ماسة الرابح بقلم زهرة الربيع
ماسه استغربت جدا وقالت…لا..شكرا انا مش هقدر اخدو و
رابح قاطعها وقال..ماسه علشان خاطري خليه معاكي علشان ابقى مطمن ومرتاح
ماسه اخدتو منو بتردد ورابح قال ..وارجوكي كمان مره تاخدي بالك من نفسك ومتسمعيش كلام اي حد ..وخصوصا ابوكي
ماسه هزت راسها بايوه وهيه مستغرباه جدا ونزلت ودخلت بيتها وهيه كل شويه تبص عليه
رابح فضل باصص عليها لحد ما دخلت لاهلها واتنهد وقال..مع السلامه يا ماسه…ومشي
ماسه دخلت عند اهلها الي منبسطوش خالص برجوعها بس ابوها عمل نفسو مبسوط علشان يمكن تفيدو بحاجه تانيه
رابح رجع المزرعه وبقى قاعد حزين جدا وحاسس بوحده رغم انها اخدت معاه فتره قليله جدا لكن ملت عليه وحدتو وكانت مسلياه جدا
فضل يفكر فيها ومش قادر ينساها وافتكر لما حرق اديها ولما تعبت بسببو كان حزين جدا على الي عملو معاها وقلقان اوي لانها بقت عند الراجل الطماع الي باعها بكل سهوله..وخايف ليكرر عملتو
عند ماسه فضلت زي العاده طول اليوم تخدم في البيت رغم ان اديها محروقين وتعبت جدا لحد ما حضرتلهم العشا ورتبت البيت ودخلت تنام
والد نصير اتعشا و راح ينام زي ما بينام بالعاده في الشغل بتاعو ..لانهم قررو ميبينوش ان معاهم فلوس قدام الناس فجاه علشان محدش يسأل منين وقررو يبينوها واحده واحده
ماسه كانت نايمه على السرير وبتفتكر رابح ولما كانت في حضنو وابتسمت على كلامو الجميل
بس فجأه حست بباب اوضتها بيتفتح بصت ولقت نصير قدامها وقالت..فيه حاجه يا نصير..عايز حاجه
نصير قفل الباب وقال..ابدا يا ماستي الحلوه…ابوكي راح شغلو وجيت ادردش معاكي
ماسه قالت باستغراب… دلوقتي يا نصير ده الوقت اتاخر و انا كنت هنام
قرب منها وقال..طب نامي انتي . وانا هفضل جمبك لحد ما تنامي
نصير كان بيبصلها بنظرات حقيره غريبه وماسه استغربت جدا وحست بقلق قالت..لا معلش اطلع دلوقتي وخلينا نتكلم الصبح
بس نصير قرب اكتر وفال..ليه..ما احنا بنتكلم اهوه..وشدها عليه وقال..خليكي معايا مش هتندمي
ماسه بقت تحاول تزقو وتقول…. ابعد يا نصير بلاش جنان..ابعد يلا سبني هقول لبابا
نصير قال وهو لسه ماسكها…وافرض قولتيلو ..الي خلاه سابك اكتر من ٣ ايام للباشا…مش هيسيبك لابنو ليله..ولا علشان انا مش هدفع يعني
بقلم زهرة الربيع
ماسه اتصدمت بكلامو وخافت جدا وفهمت ان كلام رابح الي قالو في الاول حقيقي وانهم فعلا باعوها بقت تصرخ برعب وتقول…. ابعد عني يا حيو،ان سبني..سيني ابعد عنييييي
بس نصير ضربها قلم جامد وقال..انتي هتعملي شريفه عليا انا بروح امك ده انتي بقالك ٣ ايام مقضياها مع الباشا ولا علشان معاه فلوس.. ده احنا لميناكي من الشارع انتي بنت حرام اصلا لولانا كان زمان كلاب السكك بتنهش فيكي
