دق القلب بقلم سهام صادق ١

– أمل

فتأتي أمل علي صوته سريعاً .. ونظرت اليه بقلق

واتبعته وهو يتجه نحو مكتبه .. ليهتف بنبرة حازمه :

– انا مش قولت البنت ديه متدخلش البيت هنا خالص .. وحدودها المطبخ بس .. وكادت أن تتحدث أمل لنسيانها الأمر الا انه

– البنت ديه أكلها يروحلها في أوضتها مفهوم .. مش عايز ألمحها هنا تاني

فصعقت أمل من أمره وتمتمت :

– يافندم

وتمنت أن تخبره أن هي السبب .. ولكن نظراته البارده جعلتها تخشاه

فحركت رأسها بالأيجاب .. وذهب وهي تُفكر بتلك الأخري

وخرجت مطأطأة الرأس .. فيُحرك بيده علي ذقنه بغضب

ووجد نيرة تدخل اليه بملامح متعجبه

– مالك ياعمران .. ايه اللي حصل

…………………………………………………………

حدقت أمل بحياة التي تأكل الكعكه وتضحك مع كل من منيره ونعمه … ونعمه تضع لها بالمزيد فتأكل حياه حتي أصبحت لا تستطيع التنفس

ورفعت بوجهها نحو أمل المُرتبكه

– تسلم ايدك ياأمل طعمها طلع يجنن .. هقول لكوكو أنك تفوقتي عليها

وضحكت وهي تتخيل ملامح العجوز كرستين عندما تُخبرها بهذا

– ممكن تركب أول طياره علي مصر وتيجي تعملك أختبار قدرات

فتعالت ضحكات كل من منيره ونعمه .. وأبتسمت أمل وداخلها يتسأل

– ليه بيعاملها كده .. ده حتي البيه اللي جابها وصاه عليها

عمران بيه عمره ماعامل حد بالطريقه ديه .. ده ولا كأنه قلبه حجر

وتأملت ملامح حياه … فنهضت حياه من علي مقعدها وأتجهت اليها تُقبلها ثم وضعت بيدها علي بطنها

– مش قادره أتنفس .. ربنا يسامحك ياأموله

واخذت كوب الشاي الذي كان موضوع أمامها .. وبدأت ترتشفه وهي تُشاكسهم ..فقد طار النعاس وذهب وجع جسدها مع كل هذا الدفئ الذي أصبحت تشعر به بينهم

وبعد وقت ليس بالقليل ودعتهم بمرح كعادتها .. لتنظر منيره نحو الامل التي تقف مرتبكه منذ مده وكأنها تُريد أن تقول شئ

– مالك ياأمل .. هو البيه قالك حاجه ضيقتك

فتحمل أمل الأطباق المتسخه كي تنظفها

– عمران بيه أمر اننا نبعت لحياه الأكل في أوضتها

فعم الصمت المكان متعجبين من هذا الأمر

– وقال مش عايز ألمحها جوه الفيلا هنا تاني

………………………………………………………..

وقفت تتأمل الحديقه الواسعه بأستمتاع .. وشعرت بوجع في معدتها بسبب ماأكلته ..فأنحنت نحو بطنها تدُبدب عليها بيدها