عمره هو التمن امل حماد
-انا بقي هقتـ,ـلك قبل ماتفكري انك تاخدي أبويا …
استيقظت ساره من نومها مفزوعه علي اثر ذلك الكابــ,,ـــــوس المزعج …بعد ان صرخت دلفت والدتها الي الغرفة واضاءت الأنوار …قائله :
-بسم الله الرحمن الرحيم …مالك ياسارة …
ارتمت سارة في أحضانها وهي تبكي دون ان تتفوه باي شئ …كأنها تشعر بالاختناق …
ملست والدتها علي شعرها وقرأت لها ورد من القرأن …
الي ان بدأت تهدأ …..لتعاود والدتها السؤال قائله :
-انتي كنتي بتحلمي ؟
نظرت لها سارة قائلة :
-معتقدش ان هيكون حلم ياماما ….
رقيه :
-طب نامي ياحبيبتي ….وانا هنام جنبك …ماتخافيش …
ضمتها رقيه الي أحضانها ….الي ان تاكدت بانها ذهبت في النوم ..فذهبت هي الاخري في النوم ..
……اذكروا الله……
دلف عاصم الي غرفته في حين كانت الساعه تدق الثانية صباحا …ليجد زوجته نائمه …فجاء ليقبل رأسها …فاستيقظت علي اثر قبلته …قائلة ببرود :
-حمدالله علي السلامه …
عاصم :
-انتي لسه صاحية ؟؟
نعمه :
-ايوه …كنت فين لحد الوقتي ….
عاصم :
-كنت زهقان وبتمشي شوية …
دخل الشك في قلبها …الي ان صمتت قليلا تحاول ان تصدقه ….
شعر عاصم بانه يريدها …فخلع ملابسه مقتربا منها يملس علي شعرها ويعانقها من الخلف …فقام بوضع قبله علي عنقها …
ازالت نعمه يديه قائله :
-ابعد عني …
عاصم وهو يعانقها اكثر ويعاندها :
-مش قادر….انتي وحشاني …بقالي كده مقربلتكيش ….
ازالت يده بالقوه قائلة :
-تعرف تسبني في حالي ….انا قرفانه من نفسي …ومش طايقاك ولا طايقة نفسي …
كادت ان تهم من مجلسها ولكن امسك يديها قائلا :
-انا عايز افهم في اي ….متغيرة ليه ….بقولك محتاجلك ….انا جوزك …
رمقته بنظرات سخرية قائلة :
-معلش ربنا ياخدني عشان ترتاح مني خالص …
لتتجه نحو الخارج …ولكن اردف عاصم سريعا قائلا :
-استني خليكي انتي ….انا اللي همشي ….
ارتدي ملابسه دافعا الباب ورائه بقوه …متجها الي غرفة ابنته …ليجدها مازالت مستيقظة ..
عاصم :
-سما …انتي لسه صاحية ياحبيبتي ؟
سما :
-مش جايلي نوم …ولا هيجيلي …
قبل عاصم رأسها قائلا :
-حبيبتي انا خايف عليكي ….عشان كده مش عاوزك تطلعي الرحله دي …وكلها شهرين وتخلصي امتحانات …وقتها هنسافر اي حته انتي عاوزاها ….
سما :
-ماشي …بعد إذنك عشان عاوزه انام …
غضب عاصم من حديثها معه بهذا الشكل قائلا :
-الظاهر ان دلعتك زيادة …لكن اقسم بالله لو ماتظبطيش لهوريكي الأدب صح ..انتي فاهمه ….مش عامله زي صاحبتك اللي ظروفها علي ادها وشوفي عاقله ازاي …
