عمره هو التمن امل حماد
نهض من مكانه متوجها للخارج …الي ان دلف الي غرفة اخري لكي ينام بها ….
……اذكروا الله …..
مع صباح يوم جديد ….
تستيقظ سارة من نومها …وترتدي ملابسها للذهاب الي مدرستها …فخرجت من الغرفه تريد الذهاب دون ان تتناول فطورها …فأوقفها والدها قائلا :
-سارة …راحه فين يابنتي ؟
سارة :
-راحة المدرسة …
الاب :
-تعالي افطري الاول …
سارة :
-ماليش نفس يابابا ….هبقي اكل ساندوتشات لما اجوع …عن اذنكم …
توجهت سارة للذهاب ….ولكنها اخرجت الكارت من حقيبتها ونظرت لعنوان الشركة …تريد الذهاب لكي تراه باي حجه …
ركبت سيرفيس ذاهبة الي الشركة …وهناك وقفت تنظر الي الشركة من الخارج لتجد اسمه عليها ….جاءت لتدلف ولكن استوقفها الأمن قائلا :
-حضرتك رايحه فين ؟
ساره :
-عايزه أقابل الأستاذ عاصم …
الأمن :
-لسه موصلش يافندم ….ولو في معاد سابق تقدري تقابليه …غير كده ممنوع …
أومأت سارة رأسها بالإيجاب …وقررت ان تلحق المدرسة …
حينما وصلت قابلت سما ….ففزعت عندما رأتها …
لتتجه سما نحوها وتأخذها في أحضانها ..
سما :
-اي يابنتي …انتي فين بقالك يومين ؟
سارة :
-معلش كنت تعبانه شويه ….
سما :
-الف سلامه عليكي …طب تعالي نطلع الفصل واحكيلي ….
….صلوا علي النبي ….
ذهب عاصم الي شركته …وبدأ عمله بكل جدية ….
ليقتحم غرفة مكتبه صالح ….دون أستاذان …
السكرتيرة :
-انا اسفه يافندم …انا حاولت
امرها عاصم بالخروج لكي يبقوا بمفردهم …
عاصم دون اهتمام وهو يتابع عمله :
-مكنتش اعرف انك هتيجي مخصوص هنا …
وضع صالح يده بقوه علي المكتب قائلا :
-عاصم …ماتحاولش تجرب نــ,,ـــــاري …الأرض اللي انت اخذتها بالعافية دي هترجعلي وغصب عنك …
عاصم وهو واضعا ساق فوق الاخر :
-طب ماتاخدها وريني كده هتاخدها ازاي …
جز صالح علي اسنانه قائلا :
_هديك ١٠مليون وتتنازل عنها …
عاصم بحده :
-انسي ياصالح …مش عاصم اللي ممكن يتنازل عن حاجه عايزها ….
صالح بتهديد:
-يبقي انت اللي ابتديت ….قابل بقي …
عاصم ببرود :
-مع الف سلامه ….وابقي سلملي علي المدام ….
خرج عاصم والدماء تغلي في عروقه …قاسما بان ينتقم لحقه …
نظر عاصم في ساعته ووجدها تدق الواحدة الا ربع …فنهض وارتدي جاكت بدلته …قاصدا التوجه الي مدرسة ابنته ….
ركب سيارته ووصل هناك ….وانتظر خروجها …ليجدها تخرج مع صديقتها سارة …
نظرت سما قائلة :
