاري كده
مجاهد ابتسم بهدوء وحط ايده على جبينها وقال… احسن دلوك في حاجه وجعاكي
حسنه دفعت ايده وقالت بغضب… لا فيه حاجه خنقاني شوفت وشك اطلع بره هملني لحالي نطيقاش اشوفك
مجاهد اتنهد وراح ناحيه الدولاب وقلع العبايه بتاعته وقال بضيق ….اروح فين احنا خلاص اتجوزنا يعني دي بقت اوضتنا سوا و مضطرين نستحملوا بعض …معلش تعالي على روحك
حسنه وقفت وبصت له بغضب وقالت ….انت عايز ايه… كيف يعني متخيل اني افضل معاك في اوضه واحده….اسمع بقى اذا كنت عملت اللي عملته وقدرت تخليني على ذمتك فده مش هيجبرني اتقبلك …يعني ما تصدقش نفسك انك بقيت جوزي
مجاهد ابتسم بسخريه وقرب منها قوي وقال…. كملي كنت بتقولي ايه …يلا سامعك
حسنه بلعت ريقها بارتباك وبقت ترجع لورا وهو كل ما تبعد خطوه يتقدم عليها اكتر لحد ما حاصرها عند الحيط وقال …سكتي ليه قولي
حسنه اتوترت اكتر وقالت بخوف بتحاول تداريه …بعد عني انا مطيقاكش خليك بعيد

مجاهد ابتسم وهو بيبص لعيونها وقال…. انا هخليكي تطيقيني مش بس كده …هخليك تعشقيني كمان
ومشى ايدوا على وسطها وجذبها ليه بقوه وقال ….هخليكي تدمني قربي كيف ما انا ادمنت نظره عيونك
حسنه ارتبكت قوي قدام نظراته اللي كانت جريئه ووقحه جدا وبقت تحاول تبعده عنها وقالت…. مجاهد سيبني هملني بقى هو بالعافيه
مجاهد ابتسم وقال… لا مش عافيه يا ست البنات هيبقى كلو بالذوق و بمزاجك كمان
وسابها وبعد قعد على السرير وبقى يقلع الجزمه بتاعته
حسنه استغربت كلامه وقالت بدهشه من ثقته …واللله كلامك بيضحكني…اسمع يا ابن الناس وفر على نفسك كل ده وخليك عارف اني لا هاحبك ولا هتقبلك عمري كله ….وانت عارف انا رايده مين…. انا وعرفان كن…
بس مجاهد قاطعها لما بص لها بحده نظره خرستها فورا وقال بغضب ….انا قلت لك ايه قبل سابق… مش قلت لك ما تجيبيش سيرة راجل غيري…. شكلك مش ناويه عشان تجيبيها لبر وتخليني اعاملك بالذوق …غوري يلا غيري خلقاتك الليله دخلتك اعمليلك همه زي البنات
حسنه بصتلو بتوتر شديد وقالت بخوف واضح في صوتها..احم..انا ..انا ما فهماش… قصدك ايه يعني