ملك كانت بنت بسيطه
كنان سكت شوية وبعدين حاول يلم الموضوع وغير نبرته من التهديد للمساومة وقال لها بصي يا ملك اهدي ونتكلم بالعقل، انا هعوضك عن كل اللي حصل، انا هديكي فلوس كتير اوي نص مليون جنيه وتسافري امك حنين احسن مستشفى في مصر وتتعالج على حسابي وهشتري لك شقة جديدة بدل الاوضة اللي انتي قاعدة فيها، بس تسكتي وتقطعي الورق ده وتكسري الفلاشة، ملك بصت له بقرف وقالت له انت فاكر كل حاجة بتتشري بالفلوس، انت فاكر عشان انت غني وانا فقيرة هتبيع ضميرها، انا مش هسكت وهروح النيابة دلوقتي.
كنان لما لقى الفلوس مش نافعة معاها وانها عنيدة راح قايل لها خلاص انا هتجوزك، الكل اتصدم من الكلمة، قال لها ايوة هتجوزك واخليكي مرات كنان بيه صاحبة الشركة دي كلها وكل الناس هتحترمك ومحدش هيقدر يقول عليكي كلمة تاني، وامك حنين هتعيش معززة مكرمة وانا هشيلها فوق راسي واعالجها برة مصر، وهنسافر شهر عسل في اوروبا وهعوضك عن كل الذل اللي شفتيه، بس تسامحيني ونبدأ صفحة جديدة، ريناد شهقت وقالت ايه الجنان ده، حمزه كان هيتجنن وعايز يضربه، اما ملك فكانت بتبص لكنان بكل كبرياء.
قالت له تتجوزني، انت فاكر الجواز لعبة ولا صفقة عشان تداري على وساختك، انت فاكر اني ممكن ابيع نفسي وكرامتي عشان الفلوس، لا يا كنان بيه لا يا مديري المتغطرس انا صحيح فقيرة وبشتغل سكرتيرة وبصرف على امي المريضة بس عندي كرامة وكرامتي دي اغلى من شركتك وفلوسك كلها، انا عمري ما هقبل اتجوز واحد ظلمني واهانني كل يوم، انت حتى معتذرتش بضمير انت بتعرض عليا الجواز كأنك بتشتري سكوتي.
كنان اتعصب وقال لها انتي بترفضي كنان، انتي عارفة بتكلمي مين، انا اي واحدة تتمنى نظرة مني، انتي واحدة فقيرة بترفضيني انا، قالت له يبقى روح دور على اي واحدة من اللي يتمنوك انما انا لا، انا عايزة حقي وكرامتي وبس، انا مش عايزة منك لا جواز ولا فلوس، انا عايزة براءتي تظهر قدام كل الناس اللي شافوني حرامية وانا مظلومة، وخرجت من المكتب وهي رافعة راسها وبتعيط من الفخر.
وفعلا ملك خدت الورق والفلاشة وراحت النيابة هي وكريم وحمزه وريناد وقدمت الدليل واتقبض على حسام مدير الحسابات واعترف انه هو اللي سرق الفلوس عشان ديون القمار وان كنان كان عارف وساكت عشان هو قريبه، كنان اتحول للتحقيق واتوقف عن ادارة الشركة فترة واتعمل له قض/ية اخفاء دليل وتستر على مجرم ودفع غرامة كبيرة، والشركة بقت تحت اشراف مجلس الادارة مؤقتا.
