دق القلب بقلم سهام صادق ٢

وسمعت صوت شقيقتها الضاحك

– في ايه يامها مانفس خلقة كل يوم .. اكتشفتي في نفسك حاجه جديده

فنظرت مها لها بصمت .. وأخذت تلف حجابها ..الي ان نهضت لمياء بعد أن شعرت بقسوة كلماتها .. وأقتربت منها تربت علي كتفيها

– لو تسبيلي نفسك بس وتسمعي كلامي

وغمزت لها بعينيها وتابعت

– هخليكي ايه قمر

فتنهدت مها بأختناق .. فيوم ان قررت أن تنصت لكلامها سمعت لأول مره كلاما لم تسمعه من قبل وندمت اشد الندم

– انا عجبني شكلي كده .. ولا عايزه ابقي قمر ولا شمس

فضحكت لمياء وهي تضر…….ب بكفيها ونطقت دون أن تدرك اثر كلماتها علي شقيقتها

– يبقي مش هتتجوزي ولا حد هيبصلك

وانصرفت لمياء دون أن تنظر لوجه شقيقتها الذي كساه الحزن

………………………………………………………….

شهقت منار بسعاده وهي تستمع بما أخبرتها به حياه واحتضنتها قائله

– وانا اقول السوسه حياه مبقتش ليه مهتميه بشغلها الأيام ديه .. اه ياستي ماانتي لقيتي شغلانه تانيه وهتشتغلي بشهادتك

فأبتسمت حياه علي مزاحها ..وهتف رامي بود

– مبروك ياحياه انتي تستاهلي كل خير

وعدلت منار من هندامها ..

– وانا كمان عندي ليكم خبر هيفرحكم

– أنا هتخطب وهستقيل من الشغل

فحدقت حياه بوجه رامي الذي تغيرواصبح شاحباً .. ونظرت الي منار التي تبتسم لها وتنتظر منها مباركتها

– مبروك يامنار

ثم أحتضنتها وعيناها مازالت معلقه علي رامي .. الذي وقف كالتائه يُطالعهما بصمت وحركت رأسها له وكأنها تُريد ان تخبرهُ

ان الحياه لا تقف .. وستستمر اذا رضينا او لم نرتضي

وتمتم رامي بشحوب : مبرووك يامنار

فطالعته منار بسعاده

– الله يبارك فيك يارامي ..عقبالك

وعندما جاء احد الموظفين يطلب شئ .. ذهبت اليه منار لتعد له طلبه .. فرفع رامي عيناه نحو حياه

– متقلقيش انا كويس .. مش اول صدمه أخدها من الدنيا

فأقتربت منه حياه وهي تشعر بالأسي نحوه

– بكره هتلاقي تعويض علي كل وجعك .

وعادت اليهم منار وطالعتهم متسائله

– مالكم ساكتين ووقفين كده ليه .. مش هتحتفلوا بيا

………………………………………………………….

نظرت فرح الي عقد الأرض بسعاده وهي تُتمتم بشكر

– مش عارفه اشكرك أزاي ياأستاد أدهم

فأبتسم أدهم وهو يري سعادتها وتمتم بهمس لم تسمعه :

– المفروض انا اللي اشكرك يافرح