ترنيمه روح نجلاء ذكي
-ايه الضحكة الحلوة دى
-شايف يا عادل شايف عمر اول مرة اشوفه وهو بيضحك ويلعب مع الاولاد كده من يوم مـ,ـوت سما لينظر عادل على والده فيشعر بالسعادة لسعادته بهذا الشكل
-اه يا فريدة فعلا ايه السر بقى فى السعادة دى
لتحكى له فريدة ما اتفقا عليه هى وسندس وانها فاتحته فى ذلك الموضوع بالامس ليستمع اليها ويرد بقلق
-والله يا فريدة آية انسانة جميلة وانا طول عمرى بعتبرها بنتى بس خايف اننا نظلــ . ــمها وان ابنك ميعتبرهاش مراته وده هيخليها تفتكر انه جايبها مربية للاولاد
-ايه ياعادل الكلام ده انت متعرفش عمر ده عمره ما يجرح حد وبعدين هو وسما الله يرحمها كانوا بيعزوا آية جدا مفتكرش انه يجرح مشاعرها ابدا
-عارف يا فريدة بس هو مش هيتقبل حد مكان سما وممكن ده يجرح آية وانا مش عايزه يظلــ . ــمها البنت شافت وجع كتير من مرضها وطليقها ميجيش ابنك يكمل عليها
-متخفش يا عادل عمر طيب وحنين وآية هى كمان فى حاجات كتير بينهم مشتركة دا انت وهو كنتم مثلها الاعلى واكيد هيكون بينهم تفاهم ومين عالم مش يمكن يحبها وهى كمان هما الاتنبن محتاجين بعض واولادهم محتاجينهم ده اللى هيجمعهم وبعدين انا شايفة عمر نازل النهاردة مرتاح ومبسوط يمكن ده دليل ان فيه قبول يا رب
-يا رب يا فريدة ربنا يسعد قلبه ونطمن عليه
-ان شاء الله
ثم يعودا لينظرا الى عمر مع الاطفال واصوات ضحكاتهم تطرب قلوبهم ،مر اليوم بسعادة واعاد عمر الاولاد كلا الى بيته واستقبلته آية لتاخذ بناتها نظر اليها وقد تغيرت نظرته لها فهو يراها كم هى جميلة ورقيقة ترى ماذا حدث لعمر لكى يغير تفكيره
***********************************
مرت الايام وعمر يتابع آية والاولاد كلما سمحت الفرصة وكذلك سندس كانت تتابع تعامل عمر مع آية كلما احضر ملك للحضانة لقد وجدت ان عمر يدرس تصرفات آية ويحاول ان يفهمها بشكل اخر وبالفعل ابلغت فريدة بذلك وهذا ما جعلها تعقد العزم على ان تعرف ما توصل اليه وعن رأيه في موضوع الزواج من آية وفى احد الايام وعند رجوع عمر الى البيت وقت الغذاء تحدثت معه والدته
-ها يا عمر قولت ايه فى الموضوع اللى كلمتك فيه فكرت
-اه يا امى فكرت
-طيب يا حبيبي ايه قرارك
-الاول آية عندها خبر بالموضوع ده لترد امه بتاكيد
-لا يابنى مردناش نتكلم معاها خوفنا انك ترفض ونجرح البنت كفاية اللى مرت بيه
