من غير ميعاد امل مصطفى 2

أنتي بس هتاخدي بالك منها وأنا في الشغل ولما أرجع أنا اللي أقوم بكل طلبتها

بصي يا خالتي أنا ناوي أعمل مشروع صغير كده بالمبلغ اللي معايا من خارجه هادي والفلوس اللي المقاول عطهاني يوم الوفاه بس محتاج مساعدتك
لأن ماعدش ينفع غربه هسيب أهل هادي لمين وفي نفس الوقت محتاجين دخل ثابت عشان علاجهم

أنا معاك يا بني

كل اللي محتاجه منك تعملي ليا كام كيلو جبنه و سمنه و أدور علي الناس أتفق معاهم علي اللبن

أخده أوزعه في كام مكان كده و الحسنه اللي تطلع نصرف منها علي الكل أيه رأيك

بس تبيع فين وكلنا هنا ظروفنا وحده

ماتقلقيش أنا هبيع لمحلات بعيده عن هنا

بس عايز منك طلب كمان معلش عارف إن بتقل عليكي

بعد كتب الكتاب عايز نعيش مع أمي هدي و أبويا عبدالله أنتي عارفه أن من يوم موت الغالي أنا عايش معاهم و ماينفعش أبعد

هتفت بحيره طب وأهلك يابني

أنا مش سايب أهلي بس بيتنا ربنا يخلي موجود أبويا وأخواتي البنات و الولاد وهم مقدرين ماتقلقيش وبعدين أنا مش بعيد كلنا جنب بعض

المهم رأيك أيه

هتفت بموافقه هو في رأي بعد رأيك يابن الأصول اللي يضحي بحياته عشان يحافظ علي أمانه صاحبه يبقي أكيد هيصون أمانتي

ربنا يجبر بخاطرك و يكرمك من وسع ويجعل كل طريقك بركه وأرض خضرا

#البارت _ الثالث والعشرون

تمر ليالي طويله تأخذ منا الفرح والوجع
توهمنا بأن كل شيء مضي ومر بسلام لكن الحقيقه

إن داخلنا يأن و يتألم مهما طال الزمان ويعاني من

آلالم الفراق و الإشتياق علي شاطيء الحرمان

نبني حول قلوبنا أسوار عاليه من الأوهام مجرد

هفوه من ذكري الماضي تزورنا تتساقط تلك الاسوار وتنهار

هتفت صافي بفرحه كبيره من خلال شاشه الهاتف

ألف مبروك يا سلمي وحشتيني جدااا يا قلبي

سلمي بدموع وأنتي أكتر يا صافي كفايه بعاد لحد كده تعالي أنتي صحبتي الوحيده محتاجه وجودك معايا

ما أنا معاكي يا حبي بنتكلم كل يوم فيديو بنحكي لبعض اليوم كان أزاي
ثم نظره لشاهين وهي تغمز بعينها
يظهر أنك مش مسيطر يا وحش

لتسمع ضحكة شاهين كده يا سلمي تفرحي فيه أم لسان طويل وتقول مش عارف أملي فراغك

طب أعمل أيه هي ما صدقت يكون ليها أخت تعالي بقي

أردفت بتوتر ::
هو أنت مش بتشوف حد اليومين دول

توتر هشام وهو يهرب من مخزي سؤالها حوشتي قد أيه عندنا ضيف محتاج مصاريف كتيره ولأزم عمته تدفع