غيره الاسد ٢

غيرة الأسد 3 🖤🔥 — مش هفتح، وامشي، أنا مش عايزة أتكلم دلوقتي! أسد ابتسم بسخرية ومشي من قدام الأوضة. كيان استغربت إنه مشي على طول كده، فقربت وحطت ودنها على الباب، بس برضه مفيش صوت. فتحت الباب حتة صغيرة بحذر، لكنها اتفاجئت بيه واقف قدامها، دخل وقفل الباب وراه. لسه هترجع لورا، قرب منها وقال بهمس: — مطلعتيش ليه؟ هتهربي لحد إمتى؟ كان قريب منها، فبلعت ريقها بارتباك وقالت: — أنا... أنا مش بهرب... ههرب ليه؟ أنا بس مش جعانة. أسد بص لعيونها، وحاول يسيطر على مشاعره، وبعد عنها خطوة وقال: — احم... مينفعش تباتي من غير عشا. يلا تعالي اتعشي. لسه هيمشي، قالت بغضب: — لا، مش جاية! دي كمان هتتحكم فيها؟ أنا حرة ومش عايزة أكل! أسد ضم إيديه بغضب وبصلها وقال: — أيوه، هتتحكمي فيا وهتطلعي تتعشي... لا، قصدي هتطلعي تتعشي، ومتتعصبنيش يا كيان... أنا مش حابب أقسى عليكي. كيان قالت بدموع: — إنت لسه هتقسى عليا؟ فيه قسوة أكتر من كده يا أسد؟ أسد اتأثر جدًا لما قالت كده، قرب منها وباس جبينها وقال: — أنا مش بعرف أعتذر... بس إني أحاول أعدّي اللي حصل، ده المفروض تعتبرينه اعتذار. بقلم زهرة الربيع كيان بصتله بدموع وقالت: — أنا معملتش حاجة أذيك بيها للدرجة دي يا أسد. أسد افتكر اللي حصل بينها وبين نبيل، وحاول يهدى وقال: — احم... كل واحد أدرى باللي بيوجعه يا كيان. وطلع بسرعة، وكيان راحت وراه، وقعدوا يتعشوا في صمت. كيان كانت حاطة عينيها على الطبق ومش بتبصله، وأسَد كان قاعد قصادها وكل شوية يبصلها، لكنها مكنتش بتبصله أبدًا. ابتسم بخبث، ومد رجله ناحية رجلها تحت الترابيزة. كيان حسّت بالحركة واتصدمت، وشرقت وبقت تكح. والدة أسد مكنتش فاهمة حاجة، فقالت بقلق: — مالك يا حبيبتي؟ اسم الله عليكي! استني هجبلك ميه. وبقت تصب لها ميه. كيان بصت لأسد بذهول، وعيونها مفتوحة على آخرها. أسد بص لها بطرف عينه وغمز، وكمل أكل ولا كأن فيه حاجة، بالعافية كان ماسك نفسه من الضحك على منظرها. كيان استغربت جدًا تصرفاته، ومبقتش فاهماه. وهي وسط أفكارها، الباب خبط. أمه لسه هتتحرك، أسد قال: — كمّلي عشاكي إنتي يا ماما، أنا هفتح. راح فتح الباب، وكان واقف راجل كبير في السن. أول ما أسد شافه، اتنهد وقال: — اتفضل يا عم طلبة. طلبة ابتسم وقال: — يزيد فضلك يا ابني، أنا مستعجل، أنا بس جاي علشان... قبل ما يكمل، أسد قال: — عارف يا عم طلبة، ابنك فوق... روح خده. ولازم تعرف إن محدش استحمل تصرفاته غيرك، ولولا خاطرك عندي، كان زمان الموضوع كبر من زمان. طلبة اتنهد وقال: — عارف يا ابني، وكتر خيرك... بس أنا شايف بدل كل يومين مشاكل، خلينا نجوزهم ونخلص. أسد بصله بحدة وغضب، ولولا إن الراجل ده غالي عنده زي أهله، كان فقد أعصابه. قال بغضب مكبوت: — ابنك فوق السطح، خده وروّح، وفهمه إن المرة الجاية مش هعدّيها بالساهل. طلبة مشي بيأس، لأن دي مش أول مرة تحصل مشكلة بالشكل ده. وأسد فضل واقف عند الباب لحد ما نزل هو ونبيل، اللي كان خايف ومش قادر يرفع عينه من الأرض. أسد بصله بسخرية وقال: — اجمد يا حبيب، مش كده! ده الحب نار يا حبيبي نار... وإنت لسه بدري عليك الحكايات دي. بس يا رب تكون عرفت إن كلمة «بحبك» ليها مسؤولية، مش مجرد كلام بيتقال. نبيل استخبى ورا أبوه بخوف، وأبوه اتنهد وأخده ومشي. أسد نادى عليه بصوت عالي: — وخليه يرتاح شوية يا عم طلبة، يمكن يتعلم من اللي حصل! وبعدها دخل أسد بغضب، وقعد على السفرة وهو مش قادر يهدى. والدته قالت: — أنا تعبانة يا ابني، هدخل أنام. عايزين حاجة؟ قال: — لا، روحي إنتي يا أمي، متقلقيش، أنا هلم السفرة مع كيان. كيان ارتبكت جدًا، وأول ما والدته دخلت، لمّت طبقين وجريت على المطبخ. مكنتش عايزة تتكلم معاه، ولا قادرة تبصله بعد اللي حصل بينهم، وكمان لأنه كان متعصب من كلام والد نبيل. لكن أسد دخل وراها ووقف قدامها وقال بغضب: — قال عايز يتجوزك! بقلم زهرة الربيع كيان فضلت تعمل نفسها مشغولة وقالت بخوف: — هو... هو مين؟ أسد قرب منها وقال بحدة: — حبيب القلب... اللي كنتي واقفة معاه تحت السلم... عايز يتجوزك! شكله مش مكفيه اللي حصل قبل كده. كيان بصتله بذهول من كلامه وقالت بغضب: — احترم نفسك يا أسد! بطل تتكلم معايا بالأسلوب ده! لكن أسد قرب منها، والغيرة كانت واضحة في عينيه، وقال: — إنتي موافقة عليه؟ كيان رجعت لورا وقالت بخوف: — أيوه... أيوه، وهتجوزه! أسد وقف قدامها وقال بغضب: — ده مش هيحصل بسهولة... طول ما أنا عايش، مش هقدر أتقبل إنك تبقي مع حد غيري. كيان كانت مصدومة من كلامه، فبعدت عنه وقالت: — إنت فيك إيه النهارده؟ إنت عمرك ما كنت كده معايا... كنت بالنسبالي زي أخويا! أسد قاطعها بغضب: — أنا مش أخوكي، وعمري ما فكرت فيكي كأخت... أنا طول عمري شايفك مختلفة عن أي حد يا كيان. كيان بصتله بدهشة، وهو كمل: — إيه؟ اتصدمتي؟ أمال لو قولتلك إني من زمان وأنا بفكر في اليوم اللي هتبقي فيه مراتي، وإننا نقدر نعيش سوا بالحلال؟ كيان وشها احمر من الإحراج، وأسَد اتنهد وقال: — كل الحكاية إني كنت مستنيكي تخلصي دراستك، علشان متشتتيش نفسك، وكنت بقول لسه صغيرة، نستنى شوية... لكن إني أستنى كل السنين دي، وفي الآخر ألاقيكي بتفكري في حد غيري؟ ده شيء مش قادر أستوعبه! أنا بحبك يا كيان. كيان كانت مصدومة من كلامه وقالت بخوف: — لا... لا، إنت اتجننت خالص! أسد قرب منها، لكنه وقف لما شاف خوفها واضح في عينيها، وقال بصوت مليان وجع: — أنا فعلًا تعبت من كتر ما بخبي اللي جوايا... من ساعة ما شوفتك معاه وأنا مش قادر أهدى. فكرة إنك تبقي مع حد غيري بتوجعني، بس ده مش معناه إني من حقي أفرض عليكي مشاعري. كيان بصتله بصدمة، ومكنتش عارفة ترد. أسد كمل وهو بيحاول يسيطر على انفعاله: — أنا بحبك يا كيان... بعشقك، ونفسي تختاريني بإرادتك، مش خوفًا مني ولا بسبب ضغط عليكي. كيان هزت راسها بالرفض، والدموع اتجمعت في عينيها وقالت: — أسد، إنت مش فاهمني... أرجوك، ابعد شوية، أنا مش قادرة أستوعب كل الكلام ده! أسد سكت، ورجع خطوة لورا، لكنه كان لسه باصصلها بعينين مليانين غيرة ووجع. وقال بصوت واطي: — أنا مش هقدر أنكر اللي جوايا أكتر من كده... بس مش هخليكي تخافي مني يا كيان. كيان كانت بتحاول تهدى، وفجأة سمعوا صوت شهقة قوية من عند باب المطبخ. لفّوا بسرعة، ولقوا والدته واقفة مكانها، حاطة إيدها على صدرها، وعينيها بتتنقل بينهم بصدمة. وقالت بصوت مرتعش: — يا مصيبتي... إنتوا بتعملوا إيه؟! أسد اتجمد مكانه، وكيان بصت لأمه بإحراج وخوف، ومحدش فيهم عرف يقول كلمة. لكن اللي حصل بعد كده... كان كفيل يقلب حياتهم كلهم! ووووووو... يتبع! يا غوالي، متنسوش اللايك والشير، ووصلوا الفصل لألف تعليق علشان أنزل الفصل الرابع ❤️🔥