منار همام ٣
جاسر: بس يا هبله حتي لو مش هشوف العيال خالص مستحيل افكر في واحده غيرك.
طاب اسيبك ازاي وانتي اللي استحملتيني زي ما انا و في عز ضعفي.
ميسره: انا مش هستسلم وهحاول تاني علشانك.
“”””””””””””””””””””””””””””””””
*مشهد آخر*
*بعد ما نور جابت سيف وامير و اسراء جابت فاطمه. …*
ميسره قاعده بتفكر في حزن
جاسر: قمري بيفكر في ايه.
ميسره: جاسر هو انت مش هتتجوز عليا لو مخلفتش بجد.
جاسر: تاني تاني يا ميسره بنفكر في الموضوع.
ميسره: غصب عني يا جاسر. يوسف و ادم بيحتفلو بالسبوع عيالهم وانت بتبص عليهم غصب عني فكرتك
جاسر: عارف يا ميسره اه ببص عليهم ونفسي في عيال زي اخواتي بس انا مبقليش ميت سنه متجوز علشان اشيل الهم كدا
ميسره: طب بص دي اخر دكتوره نتابع معاه وبعده لو ربنا مرزقناش نعمل عمليه او نتبني عيال.
جاسر: ان شاءلله هيرزقنا
ميسره: يارب يا جاسر يارب.
“””””””””””””””””””””””””””””””””
*مشهد آخر*
نور بتوتر: ا.. ا.. ادم ا.. انا حامل
ادم بفرحه: الف مبروك يا روحي مالك خايفه كدا.
نور: يعني انت مش زعلان
ادم: وازعل ليه يا روحي بالعكس انا مش هاممني غير صحتك وانك بتتعبي لو كدا مش هبطل اجيب منك عيال.
نور بفرحه: بس دا اخر واحده ومش هنجيب تاني ان شاءلله.
ادم: تؤ تؤ لو مكنتش بنت هجيب تاني.
نور: لا هو دا بس علشان جه غلطه ومفيش تاني.
ادم: بنوتي كبرت وبقيت تعرف تتكلم.
“””””””””””””””””””””””””””””””””
*مشهد آخر*
اسراء: انا تعبت يا يوسف ومش هخلف تاني.
يوسف: يا روحي دي لسه تاني مره لسه بدري وبعدين انا عايز اجيب ليهم اخ يسندهم
اسراء: عيال ادم اخواتهم يا يوسف
يوسف: خلاص يا حبيبتي ان شاءلله اللي في بطنك يطلع ولد ومفيش تاني.
اسراء: بس الدكتور قالت بنت…
يوسف: يمكن تختلف.
“”””””””””””””””””””””””””””””
*مشهد آخر*
جاسر ماسك ايد ميسره وهي نايمه علي السرير.
ميسره: جاسر الدكتوره قال احتمال العمليه متنجحش انا خايفه اوي متنجحش.
جاسر باس ايدها: ان شاءلله هتنجح ولو منجحتش يبقا قضاء ربنا واكيد في خير لينا.
دخلت الدكتوره: بعد اذنك اتفضل علشان ابدأ
جاسر طلع برا والعيله كلها معاه الدكتوره مكملتش خمس دقائق جوه وخرج
جاسر بخوف: في ايه يا دكتوره طلعتي بسرعه ليه ميسره كويس
الدكتوره: الف مبروك المدام حامل هو ماكنش واضح بس لما عملت اشاعه الرنين للطفل ظهر عالطول مبروك.
