منار همام ٣

طب وعيالي هيعملو ايه من بعدك دول كانوا بيحبوك اكتر مني.

هشكي لمين.مين هيبقي سندي وضهري من بعدك….

عارف رغم انك الصغير بس طول عمري بعتبرك اكبر مني

بنتك هي بنتي متخافش عليها…..

اسراء نايمه في حضن يوسف وكل شويه بطلع شهقات اثر العياط الباب خبط

يوسف ساند ضهره علي السرير بيفكر وبيحرك ايده علي شعرها اسراء.

الباب خبط يوسف اتعدل في قعدته: اتفصل.

دخل شاهين: اسراء عامله اي دلوقتي ؟؟

يوسف: فضلت تعيط لحد ما تعبت ونامت.

شاهين باس راس اسراء

: خلي بالك منها يا يوسف ومتسبهاش تقعد لوحدها كتير علشان تنسي

يوسف: حاضر يا بابا.

شاهين:ربنا يصبرها.

******

جاسر قاعد وساند راسه بين اديه

فجاء حس بايد علي كتفه.وكانت ميسره. قعدت جنبه

ميسره بحزن: انت كويس؟

جاسر اترمي في حضنها وعيط.

: لا انا مش كويس يا ميسره.. ط.. طب هحكي لمين كل مشاكلي دلوقتي …هلعب مع مين كوره هدخل المطبخ مع مين ……دا كان اقربلي من ابويا

مين هيواسيني ويقولي هتعدي

ميسره عيطت وحضنها جاسر

جاسر: كل واحد فين دخل لاوضه بتاعته علشان يعيط ومظهرش للتاني ضعفه علشان مانضعفش كلنا بس والله كلنا مكسورين من بعد وفاه عمي محمد.

ميسره مسكت وشه بين اديها.

ميسره: لا انت قوي يا جاسر عارف ان موت عمي محمد هيأثر فينا كلنا بس هو في مكان احسن دلوقتي مع مراته ادعيله ولازم كلنا نكون سند علشان اسراء.

جاسر رجع حط راسه في حضن ميسره.

عند ادم ونور

ادم حضن نور بهدوء ومش راضي يتكلم

نور: ادم انت..

ادم: هشششش مش عايز حاجه غير حضنك دلوقتي.

نور: ادم يوسف محتاجك جنبه دلوقتي ماينفعش تسيبه.

ادم: يوسف مع مراته كل واحد جوه اوضته دلوقتي

نور طلعت ادم من حضنها ومسكت وشه بين اديها.

نور:طاب وباباك يا ادم هو كمان محتاجك دا اخوه ماينفعش تسبوه لوحده الواحد لما بيقعد لوحده في مواقف زي دي بيتخنق اكتر ودا بيتعبه اكتر.

ادم بتعب: حاضر يا نور هروح اشوفه وانتي شوفي اسراء

******

شاهين قاعد وماسك صوره ليه وهو ومحمد وامه وابوه….

ادم وقف علي الباب: ايه يا حج.

شاهين رفع وشه: سبت مراتك ليه يا ادم.

ادم: هتنام مع اسراء وانا جيت اقعد معاك بما ان ماما عند بيت خالي.

جاسر: ايه دا ادم هنا؟

ادم: اهو جاسر كمان جه.

يوسف: لاوخد عندك وكمان يوسف.

شاهين: يوسف سبت اسراء ليه انا مش قولتلك اقعد معاها.