منار همام ٢
: علشان نرضي ناس كدا…. بص علي إسراء….
نور وقفت جنب ادم
: آدم شمرلي الكم………… نور كانت هدومها مليانه عجين بسبب إنها بتساعد إسراء
آدم رفعلها الكم وباسها من خدها
: متوسخيش نفسك يا روحي علشان مفيش هدوم ليكي هنا
نور: حاضر
يوسف همس لجاسر
: شايف مش جعفر إللي إحنا متجوزينهم
ميسره بقرف: لما بشوفها بشوف كسوفها وأقول يا بت كفايه محن
ادم: جاسر لم مراتك انا مش عارف مستحملك ازاي
ميسره نزلت من علي الرخامه
: طاب بص بقا أنت وباربي بتاعتك دي
وكبت العصير علي هدوم نور
: شوف بقا هتجبلها لبس منين
ادم: جاااااسر وربي هزعلهالك
جاسر بحده: ميسره إتلمي..قومي واعمليلي شاي
ميسره: نعم ياخويا تكونش الخدامه الفلبينيه اللي جبهالك ابوك
جاسر: لا دا انتي عايزه تتربي بجد بقا
يوسف مسكه من ايده
: أهدي يا جاسر اه هي لسانها اطول منها وعايز قطعه وبترفع صوتها عليك من دلوقتي بس معلش
جاسر بصله: ايوه يعني بتهديني ولا بتعصبني
يوسف: بهدي النفوس
آدم: اقعد يعم خلينا نشوف هنعمل اي
جاسر قعد: هنعمل اي
آدم: اخر حاجه وصلنا ليها قدرنا نلاقي الشخص اللي بيصدر العربيات من فرنسا لهنا
وفي نفس الوقت اكتشفنا إنه بيشحن فيها هروين في العربيه اللي بيصدرها و دلوقتي هو مع البوليس
يوسف: أهم حاجه ميق*ت*لش نفسه زي إللي قبله
جاسر: لا إحنا إتأكدنا إن ميكونش أي حاجه تساعده
آدم: طاب هنعمل اي دلوقتي
ميسره بتفكر و قاعده علي الرخامه متربعة وبتاكل مكرونه
: بص هو تقريباً كدا مركز مع جاسر ويوسف أوي وتحسه بيقول ان دا تمهيد لكل اللي بيحصل يعني لسا التقيل مجاش
والحاجات اللي زي دي تقريباً بتبقي ان في حد بيكرهكم بسبب حبيبته اللي اخدتوها منه
وبما إن كنتو بتقول إن الشخص دا فرنسي وجاسر ويوسف درسوا في فرنسا برضو.. راجعوا نفسكم يا شباب
آدم بسخريه: بقولك اي انتي مش قاعده تطبخي مع باقي البنات ليه… كمل بصوت عالي… ارحميني من الروايات إللي طول النهار تقرأيها
وبعدين استني يا بت انتي مش كنتي بتاكلي كيك اي اللي في ايدك دا
ميسره: بقولك اي ياد انت قرفتني والله اقوم اجبلك الباربي دي مش شعرها الحلو اييييح يخربيتها دي عليها شوية شعر إنما أي
