اسراء محمود ٤

الرابع
البارت السادس عشر..
عيسى اخذ صبا ورجعوا تاني على الصعيد بعد ما خلصوا فرح فريده وفضلت صبا فتره مش كبيره مع اهلها واولادها ورجعوا وهي كانت زعلانه انها سايبه اولادها للمره الثانيه ولكن عيسى كان بيحاول يراضيها ويطمنها بشكل غير مباشر ولما رجعت صبا للصعيد كانت مرتاحه ومطمنه ان عيسى بيعمل المستحيل عشان يفرح اولادها ده كان واضح جدا اثناء وجودهم هناك ونتج عنه ان الاولاد اتعلقوا بيه جدا لدرجه انهم بداوا يقولوا له يا بابا ده شيء اسعد عيسى جدا وكمان صبا. بس لما رجعوا الصعيد كانت سلمى بنت عمه عيسى موجوده عندهم في البيت بحجه انها جايه تغير جو ولكن كان في نيتها انها لازم تطفش صبا وتمشيها باي طريقه.
لكن صبا كانت بتتعامل معاها بحسن نيه ما تعرفش ايه اللي ممكن تعمله فيها الحربايه دي. واثناء وجود سلمى في جنينه المنزل جات رقيه سلفه صفا بحجه انها جايه تسلم عليهم وهتروح.
رقيه الا قولي لي يا سلمى ايه ليه مهمله دارك وجوزك وجايه هنا اكيد في حاجه ناويه عليها وبلاش تقولي انك جايه تغيري جو كيف ما سمعت لان بصراحه الموضوع مش داخل دماغي لاني عارفاك وعارفه راسك زين
ابتسمت سلمى اللي بيعجبني فيكي يا بت يا رقيه انك دايما فهماني هقول لك انا جايه هنا وكمان هعمل ايه اني محتاجه مساعدتك
رقيه انا هساعدك كيف يعني
سلمى انا الصراحه جايه عشان لازم امشي وش الفقر اللي اتجوزها عيسى لازم اعمل فكره تخلي عيسى يطلقها ومش بس كده يتجوزني كمان
رقيه واني هستفيد ايه لما اساعدك في حاجه كيف دى.
سلمى لما اتجوز عيسى هخليه يجيبك تقعدي هنا تاني انت وجوزك وتبعدي عن حماتك البومه وهخليه يمشي امه كمان ويبقى الدار دي ليا انا وانت وبس.
رقيه وانت فكرك عيسى هيوافق يعمل كده
سلمى لما انفذ اللي في بالي هيعمل اكتر من كده
رقيه وايه هو اللي في بالك
سلمى انا عارفه متاكده ان البنت دي هي وعيسى ما فيش اي توفيق ما بينهم ده غير انها متجوزاه غصب كيف ما سمعت فمش هترضى باي وضع مش كويس وهتطلب الطلاق وعيسى اكيد مش هيخلي واحده مش عاوزاه . ده غير انعمل اللي عملته عند الشيخ وهدان هنرش على باب الاوضه عنديهم عشان عيسى اول ما يدخل جوه يشوفها قدامه قرد فيطلقها. وكمان في عمل ثاني هعمله عقبه ده على طول علشان عيسى يتجوزني ويبقى كيف الخاتم في صباعي

رقيه واه كانك طلعتي مش سهله ومش لازم الواحد يستهون بيكي طيب انا ايه داخلي في الموضوع ده
سلمى انت هتطلعي عند صفا في اوضتها كانك جايه تسلمي على اولادها ومن غير ما حد ياخد باله تطلع على الدور اللي فيه الجناح بتاع عيسى وترش البتاع ده على باب الاوضه وتنزلي تدخلي عند صفحه ولا كانك عملتي حاجه لان انا معروف اني ما بطلعش عند حد منهم فلما اجي اطلع النهارده هتبقى مكشوفه يعني والكل هيستغرب..
رقيه بتوتر طب افردي عيسى ولا هي البنت دي شافوني فوق هقول لهم ايه
سلمى اطمني عيسى ما هوش اهنه والبنت دي جوه قاعده مع مرات خالي في المندره. يعني ما حدش منهم هيشوفك قلت ايه
رقيه ماشي هاتي ربنا يستر.
سلمى اهم حاجه ترشيه على عتبه الاوضه من جوه ومن بره عشان المفعول يشتغل صح
رقيه ماشي انا قايمه عشان ما حدش ياخد باله من قعدتنا سوا
سلمى ماشي وانا هدخل عند مراه خالي عشان اشغلهم ولو البنت دي حاولي تطلع فوق امنعها باي شكل لحد ما تنزلي بس ما تعوجيش
(زواج تحت التهديد اللهم صل وسلم وزد وبارك على سيدنا محمد وعلى اله وصحبه اجمعين عدد كمال الله وكما يليق بكماله)
رقيه ماشي ربنا يستر
وفعلا اخذت رقيه القزازه اللي فيها العمل من سلمى وطلعت فوق بعد ما سالت على صفا وقالوا لها انها فوق مع اولادها وقدرت بمنتهى السهوله انها تطلع فوق عند غرفه عيسى وصبا وفعلا عملت اللي قالته سلمى بالحرف الواحد ونزلت وهي نازله كانت في الدور اللي فيه صفا وصفا خدت بالها انها نازله على السلم
صفا واه كنت فين يا رقيه ومالك ماشيه بتتسحبى اكده ليه
رقيه بتوتر لا يا خيتي كنت جايه اطمن عليك انت والاولاد ليكي فتره ما جيتيش عندنا قلت انا اجي واسال بس افتكرت اني ناسيه حاجه وكنت نازله اجيبها
صفا بشك معلش يا خيتي انت عارفه ان اليومين دول بتوع امتحانات ولازم اكون جنب الاولاد بذاكر لهم. هم مش ولادك عندهم امتحانات برده
رقيه ايوه عندهم بس يعني ما جاتش من ساعه ولا نص ساعه
صفا عندك حق مرات عمي وجوزك وعيالك عاملين ايه
رقيه بخير والحمد لله بس مرت عمك انت خبراها زين
صفا ربنا يهديها ويديها الصحه
رقيه ايوه قولي لي عيالك عاملين ايه
صفا بخير والحمد لله والله مطلعين عيني في المذاكره
رقيه ايوه من عيالي برده اكده
صفا طيب تعالي ننزل نقعد مع امي واخواتي تحت
رقيه بقول اكده برده. واخذت صفا رقيه ونزلت عند امها اللي كانت قاعده مع صبا وكمان سلمى والغريب ان سلمى كانت بتتعامل بمنتهى الرقه المصطنعه مع صبا وده كان مش مطمن صفا وورد وكمان وهيبه اللي عارفه ومتاكده ان اكيد وراء هدوء سلمى ده مصيبه كبيره بتخطط لها نظرت سلمى رقيه اللي ابتسمت لها علشان تعرفها ان اللي طلبته منها تم وبدون مشاكل بس اللي سلمى ما تعرفوش انها وقعت نفسها في مشكله كبيره من غير ما حد ياخد باله. فضلوا كده قاعدين مع بعض يتكلموا ويتناقشوا في امور كثير وبعد ساعتين تقريبا وصل عيسى وهو على وشه غضب شديد والغريب انه كان جاي في ميعاد غير ميعاده واول ما شافته وهيبه وصبا استغربوا جدا وجوده في المكان على غير ميعاده
وهيبه واه جاي بدري عن ميعادك يا ولدي خير في حاجه
عيسى بغضب هتعرفي دلوقتي ياما. ثم نظر الى رقيه التي توترت من نظراته الغاضبه هي مش عارفه ايه السبب نظراته دي
عيسى لرقيه انت ايه اللي طلعك فوق عند جناحي. نظرت له سلمى بخوف وصدمه وتوترت رقيه جدا
رقيه واه وانا ايه اللي هيطلعني فوق عند جناحك بس
عيسى بهدوء يسبق العاصفه اسالي حالك انا اللي جاي بقول ايه اللي طلعك فوق كانت في حاجه ليكي فوق وايه اللي سمح لك انك تفتحي باب الجناح. انصدمت رقيه وسلمى من كلام عيسى واستغربوا كيف علم كل هذا وهو غير موجود في المنزل. هل من احد راها واخبره ولكن لا لم يكن هناك احد عندما صعدت رقيه وصبا كانت تجلس بجوار وهيبه وسلمى حتى تتاكد من وجودها فكيف علم.
وهيبه واه وايه بس اللي هيطلعها فوق عند جناحك يا ولدي دي طلعت عند صفا اختك عشان تسلم عليها وتشوف عيالها
رقيه بتوتر ايوه صح هو ده اللي حصل
عيسى كانك ما عارفاش ما كان جناح صفا من جناحي صفا في الجناح لتحت وانا في جناح اللي فوق كيف تطلع فوق وانت عارفه ومتاكده ان ده جناحي.
صبا ايه اللي بيحصل وهي هتطلع فوق ليه وحتى لو طلعت اكيد كانت متلخبطه وحصل خير
عيسى وهو يحاول ان يتحكم في غضبه ممكن تسكتي انت دلوقتي عشان انت مش عارفه حاجه… اتضايقت صبا من طريقه كلامه وخصوصا انه كلمها كده قدام كل اللي واقفين.
صفا مين بس يا اخوي اللي قال انها طلعت فوق يمكن اللي شافها فهم غلط.
اخرج عيسى من شنطه كانت في يده لاب توب وقام بتشغيل فيديو وهو يحكي عن وجود رقيه في دور جناح عيسى وهي تتسحب و وتلتفت حولها بتوتر خوفا من ان يراها احد وبعد ذلك اخرجت زجاجه صغيره وقامت برش سائل منها امام الباب ثم قامت بفتح باب الغرفه وقامت برش الباقي على الارض وجزء منه على السرير.
وهيبه واه ايه اللي انا شايفاه ده ايه اللي كان معاكي وكبتيه على الارض وعلى سرير ولدي ومين اللي سمح لك انك تطلعي فوق. كمان اتصدمت كلا من سلمى اللي حست ان امرها سوف ينكشف وصفا المصدومه من ما راته وصبا التي لم تستوعب حتى الان ما يحدث وما هذا السائل وماذا تريد ان تفعل.
عيسى انا كنت عرفتكم ياما قبل سابق اني هحط كاميرات مراقبه في الدور بتاعي من بره من وقت ما حصلت المشكله بتاع السرقه قبل اكده. وكمان اكدت عليكم ان ما حدش يعرف اني حاطط الكاميرات دي وكنت بعمل كشف يومي عليها عشان اشوف مين طلع جناحي ومين لا. بس بعدك ده نسيت الموضوع لان كان الامر طبيعي وما حدش بكام بيطلع غريب فوق وما بقتش اشوف او اراجع الكاميرات وبالصدفه النهارده كنت المفروض يبقى معايا ملف بتاع شغل وكنت ناسي انا خدته معايا ولا ولا ما اخذتوش فقلت افتح اراجع الفيديو بتاع الكاميرات اشوفكم خارج في ايدي ملفات ولا لا وانا بفتح الكاميرا شفت اللي حصل وجيت عشان اعرف هي ايه نطلعها فوق وايه اللي كان في القزازه ورشته على الارض ده
رقيه وهي تنظر بسلمى برعب دول كانوا شويه ميه.
صفا ميه وبترشيها ليه عاد على باب الاوضه
وهيبه يا مري عامله سحر لولدي ومرته وجايه ترشيه قدام الاوضه وجواها كمان.
صبا بصدمه سحر انتوا بتقولوا ايه
ورد بعصبيه انت ايه اللي جابك اهنه تاني ما كنت غورتي من انه ولا انت ما بيجيش من وراكى غير القرف والنكد وبس.
عيسى انا هعتبر اني ما شفتش حاجه ومش هعمل اي اجراء قانوني ضدك قولي اللي هعمله اني اقول لك ما تعتبيش الدار دي لا في الخير ولا في الشر وده اخر انذار ليكي وهبلغ جوزك بيه لكن لو عايزه تشوفي مين هو عيسى الجبالي يبقى ده اختيارك انت وده اخر كلام عندي بس وقتها هتتمني لو ان امك ما جابتكيش على الدنيا دي عشان ما تتقابليش معايا. اطلعي من اهنه. قالها عيسى بصوت اهتزت بسببه كل ارجاء المنزل.
ثم صرخت وهيبه بعد منه انت يا بنت يا هنادي زفت يا اللي اسمك هنادي
هنادي وهي تهرول نعم يا ستي الحاجه في حاجه
وهيبه تاخدي جردل ميه وكلور بخل وتطلعي فوق على جناح سيدك عيسى وانا جايه وراكي تمسحي كويس العتبه من بره وجوه قبل ما تخشي وبعد كده تخشي تشيل الجناح كله عليه وطيها وتطلعي كل الفرش اللي فيه وترموه حتى المرتبه بتاع السرير تولعوا فيها فهماني.
هنادي فاهماكي حاضر يا ست الحاجه
وهيبه صبا خليك هنا يا بنتي مع ورد وصفا لحد ما انظف الاوضه من البلاء ان دخل فيها ربنا يستر. ثم صعدت كي تشرف على هذا بنفسها
عيسى اني راجع الشغل لازم اخلص لاني عندي اجتماع مهم بعد ساعه. عاوزه حاجه من بره يا صبا
صبا بابتسامه خفيفه لا شكرا عاوزه سلامتك.
عيسى تسلمي ثم تركهم وغادر حيث عمله. وجلست كلا من صبا وصفا وورد وجميله وهم غير مصدقين ما حدث وما هي مصلحه رقيه في فعل هذا العمل الشنيع. وكانت تجلس بجوارهم سلمى التى استاذنت كي تدخل غرفتها وترتاح لان قد اصابها صداع حاد بعد ما سمعته. ولكن كان هذا مجرد كذبه كي تهرب من امامهم حتى لا يلاحظوا توترها. فهي كانت متوتره للغايه وحمدت ربها ان امرها لم يكتشف.
(زواج تحت التهديد بقلمي اسراء محمود اللهم اني استغفرك واتوب اليك استغفر الله العظيم الذي لا اله الا هو الحي القيوم واتوب اليه)
وعندما دخلت سلمى الى الغرفه وجدت رقم رقيه يرن عليها ففتحت الخط بسرعه
رقيه بصوت عالي وعصبيه عاجبك اكده ادي الموضوع انكشف قبل حتى ما يبدا وجات فيا ومنعوني من دخول الدار انت لو ما تصرفتيش انا هكشف سرك وهقول عليك
سلمى بصوت واطي اهدي انا هتصرف هحاول افكر في حاجه ثانيه واخلص بس من البت وبعداكده هرجعك هنا تاني.
رقيه واه وانا اضمن منين بقى ان شاء الله. انا عاوزه حقي
سلمى حق وحقك ده هيكون ايه ان شاء الله
رقيه بطمع تحضريني 30 الف جنيه عشان اخدهم والا هعرف الكل بان انت اللي طلبتي مني اني اعمل كده.
سلمى واه 30 الف جنيه مره واحده طيب ماشي هقابلك بالليل علشان اديهملك
رقيه لا انت تاجي هنا وتجيبيهم معاكي وانا هعرف ازاي اخدهم منك.
سلمى ماشي وماله. ثم اغلقت الخط معها وهي تلعنها. من هي كي تهددها. ولكن مهلا سوف تتخلص من صبا وبعدها سوف تتخلص من تلك الرقيه.
وبدات تفكر في شيء اخر كي تخلص من صبا نهائي بعيدا عن اي كاميرات واي وش.
وهيبه فعلا خلصت غرفه عيسى بعد ما تخلصت من اغلب الاساس الموجود فيه وكلمت مهران وعرفته بكل اللي حصل وطلبت منه يبعت عفش جديد لغرفه عيسى بالكامل لانها خلاص تشائمت من الموجود. وبالفعل ما هي الا ساعه وكان العفش الجديد موجود في المنزل وتم التخلص تماما من كل قطعه عفش وفرش في غرفه عيسى وصبا بالاضافه الى انها طلبت من الخدم ان ياخذوا كل الملابس ويقوم بغسلها بدرجه حراره عاليه جدا مع وجود خل حتى تتطهر الملابس من اي سوء قد يكون مسها. وصعدت هي بنفسها مع الخدم وهم يقوموا بفرش الغرفه من اول وجديد. صعدت صبا برفقه ورد الى غرفتها كي ترى ماذا يفعلوا
صبا بانبهار ايه ده فين اساس الغرفه الغرفه اتبدلت تماما لدى السرير ولا ده الدولاب ولا ده الفرش حتى السجاد مش هو