غيره الاسد ١

الحيوان المجنون قصلي شعري يا خالتي! قصهولي، شوفي بقى الزاي، وبهدلني على السلم! إزاي يعمل معايا كده؟ بأي حق؟! خالتها قالت: — يا بنتي اهدي، اهدي بقى، كفاية عياط... هجبلك زيت حلو وهيطول تاني و... بس قاطعتها كيان بغضب وقالت: — بقولك قصلي شعري! ده اتجنن خالص! أموت نفسي علشان ترتاحي! هو دخله إيه بيا إذا كان خطيبي نفسه معندوش مانع؟! واحد مختل و... بس قطعت جملتها وانكمشت واستخبت ورا خالتها بخوف، لما دخل وخبط الباب بغضب شاب في سن الـ٢٨، ببدلة شرطة، طويل ووسيم، وله طلة قوية. قال بغضب: — هو مين ده اللي مختل يا بنت صبحي؟! زعلانة على شعرك؟ احمدي ربك إني مقصتش رقبتك وارتحت! قالت بخوف وهي ماسكة في خالتها: — تقص رقبتي ليه؟ هي حزمة كزبرة؟! أنا مش فاهمة إنت دخلك إيه بيا! سيبني في حالي يا أخي! اتنهد أسد ومسح على وشه بخنقة، وحاول يهدى وقال: — أنا مش شرطت عليكي ألف مرة شعرك يبقى تحت الطرحة؟ ونبهت عليكي إني لو شوفته براها هقصه، حصل ولا لأ؟ ضربت كيان رجلها على الأرض بغضب زي الأطفال وقالت: — وإنت دخلك إيه؟ دخلك إيه؟! أنا مخطوبة وخطيبي معندوش تعقيب على لبسي! متتدخلش بقى وسيبني في حالي! أسد بصلها بحدة وقال بغضب: — متعليش ### غيرة أسد 2 🖤 بحبك متتقالش كده، وقرب من شفايفها وقال: «بتتقال كده»، ولسه هيقرب منها، سمعوا صوت أسد بيقول: «هيه! من إمتى بقت تتقال كده؟ ده أنا فايتني كتير بقى!» نبيل بلع ريقه واستخبى ورا كيان اللي بقت تترعش، وقالت بخوف: «أسد... أسد، أوعى تفهم غلط، ده أنا...» بس قاطعها وقال بغضب وسخرية: «فاهم، فاهم... كان بيقولك بتتقال إزاي!» وشدها من إيدها بغضب شديد وقال بطريقة مخيفة: «أنا هطلع أوصلها فوق... أجي ألاقيك واقف مكانك، ده طبعًا لو مش عايزني أجيبك بمعرفتي زي ما جبتك المرة اللي فاتت». نبيل بلع ريقه بخوف وقال: «مش هتحرك والله، ما هتحرك يا باشا». أسد شدها من إيدها وطلع بيها بغضب على شقتهم، وأول ما دخل زقها على الكنبة وقال بغضب وزعيق: «مبتتقالش كده، ها؟ أنا هوريكي بتتقال إزاي، بس بعد ما أوريه هو... استنيني». طلعت والدته من الأوضة على زعيقه وقالت: «فيه إيه يا ابني؟ إيه اللي حصل؟» قال أسد بغضب: «إنتِ كنتِ فين يا ماما لما الهانم نزلت؟» شهقت والدته بذهول وقالت: «نزلتي ليه يا كيان يا بنتي؟ والله يا ابني دخلت أصلي وقلت أريح شوية». أسد بص لكيان وقال: «اصبري عليا، راجعلك». أسد نزل، وكيان بقت تبكي وقالت: «يا مصيبتي يا خالتي، هيعمل فيه حاجة!» خالتها قالت: «هو مين يا بنتي؟ مش تفهموني فيه إيه؟» عند أسد نزل وهو مش شايف قدامه من الغضب، وكان في إيده حبل غسيل. بص لنبيل اللي كان واقف مكانه ومرعوب، وابتسم ابتسامة مخيفة وقال: «يلا يا حبيبي... يلا علشان توريني الحب، وأوريك نار الغيرة!» وشده بقوة من قميصه، وكان نبيل بيترجاه، بس مفيش فايدة. أخده على سطح العمارة. كانت العمارة أكتر من ست طوابق، وكان أسد بيجري على السلم؛ لأنه ظابط ومتعود، وكمان لأنه كان بيغلي من جواه ومش حاسس بأي تعب. أما نبيل، يا عيني، فكان مرهق جدًا، وأسـد بيسنده بالعافية. أول ما وصلوا السطح، نبيل وقع وقال: «ميّه، هاتلي ميّه والنبي، هموت!» بس أسد مردش عليه، وساعده يقوم وربطه في أسياخ حديد طالعة من الطرف، وثبته كويس جدًا، وقال: «خليك هنا يا حبيبي... لحد ما تعرف الحب شكله إيه». نبيل قال برعب: «لا، لا والنبي، مش هينفع! الدنيا شمس قوي، والنبي أرجوك، مش هقرب لها تاني، والله والله!» أسد ابتسم بسخرية وقال: «إنت كده كده مش هتقربلها تاني... ده مش عقاب على اللي عملته، لأ، ده تنبيه ليك، علشان تعرف حجمك كويس». ولسه هينزل، نبيل قال بسرعة: «طب... طب هتفكني إمتى طيب؟» أسد قال وهو بينزل: «أول ما تتعلم الدرس كويس... مش كتير يعني، حسبة أسبوعين تلاتة! وجرب نار الغيرة وقولي». قال كده وسابه ونزل، وهو حاسس بجحيم في صدره. كل ما يفتكر إنها كانت قريبة من حد غيره، بيحس إنه هيفقد أعصابه. نزل ودخل شقتهم بغضب. كانت كيان بتفرك في إيديها بخوف. أول ما شافته وشافت نظرات الغضب في عينيه، بلعت ريقها بخوف وقالت: «أنا... أنا هفهمك اللي حصل...» لكن قاطعها لما شدها من إيدها وراح بيها على أوضتها وهو بيمشي بسرعة وغضب. والدته جريت وراه وهي بتقول: «استهدى بالله يا أسد، مش كده!» بس قال بغضب: «ماما، خليكي بعيد إنتِ، لو سمحتي». ودخل بيها أوضته وقفل الباب. أسد بص لها من فوق لتحت، وقال بسخرية: «ما شاء الله... لابسة لبس محترم تتباسي بيه، مش أي حاجة والسلام!» كيان قالت بخوف: «إنت... إنت عملت له إيه؟» أسد بصلها بدهشة وضحك من شدة الغضب وقال: «إنتِ خايفة عليه كمان؟» وقرب منها جدًا، وحط إيده على رقبتها بحدة وقال: «كنتوا هتقربوا من بعض؟ يعني أنا لو موصلتش، كان زمانه قرب منك، والله أعلم حصل إيه قبل كده!» كيان بقت تحاول تبعد إيده عنها، ودموعها نزلت، وقالت بصوت ضعيف: «بتوجعني... يا أسد». أسد سابها أول ما سمع صوتها، وهي وقعت على الأرض وفكت طرحتها وبقت تفرك رقبتها وهي بتكح. أسد نزل لمستواها وقال بغضب: «ردي عليا... حصل بينكم حاجة قبل كده؟ ردي!» كيان بقت تبكي وقالت: «لا... لا، حرام عليك بقى! معملناش حاجة قبل كده، والنهارده فاجأني، وكنت كده كده همنعه... حرام عليك بقى، إنت عايز مني إيه؟ إنت مالك بكل ده؟ إنت فاكرني لسه بنت خالتك؟» أسد بصلها بغضب شديد ومسكها من شعرها وقرب وشها منه، وقال بحدة: «لآخر مرة هقولك... إنتِ مش من حق أي حد يقرب منك أو يلمسك من غير رضاكي. واللي يفكر يأذيكي، مش هسيبه يفلت من حسابه. سامعة؟» كيان بصت له بغضب ودفعته وقالت بعصبية: «ليه بقى؟ بلطجة وخلاص؟ أنا حرة أعمل اللي أنا عايزاه! أقرب منه أو أبعد عنه، دي حياتي! وإنت بتجيب بنات المخزن، وفاكر إن محدش يعرف، ومش مهتم إن ليهم أهل ممكن يقلقوا عليهم، وجاي تعمل عليا أنا راجل؟» أسد اتسعت عينيه بغضب شديد، ومد إيده وضربها على خدها، فكيان حطت إيدها على خدها بذهول وصدمة؛ لأنها أول مرة تتعرض للموقف ده منه، وبقت تبكي بشدة. أسد ندم على تسرعه، وغمض عينيه وهو بيلوم نفسه، وقعد جنبها وقال: «احم... أنا... أنا مقصدتش، إنتِ نرفزتيني و...» كيان قالت بانفعال وبكا: «نرفزتك؟ نرفزتك تقوم تضربني؟ اسمع بقى، أنا ساكتة على تصرفاتك دي، وعمال تتحكم فيا: البسي ده ومتلبسيش ده! واتحجبت وأنا لسه صغيرة، ولبستني إسدالات وعبايات والدتك مش بتلبسهم، وقلت ماشي... معلش يا كيان، ابن خالتي متربي معاكي وزي أخوكي الكبير. لكن توصل تتحكم في حياتي؟!» لكن قطعت كلامها لما قال بذهول: «استني، استني! إنتِ قولتي إيه؟ ابن خالتك وزي إيه؟ أخوكي؟! أنا زي أخوكي؟ إنتِ شايفاني كده يا كيان؟» بصت له باستغراب وقالت: «أيوه طبعًا، شيفاك كده... هشوفك إزاي يعني؟» أسد حس بوجع في قلبه، وبص لعيونها جامد وقال: «تشوفيني زي ما بتشوفيه مثلًا؟» اتسعت عينيها على آخرهم من جملته اللي خلتها مش قادرة تنطق، وأسـد كمل وقال: «تقربي مني زيه؟» وحط إيده على شفتها المجروحة ومرر صباعه عليها، وقال: «أنا أولى بقربك مني... أولى من أي حد يا كيان». كيان مكنتش عارفة ترد من الصدمة، وأسـد قرب منها أكتر وقال: «إنتِ غالية عندي يا كيان... ومش قادر أستحمل فكرة إن حد تاني ياخد مكان في حياتك». وقرب منها واندفع في تصرفه من غير ما يفكر في رفضها أو صدمتها، وهي كانت مصدومة، بقت تزقه وتحاول تبعده عنها، لكنها مقدرتش بسهولة. بعد عنها لما لاحظ خوفها، وهي اتحركت لآخر الأوضة، وفضلت بتبص له بذهول شديد. عمرها ما فكرت فيه بالطريقة دي أبدًا، ولا كان في خيالها إنه بيفكر فيها كده. أسد، رغم إنه عارف إنه اتسرع ومكانش ينفع يتصرف بالطريقة دي، لكنه كان حاسس بمشاعر متلخبطة، ومش قادر يفهم نفسه. كيان كانت بتبص له كأنها شافت كائن غريب؛ عينيها مش بترمش من كتر الصدمة. أسد قرب منها وقال: «كيان... احم... أنا... أنا معرفش عملت كده إزاي، يمكن اتسرعت». كيان قالت بصدمة: «اطلع يا أسد... اطلع دلوقتي، سبني لوحدي!» أسد اتنهد وقال: «احم... حاضر، عن إذنك». سابها وخرج، وهي فضلت تبص لطيفه بصدمة شديدة. بالليل والدته حضرت العشا، وأسـد طلع يتعشى، بس ملقاش كيان. قال: «احم... هي... هي كيان فين؟» أمه اتنهدت وقالت: «من وقت ما كلمتها مطلعتش من أوضتها، ومش راضية تفتحلي حتى، وقالت مش هتتعشى. ليه تزعلها للدرجة دي يا ابني؟ البنت يتيمة وملهاش غيرنا». أسد اتنهد وقال: «أنا هروح أنادي لها». أسد راح وخبط على أوضة كيان، بس هي قالت ببكا: «قولتلك مش عايزة أفتح يا خالتي!» بس أسد قال: «افتحي يا كيان، ده أنا». كيان قعدت بارتباك وقالت بصوت مهزوز: «لا، مش هفتح، وامشي... أنا مش عايزة أتكلم دلوقتي». أسد ابتسم بسخرية ومشي من قدام الأوضة. كيان استغربت إنه مشي على طول كده، وقربت وحطت ودنها على الباب، بس برضه مفيش صوت. فتحت الباب شوية صغيرين بحذر، بس اتفاجأت بيه في وشها، ودخل وقفل الباب... ووووو... بارت تاني للغاليين اللي طلبوا، مش هينفع أرفضلكم طلب. يلا تفاعل حلو، القصة ممتعة وخفيفة وهتعجبكم جدًا. متنسوش التفاعل الحلو وكومنتاتكم اللي بستناها يا حبايبي ❤️🥰