حارة الدخاخني اسماء المصرى

اديني وقتي أغير هدومي لوحدي وأحاول اتقبل اللي هيحصل.
تجهم وجهه من تعليقها
وافقته دون الدخول معه بمناظرة كلامية قد تنتهي بخسارتها
مظبوط، بس أنا أصغر من اني احس ده وأكون عوزاه ومتقبلاه، معلش يا رشوان سيبني اغير هدومي على ما تجهز لنا الأكل عشان جعانه أوي، ومتخافش اللي أنت عايزه هيحصل انهاردة بس واحده واحده عليا.
تعجب من حديثها فسألها
كل الأكل والدبح ده ومأكلتيش حاجه؟
نفت تؤكد
لو مش مصدقني كلم ورد اللي معايا من الصبح، مفضتش خالص للأكل.
هز رأسه واقترب منها يداعب أسفل ذقنها
انا مش مجهز عشا عشان كنت مفكر هتاكلي هناك، تحبي تاكلي ايه وأنا هطلب دليڤيري.
هزت كتفها الشبه عار
أي حاجه على ذوقك.
غمز لها يسألها
ايه رأيك في سمك وجمبري عشان ننور فسفور؟
وافقته بهدوء
بس هجيبلك من قدوره بقى، أكله يضرب أكل حسن بالجزمة.
لم تعقب عليه فخرج وترك لها المساحة لتغيير ملابسها فارتمت على فراشها تبكي وتتمتم
يارب.
نزلت بعد لحظات فوجدته يتصفح هاتفه فتركه على الفور ونظر مبتسما لجمال ما ترتديه من لباس رقيق وجذاب ومئزر طويل ومفتوح يظهر ما ترتديه أسفله فابتلع ريقه وهمس
براحه عليا.
ابتسمت وجلست بجواره تسأله
الأكل هيتأخر؟
نفى بسرعة
ﻷ الناس هناك عارفيني وهيجيبوه بسرعة، المهم بس عايز أطلب منك طلب لحد الأكل ما ييجي.
وافقته بهزة بسيطة من رأسها فتابع
ارقصيلي زي ما رقتصتي في فرح حسن.
عضت على شفتها السفلى بتلقائية تشعر بالحرج والخۏف بآن واحد
يلا.
وقفت تخلع مئزرها ولفته على وسطها تعقدة كحزام الرقص فضغط على هاتفه لتصدح أغنية راقصة لهيفاء وهبي فاكرني هاعتبك وبدأت هي بالرقص عليها
ارتبكت وتحركت معه بتثاقل ولكن رنين الباب ما أنقذها فزفر بضيق وعاد لفتح الباب وتناول الطعام من عامل التوصيل وعاد أدراجه ليضعه على المائدة
يلا طيب ناكلو بسرعه عشان أنا على آخرى.
اقتربت منه ورمقته بنظرة مبتسمة
في العجلة الندامة، كل حاجه في وقتها حلوة.
سحبت الأطعمة وتحركت صوب المطبخ
هرص الأكل في أطباق، جهز أنت بس السفرة.
لم يتوان بفعل ما تريده فجهز المائدة ورصت هي الأطعمة بأطباق ووضعتها وبدأ يتناول الطعام بنهم وكأنه لم يتناول طعامه لعدة أيام
ايوة بقى اديني طاجن البطارخ ده.
ناولته إياه فدس ملعقته به وحاول إطعامها ولكنها رفضت
ﻷ مش بحبه.
ابتسم بسمة واسعة
ده الطبق ده بيعمل شغل عالي أوي جربي بس.
ربتت على كفه
ألف هنا عليك.
انتهيا من الطعام ووقفت تغسل الأطباق فوقف خلفها فهمست بتلعثم
طيب مش هنشربو شاي.
أدارها وحملها صاعدا بها ﻷعلى وهو يهتف بلهفة
مش وقته.