الطريق الزراعى ١
وبص للظابط بثبات: “حضرتك، في حل قانوني ينقذها؟”
والظابط كان بيبص لحسام المحامي، وحسام كان بيفكر بقلق :”
حكايات الكاتبة ملك إبراهيم.
**الفصل الثالث:
الأستاذ حسام، محامي الشركة، كان راجل هادي في الخمسينات، أفكاره ذكية ودايمًا بيفكر قبل ما يتكلم. سكت شوية وهو بيقلب في أوراق قدامه، وبعدين رفع راسه وبص ليوسف بجدية :”
قال: “يا أستاذ يوسف، فيه حل واحد بس قانونيًا… بس مش سهل”
قال يوسف بلهفة: “قول يا أستاذ حسام”
قال المحامي: “لو الآنسة ليالي اتجوزت، الوصاية بتسقط عنها. الوصاية بتنتهي بالزواج الشرعي، وبعدها عمها مالوش أي سلطة عليها، ولا هو ولا ابنه”
المكتب كله سكت سكوت تقيل. ليالي رفعت عينيها المبلولة ببطء وبصت للمحامي، وبعدين لأرض المكتب. حست إن وشها بيسخن غصب عنها من الكسوف والخجل :”
قالت بصوت واطي مرتعش: “بس أنا… أنا معرفش حد أتجوزه”
يوسف كان واقف مكانه ومش قادر يتحرك. الكلمة وقعت عليه تقيلة بس قلبه دق بسرعة غريبة. بص لليالي اللي قاعدة مكسورة وغلبانة، وبعدين بص للظابط اللي كان بيتابع الحوار بصمت، وبعدين لعلوان اللي ظاهر من ورا الزجاج وهو بيبصله بكل كره الدنيا :”
وفي اللحظة دي، قلبه قرر قبل عقله بكتير :”
قال بصوت واضح وحاسم ومليان حنية: “أنا”
ليالي رفعت راسها بسرعة، كأنها مش متأكدة إنها سمعت صح، وقلبها دق جامد: “إيه؟”
قال بنظرة ثابتة وحنونة: “أنا هتجوزك يا ليالي. على الورق، عشان نحميكي. لحد ما الخطر يعدي”
قالت بذهول ودهشة ممزوجة بخجل: “بس إنت… ما تعرفنيش! دا إنت لسه شايفني من تلات شهور بس!”
قال بابتسامة دافية تريح القلب: “وإنتي شغالة عندي تلات شهور، وأنا عارف إنك أشرف وأذكى واحدة في الشركة كلها”
الظابط ابتسم ابتسامة صغيرة وقال: “أنا هتعاون معاكم في الإجراءات لحد الآخر. بس لازم يكون بإرادتكم الاتنين”
ليالي بصت ليوسف، وكان في عينيه حاجة غريبة، مش شفقة ولا مجاملة، كان فيها صدق هادي وأمان خلاها تحس إنها أخيرًا لقت ضهر تتسند عليه. شدت نفسها، وهزت راسها وقالت : “موافقة. وأنا مش عارفة أشكرك إزاي”
بعد ساعتين، كان المأذون قاعد في مكتب الظابط وبيكتب في الدفتر بقلمه الأزرق. ليالي إيديها بتترعش من التوتر والخوف، ويوسف قاعد جنبها بجاكيت بدلته وقلبه بيدق بهدوء غريب :”
