دق القلب بقلم سهام صادق ٢
فشرحت له ظروفهم .. فقبض علي يده بقوه وحياه تقف بصمت تُكمل عملها دون أن تتحدث
وتمتم بغضب : لو محتاجه حد يساعدك في المطبخ قوليلي ..
وفهمت منيره مايقصده
– والله ياعمران يابني حياه أصرت تساعدني … واوعدك مش هيتكر ر تاني
وعندما شعرت حياه ان الحديث بدء يدور حولها وان عمران يصب غضبه علي منيره .. ألتفت اليه
– انا اللي طلبت اساعد .. ومفيهاش حاجه لما أساعد
وطالعته بنظره غاضبه لحديثه الغليظ مع منيره .. لينظر لها عمران بقوه وينصرف
وكادت منيره أن تتحدث .. فقبلتها بحب
– يلا بقي نخلص اللي ورانا بسرعه عشان نتفرج علي المسلسل بتاعنا
فضحكت منيره بعد أن كانت تشعر بالضيق .
…………………………………………………………
خرجت حياه نحو الحديقه كي تستمتع بجمال الظلام والهواء
فغداً عطلتها ولا مانع من ان تسهر الي أن يأتي موعد السحور
وسارت بخطوات بطيئه تستنشق الهواء .. وتنظر حولها مُتذكره تلك الأريكه المنعزله التي اكتشفت وجودها بالمصادفه في الجهه الخلفيه من المنزل
وخطت بخطواتها نحوها … وانصدمت وهي تري عمران جالس عليها يضع ساق فوق ساق ويُدخن بشرود
وعندما رفع وجهه وجدها تقف علي مقربه منه
فتمتم بهدوء : تعالي ياحياه
فأقتربت منه : مكنتش اعرف ان في حد هنا
وألتفت بجسدها : هرجع اوضتي
فجذبها من يدها .. واجلسها زافراً أنفاسه بحنق
ثم سحق سيجارته بحذائه بعد ان عدل من وضع جلوسه
– اقعدي مش هاكلك انا ، متخافيش
فطالعته بحنق : ومين قالك اني خايفه
فضحك عمران : تعرفي ان بقي ليكي صوت وبتعرفي تردي كويس
فأشاحت وجهها بعيداً عنه وصدمته من ردها
– انا ليا صوت ديما وبعرف أرد كويس بس للأسف مينفعش الضيف يقول غير حاضر ونعم ويسكت من غير مايعترض
فحدق بها بندم : انتي فهمتي ردي غلط ياحياه .. ده مجرد هزار
فضحكت بتهكم وهي تُطالعه
– عمران بيه بيهزر مش معقول
فشعر عمران بتهكمها .. وابتسم وهو يُطالعها
– ومهزرش ليه
فحركت رأسها وهي تُطالعه بتفكير
– يمكن بالنسبالك الهزار مضر بالصحه
ولم يجد نفسه الا ينفجر ضاحكاً.. فتعجبت ثم ابتسمت وهي تُحدق به وأنبعثت رائحته داخل أنفها
وتنهد بصوت مسموع لتفيق هي من رائحة عطره
– لاء بهزر عادي ياحياه
ثم أشار بأصبعه بتحذير وبدعابه نفس الوقت
– بس بحدود وف أوقات محدده
فبسطت يدها ورفعت أصبعها من يدها الأخري وكأنه قلم ستكتب به
