الروايه المطلوبه ٢

سارت نحو المطبخ واكملت بستعجال..خلص انت بس وانزل اطمن على ماما وبابا وشوف ريتال عامله ايه معاهم وانا هاخد دش واجيب الغدا واحصلك..

بمهاره وحرفه..وقفت تحضر اشهى الاكلات المحببه لزوجها..

نهى هو حمامه وخطى للخارج ممسكا بيده منشفه يجفف شعره الحريرى..

اقترب عليها ووقف خلفها..وهى مندمجه بصنع الغداء..

يتاملها ببتسامه هادئه رزينه..

استنشق رائحه الطعام وتحدث بستمتاع..

خالد:امممممم..ريحه الاكل تهبل..

ضمها من ظهرها داخل حضنه مقبلا عنقها بنهم واكمل بانفاس لاهثه..وشكلك بالملايه دى يهبل اكتر..قبل كتفها..

هتأكلينا ايه من ايديكى انهارده يا مرمر..

مروه:بقلب ينبض بجنون من شده فرحتها..عملتلك صنيه بطاطس بالفراخ ورز بشعريه اللى بتحبه وخلصت السلطه اهو ..التفت بوجهها وقبلت لحيته..والحلو ام على بالمكسرات..

شدد من ضمها اكثر وهمس باذنها بعبث..

خالد:مافيش احلى منك يا مرمر..

مروه:بخجل..خالد..انزل يله اطمن على ماما وبابا وريتال كمان..صمتت قليلا واكملت بطيبه شديده..

وقول لماما متتعبش نفسها وتعمل اكل انا جهزت كل حاجه علشان نتلم كلنا وناكل سوا..

قبل يدها بعمق وهمس بفخر..

خالد:ربنا استجاب لدعوه امى لما قالتلى روح يابنى يرزقك باللى تريح قلبك..قبل عنقها..والحمد لله رزقنى بيكى يا مروه..

اعتدلت داخل حضنه وضمته بقوه وهمست بحب..

مروه:وانت كمان رزقى الحلو من الدنيا يا خالد..

واقدر اقول بقلب جامد الحمد لله خت حظى من الدنيا بيك انت واستكفيت يا حبيبى..

شعرت برغبته بها تتجدد من انفاسه الاهثه التى بدات تتعالى..ابتعدت عنه سريعا واكملت بستعجال..يله يا خالد انزل على ما اخد دش يكون الاكل استوى هجيبه وانزل وراك..

تنهد خالد بصوت مسموع وابتسم لها بحب وتحدث وهو يتجه للخارج..

هالد:طيب متتأخريش..ولو عوزتى حاجه نادى عليا..

وقف مكانه واستدار لها وغمز بعيناه..

عوزتى اى حاجه قولى يا خالد بس..

نهى جملته وخطى خارج الشقه غالقا الباب خلفه..

قفزت هى بفرحه وهمست بسرها..

مروه:اااه..قلبى ياناس..يارب ديم نعمه حبه عليا يارب..

ضغطت على مفتاح السخان الكهربائى اشعلته..

وركضت نحو المطبخ واسرعت بتجهيز باقى الغداء حتى انتهت وتوجهت نحو الحمام..

ومدت يدها تفتح الماء الساخن..لتتصنم مكانها ويرتعش جسدها بشده اثر صاعقه كهربائيه قويه امسكت بها جعلتها فقدت الحركه والنطق..