دق القلب بقلم سهام صادق ٣
– لو كل واحد فارق انسان غالي عليه ووقف حياته ..الحياه عمرها ماهتمشي … في ناس حياتها بتقف وفي ناس بتقدر تكمل حياتها من تاني ولا ده وفيّ ولا التاني خاين للذكري بس كل واحد فيهم اختار الطريق اللي هيكمله … الذكري الحلوه والحب الحقيقي عمره مابيتنسي ومش معني الانسان قدر يكمل حياته فهو خان العشره .. الحياه عباره عن رحله والرحله لازم تكمل
وتابعت وهي تتسأل
– ابنها اسمه مازن
فحرك رأسه بعدما هدأ قليلا ..
– متوقعش في يوم هتنساه .. هتفضل فكراه في أبنها
واصبح صوت أنفاسه هو من يملئ المكان الي ان هتفت
– أعملك قهوه
فألتف نحوها وهو يبتسم
– أعملي ياحياه
وركضت وهي تُتمتم بتحذير
– أوعي تنام
فأتسعت أبتسامته .. وكل يوم يسقط في بحور عشقها رغماً عنه
………………………………………………………….
الكل يُصفق وصوت الغناء يصدح في ارجاء المكان .. والمُباركات هنا وهناك .. وهي تجلس تلعب بهاتفها تُلهي نفسها عن الأعين التي تُطالعها
وأبتسمت ساخره وهي تتذكر عدد المرات التي سمعت فيها تلك الجمله التي تمقتها
” عقبال مانفرح بيكي يامها ياحببتي” ثم تتبعها زغروطه طويله تصم أذنيها
ونظرت الي والدتها وخالتها التي تجلس جانبها .. ولمياء شقيقتها والتي تقف بجانب العروس ترقص معها
وسمعت صوت خالتها وهي تلوي فمها بأمتعاض
– ياحببتي قومي كده فرفشي وهيصي مع البنات .. ماانتي لو فضلتي كده مش هتتجوزي فكيها شويه
ووكظة شقيقتها
– ما تخلي بنتك تدردح ياصفيه
فأمتعضت صفيه من حديث شقيقتها .. ونظرت لمها التي أشاحت بوجهها بعيدا عنهم
– اطلعي شمي شويه هوا ياحببتي بره القاعه … انا عارفه انك بتتخنقي من الجو ده
ثم نظرت لأختها بضيق
– ماتحسبي علي كلامك ياروحيه ..
لتتأفف الاخري
– خليها قاعده جنبك كده ..
فأبتسمت صفيه : بكره بنتي ربنا هيكرمها ماهو ياحببتي مش بالرقص والهيافه .. ماياما رقصوا وحطوا الاحمر والأخضر وفي النهايه ايه أتجوزوا اه بس قوليلي أتجوزوا الراجل الصح اللي يصونهم ويحميهم
وعندما وجدت ملامح شقيقتها قد تغيرت .. لانها ذكرتها بأبنتها التي تطلقت بعد عامان من زواجها
وتنهدت بضيق فالكلام الجارح ليس من طباعها
– كل واحد وليه نصيبه .. ووقت ما ربك بيأذن بتتعجبي من تدبيره
………………………………………………………….
