العروس الحامل

_ بتقولي إيه !؟ غـ,ـضبانه و هتطـ,ـلقوها !؟ قلتها بتعجب ردت عليا جارتي و قالت … _ المشكلة مش في كده ، المصيبة إن البت حامل و لسه مكتبناش الكتاب . اتكلمت بلوم و قلت …. _ مش أنا نصحتك يا أم إبراهيم و قلتلك استني الخمس شهور دولي لما بنتك تتم ١٨ . ردت عليا بندم و قالت …. _ أهو اللي حصل بقا . قالت جملتها بعدين اتنهدت بحزن و قالت … _ بالله عليكي لتكلمي الحج أحمد خليه يكلم جوزها يكتب الكتاب و بعدين يشوفوا هيطلقها ولا يعملوا ايه ، عشان بس الواد اللي في بطنها . _ طب أنتو قلتولوا أنها حامل ؟ سألت بإستفسار ردت و قالت … _ أه و راسه و ألف سيف ما يكتب الكتاب إلا لما .. قطعت جملتها و قلت … _ بدون دخول في التفاصيل ، دي مشاكلكم العائلية إن شاء الله لما الحج أحمد يرجع من الشغل هكلمه . مشيت الست بحزن على حال بنتها . قمت أجهز الغدا و أنا بفكر في مشكلتها . للأسف المشكلة بقت في سذاجة الأهل اللي كل همهم يجوزوا بناتهم حتى لو لسه ميصلحوش للجواز ، يجوزوهم لمجرد إنهم يخلصوا من همهم و لا أكنهم جبال قاعدة على قلبهم . معرفش ازاي أم قدرت تأمن بنتها مع شخص مفيش عقد موثق بيربطها بيه . أه الجواز أصله الإشهار، بس فين حقوقها ، أهو زوجها مش عاوز يخلي زواجهم رسمي . ازاي مفكرش في الطفل اللي في بطنها هييجي للدنيا ازاي؟ . ازاي هيسجلوه و مفيش عقد رسمي موثق بزواج أهله. فوقت من كل الأفكار اللي في دماغي على صوت الباب بيتفتح و كانت ألاء بنتي الوحيدة ، ابتسمتلي بحب و حــ,,ـــــضنتني ، قعدت تحكيلي على اللي حصل في يومها بس أنا مكنتش مركزه معها . دماغي كانت بتفكر هل ممكن ييجي اليوم اللي آلاء تسيبني فيه و تمشي . يومي هيبقي عامل ازاي من غير ضحكتها اللي بتزين يومي ، مساعدتها ليا و تقديرها لتعبي و لو بشوية كلما.ت ، لوهله دماغي هيأتلي إن بنتي حصل معاها زي بنت أم إبراهيم لكن بسرعة نفضت الفكرة دي من دماغي لأن اللي هسلمله بنتي لازم يبقي راجل بمعني كلمة راجل و يخاف عليها و يصونها. يوم مهجوزها مش هجوزها عشان أقول جوزت بنتي لأن لو الجواز بنسبة للناس كده فبنتي تفضل في حــ,,ـــــضني طول عمري ولا إنها تحزن يوم ولا تزعل من واحد ميعرفش يعني إيه رجوله . _ مالك يا أسماء . قالها أحمد زوجي و احنا على الأكل. اتنهدت و قلت … _ أم إبراهيم جاتلي انهاردة و قالتلي إن بنتها غضبانه و جوزها عاوز يطلقها و مش عاوز يكتب الكتاب و المشكلة إن بنتها حامل . قلت كلامي بسرعة و دفعه واحدة ، رد عليا أحمد بأسى و قال … _ لا حول ولا قوة الا بالله . معرفش الناس اليومين دولي بقوا مسروعين ليه على جواز بناتهم . مش قولنالها بلاش الواد دا . نهى جملته بعصبية ، اتكلمت و قلت .. _ أهو النصيب ، المهم هي جت و طلبت مني إنك تتوسط لهم و تكلم الواد ، أنت عارف إن البنت يتيمة و ملهاش حد يقف معاهم . اتنهد بحزن على حال البنت و قال .. _ إن شاء الله بعد الغدا هروح أكلمه. نهى جملته و كل واحد فينا سبح بأفكاره . كلانا بيفكر بحال البنت و اللي بيحصل معاها . بنت لسه مكملتش ١٨ من عمرها بقت أم و احتمال تاخد لقب مطلقة بنت صغيرة مطلعتش من البيضة لسه مشافتش الدنيا ولا فتحت عيونها عليها . بس للأسف يوم محصل و فتحت عيونها لقت نفسها بقت أم و شوية هتتطلق . صعبانه عليا انها عايشه في الهم دا رغم اللي في سنها لسه بتتعلم و بتروح و بتجي و مش شايله واحد في المية من الهم اللي هي شيلاه ، بس هرجع و أقول أحيانًا الفقر بيحتم علينا حاجات غصب عننا بنعملها . _ عملت إيه ؟ قلتها بلهفة أول ملاقيت أحمد وصل البيت ، اتكلم بحزن و قال … _ حسبي الله ونعم الوكيل فيه ، معندوش ذرة رجولة . اتكلمت بلهفة و قلت .. _ ليه إيه اللي حصل ؟ رد عليا بضيق و قال … _ مش عاوز يشيل مسؤولية عيال و خلفة و عاوز يطلقها و في نفس الوقت مش عاوز يدفع مؤخر ولا قايمة . _ طب متضغطوا عليه بالشيك اللي ماضي عليه . ضحك بستهزاء و قال … _ مهو مطلعش واطي بس لا و كمان حرامي سـ,ـرق الشيك . _ طب العقد العرفي اللي مكتوب ممكن تستخدموه و ترفعوا بيه قضية . _ البيه موثقش العقد في المحكمة و الورق معاه و بيهـ,ـدننا يقطعه . _ استغفر الله في حد يعمل كده استحاله يبقي بشر . يعني لا عاوز يتجوزها ولا يوثق العقد حسبي الله ونعم الوكيل. نهيت جملتي ، اتكلم أحمد بحزن و قال … _ دي أخره اللي يجوز بناته صغيرين ، يعني كان هيجرا ايه لو الأهل استنوا على بناتهم لما يكملوا السن القانوني . اتكلمت بلهفة و قلت … _ طب وصلتوا لــ إيه ؟ نهيت جملتي رد عليا بحزن و قال … _ هيكتب الكتاب و يطلـ,ـقها بس بشرط إن لا في قايمة ولا مؤخر ولا دهب و كمان ندفعله خمسين ألف جنية. _ حسبي الله ونعم الوكيل، فعلا بقينا في نهاية الزمان . طب واحدة زي أم إبراهيم دي تجيب مبلغ زي دا منين ، دي بتجري على يتامى . _ هتتحل بإذن الله بكرة هتكلم مع رجالة الشارع و نلملها الفلوس عشان بنتها الغلبانة دي و حسبي الله ونعم الوكيل في اللي اتجوزته و اللي اسمًا بس ذكر في البطاقة . نهى كلامه و سابني مع أفكاري و الحزن اللي خيمت على قلبي من وقت معرفت حكاية البنت دي ، بقيت ادعيها كل يوم في صلاتي بالفرج . و أنا بفكر في مشكلتها لفت انتباهي حاجة و هي وعي الأهل تعليمهم ، ثقافتهم . لو كانت أم إبراهيم متعلمه أو عندها وعي مكنتش هتجوز بنتها جوازه زي دي . كانت هتفكر كويس و بدل المرة ألف ، يمكن اللي بيحصل مع بنتها و مع بنات كتيرة زيها هو انعدام الثقافة و والوعي عند الأهل و للأسف ولادهم بقوا ضحايهم . الحمدلله خلال أيام قدر أحمد و رجالة المنطقة يلموا المبلغ و اتفقوا مع اللي يدعى زوجها انهم يكتبوا الكتاب و بالفعل كتبوا الكتاب و هو أخد الفلوس و اتفقوا انه هيطلقها بعد أسبوع. لما عرفت إنه اتجوزها فرحت لأنها دلوقتي تقدر تنسب إبنها و ميتقلقش عليه من كلمة تضايقه لما يكبر ولا توجع أمه . لما اتكتب كتاب البنت ، جت الست أم إبراهيم تشكرني على اللي عمله أحمد و رجاله المنطقة ، بس أنا قولتلها دا أقل واجب يعملوا معاها . للحظة جه في بالي ياتري كل اليتامي بيتاكل حقهم كده و بيتعمل معاهم زي اللي اتعمل مع البنت دي و الناس بتستقوى عليهم لأنه ملهمش أب ولا ضل يتحاموا فيه ، للحظة قلبي وجعني عليها و داعيت جوايا إن ربنا يكتبلها فرج و فرحة قريب . و سبحان الله اللي حصل يزهل العقل البشري ، زوجها ما.ت قبل معاد طـ,ـلاقهم بيومين و بقت أرمله ، اعتقد كونها أرمله أهون من كونها مطلقة خاصًا مع صغير سنها ؛ لأنها ببساطة لو أطلقت الكل هيسأل ليه ؟ . و في اللي قلوبهم ميته و هينهشوا في عرضها ولأن ربك رب فرج . فرج همها و الأعجب إن همها قل أكتر و أكتر بعد مالطفل اللي في بطنها نزل و بقت حرة . رغم إن الطفل دا لا حول ليه ولا قوة ملوش ذنب ، بس مــ,,ـــــوته كان أفضل ليه و ليها ، أفضل ليه لأنه كان هيعيش في بيئة وحشه و كان ديما هيفكر أمه بأبوه و الظلــ,,ـــــم و الإفترى اللي عملهم في والدته و كان ممكن ميلاقيش الحب اللي يستحقه كل طفل من أمه . مــ,,ـــــوته بقا أفضل للبنت لأنها بقت حرة نفسها مفيش حاجة تربطها . يمكن في المستقبل ربنا يرزقها بزوج يعوضها الظلــ,,ـــــم اللي شافته و في نفس الوقت كان ممكن وجود ابنها هيبقي عائق ، و كان يإما تسيبه و يبقي اتكتب عليه اليتم من أمه و أبوه و أو تفضل معاه و كانت هتحس ديما إنه النقطة السودا اللي في حياتها . بس ربك رب كرم . أكرم البنت بعد الابتلاء الشديد اللي مرت بيه و خلصها من الحزن اللي كانت هتمر بيه . اكرمها أكتر لما ورثت من جوزها و شبه حالهم المادي اتغير و بقوا أحسن من الأول. أصرت إنها تكمل تعليمها بعد الثانوي الصناعي و تدخل معهد قررت تبدأ بداية جديدة في حياتها و تنسى الماضي و تحاول تصلح الباقي من حياتها. الدرس كان صعب أوي على أم إبراهيم بس محدش بيتعلم ببلاش . اتعلمت كويس و عرفت إن الجواز مش أنها تجوز بنتها لأقرب و أول عريس . اتعلمت إن الجواز شرطه إن يبقي في راجل يحب بنتها و يعاملها كويس و يقدر قيمتها ، عرفت إن الجواز إنها تقدر تغمض عيونها و هي مطمنه على بنتها مع الراجل اللي عايشه معاه في بيت واحد متيقنه إن عمره مهيزعلها و لو حصل هيراعي ربنا فيها و هيصالحها . ببساطة اتعلمت إنها لما تختار لبنتها زوج تختاره راجل بمعني كلمة راجل