مبروك كسبت الرهان بقلم اسراء هانى ١

عاد من العمل باكرا ليجد على الطاولة اشهى انواع الطعام
عمر بصد.مة: هو انا دخلت مطعم ولا ايه
نفين بابتسامه: عملتلك كل الاكل اللي بتحبه
يجلس يأكل بلهفة وهو يدندن من جمال الطعام
عمر : ايه ده يا بنتي معلمة اقسم بالله مروح واقع من الجوع وزهقت اكل الشارع عملت كل ده امتى
كانت تبتسم لكلامه تنظر له وهو يأكل بسرعة
نظر لها بضيق وهمس : جبتي الحاجات دي ازاي
نفين: ما تقلقش طلبتهم بالتلفون
عاد يأكل وهو يبتسم كم هو سعيد بقربها فقد ينتظر حكم المحكمة ويعد ثلاث شهور ولن يتركها ابدا حتى لو سيبقى طوال حياته كأخيها المهم انها بجانبه
عمر : ااااه انا مش قادر اتنفس .. اكلت عن مية سنة قدام
نفين : صحة وهنا حعملك شاي تهضم
عمر: ايوة كدة
نفين : مش لو كنت تجوزت كان زمان هيا بتعملك كل ده
عمر: قريب اوي
نفين : بجد في بنت بتحبها ومش قايلي
عمر بابتسامه: من زمان اوي وما حبتش ولا ححب زيها
نفين بعبو*س : حاعمل شاي واجي تقولي
عمر : اصلي وعدتها مش حقول غير كمان كام شهر
نفين: شمعنة
عمر : عندها مشكلة تحلها ومش حسيبها ابدا مش حتخرج من ح*ضني
نفين : ربنا يسعدك يا عمورة
بعد يومان حكمت لها المستشفى بالخلع بعد تقرير المستشفى بالض/رب
دخل عمر الباب بلهفة: نيفو نيفو
فتحت الباب الفاصل بينهم وهمست: ايه السعادة دي
عمر: المحكمة حكمت بالخلع مبروك
عبست بوجهها وتغيرت ملامحها
عمر بحزن : انتي لسة بتحبي
نفين بنفي: ابدا انا ما بكرهش قدو
تنهد عمر وهمس : امال في ايه
نفين : انا خايفة يا عمر .. شادي مش حيسكت
عمر : انا في ضهرك اوعك تخافي
نفين بد.موع: شادي مكتب بابا مصطفى وصولات ب٢٥٠ الف جنيه
عمر بصد.مة : ايه
نفين : ايوة البيت اللي بابا اشتراه وقالنا قسط شوفت الوصولات بعيني هددني ان طلبت الطلاق حيسلمهم
عمر : ما تخافيش ان شاء الله خير انا معاكي
نفين ” طيب عايزة ازورهم واقعد عندهم يومين
عمر: يلا نروح سوا
ذهبوا الى هناك وجلسوا برفقة اهلهم ونفين قلقة جدا وعمر يطمئنها
نفين : بابا انا اتطلقت
ينتظرها على باب المركز والنا*ر تتطاير من عينيه كم يتمنى حر’ق هذا المركز لماذا فعلت ذلك
خرجت من المركز وكانت تمشي لإيقاف تاكسي لتتفاجئ بعلي امامها
علي: رحمة اركبي
رحمة بضيق: ابعد عني يا دكتور
علي: عايزك بموضوع مهم مش حاخد اكتر من ٥ دقايق
تنهدت بتعب وصعدت بجواره مشى قليلا ثم توقف على الشاطئ
علي: رحمة انتي مديونالي بتوضيح
نظرت له باستغراب ليكمل بألم ” سبتي الشغل معايا وقولتي بيلهيكي عن دروسك واشتغلتي هنا عند اقذ”ر واحد في العالم هو وأخوه وانتي بتقد.مي امتحانات ليه عايز اعرف مين ضايقك ايه اللي حصل
بدات كالعادة بالبكاء
علي بتعب : ليه العياط ليه انا ما بقولش كدة عشان تعيطي عشان خاطري قوليلي في ايه والله ايا كان السبب حصلحه واذا حد ضايقك اخنق.قه في ايه
رحمة بضيق : انا حرة مش عايزة اشتغل معاك
علي بعصبية : رحمة كفاية بقى اتكلمي ايه اللي غيرك فجأة
رحمة: مش عايزة اتكلم ومالكش دعوة بيا اقولك ايه تاني اكتر من كدة
علي : يبقى انا السبب طيب ايا كان اللي عملته فانا اسف والله اسف بس بلاش تشتغلي عند ده مش حيعتقك انا خايف عليكي
رحمة: وفر خوفك لخطيبتك وسيبني في حالي يا ابن الناس
علي بحدة: مش حتكملي شغل هنا فهمتي
رحمة: انت بتزعق بتاع ايه فاكر نفسك مين ابعد عني اشتغل في اي مكان انا حرة
علي : مش حتشتغلي هنا سمعتيني
رحمة: انا حرة حاشتغل وحاعرف اوقفه عند حدو
علي بزعيق : مش حتشتغلي
اقتربت منه كثيرا ونظرت له بتحدي وهمست : حاشتغل حتمنعني ازاي
هبطت من سيارته وتركته يكلم نفسه …
علي : انتي اللي اخترتي يا رحمة
ذهب علي الى الجــ ـامعة وقد قرر ان يعدل نتيجتها لراسب حتى يكس\ر عينيها … لم يكن يعلم ان غلطة كهذه ربما ستكلفه الكثير والكثير …
#
اسراء هاني شويخ