حب امتلاك حنان اسماعيل ج3
ﻧﺠﺤﺎ ﺍﻟﺜﻼﺛﻪ ﻓﻰ ﺧﻄﺘﻬﻢ ﻭﻗﺪ ﺣﻘﻘﺎ ﺍﻫﺪﺍﻓﻬﻢ . ﻣﺮﺕ ﺍﻻﻳﺎﻡ ﻭﻋﺒﺪﺍﻟﻠﻪ ﻣﺘﻐﻴﺐ ﻋﻦ ﺍﻟﺒﻴﺖ ﻭﻛﺬﻟﻚ ﻟﻴﻠﻰ ﻭﺍﻟﺘﻰ ﺍﺧﺬ ﻣﺼﻄﻔﻰ ﻳﺒﺤﺚ ﻋﻨﻬﺎ ﻓﻰ ﻛﻞ ﻣﻜﺎﻥ ﻣﻊ ﺍﻟﺠﺪ ﻭﻋﺰﻳﺰ ﺩﻭﻥ ﺟﺪﻭﻯ .
………………….
ﻋﺎﺩ ﻋﺒﺪﺍﻟﻠﻪ ﻟﻠﺒﻴﺖ ﺑﻌﺪ ﻏﻴﺎﺏ ﺍﺳﺒﻮﻉ ﺗﻘﺮﻳﺒﺎ ﻭﻗﺪ ﻃﺎﻟﺖ ﻟﺤﻴﺘﻪ ﺍﻛﺜﺮ ﻭﺷﺤﺐ ﻭﺟﻬﻪ ﻭﺧﺴﺮ ﺑﻌﻀﺎ ﻣﻦ ﻭﺯﻧﻪ . ﻣﺮ ﺑﺎﻟﺠﻤﻴﻊ ﻟﻼﻋﻠﻰ ﺩﻭﻥ ﺍﻥ ﻳﻨﻈﺮ ﺍﻟﻴﻬﻢ . ﺻﻌﺪ ﺍﻟﻴﻪ ﺍﻟﺠﺪ ﻓﻮﺟﺪﻩ ﻣﺴﺘﻠﻘﻴﺎ ﻋﻠﻰ ﺍﻟﺴﺮﻳﺮ ﺑﻤﻼﺑﺴﻪ ﻛﺎﻣﻠﻪ
ﺍﻗﺘﺮﺏ ﻣﻨﻪ ﺟﺪﻩ ﻭﻫﻮ ﻳﺴﺄﻟﻪ ﻓﻰ ﺣﺰﻥ
ﺍﻟﺠﺪ : ﻋﺒﺪﺍﻟﻠﻪ .. ﻣﻤﻜﻦ ﺗﻔﻬﻤﻨﻰ ﺍﻳﻪ ﺍﻟﻠﻰ ﺣﺼﻞ ؟ﻭﻟﻴﻪ ﺍﺗﻄﻠﻘﺖ ﺍﻧﺖ ﻭﻟﻴﻠﻰ ؟
ﺯﻡ ﺷﻔﺘﻴﻪ ﻭﻟﻢ ﻳﺠﺒﻪ ﻓﺴﺄﻟﻪ ﺟﺪﻩ ﻣﺮﺓ ﺍﺧﺮﻯ
ﺍﻟﺠﺪ : ﻃﺐ ﻫﻰ ﻓﻴﻦ ؟ﻣﺼﻄﻔﻰ ﻣﺎﺳﺎﺑﺸﻰ ﻣﻜﺎﻥ ﺍﻻ ﻭﺩﻭﺭ ﻋﻠﻴﻬﺎ ﻓﻴﻪ ﻭﻟﻮﻻ ﺍﻥ ﺍﻳﻤﻰ ﺣﻜﺖ ﻟﻪ ﻋﻦ ﺧﻨﺎﻗﺘﻜﻢ ﺳﻮﺍ ﻭﻋﺰﻳﺰ ﻗﺎﻟﻰ ﺍﻧﻚ ﻗﻠﺖ ﻟﻪ ﺍﻧﻚ ﻃﻠﻘﺘﻬﺎ ﻓﻰ ﺍﺧﺮ ﻣﻜﺎﻟﻤﺔ ; ﺑﻴﻨﻜﻢ . ﻛﺎﻥ ﺯﻣﺎﻧﺎ ﻣﺶ ﻋﺎﺭﻓﻴﻦ ﺣﺎﺟﺔ ؟ﻃﺐ ﻫﻰ ﺭﺍﺣﺖ ﻓﻴﻦ ؟ﺍﻧﺖ ﻋﺎﺭﻑ ﻣﻜﺎﻧﻬﺎ ؟
ﺍﺳﺘﺪﺍﺭ ﻋﻠﻰ ﺍﻟﺠﺎﻧﺐ ﺍﻻﺧﺮ ﻭﻫﻮ ﻳﻘﻮﻝ ﻓﻰ ﻳﺄﺱ
ﻋﺒﺪﺍﻟﻠﻪ : ﺟﺪﻯ ﻣﻦ ﻓﻀﻠﻚ ﺍﻃﻔﻰ ﺍﻟﻨﻮﺭ . ﺍﻧﺎ ﺗﻌﺒﺎﻥ ﻭﻋﺎﻭﺯ ﺍﻧﺎﻡ
ﻧﻈﺮ ﺍﻟﻴﻪ ﺟﺪﻩ ﻓﻰ ﻳﺄﺱ ﻗﺒﻞ ﺍﻥ ﻳﻐﺎﺩﺭ ﻣﻨﺼﺮﻓﺎ .
ﻓﻰ ﺍﻟﺼﺒﺎﺡ ﺍﺳﺘﻴﻘﻆ ﻋﻠﻰ ﺍﺻﻮﺍﺕ ﻋﺎﻟﻴﻪ ﻓﻨﺰﻝ ﻟﻼﺳﻔﻞ ﻟﻴﺠﺪ ﻣﺼﻄﻔﻰ ﻳﺘﺠﻪ ﺍﻟﻴﻪ ﻭﻫﻮ ﻳﻠﻜﻤﻪ ﻓﻰ ﻭﺟﻬﻪ ﻋﺪﺓ ﻟﻜﻤﺎﺕ ﻗﺎﺋﻼ ﻟﻪ ﺑﻐﻀﺐ
ﻣﺼﻄﻔﻰ : ﺍﻧﺎ ﺣﺬﺭﺗﻚ ﻳﺎﻋﺒﺪﺍﻟﻠﻪ ﺍﻧﻰ ﻫﻘﺘﻠﻚ ﻭﺍﻧﺖ ﻣﺼﺪﻗﺘﻨﻴﺶ .. ﻭﺩﻳﺖ ﻟﻴﻠﻰ ﻓﻴﻦ ؟ﺍﻧﻄﻖ
ﻣﺴﺢ ﺍﻟﺪﻣﺎﺀ ﻋﻦ ﻓﻤﻪ ﻭﺍﻟﺠﻤﻴﻊ ﻳﻨﻈﺮﻭﻥ ﺍﻟﻴﻬﻢ ﻭﻫﻮ ﻳﻘﻮﻝ ﻓﻰ ﺑﺮﻭﺩ
ﻋﺒﺪﺍﻟﻠﻪ : ﺭﻭﺡ ﺍﺳﺄﻝ ﺻﺤﺒﺘﻬﺎ ﻋﻨﻬﺎ ﺍﻭ ﺃﻗﻮﻟﻚ ﺭﻭﺡ ﺍﺣﺴﻦ ﺍﺳﺄﻝ ﻋﺸﻴﻘﻬﺎ
ﻟﻜﻤﻪ ﻣﺼﻄﻔﻰ ﻣﺮﺓ ﺍﺧﺮﻯ ﺑﻘﻮﺓ ﻭﻫﻮ ﻳﺼﺮﺥ ﻓﻴﻪ
ﻣﺼﻄﻔﻰ : ﺍﺧﺮﺱ . ﻟﻴﻠﻰ ﺍﺷﺮﻑ ﻣﻨﻚ ﻭﻋﻤﺮﻫﺎ ﻣﺎﺗﺨﻮﻥ ﺍﺑﺪﺍ . ﺍﻧﺎ ﻣﻌﺮﻓﺸﻰ ﺍﻧﺖ ﺳﻤﻌﺖ ﺍﻳﻪ ﺧﻼﻙ ﺗﺼﺪﻕ ﺍﻟﻜﻼﻡ ﺩﻩ ﻋﻨﻬﺎ
ﺍﻟﺠﺪ : ﺍﻫﺪﻯ ﻳﺎﻣﺼﻄﻔﻰ ﻭﺧﻠﻴﻨﺎ ﻧﻘﻌﺪ ﻧﻔﻬﻢ ﻣﻨﻪ ﺍﻟﻠﻰ ﺣﺼﻞ ﺑﺎﻟﻀﺒﻂ ﻭﺍﻧﺎ ﻭﺍﺛﻖ ﺍﻥ ﻟﻴﻠﻰ ﻣﻔﻴﺶ ﺍﻧﻘﻰ ﻭﻻ ﺍﺷﺮﻑ ﻣﻨﻬﺎ
ﺗﺪﺧﻠﺖ ﺩﺍﻟﻴﺎ ﺑﻐﻀﺐ : ﻫﺘﺴﻤﻊ ﺍﻳﻪ ﺑﺲ ﻳﺎﺟﺪﻭ ﻭﺍﻟﻤﻮﺿﻮﻉ ﺑﺎﻳﻦ . ﻫﻮ ﻋﺒﺪﺍﻟﻠﻪ ﻫﻴﺘﻬﻢ ﻣﺮﺍﺗﻪ ﻣﻦ ﻫﻮﺍ ﻳﻌﻨﻰ ﺍﻛﻴﻴﺪ ﺷﺎﻑ ﻋﻠﻴﻬﺎ ﺣﺎﺟﺔ .
ﻧﻬﺮﻫﺎ ﺍﻟﺠﺪ ﺑﻨﻈﺮﺓ ﻧﺎﺭﻳﺔ ﻗﺎﺋﻼ ﻟﻬﺎ : ﺭﻭﺣﻰ ﺍﻭﺿﺘﻚ ﻳﺎﺩﺍﻟﻴﺎ ﺑﺪﻝ ﻣﺎ ﺍﺧﻠﻰ ﺩﻩ ﺍﺧﺮ ﻳﻮﻡ ﻟﻴﻜﻰ ﻫﻨﺎ ﻭﺍﻳﺎﻛﻰ ﺗﺘﺠﺮﺃﻯ ﺗﺎﻧﻰ ﻭﺗﺠﻴﺒﻰ ﺳﻴﺮﺓ ﻟﻴﻠﻰ ﺑﺤﺎﺟﺔ ﻭﺣﺸﺔ
ﻫﺮﺑﺖ ﻣﻦ ﺍﻣﺎﻣﻪ ﻟﻼﻋﻠﻰ ﻓﻰ ﺿﻴﻖ . ﻧﻈﺮ ﻋﺒﺪﺍﻟﻠﻪ ﺍﻟﻰ ﺍﻟﺠﺪ ﻭﻣﺼﻄﻔﻰ ﻗﺎﺋﻼ ﺑﺈﻗﺘﻀﺎﺏ
ﻋﺒﺪﺍﻟﻠﻪ : ﺍﻧﺎ ﻣﻌﺮﻓﺸﻰ ﻣﻜﺎﻧﻬﺎ ﻭﻣﺶ ﻣﻬﺘﻢ ﺍﻋﺮﻓﻪ . ﻗﻠﺖ ﻟﻚ ﺭﻭﺡ ﺍﺳﺄﻝ ﺍﻟﺰﻓﺘﺔ ﺍﻳﻤﻰ ﺩﻯ ﻭﻫﻰ ﻫﺘﺪﻟﻚ
ﺍﺟﺎﺑﻪ ﻣﺼﻄﻔﻰ ﺑﻴﺄﺱ : ﺭﺣﺖ ﻭﻗﺎﻟﺖ ﻟﻰ ﺍﻧﻬﺎ ﻧﺰﻟﺖ ﻣﻌﺎﻙ ﻭﻣﻦ ﺳﺎﻋﺘﻬﺎ ﻣﺘﻌﺮﻓﺸﻰ ﻋﻨﻬﺎ ﺣﺎﺟﺔ
ﺍﻟﺠﺪ : ﻃﺐ ﻓﻬﻤﻨﺎ ﺍﻳﻪ ﺍﻟﻠﻰ ﺣﺼﻞ ﻳﺎﻋﺒﺪﺍﻟﻠﻪ ؟
ﻋﺒﺪﺍﻟﻠﻪ ﺑﺈﻗﺘﻀﺎﺏ : ﻣﻔﻴﺶ ﻳﺎﺟﺪﻯ ﺍﻧﺘﻢ ﻣﺶ ﻛﻨﺘﻢ ﻋﺎﻭﺯﻧﻰ ﺍﻃﻠﻘﻬﺎ . ﺍﺩﻳﻨﻰ ﻃﻠﻘﺘﻬﺎ ﻋﺎﻭﺯﻳﻦ ﻣﻨﻰ ﺍﻳﻪ ﺗﺎﻧﻰ ؟ﻭﺍﻧﺖ ﺑﺎﻟﺬﺍﺕ ﻣﺎﻗﻠﺘﺶ ﻟﻬﺎ ﻳﻮﻡ ﺍﻟﺤﻔﻠﻪ ﺗﻠﻢ ﻫﺪﻭﻣﻬﺎ ﻭﺗﺴﻴﺒﻨﻰ ،ﺍﺩﻳﻨﻰ ﻳﺎﺳﻴﺪﻯ ﺣﻘﻘﺖ ﻟﻚ ﻃﻠﺒﻚ ﻋﺎﻭﺯ ﺍﻳﻪ ﺑﻘﻰ ﻣﻨﻰ ؟ﺭﻭﺡ ﺷﻮﻑ ﻟﻬﺎﻧﻢ ﺭﺍﺣﺖ ﻟﻤﻴﻦ ﺑﻘﻰ
