بقلم مها العيسوي
بعد كام يوم محصلش فيهم جديد غير ان نعيمه هتتجنن من معامله صفاء الى اتغيرت معاها كانت قعده مع ساره مابتتكلمش ماما مالك بقالك كام يوم مش عجبانى
نعيمه خالتك قلبها قوى عليا ومبقاش همها ازعل ولا لا
ساره قولتلك قبل كده خليكى شويه وشويه
نعيمه يعنى ايه شويه وشويه دى
ساره يعنى شويه تشدى عليها وشويه تديها حنيه علشان متجبش اخرها زى ماحصل
نعيمه بغيظ حنيه ليه انشاء الله هى الكبيره ولا انا طب انا مش هعبرها وخليها كده بقى هى اصلا طول عمرها مش عجبها حد ومتكبره على الفاضى
ساره بصوت واطى هى برده
نعيمه بصتلها قوى بتقولى. ايه يابت
ساره قامت بسرعه وقعدت جنبها مابقولش ياماما بس ابوس ايدك هادى اللعب شويه علشان خاطرى
نعيمه وعايزانى اعمل ايه انشاء الله اروح ابوس ايديها
ساره لا بس تعالى نروح زى مابنروح نعقد معاها وحاولى تخليكى حنينه معاها شويه
نعيمه صوتها علا ليه انشاء الله وعلشان ايه
ساره علشان بنتك الوحيده الى قلبها هنكسر يرضيكى بعد كل ده جاسر يسبنى
نعيمه مايغور وانا اجوزك سيد سيده
ساره قربت منها بټهديد لو جاسر سابنى انا ھموت نفسى سمعانى ياماما انا راحه البس وانتى هتيجى معايا وهتعمليها حلو دا لو مش عايزه تخسرينى
نعيمه خاڤت هى عارفه بنتها كويس ممكن ټموت نفسها بكل بساطه
بعد نص ساعه كانوا تحت بيت صفاء ولسه هيقربوا شافوا جاسر خارج اتفضلى ياختى الى انتى هتموتى عليه لابس ومتشيك ولا على باله
ساره بصتله بغيظ انزلى ياماما اطلعى لخالتى انتى
نعيمه وانتى راحه فين
ساره لازم اعرف ايه حكايته وبيروح فين انزلى انتى وانا هروح وراه بالعربيه
نزلت نعيمه وطلعت لاختها وساره راحت ورى جاسر
دخلت نعيمه بعد ماصفاء فتحت وخدتها بالحضن وده الى صدم صفاء عامله ايه ياصفاء ياحبيبتى وحشتينى
صفاء لسه على صډمتها الحمد لله انتى عامله ايه
نعيمه بابتسامه مرسومه على الوش بس الحمد لله بخير كده برضه متساليش عليا كل ده
صفاء باستغراب اكتر كل ده ايه انتى لسه كنتى عندى من يومين
نعيمه وهما يومين شويه عموما انا جيت اشوفك واقعد معاكى شويه علشان وحشانى
صفاء تنورى ياختى عن اذنك هروح اجيب حاجه نشربها
دخلت صفاء والابتسامه اختفت من على وش نعيمه قال وحشانى قال دانا نفسى ماشوفش وشك تانى
خرجت صفاء تانى ومعاها علبه كبسولات شوفتى جاسر نسى علاجه اعمل ايه دانا دوخت عبال مالاقيته
نعيمه بصت للعلبه ليه كده هو مش عنده غيرها
صفاء لا دا انا لسه شرياها امبارح حتى الصيدلى قالى انه ناقص فى السوق يالا بقى اما يجى ياخده هدخل انا اجيب الشاى
دخلت صفاء بعد ماسابت العلبه على السفره قصاد نعيمه طلعت تليفونها وكلمت ساره الو ايوا ياساره خالتك جابت علبه كبسولات غير الى انتى غيرتيها اعمل ايه
ساره ايه اعملى اى حاجه ياماما اقواك مش انتى معاكى نفس العلاج الى كنا بنبدله
نعيمه اه فى شنطتى
ساره خلاص خديها من غير ماتحس وبدليها
نعيمه طيب خلاص اقفلى انا هتصرف
قفلت معاها وطلعت علبه الكبسولات الى معاها وقامت تتسحب واخدت العلبه التانيه وفضتها على ايديها ولسه هتحطها فى شنطها طلعت عليها صفيه ووقفت قصاها بحزن مالى قلبها بتعملى ايه يابت ابويا وامى
نعيمه اتخضت والعلبتين وقعوا منها على الارض وبصتلها بتوتر وخوف صفاء ________________فى كافيه على النيل كان جاسر قعد مع تالا والسعاده ماليه قلبه ان اخيرا هيخلص من الکابوس الى اسمه ساره مسك ايد تالا وبصلها بكل الحب الى فى قلبه انا حاسس ان قلبى فيه سعاده تكفى الكون كله
ابتسمت تالا كل السعاده دى علشان هتسيب بنت خالتك
جاسر اكيد لا علشان مش هيبقى فيه عقبه بينا ونتجوز بقى
تالا وشها اتغير والحزن بان عليها بصلها واستغرب تغيرها المفاجئ مالك ياحبيبتى
تالا دورت وشها مش عارفه تقوله ايه جاسر مبقاش فاهم هى مالها لف وشها ليه تانى واتكلم بۏجع انتى مش عايزه تتجوزينى ياتالا
ردت
جاسر سنين !!!
تالا اتوترت قصدى يعنى الايام فاتت عليا كانهم سنين
جاسر طيب مالك حاسك مش سعيده ليه
تالا جاسر انا عندى مشكله كبيره وحاسه انى تايه مش عارفه اتصرف ازاى
جاسر مشكلة ايه قولى يمكن اقدر اساعدك واحلها معاكى
تالا اترددت تقوله ولا لا جاسر انا لما كن___
مكملتش كلمها ولقت الى واقفه قدمهم هى دى بقى الى انت عايز تسيبنى علشانها
جاسر بص لقاها ساره وقف قصدها انتى ايه الى جابك هنا انتى بترقبينى
ساره بصوت عالى لفت نظر كل الى فى الكافيه هو ده الى همك انى جيت وراك وبالنسبه انك بتخونى ده عادى
جاسر اخونك ايه انتى مجنونه هو انا جوزك احنا حيالله مخطوبين وكل واحد هيروح لحاله
ساره بصتله بزهول يعنى ايه بعد كل الى عملته علشان ابعدك عنها برده رجعتلها تانى يبقى انت كنت بتمثل ومش فاقد الذاكره ولا حاجه
جاسر مش فاهم حاجه وتالا بصتلها وخاڤت انها تتكلم لو سمحتى ياانسه اتفضلى انتى دلوقت وجاسر جاى معاكى
ساره بصتلها بغل انت. تخرسى خالص هو مش سابك مرميه فى لندن ورجع جيتى وراه ليه عايزه منه ايه ابعدى عننا بقى
جاسر بصلها وبدا الصداع يهجمه بشده اتكلم وهو ماسك دماغه انتى بتقولى. ايه هو انا كنت اعرف تالا قبل كده
ساره انت هتستعبط وهتعمل نفسك مش فاكر خلاص لعبتك خلصت وحبيبت القلب الى قدامك الى كنت ھتموت عليها اهى جتلك بس وربنا ياجاسر لكون مخلصه عليك واذا كنت المره الى فاتت فشلت المرادى مش هفشل
جاسر بيصارع الصداع ولفتات بتمر قدامه كانها حلم اتكلمت تالا پصدمه قصدك ايه بالمره الى فاتت فشلتى
ساره الڠضب عاميها ومش عارفه بتقول ايه وصوتها علا اكتر انا الى وحيت عليه واحد يقطع الفرامل بتاعت العربيه علشان ميسافرش ليكى بعد مااتحيلت عليه يفضل معايا بس رفضنى علشان بيحبك وفضلك عليا رفضى وكسر قلبى وداس على كرمتى ومعملش حساب لاى حد وجرى يرجعلك تانى
تالا بصتلها مش عارفه تفرح انه كان رجعلها ولا تزعل من الى حصله انتى اكيد مجنونه انتى كنتى عايزه تقتليه علشان رفض يتجوزك
ساره انتبهت هى قالت ايه بس الڠضب لسه عاميها ايوا حاولت اقتله علشان ميبقاش لحد غيرى بس القدر ساعدى الحاډثه خليته نساكى ورجعلى بس مفيش فايده افتكرك تانى بس لا جاسر هيبقى ليا ولو مبقاش ليا مش هيكون لحد
جاسر واقف بيسمع والصداع فضل يزيد اكتر واكتر لحد مابقاش حاسس باى حاجه ووقع من طوله وفقد الوعى
جرت تالا عليه وهى بتصرخ فى الناس يطلبوا الاسعاف اما ساره وقفت ثابته مكانها وعنيها عليهم وهى بتتوعد ليهم انها مش هتخليهم يتهنوا ببعض بعد فتره الاسعاف وصل ونقل جاسر المستشفى
