خطه فريده منال علي
شهد ردت بتسرع:
“بالظبط.. هي دي!”
نهى ابتسمت ابتسامة صفرا:
“بس الفيلا دي عمرها ما كانت ملك لشركة مجموعة ليرة للاستشارات أصلاً.”
السكوت نزل على الجنينة زي الصخر..
وفريدة خدت أول نفس طويل ومرتاح من وقت ما دخلت.
وقالت بصوت قوي:
“الفيلا دي ملك (الوقف العائلي لجدتي).. وقف مقفول ومحمي، شريف ميعرفش يهوب ناحيته ولا يلمسه حتى لو زور ميت إمضاء.”
شهد لفت وشها بسرعة وبصت لشريف بصدمة:
“إنت مش قلتلي إنك راجعت وراها وكل حاجة تمام؟!”بقلم منــال عــلي
شريف جز على سنانه ووشه احمر وعروقه ظهرت:
“اخرسي خالص!”
المقدم أحمد ربيع سحب الفايل من على الترابيزة وقال:
“وزيادة علم.. تحويل الـ 8 مليون جنيه وقفناه النهاردة الصبح من البنك المركزي بعد بلاغ برفض المعاملة. المدام فريدة مكلمتش البنك.. دي كلمت عيوننا إحنا.”
والدة شريف ركبها بدأت تخبط في بعضها ومنظرها بقى يصعب على الكافر، وبصت لفريدة بنبرة مسكنة:
“فريدة يا بنتي.. إنتي عارفة إن شريف بيحبك، هو بس الشيطان شاطر واتلخبط.. الحرباية دي هي اللي وزته ولعبت في دماغه!”
شهد طلعت منها ضحكة عالية وكله غل:
“أنا؟! ده إنتي اللي كنتي بتقولي فريدة خيبانة ودميتها خفيفة ومش هتعرف تدافع عن نفسها!”
المعازيم بدأوا يلموا حاجتهم ويقوموا من على الترابيزات بسرعة. شريك والد شريف شد الفوطة من على قميصه وانسحب. خالة شريف بدأت توشوش اللي جنبها إنها مش عاوزة اسمها ييجي في أي محاضر أو فيديوهات. وشيف البوفيه بدأ يسحب الصواني الفاخرة ويدخلها المطبخ جوة بالراحة من غير ما حد يحس.
شريف قرب من فريدة ومسكها من دراعها بعنف:
“كفاية فضايح لحد كده!.. مشيهم من هنا فوراً.”
في ثانية كان أمين الشرطة ماسكه من قفاه ومبعده عنها:
“إيدك لتتمد عليها.. ارجع ورا!”بقلم منــال عــلي
شهد استغلت الحركة والربكة دي، ولمت فستانها الأبيض الستان وبدأت تتسحب في ممر الجنينة ناحية البوابة عشان تهرّب نفسها.
فريدة رفعت تليفونها في الهوا وصوتها جاب آخر الجنينة:
“على فين يا شهد؟.. متستعجليش، متمشيش دلوقتي.”
شهد اتسمرت في مكانها وولفت وبصت وراها.
فريدة ضغطت على شاشة التليفون، والدي جي وأجهزة الصوت الكبيرة بتاعت الجنينة اشتغلت بصوت “تكة” عالي هز المكان كله..
وقالت بكل برود وشماتة:بقلم منــال عــلي
“لسه مسمعناش.. كوشة العروسين هتقول إيه.”
