عطر يونس اسراء ابراهيم
يونس اباااي ماهو اللي بتجوليه ده مينفعش انتي خابرة اني لا يمكن اتچوز بعد خديچة مرتي الله يرحمها
حسنية خابرة زين يا يونس يا ولدي بس انا مش محتاچة منك اكتر من ان البنتة تتكتب علي اسمك عشان حديت الناس وكمان محدش يجدر ياخدها مني واوعدك مش هنجرب منيك ابدا هيا هتفضل جاعدة ويايا
يونس بتفكير طيب يا خالة حسنية اني موافج بس ياريت تعرفيها ان ده چواز صوري اكده عشان بس محدش يأذيها غير اكده متلاجيش
حسنية بتردد لا ماهو بصراحه يا ولدي في حاچة اكدة لازمن اجولك عليها عشان تبجي خابر
يونس باستغراب حاچة ايه دي عاد
حسنية بقلة حيلة عطر عندها عجدة نفسية من يوم حاډثة امها اكمنها كانت معاها في العربية ومن يومها وهيا عندها فوبيا وپتخاف من اي حد غريب يعني بتصوت وبتچيلها الحالة لما حد بيجرب منها او يلمسها بتفضل يا حبة عيني تتنفض بس هيا فاهمة وواعية كل حاچة بس برضه انا كنت مجفلة عليها ومكنتش بتشوف حد واصل غيري
يونس بشفقة طيب يا خالة خلاص روحي انتي عرفيها وحضرو نفسكم عشان كتب الكتاب هيبجي الخميس الچاي
حسنية بفرحة بجد الله يباركلك يا ولدي ويسترها عليك وسابته وخرجت وهو خرج وراها وفي نفس الوقت كانت نازلة عبير مرات اخوه الصغير وبنت عمه من عالسلالم وشافت حسنية وهيا خارجة مبسوطة وبتدعيله
عبير خير يا واد عمي مالها حسنية اكده خارچة من مكتبك وهيا فرحانة وبتدعيلك ايه اديتها فلوس تاني ولا ايه
يونس بحدة عبير الزمي حدودك وجولتلك اسمها خالة حسنية ومتنسيش انها غالية عندي يبجي تحدتيها زين
عبير بغيظ ماشي يا يونس اللي تشوفه
يونس ببرود لما عاصم يرچع ابجي خليه يچيلي وااه اعملي حسابك كتب كتابي الخميس الچاي
عبير پصدمة وه انت بتجول ايه يا يونس انت بتتحدت بحج وحجيجي هتتچوز ومين دي وامتي عرفتها ما انت عامل اضراب عالچواز من يوم مۏت مرتك الله يرحمها
يونس اتجاهل كلامها وسابها ودخل مكتبه تاني وعبير اتغاظت اكتر
عبير بجي اكده مش رايد تجولي ماشي يا واد عمي انا هعرف لحالي مين دي اللي ۏجعتك وخليتك فكرت تتچوز
………….. استغفر الله العظيم
كانت عطر قاعدة في الشباك بتتفرج بعينها عاللي رايح واللي جاي لحد ما لمحت ستها حسنية جاية من بعيد ابتسمت بهدوء ودخلت تستناها
عطر حمدالله عالسلامة يا تيتة
حسنية بفرحة الله يسلمك يا چلب ستك عندي ليكي خبر وين جوي
