الفراق عنوان حبنا فاطمه علي
نظرة عيونه وجعتنى بس هو غبى لو كان قالى بحبك كنت قولتله وانا بمۏت فيك لكن هو جاى يقولى انتى مش هتجوزى غيرى غرور وكانه بيأمورنى زى الخدامه بتاعته وانا عمرى ما هسمحله بكدا ابدا سابنا ومشى .. وانا دخلت اوضتى مكنتش عايزة ادخل فى
مواجهه مع ممدوح لانه هيقولى كلمته الشهيرة انتى خسارة فيه يا ابرار الكلمه دى بتوجعنى اوى بتحسسنى انى اخترت غلط واسامه عمره ما كان اختيار غلط بس هو اللى غبى ومغرور ….. عدى يومين وكنا وقت صلاة الفجر وصليت وقعدت ادعى كتير اوى بس اټخضيت على صوت الباب بيخبط جامد روحت فتحت وبابا وماما صحيوا
_طنط الهام خير
_ الحقينى يا ابرار اسامه تعبانه اوى
_اسامه … طلعت جرى ومستنتهمش
_اسامه .. اسامه رود عليا
_ابرار انا بحبك اوى اوعى تسبينى
_اسامه انت سخن مولع مش وقت الكلام دا …وحطها عند قلبه
_شوفى بيدق ازاى كل دقه فيه باسمك
_اسامه
_والله بحبك يا ابرار
قالها ونام من التـ,ـعب جريت على تحت وجبت حقنه خافضه للحرارة وادتهاله وعملتله كمدات مايه سقعه انا عارفه الدور دا اسامه مش بيتعب كتير بالبرد بس زى ما بيقولوا الى مش بيتعب بيه كتير لما بيجيله بيكون شديد اوى … اد ايه كانت ملامحه تعبانه واد ايه قلبى رفرف لما اعترفلى بحبه .. كنا قاعدين معاه انا ومامته وابتدا يفوق
_ابرار
_انا هنا يا اسامه الف سلامه عليك
_الله يسلمك
_الحمدلله الحرارة نزلت شويه
_شكرا مكنش لازم تتعبى نفسك
اتاكدت انه رجع لغروره تانى خرجت وعملتله شوربة علشان يشربها وياخد العلاج وقولت لطنط الهام ونزلت .. كنت بطلع كل يوم اطمن عليه وهو نايم وانزل .. عدى اسبوع وجه ممدوح بلغنا بميعاد خطوبته وهتكون فى قاعه كبيرة اوى … وجه يوم الفرح وانا كنت لابسه فستان بنفسجى جميل وخمار ابيض وتاج ورد بنفسجى وكنت زى القمر وروحنا القاعه واول ما دخلنا الدنيا كانت ضلمه اوى
_ماما .. بابا روحتوا فين
فجأة اضاءة جامده اتسلطت عليا وسمعت صوته فى المايك اه هو اللى تاعب قلبى معاه
_انا اسف مهما اعتذرت عمرى ما هكفر عن تعبك اللى سببتهولك عمرى ما هكفر عن دمعه واحده نزلت بسببى انا مكنتش اتخيل انى اكون سبب وجعك .. انا اسف انا كنت غبى ومش
شايف حبى ليكى وازاى محبكيش وانتى الوحيده اللى شاركت معاها كل تفاصيلى اللى شيلتها على ايدى واللى كنت بذاكر ليها وسهرت الليل جنبى وانا تعبان … اسف يا اميرتى انى ضيعت وقت كبير من حياتنا بغبائى سامحينى .. تقبلى تتجـ,ـوزينى
