حارة الدخاخني اسماء المصرى

المرة لم يقم بحجز المطعم كاملا كما اعتادت منه فقادها فضولها لسؤاله
غريبه يعني مش حاجز المطعم كله.
ضحك عاليا وأجابها
ده شغل الخطوبه يا روحي، بما انك بقيتي مراتي فخلاص بقى.
قوست حاجبيها لتتشكل كرقم ثمانية فضحك على شكلها وتحدثت برفض
يعني ده كان رسم بس وقت الخطوبه وبعد كده خلاص! أنت هتخوفني منك ليه، أومال هتتغير بعد الډخله لايه؟
استند بمرفقيه على المائدة ورد بوقار وجدية
مش هتغير بس طريقتنا مع بعض هي اللي هتتغير، هنبقى زوج وزوجة، ليكي حقوق وعليكي التزامات، وأنا راجل فاتح 4 بيوت وكل بيت منهم ليه عليا حقوق وله عليا التزامات.
توقف عن الكلام عندما حضر النادل فأخبره طلب الطعام دون الرجوع لها مما أثار حفيظتها بالرغم من انتقاؤه لأنواع الطعام المحبب لها، وعاد يكمل حديثه فور ابتعاد النادل
احنا وقفنا فين؟ اه في الحقوق والواجبات وطبعا واجبي ناحية كل واحده منكم اني اصرف عليها واعاملها بما يرضي الله، والحمد لله عندي من المال اني اقدر اصرف على 10 بيوت مش 4 بس.
ظلت صامته تستمع له
لكن مش قادر اعدل بينهم في موضوع الايام عشان الوقت بقى هو اللي ضيق، عشان كده ساعات باجي على بيت من البيوت على حساب التاني.
ظلت صامته تستمع لحديثه الذي سيشكل حياتها بعد ثلاثة أيام فقط لا غير
الأول كنت بقضي في كل بيت يومين بس من ساعة اخوات ورد ما اتجوزو وبقت زيارتي تقيلة على قلب أم محمد فخفيت رجلي شويه زي ما انتي أكيد عارفه.
هزت رأسها تؤكد معرفتها فتابع
بالنسبة لمرتاتي الاتنين فعندك ناهد لا بتقول كاني ولا ماني، اروح ولا مروحش مش بتتكلم ولا تعترض، بس طبعا بعد ما جوزت البنتين وبقت عايشه لوحدها بقيت بحاول ازود زيارات لها عشان متحسش بالوحده.
اكمل حديثه والنادل يرص أطباق الطعام أمامها
ماهيتاب بقى قماصه شويتين وبيفرق معاها موضوع تقسيم الأيام ده جدا، فأنا كنت مخصص لها يومين وأحيانا 3 و 4 كمان، بس هي قلقانه بعد جوازنا ملتزمش بأيامها عشان كده أنا عايزك تعرفي إن ليكي يومين بس في الاسبوع بس طبعا ده هيكون بعد شهر العسل.
سحبت نفسا عميقا وانتظرته فهل انتهى من اخبارها بنمط حياتها أم لازال هناك مفاجآت قد تهدم عليها حياتها
وزي ما وعدتك انك لو عايزه امك تعيش معاكي فأنا مش همانع ابدا بس اليومين اللي هجيهم تروح بيتها عشان اعرف آخد راحتي في بيتي.
هزت رأسها تستمع له حتى بدأ بتناول الطعام وأشار لها لتشاركه الأكل ففعلت وشاركته الحديث أيضاً
يعني أفهم من كلامك إن الډخله كمان ٣ ايام بس؟
هز رأسه مرات متتالية فأضاقت
بس ده وقت مش كفايه ابدا عشان.
قاطعها رافعا حاجبه الأيسر
اي نواقص تتجاب بكره والحنه تتعمل بعد بكره، والډخله زي ما اتفقت معاكي هتكون من غير هيصه يعني تقدري ببساطه تعملي قاعده كده مع اهلك وصحابك وانا هاجي اخدك ونروحو على طول.
حاولت الرفض ولكنها قرأت بعينيه أن غضبه قادم وهي تعلم تماما أن عنق شقيقها أسفل س..لا..حه
ويوسف وورد؟
زفر بضيق وتكلم فورا والطعام لازال بداخل فمه
عملة اخوكي الاولانية عدت عشان انتي اللي شيلتي الليلة ووقفتيله، إنما عملته الأخيرة مش هتعدي بالساهل يا ملك عشان حكمها مش في ايدي لوحدي.
نهجت پخوف تستعطفه
أنت مش وعدتني انك مش ھتأذيه؟
أومأ مؤكدا
عشان وعدي ده هو لسه عايش، هو انتي فاكره إن الناس اللي شغال معاهم هتطبطب عليه عشان خاطري! ده انا لو رفضتلهم أمر ممكن اروح فيها.
ارتعشت فعاد يطمئنها
مټخافيش عليه، أنا اتوسطت له